دووسی منو تـــ دووسی، پایزو وەڵنڰو وا بۊ

چێشتێ ئەگەر وە جی مەن، یەێ چەن گله گڵا بۊ

لەێ شەو چیەریک° زڵفە، دی چۊ جەمەو بکەیمن؟!

ملوانکێ ک بڕیا، ڕشیا، لە یەک جیا بۊ...

خۆەشی ئڕا مــــ هەر چۊ ساکی ئێوارێانۊ

هەرچێ دەویم لە شوونێ، ئەۊ له مـــ° هەر نووا بۊ

وە لاێ یەکا منو تــــ° هەر چۊ قەریبه ڕەێ بۊم

له ڕووژگار ئیمه، خوو ئاشقی گۆنا بۊ...

بەو خاکەگەێ مناڵی بەێەیمنه یەکا هەم!!

شەێەد د° دڵ وە تەنیا لەو ژێرێه پێا بۊ

هزار نامه نۊسام وەلێ وە پیید نێامان

جوور قەوڵنامه کۆت کۆت، دڕیا، له یەک جیا بۊ

مانڰه شەو° خێاڵم، هەۊرات° ئاشقی گرت

وەختێ ک° زڵف° خاوت لوو لوو لە شەو وڵا بۊ

وەفرێ بۊو چمانێ واری وە گەرمەسێرەو

هەر لە وەر° چەوم بۊ، یەێهەو لە زەۊ گۆما بۊ...

رضا موزونی