روئیا سەعد 

"جەنگ چشتیگ دڕندەس... بایەس بوی لەناوی بژیام تا بفاممەی."

ئۆتۆ دیکس

لە کارەیل ئۆتۆ دیکس (Otto Dix)، جەنگ جویر رویداویگ کە  نیەتیەێد کە باسی بکریەێد، بەڵکم جویر شوینەواریگ کە مەحاڵە کۆنترۆڵ بوود، ئەو هونەرمەنە کە لەناو کارەساتەیل جەنگ جەهانی یەکەم ژیا، جەنگەگە نیەکیشێد، بەڵکم ئەوەگ لەناو لەش هیلێد دویای ئەوەگ کۆتایی تیەێد.

لە تابلۆی "سەنگەر" (1923)، ئیمە تەنیا تەرمەیل نییەۊنیمن، بەڵکم ئیمە پەراشەبوین لەش خود ئایەم دۊنیمن. لاشەیل تێکەڵ بوون، پارچەپارچە بوون، سنوورەیلیان لەدەس دەن، تا رەسێدە ئەوەگ مەحاڵ بوود جیاوازی بکریەێد لەناوەین تاک و کوتەیل لەشیگ، لەیرا، مردن نییەوودە مەوقەیگ، بەڵکم چشتیگ چەور ونۊس درویژماوە، کە خاک وەگەرد گووشتەو تێکەڵ بوود، و رەنگ وەگەرد بوو، رێک جویر ئەوەگ تابلۆگە نییەدۊنریەێد... بەڵکم تاقی کریەێدەو.

بەڵام لە "سێیانەی جەنگ" (1929–1932)، دیکس شیوەی قوربانگای ئایینی قەرز کەێد تا جەنگەگە ئاڵشت بکەێد ئەرا رێوڕەسمیگ هاوچەرخ ئەرا سەربڕین وەبڕەو. سەربازەیلە وەرەو چارەنووسیان چن جویر فریشتە، و دیمەنە ناوەندییەگە جەنگیگ نییە بەڵکم ویرانبوینیگ گشتگیرە، لە وەختیگ ئەوانەگ گلەو خوەن رزگاربوی نین... ئەوانە ئەوانەن کە لە ئایەم مەننەسەو. تەنانەت ئەو لەشە کە لە خوارەو درویژەو کریاگە مانای قوربانیداین هەڵنییەگرێد، ئەوە بیخودی قوربانیداینە.

ئەوەگ دیکس لەیرا کەێدەی وینەکیشانن جەنگ نییە، بەڵکم جاڕوودان تەواوە ئەرا چەواشەکارییەیلەی: نە پاڵەوانیەتی، نە ماناییگ، نەیش رزگاربوینە. تەنیا ئایەم هەڕیەێد، و ئاڵشت بوود ئەرا شوینەواریگ.

شایەت ئەرا یە بوود کە ئی تابلۆیلە تا ئی رادە وەئازار دیار دەن... چوینکە نییەپرسن: جەنگ چە وە ئەوانەی ترەک کرد؟ 

و وەفچەیگ رخدارتر ئۊشن: توەنێد چە وە ئیمە بکەێد؟

ئەوەگ ئۆتۆ دیکس وەدیی تارێد بەڵگەمەنکردن جەنگ نییە، بەڵکم هەڵوەشانن تواناس لەبان نوێنەرایەتیکردنی. تابلۆیلی وسیەنە لای ئەو سنوورە کە زوان لەناوی شکست تارێد، وەختیگ بیدەنگی سەنگینتر بوود لە هەر وتاریگ لەی بێدەنگییە، وە ئاشکرا، هازە خوەی شاردیەسەو: ئەوان وەپەیمان نییەویشن چە بویە، بەڵکم وەیجۊرە کەن کە هەست بکەیمن چشتیگ لەناو ئیمەیش شکیاگە.

شیکاری سێیانەی جەنگ ئۆتۆ دیکس 

شەفەق نیوز ـ وەدویاچگن

‏هونەرمەن گورانچڕ میران عەلی نووترین بەرهەم هونەری خوەی وەناو  "نابێ نابێ" بڵاوکەێد.

‏میران عەلی لە پۆستیگ لە تووڕ کۆمەڵایەتی ئینستاگرام باس لە نووترین گورانی خوەی کردیە وە ناو "نابێ نابێ" کە بڕیارە رووژ سێشەممە 14/4/2026 ساعەت 8ی شەو بڵاوبکرێد.

‏هەمیش نویسانیە " جویر هەمیشە سپاس ئەرا پێشوازی و گەرموگوڕیدان، دڵنیام ئـێ وەهارە جویر گشت ساڵەیل تر یادگاری رەنگین وەگەردی توومار کەن".

‏میران عەلی داڵگبوی ساڵ 1995ە، خەڵک شار سلێمانییە، خاوەن چەندن گورانی و ڤیدیۆ کلیپ تایوەت وەخوەیە.

شەفەق نیوز - وەشوینکەفتن 

جۆن نۆلان ئەکتەر بەریتانی، کە ناسریاس وە ڕۆڵەیلی لە بڕیگ لە فیلمەیل جەهانی لەناویان "باتمان" و "دۆنکیرک"، لە تەمەن 85 ساڵە گیان لەدەسدا، وەپای ئەوەگ خیزانەگەی راگەیاننە.

کیم هارتمان ژن کووچکردگ باسی کرد کە "گیانیگ ئازاد" بویە و کەسیگ کە ئامادەبوینیگ تایبەت و دیدیگ سەروەخوەیی دیرێد، وتیش کە ئەو "تاکە هۊرمەن رەسەنە بویە کە ناسیەسەی"، و جیواز بویە وە زیرەکی و هەستە کۆمیدییە جیاوازەگەی و توانای ئەرا قەبووڵکردن دیدە جیاوازەیل لە گفتوگۆیەیل.

هارتمان وەپای رووژنامەی "میرۆر" بەریتانی، باس کرد کە  شۊەگەی کەسایەتییگ دووسداشتنی لای گشت لایگ بویە،  وتیش: ئەو "نەرمترین کەسیگ بویە کە تا ئیسە ناسیەسەی".

وتیش: ئاژەڵەیلیش دووسی داشتنە، و ئەو جویر مامووستایگ دووسداشتنی و بەهرەمەن لە بوارەیل فرەیگ کار کردیە، چ لە وانەوتن شانۆ یا تەنانەت لە وەرزشیش.

نۆلان لە ساڵ 1938 لە داڵگ بویە، و دەس کرد وە کاروان پیشەیی خوەی جویر ئەکتەر و دەرهێنەر و وانەبێژ شانۆیی، وەرجە ئەوەگ بچوود ئەرا کارکردن لە تەلەفزیۆن و سینەما، کە شۊنپەنجەیگ وەرچەو لە شمارەیگ لە کارە درامییەیل وەجی هیشت.

