چـراخـم یـاوان، چراخم یاوان
ئمشەو تەمەنای ساڵانـم یاوان
یاوام وە پابووس بەگزادەی باوان
لارە و لەنج نەکرد لێوەی وێش لاوان
ڕوخسارم نە خاک پاش ماڵامەوە
زڵفش پەشتان بی و باڵامەوە
ئەو ناز نمانا من لاڵامەوە
زۊخ [زویخ] زامەتان دڵ پاڵامەوە
فدای باڵاش بام شای سیاچاوان
لارە و لەنج نەکرد لێوەی وێش لاوان
بووســـام کونج لێو یاقووت کانی
نووشام بادەی جام ساف کیانی
ئەو لەیل وەرین من قەیس سانی
دڵـم ئارام دا ژە پەریشانی
خاوم برد نە سای خەیاتەی خاوان
لارە و لەنج نەکرد لێوەی وێش لاوان
وەنەش نمانام ڕەنج بەردەی وێم
زۊخ [زویخ] زامەتان دایم هوەردەی وێم
چەنی خزمەتان قەدیم کەردەی وێم
رەنج ڕیازەت وێڵ ویەردەی ویم
ترسا ژە قەساس ڕەحــمەلحساوان
لارە و لەنج نەکرد لێوەی وێش لاوان
مەلا حەقعەلی سیاهپووش دزفوولی (نیمەی یەکم سەدەی سێنزەی کووچی ـ دزفوول)