شەفەق نیوز/ وەگەرد گلەوخواردن گەشتیارەیل ئەرا دوورگەیل رودس یۆنان، بەشیگ لە مەردم هوچانیان لە کناراوەیل چووڵ ناوەین ئەو دارەیلە گوزەران کەن کە بوینەسە زوخاڵ و لەناو ئەو زەویەیل سزایایە.
ئەو ئاگرەیلە ک لەوەر شەپوول گەرمیە سەختەگە هیز گردن کە وڵاتەگە گردەوەر، هیشت دانیشتگەیل و گەشتیارەیل دوورگەگە لە کۆتایی هەفتەی گوزەشتە بان بگرنە وەر، وەگەرد یەک هەفتە لە ئاگر دارستانەیل.
دویەکە جمعە، پلەی گەرمی کەمیگ داوەزیا، و وا نەرمەگە دەسمیەتی تیمەیل ئاگرپەوکردن دا تا ئەو ئاگرەیلە کپەو بکەن، وەلی کەلەمەگە هەر رەسیە ئەو شوینەیلە.
ناوچەیگ سروشتی لەو ناوە زەرەد وەپی رەسێد، و ئەو دوورگەی چووڵە، پەیمان پاڵپشتیکردن دەوڵەت وەپی دریا، کە ئاگر لە گشت ناوچەیل یۆنان هیز گرد، و رەسیە دەیشت ئەسینای پایتەخت و رودس، ک لە ئەنجام سێ شەپوول گەرمی لەبانیەک بڵویزە کردن.
پەنج کەس لەو ئاگرەیلە گیانیان لەدەس دان، دوو فڕۆکەوان لە تیمەیل ئاگرکپەوکردن لەناویان بوی، و پلەی گەرمی رەسیە ٤٠ پلەی سەدی.