باتمان لەو ناوەیلە دریەێدە قەڵەم کە بەسریانەسەو وە کارەیل کریستۆفەر نۆلان دەرهێنەر؛ هەناێ بەشداری کرد لە زنجیرە فیلمەیل "Batman Begins" و "The Dark Knight Rises" وە رۆڵیگ کارگێڕی لە کۆمپانیای "واین ئینتەرپرایزز"، هەرلیوا دەرکەفت لە فیلم "Dunkirk" وە رۆڵ پیاییگ کوور.

هەرلیوا بەشداری کرد لە زنجیرەیل و کارەیل تەلەفزیۆنی فرەیگ، و دۊایین دەرکەفتنی لەبان شاشە لە زنجیرەی "Dune: Prophecy" بوی وەختیگ رۆڵ سەرۆک ئەنجومەن باڵا پیشکەش کرد.

‏شەفەق نیوز- وەشوینکەفتن 

‏هونەرمەن دەشتی کەلهوڕی لە کاریگ هونەری دەگمەن و بیوینە، سروودیگ تایبەت وە "زانکۆی پۆلیتەکنیکی گەرمیان" بەرهەم هاوردایە.

‏بڕیارە  بەرهەمەگە لە 14ی نیسان 2026، هاوکات وەگەرد یاد دامەزرانن زانکۆگە و ساڵیاد کارەسات ئەنفال بڵاو بکریەێد

‏ کارەگە جویر یەکەمین سروود فەرمی لە میژوو خوەنستن باڵای کوردستان هەژمار کرێد کە وە تایبەت ئەرا زانکۆییگ چڕیاس.

‏تێکست سروودەگە لەلایەن دکتۆر ئەحمەد باوەڕ نووسریایە و  وە شێوازیگ مۆدێرن باس لە جوگرافیای کوردستان، فەرهەنگ، مەینەتییەیل گەرمیان و ئازایەتی گەلی کورد کێد.

‏ پەیام سەرەکی ئەم کارە هونەرییە دووپاتکردن لەوەس کە زانست و ئازادی ئمڕوو کوردستان، بەرهەم خوین پاک شەهیدەیلە.

‏بڕیارە ئێ سروودە بوود هێمایگ فەرمی ئەرا زانکۆگە و لە بوونە و مەراسیمە زانستییەیل پێشکەش بکرێد.

شەفەق نيوز- بەغداد 

سەندیکای هونەرمەنەیل عراق، ئمڕوو شەممە، پرسەی مەرگ خانمە هونەرمەن ساجیدە عوبێد راگەیان، کە گیان لەدەس دا، وەبی ئاشکراکردن وردەکارییەیل مدووەیل مردنی.

سەندیکاگە لە بەیاننامەیگ رەسیە ئاژانس شەفەق نیوز وت: وە خەفەت و خەم قۊلیگ پرسەی مەرگ هونەرمەن کووچکردگ راگەیەنێد، و داوا لە خودای گەورە کەبۆ وە بەزەیی فراوانی شادی بکەێد، و سەبووری و دڵنەوایی وە کەسوکار و دووسەیلی بەێد.

شەفەق نیوز - وەدویاچگن 

‏فیلم "The War Game" یەکیگ لەو فیلمەیلەیە کە زیاترین قسە لەبانێ کریەێد، وە هووکار رخداریەگی ئەرا ماوەی 2 دەیە قەیەغە کریا.

‏فیلم "The War Game"، یەکیگ لە فیلمە مێژووییەیل BBCیە، کە لە ساڵ 1965 بەرهەم هاوریا، وە یەکیگ لە رخدارترین فیلمەیل دانریەێد و وردەکارییەیل جەنگ باس کەێد، هەر وەو هووکارەیشە بڕیار قەدەغەکردنی دریا و ئەرا ماوەی 20 ساڵ نمایش نەکریا.

‏ئێ فیلمە لە ساڵ 1965 بەرهەم هاوریا و ساڵ 1966 نمایش کریا، ورنایگ واقعی خسەڕوی کە ئەگەر شانشین یەکگرتگ بریتانیا رویوەروی چەک ئەتۆمی بوود چە رویدەێد، یەیش هیشت  BBC بترسێد لەوەگ کە دیمەنەیلە فرە شۆکهێنەر بوون ئەرا دوینەرەیل.

‏فیلمەگە لەلایەن پیتەر واتگینز نووسریاگە و کاری دەرهێنانی ئەرا کریاگە، وەدویاچگن ئەرا ئەو پێشهاتەیلە کردگە کە ئەگەر هێرش ئەتۆمی روی بدەن، کە چۊن گیچەڵ کۆمەڵایەتی و مرۆیی وە شوون خوەیا تێەرێد.

‏چیروۆک فیلمەگە:

‏فیلمەگە دیمەن مەردم نیشان دەێد کە هەوڵ هەڵاتن دەن لە شارە گەورەیل، خێزانەیل لەیەکتر جیاوەبوون، کۆمەڵگە هەوڵ مانەوە دەێد، هەمیش کاریگەرییەیل چەک ئەتۆمی نیشان دەێد چۊن گشت شتیگ وێران کەێد.

‏وە هووکار ئەوە دیمەنەیلە فرە واقعی بوون، BBC لەو کاتە بڕیار وسانن پەخش فیلمەگەی دا و ئاشکرایکرد، "کاریگەرییەیلە فرە رخدارن ئەرا پەخش تەلەفزیۆنی"، بەڵام ئاماژە وە ئەوەیش دا فیلمەگە "نیشان کەسانیگ نوخبە دەێد".

‏وەگەرد ئەوەگ فیلمەگە قەیەغە بوی پەخش بکریەێد، بەڵام لە ساڵ 1967 خەڵات ئۆسکار ئەرا خاسترین فیلم دۆکیومێنتاری وەرگرد و دوو خەڵات بافتای وەدەس هاورد.

شەفەق نيوز- وەشوینکەفتن 

شەو بەشەوکردن خەڵاتەیل ئۆسکار ساڵ 2026 لە شانۆی دولبی لە شار لۆس ئانجلەس، دویەشەو یەکشەممە، بویە کەشوهەوای پرسەیلیگ سیاسی و مرۆیی، وەگەرد ئامادەبوین دیاریگ لە باوەتەیل جەنگ و ئازادی جموجویل هونەرمەنەیل، لە باسەیل وەرجە رویداوەگە و وەرجە ریکردن لەبان قالی سوور.

