عەلاوی لە ژیر گومەز پەرلەمان.. هاکو مووچەی فەرمانبەرەیل؟

Category: هــــه‌واڵ عــیراق

Date: 2020-07-12T19:49:51+0000
عەلاوی لە ژیر گومەز پەرلەمان.. هاکو مووچەی فەرمانبەرەیل؟

شەفەق نیوز/ بریكار دەسەی دارایی لە پەرلەمان عراقی، ئمڕوو یەکشەمە، ئاشکرا کرد لە جوولەیگ پەرلەمانی ئەرا میوانکردن عەلی عەلاوی وزیر دارایی، ئه‌را رەسینەوە لە هووکارەیل دیرکەفتن خەرج مووچەی فەرمانبەرەیل دەوڵەتەگە.
ئەحمەد سەفار ئەرا ئاژانس شەفەق نیوز وت: جوولە و داواکاری پەرلەمانی هەس ئەرا میوانکردن عەلی عەلاوی وزیر دارایی، لە پەرلەمان عراقی، لە ماوەی رووژەیل ئایندە، ئەرا رەسینەوە لە هووکارەیل دیرکەفتن خەرج مووچەی فەرمانبەرەیل دەوڵەتەگە، وتیش؛ پویلەگە دابین کریاگە و حکومەت قەرزی کردگە ئەرا ئی کارە، بەڵکم تا ئیسە خەرج نەکریاگە.
و دیاری کرد ک ئی کارە قورسایی فرەیگ خستە بان فەرمانبەرەیل، وه‌تایبەت لەی رەوشە ک عراق وەخوەی دوینێد، و دووپاتکرد ئەوەسا پەرلەمان عراقی هەڵوێستیگ وه‌رگرید ئەرا زانستن هووکار ئی كه‌مته‌رخه‌میه‌ لە خەرج نەکردن مووچەیل، هەرچەن ئەرا سێ مانگ ئایندە دابین کریاگە.
دەسەی دارایی پەرلەمانی وه‌رژه‌یه‌، باسکرد لە دابینکردن پویل خەرجکردن مووچەی فەرمانبەرەیل، و دووپاتکرد ک وەزارەتەگە فەرمان وە خەرجکردن مووچەیل رەوانە نەکردگە.
وەرجەیە، حکومەتەگە پڕۆژە یاسایگ پێشکەشکرد لە قەرزکردن دەیشتەکی بایی ٥ ملیار دۆلار، و ناوخۆیی بایی ١٥ ترلیۆن دینار، ئەرا پڕەوکردن پەککەفتنە داراییەگە لە وڵات.

related