شەفەق نیوز/ ئەکادیمای ئەمریکی ئەرا پزشکی مناڵ خەوەردا ک زیاتر لە ٩٧٠٠٠ مناڵ ئەمریکی تووش کۆڕۆنا هاتنە لەماوەی ناونی ١٦ تەمووز تا ٣٠ تەمووز.
ئەکادیمیاگە هەمیش وت؛ لەناونی نزیکەی پەنج مەلیۆن تووشهاتن لە ئەمریکا، زیاتر لە ٣٣٨٠٠٠ لەلیان مناڵن.
لە تەمووز خەوردریا لە مردن زیاتر لە ٢٥ مناڵ لەوەر کۆڕۆنا.
دکتۆر تینا هارتێرت لە زانکۆی فاندربیلت وت: ئومید دیرێد مناڵەیلیگ زیاتر پەسەن بکەن ئەرا مینەی زانیاری زیاتر لە ڤایڕۆسەگە، ک هاووکاربوود لە زانستن رادەی گواستنەوەی ڤایرۆسەگە لە ری مناڵەو.
وەرپرسەیل مەکتەوەگان لە زیاتر لە ١٣٠٠ ناوچەی خوەنەواری ئەکدار کریان لە هاوردنەوەی مناڵەیل ئەرا کلاسەیل خوەنستن لە ساڵ نوو، دویای بەسانن مەکتەوەگان لە ئادار، لە مەوقەی یەکەم شەپۆل ڤاێرۆسەگە.