شەفەق نیوز/ حکومەت وڵات چین، ئمڕوو پەنجشەممە، فەرمان وسیان کار لە دەیشت خانیەیل دا، دویای مەزەنەی بەرزەوبوین پلەی گەرمی تاوسان لە پایتەخت چین ئەرا ٤٠ پلەی سیلیزی.
فەرمان ئەرا وەڕیەوبەرایەتیەیل حکومەتی دەرچگ ک بایەسە پیر و بیمارەیل لە شوین هوونک بمینن، دویای ئەوە ک ئەو شارە ک شمارەی دانیشتگەیلی رەسێدە ٢٢ مەلیۆن کەس هوشداری سوور دەرکرد، ک بەرزترین ئاست هوشداریە لەوەر بەرزترین پلەی گەرمی.
حکومەت چین، رووژ دووشەممەی گوزەشتە وت: پەکین ١٠ رووژ لە گەرمی بان ٣٥ پلەی سیلیزی توومار کرد، ک درویژترین زنجیرەس لەیجویرە لە ساڵ ١٩٦١ تا ئیسە.