يه ى روژ چاوم که فت؛  له دار به رزى 

سزرگه بردم ؛ وه ختى ديم له رزى 

سزرگه هات و؛  په خش بيو له گيانم 

به ن به ن دارزان؛  ئازاى سقانم

سزرگه هات و ؛ دايه م وه تالان 

بيومه په ته سو؛  ناو کورده مالان

له داخ ده ردى ؛ بيوم وه خوه له کو 

سزيام وبرشيام ؛ تا ئاساره ى سو 

له ده رد و له ژان ؛تاقه ت رام نه مه ن 

ده رد ئى داره ؛  له نوو گيانم سه ن 

پرسيم وه بى ده نگ؛  له و دار به رزه

له زه خم گيانى ؛ له ى چه قه و له رزه 

وه ت ئى زه خمه يله و؛  ئى په ژاره مه 

چه قين و له رزين؛  سو ئيواره مه 

ئى هه مگه ده رده؛  ديونى ها گيانم 

خوسه و په ژاره؛  هاده سقانم

يه گشتى کار ؛ به ني به شه ره 

له گه نه کارى؛  له گشتى سه ره 

هه ر دارى ديونى؛  زه خمى ها گيانى 

ناو به ني به شه ر؛  هاده زووانى 

م زه خمى ده س؛   دوسه يل خوه مم 

ئه وان ئاگرو ؛ م  وينه ى شه مم 

گاجار تيه ن له لام؛  ساتى بنيشن 

م زانم ته نيان ؛  زانم دل ريشن 

ئاگر وه بى ده نگ؛  که نه و له گيانم 

په ژاره ول ده ن؛  له ناو سقانم 

نوورم ده نگ نيه که م ؛ ده سه يلم سزيه ن 

وه لنگه يل سه ونزم ؛ زه رده و بون رزيه ن

بلوزه ى ئاگر ؛ وه ر ده ن له له شم 

وه پاوه سزيان؛  تيه ن که ن وه به شم 

بيوش وه ئايه مه يل؛تا که ى بسزيه م

تا که ى قرچه م باى ؛ تا که ى برزيه م 

په ناى بى که سى؛ روژه يل ئيوه م 

هه ناس گه رم؛  ژيان و کيوه م

  جلال کوهى