چشتێ له سینگم ژان که‌یگ
یانێ هێمان لێوه‌دم
یانێ هێمان خیاوان وه خیاوان خڕ خوه‌م و
منه‌ی ده‌سه‌یلێ که‌م ک دۊرن
دۊر
ئه‌مان له هۊره‌و نیه‌چن
چۊ شه‌وبوو
چۊ گوڵ‌سوو
هایده کوو؟
ئه‌ی ڕووژنای په‌تی
هایده کوو ئه‌ی تام یه‌کم سیگار دزیه‌تی
ئه‌ی دۊا که‌له‌مه
دۊا باس
دۊا هناس په‌ڵنگێ ک له مانشت کوشیا/کوشیاس
م شه‌رمه‌زار هۊر تنم ته‌نیا
چۊ سه‌رده‌وا
ک شه‌رمه‌زار گوڵه‌یل سزیاگ خوه‌یه
گوڵه‌سووره!
بنووڕه وه‌هار
پسا تێده‌و
ئه‌مان ژیان م گه‌رمه‌و نیه‌و
چۊ کاسبی له ناو ئیلام
یان تمام چشته‌یلێ ک بایه بۊاتان و نین
نین
نین…
«نین» ناو وڵاتێگه
که ئیمه له تێ هاتیمه دی
"موحەمەد مورادی نساری"