شەفەق نیوز/ پۆلیس ویلایەت کالیفۆرنیای لە ئەمریکا، ئمڕوو سێشەممە، راگەیان پیاویگ لەناو کەنیسە لە شار ساکرامنتۆ تەقە کردیە، چوار کەس کوشتیە ، ک سیانیان مناڵن ، دۊاجار خوەی کوشتیە.  

رود گراسمان  قسەکەر پۆلیس بەش ساکرامینتۆ، لە کۆنگرەیگ رووژنامەوانی وت، " لە ساعات 17:07 دۊای نیمەرو رووژ (دوشەممە وە وەخت کالیفۆرنیا) پەیوەندییگ لە باوەت تەقەکردن لەناو کەنیسە رەسیە پیان.  وتیش، " ئاشکەراکردن پیاویگ، ک باوگە  سێ مناڵ خوەی وەگولە کوشتیە ک تەمەنیان هالە خوار ۱٥ ساڵان، کەس پەنجەمیش کوشتیە، نەتۊنستنە دیاری بکەن ک پەنجەم کوشیای پەیوەندی دیرێد وەگەرد قوربانیەیلتر یا نە". 

دیاریکرد دۊای ئەوەگ ئی کۆمەڵ کوشیە کردیە کوتایی وەژیان خوەییش هاودیە وە گولە.  گراسمان کۆمەڵکوشیەگە گلەو دەێد ئەرا گێچەڵ خێزانی. 

وە گورەی رۆیترز، رۊداوەگە لە کەنیسەی بۊچگیگ لە ناوچەی " ئاردن ئۆرکید" رۊدایە لە دەوروگەرد شار ساکرامینتۆ.