م° هامه لوو لوو دڵته‌نڰی، له ئاسمانه‌و هه‌م چڕم
پڕم له بێ که‌سی بچن، م° له خۆدین خۆه‌م پڕم
بنووڕ دوواره که‌م له وه‌ر، دڵنڰ دڵنڰ له ئازیه‌تی
بجز دڵنڰ° دڵ که‌ه‌نین، م° هه‌ر چێ هه‌س له وه‌ر دڕم
دوواره پا وه پاێ دڵم هه لاونم شه‌وار شۊم
له‌ێره دڵم کۊه‌نه بۊه، زانم فره شڕم شڕم
کوچک خەن و خەنێ کوشن لە کۊرگان پڕ ئمێد
م ساریژ بۊمە کەسیەیل بچن کە م سڕم سڕم
وسامە تا وەکەی بچم ریەیل چەفت چارەگەم
چەنی وەبوون پەڵپ دڵ کەسەیل کوور خوەن گرم
وەکمکەمو وە ئەمنو سەوور زەمانە پڕ لە جەور
هە لەی شەوار قویلدە هەوسڵە کە دیرم مرم
لەی شارە چوو
ئمشەو هەناسم دڵ کەنێ پا دامە گەز کەفتم وەکوو
ئەمشەو دووارە کردنە چرچ چەوەیلم کەفتە سوو
چەن وەختە دیدەم نیەڵگری تاوان ئی قمشی دڵە
چەن وەخت وڕاوەم هە یەسە لیوا مەبوو لیوا مەبوو؟
سمیه صفری