تەو چەو کەو تنە، هە پێچیەێدە گیانمەو

مەلۊچگەیلە خەو نیەکەن، لە ئێ هنـــــــاس سەردمە

هنای ک ئەور هــــــۊر ت، بێیەێدە ئاسمانمەو

نەۊە نسیو داوەنم ، ئەنار و سێف و لیمووێ

م هاتم و شەکەت شەکەت، هە دار وێ لەقانمەو

لە ئێ وڵات ناکەسە، هە بوو کەنە هناسمەو

نەوای ک ناو نازەگەی، ت باێدنە زوانمەو

چەنێ چەنێگە خۊنەگەم، لەی ئاسمانە جووشیەێد

یە ئەور چەو تنە چمان ، ک واریە خەزانمەو

پەری فرشتەمانگ خوەم، خودا بکەێ نەمینیەم

دوارە زەخمەگەی دڵد ، نەزانسە کولانەمەو

ئەگەر هزار ساڵ تر، خودا ئومر بێیەێدە پیم

لە لێ توام ک دەرد ت، بکەێدە تۊش گیانمەو

وە فکر زەخمەگەی م نەون، شرین ترەک لە گیانمە

م خوەم توام بمینیەم، وە دەرد کەس مەزانمەو

شەو و غەزەڵ، من و تن و، چەوەیل پڕ لە ئەسرمان

چراخ ئومر خوەم شەوێ ، وە هەر د دەس کوشانمەو

رەزا مەوزوونی