شەفەق نیوز/ شمارەی کوشیایل فەلەستینی لەو گورز ئیسرائیلیە، ئمڕوو یەکشەممە، رەسیە ٣٢ کەس، ٦ مناڵیش هاناویان، لە وەختیگ ئیسرائیل باس کوشتن سەرکردەیلیگ سەربازی لە بزووتنەوەی جیهاد ئیسلامی راگەیان.
ئامار نوویگ لە وەزارەت تەندروسی لە غەزە وت: ٣٢ کەس، ٦ مناڵ هاناویان، لە رووژ جمعە تا ئیسە کوشیانە، لەو گورزەیل ئیسرائیلیە لەبان غەزە، و ٢١٥ کەسیش زەخمدار بوینە.
باوجی دەسەڵاتەیل ئیسرائیل گومان لەی ئامارە کەن، و دووپات کەن ک مناڵە فەلەستینیەیل ئیوارە شەممە لە جبالیا کوشیانە، ئەوەیش وە مووشەکیگ لەلایەن بزوتنەوەی جیهاد ئیسلامی وەرەو ئیسرائیل وەشیایە، ونەڕەسیەسە ئامانج خوەی.
نویسینگەی یائیر لابید سەرۆک وەزیرەیل ئیسرائیل لە بەیاننامیگ وت: هیزەیل ئەمنی ئیسرائیل لەی ساعەتەیل دویاییە پەلامار جباليا نەیانە.