وەگورەی رووژنامەی "فۆنتانکا"ی رووسی، هیزە ئەمنییەیل رووسیا ئەو باڵەخانەیلە ک وە پریگۆژین پەیوەندی دیرن لە نزیک پیەڵ بلاگۆڤێشێنسکی لە شار پترسبۆرگ ناخڵە دانە.

 وەرجەیە، دەزگای ئاسایش فیدراڵی رووسیا دۆسیەیگ تاوانکاری لەبان پریگۆژین واز کرد، وە توونەت "داوای یاخیبوین لە دەسەڵات"، لە وەختیگ ریکارەیل ئەمنی لە مۆسکۆ و بڕیگ ناوچەی باشوور وڵات جیوەجی کرد.

 لەلاییگتر، فەرماندەی گرووپ "ڤاگنەر" رووسیا، یەڤگنی پریگۆژین، شەوەکی ئمڕوو شەممە، ئاشکرا کرد کە چینەسە ناو بارەگای سوپای رووسیا لە شار ڕۆستۆڤ، کە ناوەندیگ سەرەکی پەلامار رووسیا وەبان ئۆکرانیاس و کۆنترۆڵ شوینە سەربازییەیل گردە دەس، لەناویان فڕۆکەخانەیگە.

 ساعەت ٧:٣٠  شەوەکی (٤:٣٠ وە وەخت ناوەندی ئەمریکا)"، پریگۆژین لە پارچە ڤیدیۆییگ کە لە تەلەگرام بڵاوی کرد، وت: بنکە سەربازییەیل ڕۆستۆڤ هانە ژیر کۆنترۆڵ، لەناویان فڕۆکەخانەگە"، لە وەختیگ پیاوەیل وە دەنگ سەربازییەوە لە پشتیەو ری کەن.