شەفەق نیوز/ نویسەر و شاعر کورد ناسریای وە عەبدولکەریم شێخانی، شەفەق ئمڕوو شەممە، لە تەمەن ٩٠ ساڵی دویای ململانەی وەگەرد ببماریەگە، لە شار سلێمانی دویاکووچی کرد.
رەحمەتی لە ساڵ ١٩٣٣ لە ناوەند قەزای کۆێسنجاخ لەداڵگبوی، لەورا خوەنەواری سەرەتایی و ناوەندیی تەواو کرد، تا ئیجا لە ساڵ ١٩٥٢ - ١٩٥٣بچوود ئەرا هەولێر تا ناوەندی تەواو بکەێد، ئیجا روی وەرەو بەغداد پایتەخت کرد تا لەورا خوەنەواری تەواو بکەێد، و جویر یەکەم مامووستا لە ئاواییگ لە گەرمیان دامەزریا.
شێخانی هەر لە مناڵی دووس خوەنستن داشتیە، و دەسکردە نویسانن لە گۆڤار "گلاوێژ"، و توانای نویسانن و ئەڵگەردان وەزوان کوردی و عەرەبی و فارسی داشتیە.
دویای رێککەفتن ١١ی ئادار ١٩٧٠، شێخانی بەشداری کرد لە ئەڵگەردان کتاو مەکتەوەیل، و نویسانن هەمەڕەنگیگ لە گۆڤار و رووژنامەیل کوردی جویر چیرووک و باوەتەیل زوانەمانی و سیاسی و رووشنهویری، و روومان نیکۆس کازانتزتکیس (برا دوژمنەیل) ئەرا کوردی ئەڵگەردان کرد.