نیل گیمان

Category: هونه‌ر

Date: 2020-05-19T22:21:57+0000
نیل گیمان

ئایا روژیگ دڵداری کردیدە؟

زانید کار فرە سەختیگە؟

کاریگە هیلێگەد نازک و لاواز بوید

لەدەر سینەو دڵد وسیەێد

واتە کەسیگیان هاتە ناویان وخەریک دەسکاریە

ئی هەمکە مقیەتیە ئەرا بەرگری کریاگە

کراسیگ جوی قەڵغان، تا کەسیگ زیان وەپید نەرەسنێد

وەیەکجا، وەناکاوەو کەسیگ شڕوشیت تیەێد

هویچ جیوازی نەیرێد لەو شیتەگان تر.

تیەێد، وگەردیەێدە ناو ژیانە وڕەگەد

تویش چینیگ لەخوەد وەپی دەێد

ئەو هویچ لەلید داوا نەکردیە

ئەو تەنیا یەک کاریگ بیتام کردیە

جوور ماچیگ

یا جوور زەردەخەنەیگ

ویەکجارەو ژیاند جوور خوەی نیمینێد

دڵداری بەێدەد جوور رفیاگ

چوودە ناو پووسد

قویتد دەێد

ئیجا هیلێگەد وتەنیا

لەناو تاریگی دەسکەێدە گیریە

تەنانەت قسەیلیگ جوور ( شایەت خاسترە ئەگەر بویمنە برادەر)

بوودە کوتە شویشە

وڕی خوەی ئەرا ناو دڵدا دڕێد

ئا، کاریگ ژان دارە

نەگ تەنیا لە خەیاڵ و مێشک

ژانیگە ئەرا گیان

ژانیگ راستەقینە خوەی لەناود پلگنێد و دڕێدەد.

 

نیل گیمان/ بریتانیا

related