فیلم "دەنگی هیند رەجەب" لە دەرهێنان سینەماکار تونسی کاوسەر بن هانیا، جویر یەکیگ لە مانشێتە دیارەیل وەرجە مەراسیمەگە دەرکەفت، دویای ئەوە کە ئەکتەر فەلەستینی موعەتز مەلحیس راگەیان کە لەوەر کێشەی بەڵگەنامەیل گەشتکردن فەلەستینی و ڤیزەی ئەمریکی نیەتوانێد بەشداری لە خەڵات ئۆسکاردا بکەێد.

مالحیس لە پەیامیگ کە لە هەژمار تایبەت خوەی لە تووڕ کۆمەڵایەتی ئینستاگرام بڵاو کرد، نویساس: توانن پاسپۆرتیگ بووسنن، بەڵام نیەتوانن دەنگیگ بووسنن.

فیلمەکە لەبان بنەمای رویداوەگە کە لە جەنگ غەززە ساڵ 2014 بویە، وەختیگ دویەتە فەلەستینییەگە هیند رەجەب دویای ئەوە تا ماوەی چەن ساعەتیگ لەناو ماشینیگ گیر خوارد و لە مەوقەی تەقەلای ئەرا پەیوەندیکردن خزمەتگوزاری هاناڕەسین  کوشیا.

مەوقەی  دەرکەفتنی لەبان قالی سوور، بن هانیا راگەیان کە "سینەما توانێد بوودە ئامرازیگ ئەرا مقیەتیکردن یادەوەری مرۆڤ لە مەوقەی جەنگ".

کلارا خوری خانمە ئەکتەر فەلەستینی هەروەها ئاماژەی 

لە باوەت خەڵاتەیل: 

 فيلم "بۆگونيا" (Bugonia) بویە خاوەن خەڵات خاسترین فیلم، و دەرهێنەر حصد پۆڵ توماس ئەندرسون خەڵات خاسترین دەرهێنەر لە فیلم "جەنگ لەشوین جەنگ" (One Battle After Another) وەرگرد، و خود خەڵاتەگەیش لە خاسترین سیناریۆ فیلم وەرگرد، و خەڵات خاسترین سیناریۆ چگ ئەرا ئیسكيل فوگت ويواكيم تريێر لە فيلم "بەهای دڵسووزی".

و لە چین ئەکتەری، مايكل ب. جوردان بویە خاوەن خەڵات خاسترین ئەکتەر لە فیلم "خەتاکارەیل" (Sinners)، لە وەختیگ جيسی باكلی خەڵات خاسترین خانمە ئەکتەر لە فیلم "هامنت" (Hamnet) وەرگرد.

 شون بن خەڵات خاسترین ئەکتەر شاگرد لە فیلم "جەنگ لە شوین جەنگ" وەرگرد، و ئيمي ماديگان خەڵات خاسترین خانمە ئەکتەر شاگرد لە. فیلم "چەکەیل" (Weapons) وەرگرد.

لە چینەیل ناودەوڵەتی و بەڵگەسازی فیلم "تەنیا رویداویگ بوی" ئەرا دەرهێنەر ئیرانی جەعفەر پەناهی باسە خاوەن خەڵات خاسترین فیلم ناودەوڵەتی، و فیلم  "هاوسای خاس" (The Perfect Neighbor) خەڵات خاسترین فيلم بەڵگەسازی دێویژ وەرگرد، و فیلم "تەنیا وە کامیرایگ چەکدارە" (Armed Only with a Camera) خەڵات خاسترین فیلم بەڵگەسازی کوڵ وەدەس هاورد.

لە ئەنیمەیشن، فیلم "راوچیەیل شەیتانەیل كيبوب" (KPop Demon Hunters) خەڵات خاسترین  فيلم ئەنیمەیشن وەرگرد، لە شوینی فیلم "ئەو دویەتە کە مراوای گیرست" (The Girl Who Cried Pearls) بویە خاوەن خەڵات خاسترین فیلم ئەنیمەیشن کوڵ.

لە خەڵاتەیل تەکنیکی فیلم (Train Dreams) خەڵات خاسترین وینەگردن سینەمایی، و مۆسیقازان جۆنی گرينوود خەڵات خاسترین مۆسیقای رەسەن وەرگرد.

 گورانی (Golden) بویە خاوەن خاسترین گورانی رەسەن.

ئەو خەڵاتەیل جویر خاسترین مۆنتاژ و خاسترین دیزاین ئارا فیلم "جەنگ لە شوین جەنگ" چگ، و خاسترین گەنگ ئەرا فيلم (F1)، و خاسترین مكياژ و پڕتاڵ ئەرا فیلم"فرانكنشتاين" (Frankenstein).

ئۆسکار ئمساڵ خەڵات نوویگ لەناوی بوی ئەرا خاسترین پەسەنکردن ئەکترەیل (Casting)، ئەرا كاساندرا كولوكونديس لە فیلم جەنگ لە شوین جەنگ.

لیست تەواوەتی بردەوەیل 2026:

* خاسترین فيلم: One Battle After Another (جەنگ لە شوین جەنگ)

* خاسترین خانمە ئەکتەر: جيسی باكلي لە فیلم "هامنت"

* خاسترین ئەکتەر: مايكل بی. جوردان لە فیلم "خەتاکارەیل" (Sinners)

* خاسترین دەرهێنەر: پۆڵ توماس ئەندرسون لە فیلم One Battle After Another

* خاسترین خانمە ئەکتەر شاگرد: ئیمي ماديگان لە فيلم "زا ويپونز" (چەکەیل)

* خاسترین ئەکتەر شاگرد: شون بين لە فیلم One Battle After Another

* خاسترین گورانی رەسەن: "گۆڵدن" لە فیلم "راوچیەیل شەیتانەیل لە كی-بوب"

* خاسترین فيلم بیگانە: "سنتيمينتال فالۆ" (بەهای دڵسووزیی)

* خاسترین وینەگردن سینەمایی: (Sinners)

* خاسترین مۆنتاژ: One Battle After Another

* خاسترین دەنگ: "فۆرمولا 1"

* خاسترین مۆسیقا: (Sinners)

* خاسترین فيلم بەڵگەسازی: (Mr. Nobody Against Putin)

* خاسترین فیلم بەڵگەسازی کوڵ: (All the Empty Rooms)

* خاسترین کاریگەری دیدەیی: "ئەڤاتار: ئاگر و خوەڵەکوو"

* خاسترین دەرهێنان هونەری: "فرانكشتاين"

* خاسترین سيناريۆی رەسەن: (Sinners)

* خاسترین سيناريۆی بریای: One Battle After Another

* خاسترین فيلم رۆمانی کوڵ: "زا سينجەرز" (گورانیچڕەیل) و"تو بيبل ئكستشينگ ساليڤا" 

* خاسترین پەسەنکردن تیم ئەکتەری (كاستينگ): One Battle After Another

* خاسترین مكياژ: "فرانكشتاين"

* خاسترین دیزاین پڕتاڵ: "فرانكشتاين"

* خاسترین فيلم ئەنیمەیشن کوڵ: (The Girl Who Cried Pearls)

* خاسترین فیلم ئەنیمەیشن درویژ: (K-Pop Demon Hunters).

