شەفەق نیوز/ میدیایل راگەیانن، ئمڕوو چوارشەممە، خەوەردان لە دوارەوبوین تەقەکردن ناوبەین هیزەیل ئازەربایجان و ئەرمینیا.
ئاژانس رۆیتەرز وت: دەیان لە کوشیان و زەخمداری لەنووەوبوین تەقەکردن ناوبەین هیزەیل ئازەربایجان و ئەرمینیا کەفتن، لە تونترین رویوەرویبوین لە ٢٠٢٠ تا ئیسە.
دویەکە سێشەممە، ئەرمینیا و ئازەربایجان خەوەردان لە تەقەکردن سنووری فراوانیگ بویە هووکار کوشیان هیزەیلیگ ئازەری.
راپۆرتەیلیگ لە تەقەکردن وە درویژی سنوور هاوبەشیان هەس، ک هەرلە کۆتایی جەنگیان لە ٢٠٢٠ ناوبەین بریڤان و باکو لەبان ناوچەی ناگورنۆ قەرەباغ ئەو جەنگە وەردەوامە.
جەنگ ٢٠٢٠ بویە هووکار کوشیان نزیکەی ٦٥٠٠ کەس، ورەسینە رێککەفتن هوچانیگ وە دەسوەردان رووسیا، باوجی هیمان وەردەوەردە ناوبەین ئەرمینیا و ئازەربایجان وەردەوامە.