کوانێ  قەسەم  وه  کـوردەماڵ

وه  بوو خوەش شنەێ  شەماڵ 

وه سەروەن و  وه هـیوردە خـاڵ

وه نـازاران  دیـدە کاڵ                         

بـۊش  چاره  نـۊسم  هـالـه کوو ؟

کــوانـێ   قــەسم   وه  ئـــاگـرد

وه  تـرۊسکەێ  مـۊشکەێ  گـڕد

مــیلکـانـێ  ڕمــیاێ  بــێ  کـوڕد

وه خـوەڵـەکوو  سـەردوو ســڕد

بـۊش  چاره  نۊسم  هـالـه  کوو ؟

کـوانــێ  قـەسـم  وه  چــارەگــەد

وه  شــەوق  شـــەو ، نــازارگـــەد

هــورەوو ، ئــەهـوراوو ، ڕازەگــەد

وه  گــەرمـــیــێ  وەرتــــاوەگـــەد

بــۊش  چـــاره  نــۊسم  هـا له کـوو

کـــوانــێ  قــەسـەم  وە  پــیــرەدار

وە  کــــەڵـــهـوڕو  وە  ســەر ســوار

وە  ئـــاو  کــونـەێ فـەسڵ  وەهـــار

وە  ســــەرکــەشـو  وە  کـــوردە وار

بـۊش  چـارە  نــیوسـم  ها لـە  کوو؟

هەڵبەست :  "" پــاتــووره ""