شەفەق نیوز - وەدویاچگن 

وەگەرد نزیکبوین 98ەمین ئاهەنگ خەڵات ئۆسکار لە 15ی ئازار، لیست میوانەیل تا ئیسە چەن ناویک دیار لە هۆلیوود نەمەنیە، دویای ئەوە کە ئەکادیمیای هونەر و زانستی فیلم جویلیای بڕیار دا ریگری بکەێد لە بەشداریکردنیان لە وەناوبانگترین بوونەی پیشەسازی فیلم.

ئی شەش کەسایەتی ناودارە بریتین لە ویل سمیس و بیل کۆسبی، لەوەر پێشێلکاری و رەفتارەکان کە وە پیچەوانەی ستانداردەیل ئەکادیمیا دانریەێد.

لێرە چەن ناویگ دیار دەرچوود کە بەشداری لە خەڵات ئۆسکار قەیەغەکریانە و مدووەیل پشت دەرکردنیان:

1- کارمین کاریدی

لە ساڵ 2004 ئەکتەر کارمین کاریدی بویە یەکەم ئەندام کە لە ئەکادیمیا دەرکریا، دویای ئەوەگ چاسپیا کە کۆپی فیلمەیلی وە قەرز داگە تا ئەندامەیل ئەکادیمیای نمایشی بکەن وەرجە دەنگدان خەڵاتەیل . 

کاریدی کە لە ساڵ 2019 مردگە، لە ساڵ 1982 پەیوەندی وە ئەکادیمیەگە کردگە و وەردەوام کۆپی تایبەت فیلمەیلی لە کۆمپانیایل بەشەوکردن وەرگرێد.

بەڵام ئەو ئی چاپە وە قەرز داگەسە کەسیگ تر کە کۆپی کردگە، یەیش دویاجار بویە مدوو دەسوەردان FBI. دویای لێکۆڵینەوە، دەسەی وەڕێوەبەر ئەکادیمیا بڕیار دەرکردن هەمیشەیی دا.

2- هارڤی واینشتاین

لە ساڵ 2017 بەرهەمهێنەر وەناوبانگ فیلم هارڤی واینشتاین لە ئەکادیمیا دەرکریا، دویای ئەوەگ توومەتبارکریا وە دەسدرویژی سێکسی و هەراسانکردن لەلایەن دەیان ژنەو.

ئەکادیمیا رەفتارەکان واینشتاینی شەرمەزار کرد و وە "قیزەون و پێچەوانەی بەها ئەخلاقییەیل کۆمەڵگەی فیلم" زانست، دەسەی پارێزگارەیل وە فرەیی دەنگ دەنگ دا ئەرا دەرکردنی، گامیگ کە وە پەیامیگ ئاشکرا لە دژوە ئاسانکاری زەرد دەسدرویژی سێکسی لە پیشەسازی وەختوەسەربردن باسی کریا.

لە ساڵ 2020 دویای ئەوەگ وە توومەت دەسدرویژی سێکسی سزا دریا، سزای 23 ساڵ زیندانی لەبانی دەرچگ، سزاگە دویای ئەوە هەڵوەشیاەوە، دویای ئەوە لە لەبان چشتەیلیگ ترەک سزا دریا.

3- بیل کۆسبی

ئەکادیمیاگە لە ساڵ 2018 ئەکتەر کۆمیدی بیل کۆسبی دەرکرد، تەنیا مانگیگ دویای ئەوەگ لە ساڵ 2004 لە دۆسیەیگ دەسدرویژی سێکسی سزا دریا.

کۆسبی وە توومەت وەکارهاوردن ماددە هووشبەرەیل و دەسدرویژیکردن وەبان کارمەن وەرین زانکۆی تەمپڵ ئەندریا کۆنستاند سزا دریا و سزای سێ تا دە ساڵ زیندانی لەبانی دەرچگ، بەڵام دادگای باڵای ویلایەت پێنسیلڤانیا لە ساڵ 2021 ئەو سزا هەڵوەشانەو و بویە مدوو ئازادکردنی.

4. رۆمان پۆلانسکی

هەرلیوا دەرهێنەر رۆمان پۆلانسکی لە ساڵ 2018 لە ئەکادیمیا دەرکریا، ئەوەیش لە دۆسیەیگ ساڵ 1977ەو سەرچەوە گردوێد کە لەناوی چگە ژیر تاوانەگەی کە پەیوەندی سێکسی نایاسایی وەگەرد دویەتیگ تەمەن 13 ساڵ کردگە.

پۆلانسکی 42 رووژ زیندانی وەسەر برد وەرجە دەرچگنی لە ئەمریکا و لە ئەوروپا داکاسیا و لەورە زەردەوامە لە کارکردن لە پیشەسازی فیلم.

5- ئادەم کیمێل

لە ساڵ 2021 ئەکادیمیا سینەماکار ئادەم کیمێلی دەرکرد دویای ئەوەگ راپۆرتەیل رووژنامەوانی سزایەیلل وە تاوان دەسدرویژیی وەبان مناڵەیل ئاشکرا کرد.

کیمێل لە ساڵ 2007 پەیوەندی وە ئەکادیمیاگە کردوێد، وەرجە ئەوەگ لێکۆڵینەوەیل دویای ئەوە وەرینەی تاوانکارییگ ئاشکرا بکەن، کە بویە مدوو پایان ئەندامێتیی.

6- ویل سمیس

دوایین بڕیار لەو بڕیارەیلە پەیوەندی وە ویل سمیسەو داشت، کە ئەرا ماوەی 10 ساڵ لە بەشداریکردن لە بوونە ئەکادیمییەیل قەیەغەکریا، دویای ئەوەگ لە مەراسیم خەڵات ئۆسکار ساڵی 2022 لەبان شانۆ چەپاڵەیگ دا لە ئەکتەر کۆمیدی کریس رۆک .

رویداوەگە دویای ئەوە هات کە رۆک هەنەکی وە ژنەگەی سمیس کرد وەناو جادا پینکێت سمیس کە تویش بیمارییگ پووس هاتوێد، چەن رووژیگ دویای ئەوە دەسیەی وەڕێوەبەر ئەکادیمیا بڕیاردا تا ساڵ 2032 قەیەغەکردن وەبان سمیس بچەسپنێد.

