شەفەق نیوز/ لەناوچەیگ گەشتیاری مەكسیک بەلەمیگ سەردەم شارستانیەت مایا پەیاکریا ك تەمەنی سەدان ساڵە.    

وەرپرسەێل  ناوچەی گەشتوگوزاری كانكۆن لە مەكسیک ئاشكەرایاكردن، لە مەوقە گەردین و سەردانکردن شمارەیگ كارمەن گەشتوگوزاری وەئەو ناوچەیە لەناکاو بەلەمیگ کۊەنە پەیاکەن، دۊیای ئاگاداركردن ناوەن پەیوەنیدارەیل و دەسكردن وە لێكۆڵینەوە شۊنەوارەیل، دەرچگە ئەو بەلەمە مێژووی دروسکردنی چوودەو ئەرا سەردەم شارستانیەت مایا ك وەرجە  (1000) ساڵ لەو ناوچەیە حوكمڕان بۊینە.    

ئەوانەگ ئەرا یەكەم جار بەلەمەگە پەیاکردنە باس لەوە كەن ك بەلەمەگە ساغەو هۊیچ وەپینەهاتییە  وەوجۊرەیش لە ناو چاڵ ئاویگ لە نیمچە دورگەی یۆكاتان مەكسیك بۊیە، ئێ ناوچە نزیكە لە شار (چیچن) ك رووزگاریگ شار سەرەكیگ شانشین مایا بۊیە  وە پەرستگا پڕ لە نەخش و نیگارو هەرەمە سەركەشەێل ناسریاگ بۊیە.    

شۊنەوارناسەیل لەباوەت بەلەمە کۊەنەگە ئاشکەراکردنە، درۊژی بەلەمەگە (1.6) مەترەو پانییەگەی (80) سەنتیمەترە، لەوانەیە ئەرا بردن ئاو لە دەریاچەگە یان ئەرا نمایش ئاو وەکارهاتییە.