شه‌فه‌ق نيوز/ حه‌سه‌ن رۆحانى سه‌رۆك كۆمار ئيران، له ديدارى وه‌ل ئيمانۆيل ماكرۆن هاوتا فره‌نسيه‌گه‌ێ، ره‌خنه له به‌ياننامه‌يگ هاوبه‌ش بريتانيا و ئه‌ڵمانيا و فره‌نسا گرت ك پشتگيريه ئه‌را واشنتۆن له خستن وه‌رپرسيارێتى په‌لاماره‌گه‌ى ئارامكۆى سعودى وه‌بان ته‌هران.
رۆحانى باس له‌وه كرد ئه‌و تومه‌ته‌يله ك له‌و به‌ياننامه‌ى هاوبه‌شه هاتگه هويچ بنه‌مايگ له ڕاسى نه‌يرێد و جه‌خت له‌وه‌يش كرد و وت: بايه‌سه ئه‌و ده‌وڵه‌ته‌يله ك مه‌ندنه‌سه‌و له ريككه‌فتنه ئه‌تۆميه‌گه له‌وانه‌يش فره‌نسا مقه‌يه‌تى له‌و ريككه‌فتنه بكه‌ن دوياى خوه‌يكيشانه‌وه‌ى ئه‌مريكا له‌لێ.
جى باسه، يه‌يش له‌وه‌ختيگه سه‌رۆكايه‌تى ئيرانى دوياى ئه‌و ديداره ئاماژه وه ئه‌وه كرد ماكۆرن جه‌خت له خواست هاريكارى وه‌ل ئيران كردگه جوور ده‌وڵه‌تيگ كاريگه‌ر له ناوچه‌گه‌و پته‌وكردن په‌يوه‌نديه‌يل ناونى ته‌هران و پاريس.