زورفى يه‌كه‌م گفتگووه‌يل تايبه‌ت وه‌ هه‌رێم كوردستان ئه‌نجام دا

Category: هــــه‌واڵ عــیراق

Date: 2020-03-18T19:52:53+0000
زورفى يه‌كه‌م گفتگووه‌يل تايبه‌ت وه‌ هه‌رێم كوردستان ئه‌نجام دا

شه‌فه‌ق نيوز/ عه‌دنان زورفى راسپارياگ ئه‌را دامه‌زرانن حكومه‌ت تازه‌ى عراقى، يه‌كه‌م گفتگوو وه‌ل فوئاد حسێن وه‌زير دارايى ساز كرد.

 

له‌ى باوه‌ته‌و، نويسينگه‌ى زورفى له‌ به‌ياننامه‌يگ وت: له‌و ديداره‌ زورفى باس له‌ به‌رنامه‌ حكوميه‌گه‌ى ئاينده‌ى و ديد سياسى و ئابوورى ئاينده‌ى وڵاته‌گه‌و چوينێتى چاره‌سه‌ركردن مه‌سه‌له‌يل ناونى حكومه‌ت ناوه‌ندى و حكومه‌ت هه‌رێم كردگه‌.

 

لاى خوه‌ييشه‌و، نويسينگه‌ى فوئاد حسێن وه‌زير دارايى له‌ به‌ياننامه‌يگ وت: له‌و ديداره‌ باس له‌ باوه‌ته‌يل جوراوجوور كرياگه‌، له‌وانه‌يش به‌رنامه‌ى حكومى و چوينێتى روێ وه‌ڕوێ بوينه‌وه‌ى سه‌ختيه‌يل و باردوخ سياسى ناوخوه‌يى و هه‌ڵويست حزبه‌يل سياسى له‌ مه‌سه‌له‌ى راسپاردن و ديد زورفى له‌ باره‌ى چوينێتى مامڵه‌كردنى وه‌ل هه‌رێم كوردستان و ريه‌يل چاره‌سه‌ر كيشه‌يل ناونى حكومه‌ت ناوه‌ندى و هه‌رێم.

 

جى باسه‌ له‌ به‌ياننامه‌گه‌ى وه‌زير دارايى هاتگه‌ فوئاد حسێن قه‌وڵ ئه‌وه‌ داگه‌ ديد زورفى بڕه‌سنێده‌ سه‌ركردايه‌تى سياسى له‌ كوردستان و نوێنه‌ر حززبه‌يل كوردستانى له‌ هه‌رێم.

related

حكومه‌ت عراقى خوازياره‌ هه‌رێم كوردستان په‌يوه‌س وه‌ ريككه‌فتن ئۆپيك بكا

Date: 2020-04-12 09:39:44
حكومه‌ت عراقى خوازياره‌ هه‌رێم كوردستان په‌يوه‌س وه‌ ريككه‌فتن ئۆپيك بكا

حكومه‌ت عراقى له‌وه‌ر سه‌رشمارى مه‌ردمى ئاشكراى هه‌ماهه‌نگى وه‌ل هه‌رێم كوردستان كرد

Date: 2019-07-17 10:48:59
حكومه‌ت عراقى له‌وه‌ر سه‌رشمارى مه‌ردمى ئاشكراى هه‌ماهه‌نگى وه‌ل هه‌رێم كوردستان كرد