‏شەفەق نیوز ـ وەدویاچگن

‏هونەرمەن گورانیچڕ ئارەش عوسمان نووترین بەرهەم خوەی وەناو  "یا رب" بڵاوكرد. 

‏ئارش عوسمان لە كەناڵ یوتیوب خوەی بەرهەم "یا رب" بڵاوكرد، کە گورانییگ ئایینییە، تێكست گورانیەگە وەلایەن  هونەرمەن خوەی و رەنج میرزا نویسریاس، ئارش ئاوازەگەی دانایە، حەمید حاتم كار میكس و ماستەرینگی ئەنجامدایە.

‏لەوەختیگ 1ی كانون دویەم ئمساڵ ئارش عوسمان بەرهەم "لێیان پرسیم"ی بڵاوكرد، كە ئیرنگە ملیۆنیگ ئیسفاکەر رەدکردیە.

شەفەق نیوز ـ وەدویاچگن

‏هونەرمەن گورانیچڕ، ئەیوب عەلی نووترین بەرهەم خوەی وەناو "كەزی" بڵاوكرد.

‏گوراین "كەزی" نووترین بەرهەم هونەریی ئەیوب عەلییە و تایبەت وە دۆخ رۆژاڤا و ئەرا شەرڤانەیل چڕیە، کە باس لە یەكگردن كورد و كوردستان کەێد.

‏تێكست و ئاواز گورانیەگە وەلایەن هونەرمەن خوەی دانریاس، كار دابەشكردن میوزیك، میكس و ماستەرینگی وەلایەن سەركان تەنیك ئەنجامدریاس.

‏

‏

‏شەفەق نیوز ـ وەدویاچگن

‏هونەرمەن گورانیچڕ بەهجەت یەحیا نووترین بەرهەم خوەی وەناو  "شەڕڤانێ" ئەرا پشتگیریی رۆژئاڤا کوردستان بڵاوکەێد.

‏بەهجەت یەحیا راگەیان، دویەتە کوردی شەرەڤان بویە شانازی، نەک هەر ئەرا نەتەوەی کورد بەڵکم ئەرا گشت مرۆڤایەتی، ئەوانەگ وە وینەی شیرین ئاشقن و باوجی فەرهادەگەیان کوردستانە، چەسپانن وەبی ژن مەحالە ژیان و ئازادی.

‏دیاریکرد،  لە رۆژئاڤا داڵگەیل دیمن بینی کە وە دەسیگ خوەی نیشتیمان و دەسیگ گیس دویەتەیلیان چنینەو.

‏بەهجەت یەحیا یەکیگە لە ھونەرمەنە دیارەیل باشوور کوردستان، لە ساڵ 1965 لە کویچەی کانی ئاسکان شار سلێمانی لەداڵگبویە، لەساڵ 1985 دەسکردیە وە کار هونەری و خاوەن چەن بەرهەمیگە.

شەفەق نیوز ـ وەدویاچگن

‏هونەرمەن گورانیچڕ نێچیر ەورامی نووترین بەرهەمی وەناو "باران" بڵاوکرد.

‏گورانی "باران" لە تێکست  باوان مورادە، ئارش عوسمان كار بەرهەمهێنانی موزیكی کردیە، ئارام سەردار كار میكس و ماستەرینگی ئەنجامداس.

‏یە وە دویەم بەرهەم ئمساڵ نێچیر دانرێد لە دویای بەرهەم "رۆژی سپی" کە لە مانگ گوزەشتەی ئمساڵ بڵاویکرد.

‏

‏

شەفەق نيوز- وەدویاچگن 

‏هونەرمەن گورانیچڕ نوری گەرمیانی نووترین بەرهەم خوەی وەناو  "ئێمە كوردین" بڵاوكرد.

‏نوری گەرمیانی بەرهەم  "ئێمە كوردین" ئەرا بۆ یەكپارچەیی و یەكگرتگی كورد چڕیە و پاڵپشتی "بەرخۆدان" کەێد.

‏تێكست گورانیەگە وەلایەن فەرهاد مانتك نویسریاس، هونەرمەن خوەی ئاوازەگەی دانایە، ئالان سابیر كار ئەڕێنجمێنتی كردیە، لە دەرهێنان دلێر دلاوەرە.

‏

‏

شەفەق نيوز- سلێمانی 

لە یەکیگ لە سویکەیل بازاڕەیل سلێمانی، کە دەنگ فرووشەیل وەگەرد دەنگ ریوارەیل تیکەڵا بوود، عەتا ساڵحی ئەو  گەنج کوردە لەتاو تەمەن سی ساڵان، لە کوردەیل ئیران،  ئامێریگ مۆسیقا هەڵگردیە، کە ئەرا یەکەمین نووڕستن جویر چشتیگ نادیارە، وەلێ کەمانچەس، وەشیوەی جاڕوو، لە ئەزموونیگ هونەری، کە ئویشێد رەهەندەیل رووحی و دەروینی و ژینگەیی دیرێد.

صاڵحی کە وەرجە ماوەیگ هاتیە ئەرا شار سلێمانی، چاشیاس لە بازاڕەیل شارەگە و بازاڕەیل کرماشان مۆسیقا بژەنێد، بیجگە لە ناوچەیلیگ کورد لە تورکیا، کە ئامێرەیل مۆسیقا وەکار تیارێد وە دیزاینی ناتەقلیدی، وەلێ وەقسەی خوەی بەشداری کەن لە یەک پەیام.

ساڵحی ئەرا ئاژانس شەفەق نیوز ئویشێد: مۆسیقا جویر ئەوە کە ئاسوودەی هویر کەێد، و دەروین خوەشەو کەێد، پاکییش ئاسوودەیی و ئارامی بەخشێد، ئەراوە کەمانچە وەشیوەی جاڕوو دروس کردم، تا بە بویشم کە هەرچەگ خزمەت ئایەم کەێد بەهای رەنگینی و رووحی دیرێد هەرچەنیگ سادە بوود.

ئویشێدیش: وە سادەیی وە شیوەی جاڕوو نەکردمەسەی، باوجی تواستمە وەیەوە رووشنایی بخەمە بان گرنگی پاکی جویر بەشیگ لە سیستەم ژیان ئایەم، دیاری کرد کە ئەو کەرستەیلە وەدەس کراکارەیل پاکەوکردن هەر تەنیا کەرەستەیل کارکردن نیین، وەلێ هێمای هوشیاری ژینگەیین، کە بایەسە لەناو هویرمان مەردم بنەو بگرێد.

