شەفەق نیوز/ لە ئەنجام تەقیان بومبیگ، ئمڕوو یەکشەممە، کە کۆنفرانسیگ پاکستانی کردە ئامانج، لەلای کەمەو ٤٠ کەس کوشیا و دەیان کەسیش زەخمدار بوین.
تەلەفزیۆن "جیۆ" لە پاکستان راگەیان: تەقینەوەگە کۆنفرانسیگ سیاسی حزبیگ ئایینی لە ناوچەی باجاور لە پاکستان کردیەسە ئامانج.
ئەختار حەیات گەنداپور، وەشکینەر گشتی پولیس لە ویلایەت خەیبەر پەختونخوا کە هاوسنوورە وەگەرد ئەفغانستان، ئەرا ئاژانس فرانس پرێس وت: بڕیاربوی وەرپرسیگ باڵای پارتەگە وتاریگ پیشکەش بکەێد، بەڵام وەرجە رەسینی بومبیگ تەقیەو.
خود سەرچەوە وتیش؛ "ته قینەوەگە حزب (کۆمەڵەی زانایل ئیسلام) کرده ئامانج، که وەرجە ئەو هەڵوژاردنە که له کۆتایی ئمساڵ ئه نجام دریەێد، گردەوبوینیگ له شار (خار) سازێد".