کوردستان.. بەرزترین ئامار روژانە وە ٢٩٩ تووشهاتگ و ٨ مردن وە کۆرۆنا

Category: هــــه‌واڵ كــوردى

Date: 2020-06-22T23:12:30+0000
کوردستان.. بەرزترین ئامار روژانە وە ٢٩٩ تووشهاتگ و ٨ مردن وە کۆرۆنا

شەفەق نیوز/ وەزارەت تەندروسی لە حکومەت هەرێم کوردستان، دووشەممە، راگەیان لە تۆمار کردن هەژمار تووشهاتنیگ بیوەرین وە ڤایڕۆس کۆڕۆنا، وە ٢٩٩ تووشهاتگ و ٨ مردگ لە ماوەی ٢٤ ساعەت گوزه‌یشته‌.
بەیاننامەی ژمارە ١١٨ ئەرا وەزارەتەگە، ک تایبەتە وە ٢٤ ساعەت وەرین ئەرا ڤایڕۆس کۆرۆنا، و رەسیە ئاژانس شەفەق نیوز؛ ک ٢٣٥ کەس نوو کەرەنتین کردگە، و دیاری کرد ک هەژمار کەسەیل ناو کەرەنتین رەسێدە ١٢٢١ کەس لە ٣١ شوون جیا جیا، ٤٤٥ لەلیان لە هەولێر، ٥٥ لە سلێمانی ، ٧٢١ لە دهۆک.
بەیاننامەگە هەمیش وت: وەزارەتەگە ٢١٥٦ تاقیكاری نوو ئەنجام داگە، ٧٦١ لە هەولێر، ٧٦٥ لە سلێمانی ، ٤١٢ لە دهۆک ، ٣٠ لە هەڵبجە ، ١٤٦ لە گەرمیان، ٤٢ لە راپەڕین. ودیاری کرد ک ئەنجامەگان تووشهاتن ٢٩٩ کەس نوو وە ڤایڕۆسەگە دەرخستن، ٣٤ لە هەولێر، ١٦٩ لە سلێمانی ، ٦١ لە گەرمیان ، ٢٠ لە راپەڕین ، ٣ لە دهۆک ، ١٢ لە هەڵەبجە.
بەیاننامەگە باس خاسەوبوین ١٦ تووشهاتگ وەیەکجاری لە پەتاگە کرد، ١٢ لەهەولێر ، ٤ لە گەرمیان ، و راگەیان لە مردن ٨ تووشهاتگ، ٣ لەهەولێر، ٣ لە سلێمانی ، ٢ لە گەرمیان.
بەیاننامەگە گشت کەسەیل ناو کەرەنتینە لە وەخت دیارکەفتن پەتاگە گردەوکرد وە ١٥٧٠٤ کەس ، لەلیان ١٤٤٨٣ دەرچگە، و باسکرد لە ئەنجامداین ١١٩٦٠٢ تاقیکردن ، ٥٦١١٤ لە هەولێر، ٣٦٦٤٠ لە سلیمانی ، ٢٥٩٧٠ لە دهۆک ، ٨٧٨ لە هەڵەبجە.
لەباوەت گشت تووشهاتگەیل وە ڤایڕۆسەگە لەوەخت دیارکەفتنی لە هەرێمەگە، بەیاننامەگە ئاماژەدا؛ وە ٤١٦٤ تووشهاتگ ، ٩٥٠ لە هەولێر ، ٢٩٥٥ لە سلێمانی ، ١٥٤ لە دهۆک ، ١٠٥ لە هەڵەبجە ، ودیاری کرد ک ١٤٠٨ تووشهاتگ وەیەکجاری خاسەووبوین، ٦١٢ لە هەولێر ، ٧٤٥ لە سلێمانی ، ٣٦ لە دهۆک ، ٧٠ کە هەڵەبجە.
ولەباوەت گشت تووشهاتگەیل ک لەوەر ڤایڕۆسەگە مردن لەوەخت دیارکەفتنی لە هەرێمەگە بەیاننامەگە ئاماژەدا؛ وە مردن ١١٨ تووشهاتگ ، ١٨ لە هەولێر، ٩٨ لە سلێمانی ، ٢ لە هەڵەبجە.
بەیاننامەگە سوپاس ورێز ئەرا پزشک وکادرە تەندروسیەگان کل کرد و دوارەی داواکاریی کرد لە هاووڵاتیەیل ئەرا پابەندبوین وە رینما تەندروسیەگان و دویرکەفتن لە شوونەیل قەرەباڵغ، و وەکارهاوردن دەمامەک و دەسکیش، و پەیوەندی وە هێڵە سویەرەگە بکەن لە وەختەیل پەیوست.

related