شەفەق نیوز/ ئامار قوربانیەیل لەوەر نەقینەوەیل ئەمار چەک و تەقەمەنی وە شۆرتیگ کارەبایی لە بنکەی پولیس دژە تیرۆر پاکستان، رەسیە ١٢ کوشیاگ و ٥٠ زەخمدار.
خالد سهێل وەرپرس لە پولیس دژە تیرۆر وت: ئەو نەقینەوەیلە لەناو بنکەی پولیس شار کابال لە دووڵ سوات، بیناگە وەتەواوی خاپوور کرد.
لەلای خوەییش؛ فەرماندەی پولیس سوات شەفیعولڵا غندپور وت: ئەو تەقیانە وە شۆرت کارەبا لە ئەماریگ ژیر زەوی بویە، ک بومب و تەقەمەنی لەناوی بویە، وتیش: نشانەیگ ئەرا پەلاماریگ یا خوەیکوشەیل نییە.