زانیارییگ لە سەرەتای "دروو نيسان" لە جەهان نییە، وەلێ بەشیگ لە تۆێژینەرەیل نووڕن ک "دروو نيسان" بویەسە رسوومیگ ئەوروپایی ئەرا وتن دروو و چاو و شافەیل، چوینکە وەرز وەهار لە نیسان دەسوەپی کەێد، و لە وەهار مەردم خوەشیان لە هەنەکی و گەمە و گاڵتە تیەێد، تا دی بویە رووژ هەنەکی وەگەرد برادەر و کەسوکارەیل ک لەو رووژە بویە چشت باویگ، ئیجا رەسیە وڵاتەیل عەرەوی و ئاسیایی و دوو ئەمریکا، و دروو لەی رووژە لەلایان بویە چشتیگ ئاسایی، بیجگە گەل ئیسپانیا چوینکە لەلایان رووژیگ پیرووزە، و گەل ئەڵمانیا چوینکە کەفێدە رووژ لەداڵگبوین ریبەر ئەڵمانی (بسمارك).

یەکەمین دروو لە جەهان

بەشیگ لە میژووزانەیل مەزەنە کەن ک رووژ دروو نیسان چوودەو ئەرا ساڵ ١٥٨٢، هەنای فەرەنسا لە رووزنامەی یولیانی کەفتە بان رووزنامەی گویگری، ئەوەیش هەنای لە ساڵ ١٥٦٣ ئەنجومەن ترینت بانگواز ئەرای کرد، وەگورەی رووزنامەی هیندۆسی، ساڵ نوو وەگەرد گونجیان کەشوهەوای وەهار لە ١ نیسان دەسوەپی کەێد.

 ئەو کەسەیلە ک ئاگایان لەوە نەویە، و نەزانستنە ک سەرساڵ نوو کەفتە یەک نیسان، و هەر لە کۆتایی دویاترین هەفتە لە مانگ ئادار تا ١ نیسان ئاهەنگ وەپی کردیان، ئەوانە بوینە جی هەنەکی و خەڵەتیان، و ناو "ئەپریل" بڕینە باڵایان.

لەو خەڵەتیانە، ماسییگ کاغەزین نیانە بان پشتیان، ک ناوی (ماسی نیسان) بوی، ک وتیان ئەوە هیمای ماسییگ گەنجە، وە ئاسانی راو کریەێد، واتە ئی کابرا کەسیگ گەمژەس، یەیش وەگورەی قسەی سایت history.