شەفەق نیوز/ پۆلیس گانا، بازەیگەرگ وەرین  تووپان و بویشەر وەرزشی ئیسە ڕیچارد جیامفی  دەسگیر کرد، دویای پەیاکردن پارچە و سەرەیل ئایمەیلیگ لەناو ژوور بەسیاییگ لەناو ماڵەگەی، وەگورەی بڵاوکردن رووژنامەی دەیلی ستار بەریتانی.

رووداوەیلە لە توومەتبارکردن بازیگەرە وەرینەگە لەلایەن کابرایگ وەناو تۆمای ئەجیی دەس وەپی کرد، ک ئەو بازیگەرە دەسی هاناو بیسەروشوینی لویس ١٤ ساڵان کوڕی، ک وەناکاوەو شوینی بڕیا، دویای ئەوە ک وەرەو راهێنان چگ، باوجی  جیامفی بازیگەر وت گوایە قەت چەوی لەو کوڕە نەکفتگە.

وەلێ باوگەگە باوەڕ داشت ک جیامفی کوڕەگەی خەڵەتانیە و بردیەسەی باخچەیگ وەسنگ ڕاهێنان لەبان تووپان، ئەوەیش دویای ئەوە ک برادەرەیل کوڕەگەی وەپی وتن ک وەرجە گومابوین لویس، وەگەرد جیامفی دینەسەی هەنای وەرەو کاڵ خوەی بردیەسەی.

وەگورەی رووژنامەگە، باوگ لویس بڕیار دا بچوودە ناو ماڵ بازیگەرەگە، و وەدەسمیەتی بڕێ لە خەڵک شار سنینانی چگنە ناو ماڵەگەی.

باوگەگە، ژووریگ بەسیاگ لەناو ماڵ جیامفی پەیا کرد، و یەخچاڵیگ قڕ لە سەر و پاچگ ئایم  هاناوی، تا سەر کوڕەگەی لەناو یەخچاڵەگە پەیا کرد، و لەشەگەی فڕە دریاسە زەوی.

وەگورەی بەیاننامەی پۆلیس گانا، ٣ سەر لەناو یەخچاڵەگە بویە، ک سەر لویس ناخاڵەیش وەگەردیانە، و ئەو پارچە لەشەیلە بڕ فرەیگ بوینە ک ئاسان نییە یزاتێد هن چەن کەسە.

حس باسە ک توومەتبارەگە کەفتە وەر دەسوەشانن فرەیگ لەلایەن خەڵکەگە، تا ئەوەنە دریا دەس پۆلیس.