وەخاکسپاردن زیاتر لە ٢٠٠ مردگ وە کۆڕۆنا لە نەجەف

Category: هــــه‌واڵ عــیراق

Date: 2020-07-03T20:27:24+0000
وەخاکسپاردن زیاتر لە ٢٠٠ مردگ وە کۆڕۆنا لە نەجەف

شەفەق نیوز/ پارێزگای نەجەف، رووژ جومعە، راگەیان لە ئامادەکردن و وەخاکسپاردن زیاتر لە ٢٠٠٠ مردگ وە ڤایڕۆس کۆڕۆنا لە قەورسان وادی سەلام، لە وەخت دیارکەفتن پەتاگە تا ئیسە.
راگەیانن پارێزگاگە لە بەیاننامەیگ رەسیە ئاژانس شەفەق نیوز وت: ئەوەی ک بڕیگ لە تووڕە کۆمەڵایەتیەگان بڵاوی کردن لە پارچە ڤیدیۆ دیارخەێد گوایە نەجەف رازی نیە لە وەخاکسپاردن مردگەیل ک لە پارێزگایلتر تیەن لە وەخاکسپاردنیان لە قەورسانەگە هیچ راس نیە، و ستەمیگە لەبان نەجەف و حکومەت خۆجێیەگە و خەڵک شارەگە.
وتیش؛ ئی شارە لە گشت قەیرانەگان و سەختترینیان دەرەیلی وازبویە ئەرا مردگەیل، و گشت پلانیگ دانایمنە ئەرا ئاسانکاری وەناوهاتن تەرمەگان وەگەرد دیاری کردن ئەوانەگ هانە گەردی، و بڕ تەرمەگان لە رووژەیل گوزەیشتە رەسیە سەدان لە رووژانە، و ئەویش لە خاڵە ئەمنیەگان تۆمار کریاگە.
راگەیانن پارێزگاگە هەمیش وت: لە باوەت تەرمەیل ڤایڕۆس کۆڕۆنا، زەوی تایبەتیگ ئەرایان تەرخان کردیمن، ناوی نریا وە قەورسان وادی سەلام نوو، ولەلایەن فیرقەی جەنگاوەره‌یل ئیمام علی لیوای دویەم ئەرک ئامادەکردن وکفن ونماز و وەخاکسپاردن هەڵگردن ودروسکردن قەور گونجیاگیگ وەبی وەرانوەر، و ئەویش ئەرا گشت عراقیەگان ئاشکرایە، و تا ئمڕوو زیاتر لە ٢٠٠٠ قوربانی وەخاکسپاریاگە لە پارێزگایل جوراوجوور عراق.

related