سێ سەرۆکایەتیەگەی هەرێم کوردستان گردەوبوون ئەرا بڕیاریگ کۆتایی دەربارەی مووچە

Category: هــــه‌واڵ كــوردى

Date: 2020-06-21T18:23:53+0000
سێ سەرۆکایەتیەگەی هەرێم کوردستان گردەوبوون ئەرا بڕیاریگ کۆتایی دەربارەی مووچە

شەفەق نیوز/ بڕیارە ک سوو دووشەممە، سێ سەرۆکایەتی هەرێم کوردستان کۆبونەوەیگ ئەنجام بیەن، ئەرا دەرکردن بڕیاریگ کۆتایی دەربارەی مووچەو شایستەیل فەرمانبەر وکارمەنەیل لە کەرت گشتی.
کویستان محمد وەزیر کارو باوەتە کۆمەڵایەتیەگان ئمڕوو ئەرا رۆژنامەنووسەیل وت: سێ سەرۆکایەتیەگە ک سەرۆک هەرێم وپەرلەمان وحکومەت گریدەو، سوو گردەوبوون ئەرا دەرکردن هەڵوێست کۆتایی لە چارەنووس مووچەگان.
حکومەت فیدڕاڵی وەرین وەسەرۆکایه‌تی عادل عەبدلمەهدی، خەرجکردن مووچەی فەرمانبەر وکارمەنەیل بڕی لە کەرت گشتی لە هەرێم کوردستان، ک بویە قەیرانیگ لەسای بڵاوبوین ڤایڕۆس کۆڕۆنا، وداوەزین نرخ نەفت لە بازاڕە جهانیەگان، و وسانن بازرگانی ناودەوڵەتی، وبەسانن مەرزە سنوریەگان.
حکومەت کوردستان تەقەلا دەێد لە ری دانوستان وەل حکومەت عراقی ئیسە وەسەرۆکایەتی موستەفا کازمی سەرۆک وەزیران، ئەرا چارەسەرکردن ناکۆکیەگان وباوەتە دویاخریایەگان، وه‌تایبەت ئەوەیگ پەیوەندی وە مووچە و فروشتن نەفت دیرێد.

related