شه‌فه‌ق نيوز/ وه‌زاره‌ت ته‌ندروستى ئيرانى، ئه‌وه خسته دروو ك ئه‌و ڤايرۆسه له فبرايه‌ر گوزه‌يشته‌و روێ له پاريزگاى قوم كردگه جياواز بدێ له‌و ڤايرۆسه ك لهشار وۆهان چينى بڵاوه‌و بوێ.
له‌ى باوه‌ته‌و، كيانووش جه‌هانپور، قسه‌كه‌ر وه‌ناو وه‌زاره‌ته‌گه له باسيگ ئه‌را ئاژانس "ئيمنا"ى ئيرانى وت: ئه‌وه‌گ شه‌هروز يه‌زگه‌ر په‌رله‌مانتار ئيرانى له زووان سه‌عيد نمه‌كى وه‌زير ته‌ندروستى باس كريا له‌وه‌خت دانيشتن ئه‌ندامه‌يل په‌رله‌مان دويره له‌ڕاسى و نمه‌كى باس له‌وه نه‌كردگه ئه‌و ڤايرۆسه له قوم بويه جيوازه له ڤايرۆسه‌گه‌ى وۆهان چينى.
جى باسه، جه‌هانپور هه‌ميش وت: وه‌زيرى ته‌ندروستى هه‌ر له يه‌كه‌م رووژ ده‌ركه‌فتن ڤايرۆسه‌گه له شار قوم جه‌خت له‌وه كردگه ئى ڤايرۆسه هويچ جياوازييگ نه‌يرێد له‌و ڤايرۆسه له شار وۆهان چينى بڵاوه‌و بوێ.