شەو° تارم ڕووشنەو کەێ، ئەو چەو° پڕ نۊردە!

یە ئڕا گیانم نیەدەرچوو لەێ خەم° ناجۊردە؟!

‌

هە لە ئەو ڕووژەو ک° دیمەد، لە دەسم چگ تاقەتم!

گڕەێ ئاگر خەێ لە گیانم، ئـەو خـێـاڵ° دۊردە...

‌

چـۊ چەوەیلم بارمەو یەک؟! بخەفم وە بێ‌خۆسە؟!

لـە ئـێـوارە تــا گـۆڵ° سـوو هـە مـرافـەێ هـۊرِدە!

‌

ت° خوو چی سەبر و قەرارم وەلا ڕا بردی هناس!؟

نەوەتی دی یەێ نەفەر دڵشکیاگو بێ‌ پەناس؟!

‌

یە ئــــــڕا ئۊشین سەبووری بکە! مەردم کافرین؟!

مەێن م° کەینو نیەزانین دڵ° ئاشق بێ‌ گۆناس؟!

‌

بیلا لە دۊری ئەزیزم دەس بشوورم لە زنەی!

هە لە ئەوەڵ خەم بەشم بۊ، دی خەنِگ وە م° مناس!

‌

خۆەش‌ وە هاڵ ئەو کەسە ک° سـەرێ هــا لـە داوەند!

مە خۆدا چارەێ چوە نۊساس ک° بۊیەسە خاوەند؟!

‌

چـۊ دڵم باێ نووڕ° دیدەیل° مەس° کاڵد بکەم؟!

سە هە بیلا خۆەم فەنا بووم، هە خۆەمی بەم تاوەند...

‌

ت° بچوو، بیلەم وە دەرد° خۆەم وە ئێ دەلیاێ خەمە!

بچوو! خوەش بوو! دڵ سـزاێە ک° نـەکـردۊ پاوەند...

‌

  علی محمد محمدی

‌