وتیش: هەر ئامێریگ دروسی کەێد بەڵگە و واتەی خوەی دیرێد، دیاری کەێد کە هونەر تەنیا شیوەیگ نییە، باوجی پەیامیگە، وەختیگ مۆسیقا ژەنم، خوازم تیکەڵای ناوەین رەهەند رووحی و کۆمەلایەتی و ژینگەیی بکەم، و مۆسیقا وە ژیان رووژانەی مەردمەو گریە بیەم.

 ئەو هونەرمەن گەنجە پشت وە هونەر جادە بەسێد ئەرا دەرکردن تیکەنانی، کە وەرانەور ئەو پویلە کە ریوارەیل وەپی دەن مۆسیقا ژەنێد، دووپاتیش کەێد کە لە سلێمانی خاسە و وەرچەوە، وەتایبەت وەگەرد زیایبوین گرنگیدان وە هونەر جادە کە تیکەڵایی ناوەین پرسەیل مرۆیی و ژینگەیی کەێد، و مەردم زەردەخەنەیگ کەفێدە بان لیویان وەختیگ نووڕن وە کەمانچەیگ وەشیوەی جاڕوو، ئیجا هویریگ لەلیەو کەن، و یەیش هەر خوەی سەرکەفتنە ئەرا ئەو پەیامە.

ساڵحی لە کۆتایی قسەیلی دووپات کەێد کە هونەر توانا دیرێد دووارە چشتەیل رووژانە بناسنێد کە وت: خوازم بویشم کە هەر چشتیگ لە دەورمان توانێد بوودە مۆسیقا، ئەگەر وە هوشیاری تەماشای بکەیمن، پاکی هەر کاریگ رۆتینی نییە، وەلێ رەفتاریگ شارستانیە، لەبان دەروین و ژینگە شکیەێدەو.

شەفەق نيوز- هەولێر 

فيلم بەڵگەسازی "کوردەیل لەهویربریای" بەڵگەیگ زنیە لە زیان کوردەیل فەیلی لە عراق، کە رووشنایی خەێدە بان ئەو نەهامەتیەیلە کە وەسەر فەیلیەیل هات لە سەردەم رژیم وەرین، و دەنگ ئەو هاوریانە رەسنێد کە بەیە جەزرەوەی ناسنامەی کوردیان وەرانەور کامیرایەیل.

ئەو فیلمە کە هەولێر پایتەخت هەرێم کوردستان لە 21 كانون دویەم گوزەشتە 

لەناو "ئیمپايەر سينەما" لەناو "فامیلی مۆڵ" نمایش کریا، ئامادەبوین فراوانیگ لەلایەن کەسایەتیەیل سیاسی و رووشنهویری و کۆمەڵایەتی وەخوەی دی، ئەرا چەودیاریکردن ئەو کارە کە بەڵگەسازی سەردەمیگ تاریک کەێد لە میژوو بارکردن زوورکاری و تمانن ناسنامە.

بەدرە و مەندەلی.. هاواریگ لەنوای کامیرایەیل 

محمد حاجی قادر دەرهێنەر فیلمەگە ئەرا ئاژانس شەفەق نیوز وت: ئی فیلم بەڵگەسازیە باس برایەیل کورد فەیلی کەێد لە ناوچەیل بەدرە و مەندەلی و زورباتیە کە ئی کوردەیل فەیلیە تویش ستەمەیل گەورەیگ وەدەس رژیم وەرین هاتن.

  حاجی قادر رەخنە گرد لە رۆڵ راگەیانن لە رەفتارکردن وەرد ئی پرسە، کە وت: میدیایەیل راگەیانن کوردی نەتوەنست رووشنایی خاسیگ بخەنە بان ئی ستەمە کە وەسەر کوردەیل فەیلی هات، و یەیش هیشت کاریگ بکەم کە وەرجەیە ئەنجام نەیریاس، و ئی پرسە بخەمە وەرچەو کامیرا.

 لە باوەت سیناریۆی فیلمەگە، دەرهێنەر دیاری کرد کە چیرووک فیلمەگە وە کەسیگ کورد فەیلی دەسوەپی کەێد، بوودە سەرباز لە سوپای عراق، وەلێ لەو جەنگ عراق و ئیران دەسوەسەر کریەێد لەلایەن ئیران، و تا ماوەی هەشت ساڵ لە زیندان مینێد، و هەناێ ئەرا ماڵ خوەی گلەو خوەێدر دوینێد ماڵەگەی چووڵ و کاول بویە، کە خیزانەگەی وە زوورکاری باریان کریاس، تا دەسبکەێد وە کاروان مینەکردن سەختیگ.

 لە پشتپەردەیل کارەگە، وت: وینەگردن ئی فیلمە یەی مانگ وەتەواوی وەپی چگ، کە بیجگە وەخت مۆنتاژ، پویل فرەیگ خەرجی نەکریا.

باج ناسنامەی کوردی

لەلای خوەیەو، هونەرمەن هەڵکەوت زاهیر ئافەرین لە گرنگی ئی فیلمە کرد، کە رووشنایی خستنە بان فەیلیەیل، کە لە ماوەی گوزەشتە کار ئەرا ئاگادارکردن مەردم لە زیانیان نەکریا کە جەزرەوەی ناسنامەی کوردی خوەیان دان.

زاهیر لە قسەیلی ئەرا ئاژانس شەفەق نیوز وتیش: فیلمەگە لە لایەن دەرهێنان فرە خاس بوی، و چیرووک رویداوەیل وەشیوەیگ فرە رەنگین وتەو، ئومید لە میدیایەیل راگەیانن خوازم زیاتر گرنگی وەی چیرووکەیلە بیەن، وەتایبەت چینە لەهویربریایەیل ناو کورد.

شەفەق نیوز ـ وەدویاچگن

‏خانمە گورانیچڕ دەشنێ موراد نووترین گورانی خوەی وەناو "من تێکناشکێم" بڵاوکرد.

‏دەشنێ موراد کلیپ "من تێکناشکێم" لە كەناڵ یوتیوب خوەی بڵاوکرد كە لە ماوەی گوزەشتە بەرهەمەگەی پێشكەش هەواداەیلی کردبوی، ئیرنگە کلیپیگ وە مۆرک کوردایەتی ئەرای دروسکردیە.

‏دەشنێ وەرد بڵاوکردن بەرهەمەگە وت : ئیمەی گەل کورد وەرد یەک ئەرا کلتور  شوناس و نیشتمانمان هەڵسیمن" هەمان پەیامیش لە بەرهەمەگەی رەنگدەێد.

‏تێكست گورانیەگە وەلایەن ئارش عوسمان نوسیاس و كار بەرهەمهێنان میوزیكی کریاس، وەلایەن ئی ماستەرینگ كار ماستەرینگ گورانیەگە ئەنجامدریاس.

