حكومه‌ت هه‌رێم دوسيه‌يليگ خاسسازى و پرس په‌نابه‌ره‌يل سوورى تاووتوێ كرد

Category: هــــه‌واڵ كــوردى

Date: 2019-10-30T18:40:39+0000
حكومه‌ت هه‌رێم دوسيه‌يليگ خاسسازى و پرس په‌نابه‌ره‌يل سوورى تاووتوێ كرد

شه‌فه‌ق نيوز/ ئه‌نجومه‌ن وه‌زيره‌يل هه‌رێم كوردستان، دانيشتنيگ ئاسايى وه‌ سه‌رۆكايه‌تى مه‌سرور بارزانى سه‌رۆك ئه‌نجومه‌ن وه‌زيره‌يل و وه‌ ئاماده‌بوين قوباد تاڵه‌بانى جيگرى سازكرد.

 

له‌ سه‌ره‌تاى دانيشتنگه‌ سه‌رۆك ئه‌نجومه‌ن وه‌زيره‌يل باس له‌ پرووسه‌ى كوشتن ئه‌بو به‌كر به‌غدادى سه‌ركرده‌ى داعش كرد و وت: ئه‌و پرووسه‌ فريه‌ گرنگ بويه‌، وه‌لێ يه‌يش ماناى كووتاييهاتن تيرۆر نيه‌و هيمان داعش مه‌ترسى فريه‌يگ ديريد له‌بان هاووڵاتيه‌يل له‌ چه‌ن ناوچه‌يگ له‌ عراق و يه‌يش ده‌رخست ك ئه‌فسانه‌ى داعش له‌بان ده‌س هيزه‌يل پێشمه‌رگه‌ ويران كرياو رێ ئه‌را له‌ناوبردن ئه‌و ريكخرياگ خوه‌شكرد له‌ عراق جوور ئه‌وه‌گ له‌ سوريا له‌بان ده‌س كورد راو نريا.

 

سه‌رۆك وه‌زيره‌يل رووشناييش خسته‌ بان دويايين رويداگه‌يل عراق و باس له‌وه‌ كرد خراوى بارودوخ عراق له‌ به‌رژه‌وه‌ندى هه‌رێم كوردستان و عراق نيه‌ وه‌شيوه‌يگ گشتى.

 

جى باسه‌، سه‌رۆك وه‌زيره‌يل جه‌ختيش له‌ خواست هه‌ڵه‌په‌ڵه‌ كرد له‌باره‌ى داناين پرووژه‌ ياسايه‌يليگ خاسسازى و جيگيركردنى تا وه‌ى نزيكه‌يله‌ ره‌وانه‌ى په‌رله‌مان بكريه‌ێد له‌ چوارچيوه‌ى كارنامه‌يل كابينه‌ى نۆيه‌م، بيجگه‌ خستنه‌ڕوێ راپۆرتيگ له‌لايه‌ن رێبه‌ر ئه‌حمه‌د وه‌زير ناوخوه‌يى له‌باره‌ى پلان ته‌وارى مرۆيى ئه‌را وه‌هاناڕه‌سين په‌نابه‌ره‌يل سوورى ك روێ له‌ هه‌رێم كوردستان كردنه‌و هه‌ر وه‌و خاتريشه‌ پيشنيار دامه‌زرانن سه‌ندووقيگ هه‌ميشه‌يى ئه‌را حاڵه‌يل ئنسانى كرياگه‌ له‌ هه‌رێم كوردستان.

related

حكومه‌ت هه‌رێم ئوميدواره‌ بودجه‌ى 2020 مقه‌يه‌تى به‌رژه‌وه‌ندى گشت عراقيه‌يل بكا

Date: 2019-11-15 20:24:23
حكومه‌ت هه‌رێم ئوميدواره‌ بودجه‌ى 2020 مقه‌يه‌تى به‌رژه‌وه‌ندى گشت عراقيه‌يل بكا

حكومه‌ت هه‌رێم هاوخه‌مى خوه‌ى ده‌رخست ئه‌را قوربانيه‌يل زه‌ويه‌له‌رزه‌گه‌ى توركيا

Date: 2020-01-25 20:09:13
حكومه‌ت هه‌رێم هاوخه‌مى خوه‌ى ده‌رخست ئه‌را قوربانيه‌يل زه‌ويه‌له‌رزه‌گه‌ى توركيا

حكومه‌ت هه‌رێم: خه‌وه‌ر له‌ راده‌سكردن 176 تيرۆريست وه‌ كه‌ركوك نه‌يريم

Date: 2020-05-21 21:01:07
حكومه‌ت هه‌رێم:  خه‌وه‌ر له‌ راده‌سكردن 176 تيرۆريست وه‌ كه‌ركوك نه‌يريم

كوردستان ئامار تازه‌ى هاتن په‌نابه‌ره‌يل سوورى ئه‌را هه‌رێم ده‌رخست

Date: 2019-10-19 19:34:37
كوردستان ئامار تازه‌ى هاتن په‌نابه‌ره‌يل سوورى ئه‌را هه‌رێم ده‌رخست

دوياى برياريگ حكومه‌ت كوردستان.. په‌نابه‌ره‌يل سوورى گله‌وخوه‌ن ئه‌را وڵاته‌گه‌يان

Date: 2020-06-07 21:17:28
دوياى برياريگ حكومه‌ت كوردستان.. په‌نابه‌ره‌يل سوورى گله‌وخوه‌ن ئه‌را وڵاته‌گه‌يان

وه‌زيريگ له‌ حكومه‌ت هه‌رێم ده‌س له‌ پۆسته‌گه‌ێ له‌ پارت ديموكرات كوردستان كيشاوه‌

Date: 2019-08-24 20:56:59
وه‌زيريگ له‌ حكومه‌ت هه‌رێم ده‌س له‌ پۆسته‌گه‌ێ له‌ پارت ديموكرات كوردستان كيشاوه‌