وە‌تن نـــە‌وسد بۆە‌س! میوە گرانە
وە‌پید وادە‌ێ بهەیشتو میوە دانە
خە‌وە‌ر دێرم گە‌نم داشتو دزینە‌ێ
دە‌رانە‌ێ خۆاردنم، لێوا بە‌ســانە
ایران علیکرمی
دروو دایدن وەتی چەن ڕووژ°تر تیەم!
هه بیلن داڕزم وەێ زامە دی هەم...
دەمم کەم وا بکه، کەم دی دەنڰم بار!
م° هاڵم ناخۆەشه، چۊ ت° دروو نیەم!
فرزانه حاتم نژادیان
مانڰە شەو هڵات وە بێستۊنەو
لە لیم کەفتەو دەر لێود وە خۊنەو
سەر تا پاێ جەسەم ئەڵەم° خۊن بۊ
یه گێشتێ تاوان° شەو بێستۊن بۊ
سعید عبادتیان بانان
م° هەرشەو
له کەوکەوی ئاسمان° دڵ° سافد
هسارەێ هۊرم وە کزەو
حمید رضا رحیمیان
چەنێ دەس وە سەرم کەێدن، چەوەیلد؟!
له مــاڵ° خۆەم دەرم کەێدن، چــــەوەیلد!
وە باخ° لێو ئەگەر گۆڵ کاریم کەی؟!
دوواره پەڕپەڕم کەێدن، چــەوەیلد!!!
جلیل نیک نژاد