دیم ك نیشتیه ترك تراوی
كونه پرِ مەكەێ ئاگریژه خاوێ
كونه پر مەكەێ باوان خراوێ
كونه پر مەكەێ ڵه دەڵیای بی پەێ
پەنجه چون شمشاڵ قامەت وینەێ نەێ
پەنجەێ شمشاڵی مه ژند وه ئاوا
مەكیشا وه بان خیاتەێ خاوا
دڵ ڵه گیان نام سڵامش كردم
باڵ چەو هیزدا خوەم رەخ سپەردم
باڵ چەو هیزدا ڵیو وه خە نەوا
ئەڵیكم وەبان دیده سەنەوا
وەتم: تكی ئاو بەێ وەپیم وه دەس و جامد
سامد سەنگینه نیەزانم ناود
وەتم: تكی ئاو بەێ وەپیم وه دەس و جامد
هەیف ڵەێ دونیا نیەزانم ناوود
وەت: ئاو دەمەپید وه دەسو وه دڵ
ئەهڵ بەیگزادەم نامم سەمەن گوڵ
وه ت ئاو دەمەپید وه دس و وه دڵ
جامم چینیەن، ناووم سەمەن گوڵ
وه تم: ئەی سەمەن گڵ دەم نقڵ و نەوات
م وه بی مراد چوَ بچم ڵەڵاد
وه ت : هزاران چوَ ت ڵەی داخه مەردن
هیچكەس پەرەی گوڵ ڵه ڵام نەوەردەن
ئەگەر بزانن بەر و باوانم
تیكه تیكەد كەن ڵەبەر داوانم
ئەر خەوەر بیەم وه قەوم و كاران
وه تیخ ئاودار پارەت مەكەران
وەتم: وه تیخ مەكوشەم زامم دیاره
خەڵكان مەواچون یه گوناكاره
تاڵی ڵه زڵفد بنه وە گەردەن
تا بواچان وه حووكم ئڵاهی مەردن
بیڵا بمرم بچم وه كیسد
تا بومه فدای تاڵی ڵه گیسد
وەت : هزارات چوَ ت ڵەێ داخه مەردن
هیچكەس پەرەێ گڵ ڵه ڵام نەوەردەن
وەتم : شوون باوانت وه چپەێ نەێ بوو
ئاگر بچو ڵی شەماڵ ڵه پەێ بوو
وات : جووان مەكە نوورِ باوانم
ئاخر مەگری دەس و داوانم
وەتم : شوون باوانت وه چپەێ سنگَ بوو
ڵه هەر میڵكانی یەكێ ڵی گووم بوو
وات : جووان مەكە نوورِ باوانم
ئاخر مەگری دەس و داوانم
وەتم : شوون باوانت هزار هزار بوو!
هەر روژی هزار وەرەو مەزار بوو
وات: ئرا نفرین كەید بەر و باوانم؟!
بەوو سەرت بنە ڵه بەر داوانم
وەتم : هەرچی م وەتم گشتێ دروو بوو
شوون باوانت وه رةوز چرِوو بوو
...............
فولکلور