هاوپەیمان ناودەوڵەتی پەنج شوین رادەس هيزه‌يل عراقى كرد

Category: هــــه‌واڵ عــیراق

Date: 2020-05-25T13:16:17+0000
هاوپەیمان ناودەوڵەتی پەنج شوین رادەس هيزه‌يل عراقى كرد

شەفەق نیوز/ وشکن گشتی بنتاگۆن، ئمڕوو دووشەممە، باس کرد كهاوپەیمان ناودەوڵەتی وە سەرپەرشتی ئەمریکا، پەنج شوین داوەدەس هێزەیل عراق لەدویای ناکۆکی وەل ئیران، ولە خود وەختەگە هوشداری دا لە واین وه‌ کۆمەڵ دە هەزار داعشی لەناو زیندانەیل.
وشکن گشتی وەزارەت بەرگری ئەمریکا (بنتاگۆن) لە راپۆرت نوویگ وت؛ هیزەیل هاوپەیمان ناودەوڵەتی دژوە داعش پەنج شوین سەربازی دانه‌ دەس هێزەیل عراقی، ک تەیارەخانەی مووسڵ هاناویان وناوەندیگ ستراتیژی لە نزیک سنور عراق - سوریا ک ناسریاگە وە قائیم.
وشکنەگە وت ئی کارە وە هۆی ناکوکیەگان ناونی ئەمریکا وئیران کریا، له‌شوون پەلامار چەن شوینیگ سەروە هێزەیل ئەمریکە وهاوپەیمانی ، دویای دەسوشانە ئەمریکیەگە ک لەئەنجامی قاسم سولەیمانی سەرکردەی فەیلەق قودس سەروە پاسەوان شوڕش نەتەوەیی ئیرانی، لە کانون دویەم وەرین كوشیا.
راپۆرتەگە ک رۆژنامەی (شرق الاوسط) خوەرهاڵات ناوڕاس سعودی بڵاوی کرد؛ دیاری کرد؛ ک ناکۆکی ئیران وباڵەیل چەکدار وەل ئەمریکا هێشت ئه‌را مقەیەتی هێزەگە ئاڵشتی زویەنەیگ بكریه‌ید لە شوین هێزه‌یل ئەمریکی و وتیش؛ لە ماوەی ناونی ١٧ ئادار تا ٣٠ لەی مانگە، ئەمریکا ٤ شوین سەربازی داگە دەس هێزەیل سەربازی عراق، لەناویان فڕۆکه‌خانەی مووسڵ و ناوەندیگ ستڕاتیژی نزیک سنور عراقی سوری، ک وە قائیم ناسریاگە ، ولە نیسان وەرین هاوپایمانیەگە پەنجم شوین ته‌سلیم كرد.

ئاماژەیش دا ک ئۆپراسیۆن (هێز سەخت) ، ک ئەمریکا ئەرا لەناوبردن داعش لە عراق و سوریا سەرپەرشتیی کەێد ، لە فرە بیاننامە دووپات ئەوە کردیه‌ ک کارەیل ئاڵشتکردن لەماوەیگ دریژ پلان ئەرای نریاگە، یه‌ش لە ئەنجام دەسوەشاننەیل سەرکەفتگ دژوە داعشه‌ ك کار ئاڵشتکردن ها له‌ شوونی . وه‌لی
ئیسە بەشیگ لەلی دویا خستنه‌ وەهۆی هەڕەشەی باڵەیل عراقی ک سەروە ئیرانن.
په‌رسف ئیران لەبان کوشتن سولەیمانی ، وەشانن مووشەک بی ئەرا بان سه‌ربازگه‌یل ئەمریکا، ودەزگایل سەروە هاوپەیمان ناودەوڵەتی ك بویە هۆی زەخمداری دەیان كه‌س لە هێزه‌یل ئەمریکا له‌ دوو شوین عراق. ودوو سەباز ئەمریکی ویەک بریتانی کوشیان وەختا زیاتر لە دە مووشەک کەفتە بان سەربازگه‌ی تاجی لە ئادار وەرین.
راپۆرتەگە هوشداری لە واین زیاتر لە ١٠ هەزار چه‌كدار داعش دا، لە زیندانەیل هاوپەیمانەیل سوپای ئەمریکا لە سوریا. وتیش؛ هێزەیل سوریای دیموکرات دەور دوو هەزار چه‌كدار بیگانە لە داعش گرتنه‌، ودەور ٨ هەزار چه‌كدار عراقی وسوری لە ٢٠ ناوەند ده‌سوه‌سه‌رن، ومەترسی لە واینیان هەس.
وەگورەی راپۆرتیگ ئەرا وشکنە گشتیەگە؛ داعش دەور ١٤ هەزار تا ١٨ هەزار چه‌كدار لە پشتگیرەیلی لە سوریا و عراق دیرێد.

related