پارێزگایگ عراقی ٢٣ تووشهاتگ نوو وەکۆڕۆنا تۆمار کرد

Category: هــــه‌واڵ عــیراق

Date: 2020-06-22T23:15:14+0000
پارێزگایگ عراقی ٢٣ تووشهاتگ نوو وەکۆڕۆنا تۆمار کرد

شەفەق نیوز/ ئه‌مروو دوشه‌ممه‌، سەرچەوەیگ لە شانەی قەیرانەگە لە سەڵاحەدین، خەوەردا لە تۆماکردن ٢٣ تووشهاتگ نوو وە ڤایرۆس کۆرۆنا.
سەرچەوەگە ئەرا ئاژانس شەفەق نیوز وت: ئەنجامەگان دویای هەڵوێستە پەتایی گشتیەگە ٢٣ تووشهاتگ وە کۆڕۆنا دەرخستن، ودیاریکرد ک ١٦ لەو تووشهاتگەیلە لە دجێل بوی ئەرا مەدەنی وسەربازی و ٦ تووشهاتگ لە قەزای بەلەد باشوور پارێزگاگە، ویەک تووشهاتگ لە قەزای سامەڕا.
سەرچەوگە خەوەردا ک کادرە تەندروسیەگان کارو رێوشۆینەگان ئەرا بیمارەگان له‌وه‌رچه‌و گرتن.
وەگورەی ئامارەیل سەڵاحەدین، پارێزگاگە زیاتر لە ١٦٠ تووشهاتگ تۆمار کردگە، و یەک مردن و زیاتر لە ٣٠ خاسەوبوی لە بیماریەگە.
وەزارەت تەندروسی عراق لە وەختیگ وەرین روژ دووشەممە، خه‌وه‌ر لە تۆمارکردن ٦٧ مردگ و ١٨٠٨ تووشهاتگ نوو وە ڤایڕۆس کۆڕۆنا دا ، لە ماوەی ٢٤ ساعەت وەرین، ک بەش سەڵاحەدین لەلی ١١ تووشهاتگ بوی.

related