دڵێ نییە هەڵاێدن مانگ و هەسارە ئمشەو
هەنجانێیە دەرۊنم تێخ پەژارە ئمشەو
نە جێ منە نە جێ ت بەو تا بچیمن هەێ دڵ
کەس خوڵکمان نیەکەێدن دی لەی شەوارە ئمشەو
مامووسا ئەلی ئوڵفەتی
هەم یاد یــــاران، هەم یاد جاران
دڵ کەێدن وە ئەور، دیده وە واران
له سەرای دڵتــــــــەنگ وادەێ دیداره
هەفت رووژ هەفته، پەنشەممەی ژاره
داوانەیل پڕه لە ئەســــــــرەیل داخ
باخەوان وساس بێدەنگ لە پای باخ
دەرمان دەردێ نەێرێ ڕێ چارەێ
خــودا نۊساێیه ئیخ جوور لە بارەێ
غەفار_موراد_پووڕ
سەردەوا هاتو گڵاێ داران ڕزان
زڵف شووڕ پیرە دارەیل ئەڵکزان
تەم بێازێ بان بانکووڵ گرتەوەر
خەم دڵ ئەزرەت لە کووڵ م سزان
دڵخۆەشی ڕووژەیل ناتگ چگ لە دەس
ژان جاران، جەرگ بانان داڕزان
هاتمە تا بۊنمەد، بێدەنگ مەنیش!
دڵ پەشێو شێوەدم، قەدرم بزان!
کەفتە پێڵەێ ئەور ڕووژەیل دڵتەنڰی
بەرزی مانشتـــــــــو نزمی کـــــــارەزان
ئێ زەلانە وە بڵووزەیل خەمێ
وەڵنڰ واش ئمر ئیمە هەم سزان
داریووش_همەتی