‏شەفەق نیوز ـ وەدویاچگن

‏شەش و هەشتەمین مەراسیم بەشەوکردن خەڵاتەیل گرامی لە لۆس ئەنجلس وەڕیوەچی، کە كیندریك لامار ئەرا دویەمینجار لە ساڵ بوێە  خاوەن زیاترین خەڵات.

‏بەشەوکردن دیارترین خەڵاتەیل وەیجویرە بوێن:

‏ریكۆرد ساڵ:

‏كێندریك لامار و سزا- Luther

‏ئەلبوم ساڵ:

‏باد بەنی- Debí Tirar Más Fotos

‏گورانی ساڵ:

‏بیڵی ئایڵش- Wildflower

‏خاسترین گورانیچڕ نوو:

‏ئۆلیڤیا دین

‏خاسترین بەرهەمهێنەر ساڵ- كلاسیك نەود:

‏سێركەت (لەیدی گاگا- رۆز، جەید)

‏هۆنراوەنویس ساڵ- كلاسیك نەود:

‏ئەیمی ئاڵین- (رۆز، جێنی، سابرینا كارپێنتەر)

‏خاسترین نمایش پۆپ تەنیا:

‏لۆلا یەنگ- Messy

‏خاسترین نمایش پۆپی گروپ/ دوێت:

‏سینسیا ئیریڤۆ و ئاریانا گرادێ- Defying Gravity

‏خاسترین ئەلبوم پۆپی ڤۆكاڵ:

‏لەیدی گاگا-  Mayhem

‏خاسترین ئەلبوم پۆپی ڤۆكاڵی نەریتی:

‏لەیڤەی- A Matter Of Time

‏خاسترین سەما:

‏تەیم ئیمپاڵا- End Of Summer

‏خاسترین سەما پۆپ توومارکریاگ:

‏لەیدی گاگا- Abracadabra

‏خاسترین گورانی رۆك:

‏ناین ئینچ نەیڵز- As Alive As You Need Me To Be

‏خاسترین ئەلبوم رۆك:

‏تەنستایڵ- Never Enough

‏خاسترین گورانی راپ:

‏كێندریك لامار و لێفتی گەنپلەی- TV Off

‏خاسترین ئەلبوم راپ:

‏كێندریك لامار- GNX

‏خاسترین نمایش تەنیای وڵات:

‏كریس تەیپڵتن-  Bad As I Used To Be

‏خاسترین ئەلبوم وڵات:

‏جێلی رۆڵ- Beautifully Broken

‏خاسترین كلیپ:

‏دۆچی- Anxiety

‏خاسترین فیلم میوزیك:

‏جۆن ویلیامز- Music by John Williams.

شەفەق نيوز- وەدویاچگن 

‏خانمە هونەرمەن کیژان ئیبراهیم خەیات نووترین گورانی وەناو "شەرەڤان" بڵاوکەێد.

‏کیژان ئیبراهیم خەیات لە هەشماری فەرمی خوەی لە تووڕ کۆمەڵایەتی فەیسبووک باس لە بەرهەمە نووەگەی کرد  وەناو "شەرڤان" و راگەیان " پێشکەشە وە رووح گشت شەهیدەیل ری رزگاری کوردستان".

‏بەرهەمەگەی لە هۆنراوەی ئامانج عەلییە و ئاواز و میوزیکەگەی وە زیرەکی دەستکرد دروسکریاس، نیان مەحمود هۆنراوەگە خوەنێد.

‏خانمە هونەرمەن گوانیچڕ کیژان ئیبراهیم خەیات لەداڵگبوی ساڵ 1985 شار سلێمانییە و دویەت هونەرمەن ئیبراهیم خەیاتە ساڵان فرەیگە دەسکردیە وە هونەر گورانیچڕین.

خانمە ئەکتەر کەنەدی کاترین ئۆهارا کە وە شیواز کۆمیدی ناوازەی لە فیلم و زنجیرە تەلەفزیۆنیی جویر "Home Alone" و "Beetlegoose" و "Schitt's Creek" ناسیاس، لە تەمەن 71 ساڵی کووچ دویایی کرد.

میدیا ناوخۆییەیل بڵاو کردن کە ئەو خانمە ئەکتەرە "لە ماڵەگەی خوەی لە لۆس ئەنجلۆس دویای زیانیگ وەگەرد بیماری" گیانی لەدەسدا.

ئۆهارا لە شانۆی شار دویەم لە وڵات کەنەدا دەسوە کار هونەری کردگە وەرجە چگنی ئەرا ناو فیلم، لەورا رۆڵ دوو لە ئایکۆنیترین داڵگ میژووی سینەما رانیە.

لە فیلم "بیتلێگۆس" لە ساڵ 1988 ڕۆڵ دێلیا دیتز رانێد، ئەو داڵگە خراوەکارە کە هیچ دووسییگ خوەی ئەرا شازادە ڤالیۆم نەشاردەو و شارەزا بوی لە هونەری لیو هاوسەنگکردن، ڕۆڵیگ کە لە ساڵ 2024 دووارەی کردەو.

هەرلیوا لە فیلم "Home Alone" لە ساڵ 1990 شوینپەنجەی لەیادنەکریای وەجی هیشت، کە لەناوی رۆڵ داڵگیگ شەکەت خاوەن پەنج زاڕوو رانێد، و دێڕ "کێڤین!" بویە بەشیگ لە کەلتور باو.

هاوئەسارەگەی، ماکاولی کولکین، لە سۆشیال میدیا پرسەی ئۆهارا کرد و وە "ماما" ناوی برد و نویسان: "لای خوەمەو وەخت دیریمن، خوەزگە زیاتریش بویاتاد، خوەزگە بتوانستام وەگەردد بنیشم. گووش لەلید بگرم، بەڵام فرە چشت ئەرا وتن داشتم، دووسد دیرم".

دویای سەرکەفتن فیلم "Home Alone"، ئۆهارا هاوکاری وەگەرد دەرهێنەر کریستوفر گێست کرد، رۆڵ سەرەکی لە چەن فیلمیگ دیکۆمێنتاری تەنزئامێزی وەناوبانگ رانی، لەوانە "لە چەوەڕوی گۆفمان" لە ساڵ 1996 و "خاسترین نمایش" لە ساڵ 2000.

هەرلیوا، فرەجار وەگەرد یوجین لیڤی کار کەێد و دووانەیگ لەیادنەکریای دروس کردوێن و هاوبەشی رۆڵ لە زنجیرە وەناوبانگەگەی "شیتز کریک" کرد.

