مەولا پەرەستان مەولا پەرەستان 

یەی ڕووژ چیم وه سەیر سەرچشمەی دەستان

دیم دەستان پڕن ژ دیده مەستان

تمام مەهـ جەبین ئەبروو پەیوەستان

نگام کەرد دی کاو بیستنوونه دا

دی بیستوون چەرخ چل ستوونه دا

دیام بیستوون ماتەم ژ خەم دا

سێ گرەی ئەبرووش بردن د هەم دا

پرسیام بیستوون سەر برده ئەفڵاک

سینه بۆ قوڵەنگ عاشقان چاک چاک

پەی چیەش وەی تەوره ماتەنی له خەم

سێ گرەی ئەبرووت بردەنی وه هەم

واتم بیستوون تۆ ژ سەنگەنی

پەی کی پەشێوهاڵ° خاتر تەنگەنی

وات ڕاسن سەنگن ئەسڵ° ئیجادم

مات نافەهمی فەوت فەرهادم

وه عەبەس عەبەس ژەی دوور دیرین

پەی شیرین گوزەشت ژ گیان شیرین

نه من نگا کەی وەی جەهانە دا

وەی نەونەمامان کرماشانە دا

تماشای تەرکیب دەستوورشان کەی

شیرین و دەس شوور دەسشوورشان کەی

م باڵام ژ سەقف سەما ویەردەن

تماشای خاسان زەمانەم کەردەن

وه مەولای شاهان عەرش لانەسخەن

ئۆن شیرین من ئەو شیرین تەڵخەن

سەی یەعقووب مایشتی