کوشیاگە و لاشەی کەفتیەسە لای ئەو  

داوا کەم لە تەو شەویگ تۊشی بام

وەسنگ وڕینەیگ بۊشم دووسد توام

وڕینەیگ بۊشم ویرەداری بوو

جۊر ماچ دۊتیگ یەکەم جاری بوو

نە پای زەۊ گرێد لەوەرچەو مەردم

نەیش چوودە ئاسمان تا قورتاری بوو

وڕینەیگ بکەم پەڕ لەناو سەرنیام

بیلم باێدە زوان بزانێد تەنیام

 لەو رووژەو لەئاسمان بڕیانەسەو

لە ژیر سەر مە پرسەیگ نانەسەو

 دڵم لەو رووژەگ لەیلا نیە لام

هەر جۊر یەتیمەیل سەر نەێد وەبی شام

کلگەیلم لەوەر دەر کوتان کەوە

ئەگەر هاتە دەر گشت لاییگم چەوە 

هەر دە نۊخانم کردمە گاوەسن 

دەمچەو خوەم کاڵیم تا ئورەگ رەسن

بژانگەیل وسیان وە دیار بووسان

هەکاتی داوڵ گشتیان  بی کەسن.

کەنعان موراد/خانەقین