وتم بایه قوش ، هاوراز دەردم
ته نیا دوسەگەی ، شه وەیل سه ردم
ت زانی پەی کی ، شیت و دیوانه م ؟
ئه یو له وینه شەم ، م جور په روانه م؟
ت زانی را کی ، وینەی فەرهادم ؟
له دار دونیا ، م وەکی شادم ؟
ت زانی کیه، کردیه ئەسیرم؟
له عشقی دونیا، چیه له هویرم ؟
ت زانی مەجنون، کام بالا بەرزم ؟
له تەنیای هەر شەو، تا وه سو لەرزم ؟
ت زانی ئەرا ، بیاوان گەردم ؟
له وینەی خەزان ، دایم رەنگ زه ردم؟
وت: بنوڕ وه حال زار و خەمینم
فەلەک جویر سەیاد ، هاده کەمینم
ئاسایش نەیرم ، نه روژ و نه شەو
ساتی دل خوەشی ، م نەیمه وه چەو
هەر کەس یەی دەردی، وه پی دوچاره
هەر کەس وه دامی، هەم گرفتاره
بی دەردی نیه ، له ناو ئی دونیا
یەکی پادشاس، یەکی هەم ته نیا
پادشا و تەنیا، له وینه یەکن
هه ردو گرفتار ، کار فەلەکن
تنیش وه یەی جویر، گرفتار بویده
ئەسیر تال، زڵف یار بویده
دڵ خوەشی نەیری ، نه گەنج نه شاهین
نه تاج و نه تەخت ، نه پادشاهی
جلال کوهی