بە ویناکردن ئەکتەر یاخیبوی و ئەرستۆکراتی مۆیرا ڕۆز، باسە ژیرانەیل ئۆهارا بوینە چشتیگ سەرەکی لە کۆمیدیای ئۆنلاین و ئافەرین رەخنەگرەیل.

ئۆهارا لە ساڵ 2020 خەڵات ئیمیی وەدەس هاورد، کە لە سەردەم پەتای کۆڤید-19 وەڕیەو چگ، کە ئەسارەیل دەمامک بەسان و لە گشت جیهانەو ئاهەنگ کردن.

هەرلیوا ئۆهارا خەڵات گۆڵدن گڵۆب وەدەس هاورد لەبان رۆڵ مۆیرا ڕۆز لە زنجیرەگە لە ساڵ 2021.

لەی دویاییە رۆڵ وەڕێوەبەر جیوەجیکاریگ شەکەت لە زنجیرەی "ستۆدیۆ" رانی، کە لەبان ئەوە پاڵیریای گۆڵدن گڵۆب ئەرا خاسترین ئەکتەر پاڵپشت لە زنجیرەیگ تەلەفزیۆنی وەرگرد.

شەفەق نیوز - دیمەشق

‏سەرچەوەیگ لە دمەشق پایتەخت سوریا، ئمڕوو پەنجشەممە، خەوەردا لە کوشیان هونەرمەن سوری هودا شعراوی، و کە لە دامای باب ئەلحارە وە "ئوم زەکی" ناسریاس.

‏سەرچەوەگە وە ئاژانس شەفەق نیوز وت، "شعراوی وە کوشیاگی لەناو ماڵی لە کویچەی باب سەریجە لەدیمەشق پەیاکریاس".

‏وتیش "توومەتەیل دیاریکرد تاوانبارەگە خزمەتکارەگەیە" وتیش "هێزەیل ئەمنی ناوخوەیان دەسکردنە وە لێکۆڵینەوە لە رویداوەگە ئەرا دیاریکردن چۆنیەتی رویداوەگە".

‏هودا شعراوی لە 28 ئۆکتۆبەر 1938 لە کویچەی شاغور لە دیمەشق ڵەداڵگبویە، وە یەکیگ لە هونەرمەنەیل دێرین درامای سووری تەمەنی بان 80 ساڵ بوی.

‏

‏

‏

‏ماڵ میوزیک کە هونەرمەن مستەفا عەباس سەرپەرشتی کەێد سرود نوویگ ئەرا پێشمەرگە بڵاوکرد.

‏هۆنراوەی سرودەگە لە مامووسا هەژار موکریانییە و ئاواز و موزیک لە مستەفا عەباس عەلییە.

‏

‏هونەرمەن، زانا عەبدوڵاهی وەرد شاعیر، بەڵێن سەنگاوی  بەرهەمیگ هاوبەش ئەرا رۆژاڤا بڵاوكردن.

‏زانا عەبدوڵاهی و بەڵێن سەنگاوی بەرهەم "پەنجەی 3 و 4"ـیان بڵاوكرد، لە تێكست  بەڵێن- شاعیرە و هونەرمەن خوەی ئاوازەگەی دانایە، هاوكار حاجی كار دراوردن كلیپەگەی ئەنجامدایە.

‏برهەمەگە زانا و بەڵێن، وە مەبەست پشتگیریكردن رۆژاڤاس و لە كەناڵ یوتیوب وەردەسە.

‏

‏خانمە گورانیچڕ ژینێ ئەتروشی نووترین بەرهەم پاڵپشتی رۆژئاڤا وەناو "کوردستان" بڵاوکرد.

‏ژینێ  لە كەناڵ یوتیوب خوەی بەرهەم "كوردستان" وە زوان   ئینگلیزی بڵاوکرد، لە تێكست و ئاواز هونەرمەن خوەی نویسریاس، سیداد قەدر كار ئەڕێنجمێنتی کردیە، لە دەرهێنان"SM Agency"ـە.

‏ژینێ ئەتروشی لەداڵگبوی ساڵ 1998ـە و خەڵک دهۆکە، باوجی لە نەرویج گەورەبویە، چەن ساڵیگە دەس وەکار هوونەریکردیە و خاوەن چەندین گورانی و ڤیدیۆ کلیپە.

‏

‏خانمە ئەکتەر، ناتالی پۆرتمان وەگەرد ئەوەگ خاوەن خەڵات ئۆسکارە و یەکیگە لە خاسترین ئەکتەرەیل باوجی مناڵەیلی سەرسام وە فیلمەیلی نیین و نیەنووڕن وەپی.

‏ناتالی پۆرتمان لە نوێترین دەرکەفتنی لە ڤیستیوال فیلم "Sundance" باس لە هویردەکاری ژیان خوەی کرد و دوو مناڵەگەی و راگەیان   دو مناڵەگەی "ئامیڵیا و ئالیف" وە گشتی رەدیکەن بنووڕنە فیلمەیلیم و هەر کاریگ هونەری من لەناوی بووم، و منیش هەڵوژاردەگە ئەرا خوەیان وەجی هیلم".

‏ لەباوەت هووکارەگەی ناتالی باس لەوەکرد "مناڵەیلم خوازم زیاتر جویر داڵگ ئیسفامبکەن، نەک جویر ئاسارەی فیلم منیش هەڵوێستیان بەرزنرخنم".

‏

‏

‏

‏میدیایەیل تورکیا، ئمڕوو پەنجشەممە، گیانلەدەسدان گورانیچڕ ئۆپێرای تورکیا وە جویریگ   تراژیدی لە شار ئەستەنبوڵ راگەیان.

‏وەپای خەوەر میدیایەیل: "لە رویداویگ دڵتەزن کە لە ناوچەی (بەهچەلی ئەڤلەر) لە ئەستەنبوڵ رویدا، ئیمراه ئەردەم گیدیک، هونەرمەن کۆراڵ لە خانەی ئۆپێرا و بالێی دەوڵەت، ساعەت 22:38 دویەشەو وە مدوو وەخوارکەفتن   لە باڵکۆن شوقەگەی گیانلەدەسدا".

‏ وەپای زانیاریەیل، "گیدیک" لە نهۆم پەنجەم باڵەخانەیگ سێنزە نهۆمی  نیشتەجیبویە وە مدوو نادیاریگ وەخوارکەفتیە ئەرا ناو باخچەی باڵەخانەگە، دویای خەوەردارکردن پۆلیس تیمیەیل فریاکەفتن وەلایەن هاوڵاتیەیلەو، هونەرمەنەگە کە وە سەختی زەخمدار بویە رەسانوین ئەرا خەسەخانە.

‏ وەبان تەقەلا پزیشکیەیل باوجیوە مدوو سەختی زەخمداریەگەی گیان لەدەسدا.

‏

‏