شەفەق نیوز/ ئمڕوو سێشەممە، نویسەر و ئەدیب ناودیار کورد جەلال زەنگابادی دویاکووچی کرد.
زەنگابادی لەناو یەکیگ لە خەسەخانەیل شار هەولێر پایتەخت هەرێم کوردستان، دویای زیانیگ وەگەرد بیماری، کووچ دویایی کرد.
ئەو ئەدیب کوردە، کتاوەیل ئەدەبی و روشنهویری وە زوانەیل کوردی و عەرەبی هیشتە جی.
کارەیل گرنگیگ ئەرای چاپ کریا کە رەسیە ٢٥ کتاو لە لایان: «موسوعة الخيام – الكوردلوجيا – فرسان السرد العراقيون من الأرومة الكردية» وەگەرد کارەیل ئەڵگەردان و دەیان دەسنویس گرنگ کە هیمان چاپیان نەکریایە، لەلیان دیوان خەیام، لێکۆڵینەوە و ئەڵگەردان کوردی، وەگەرد نووڕین و رەخنەیلی.
جەلال حسێن محمد زەنگابادی - لوڕستانی، لەداڵگبوی ١ کانوون یەکەم ١٩٥١ لە کوردستان عراق، شاعر و ئەڵگەردانکار و تۆێژینەوەکار عراقی وە زوان عەرەبی ز کوردی، و وە فارسی و ئینگلیزی و ئیسپانیایی و تورکی ئەڵگەردان کەێد.