دیالە لە قەیەغەی هاتووچگن ئازاد بوود

Category: هــــه‌واڵ عــیراق

Date: 2020-07-01T20:37:32+0000
دیالە لە قەیەغەی هاتووچگن ئازاد بوود

شەفەق نیوز/ شانەی قەیرانەگە لە پارێزگای دیالە، چوارشەممە، بڕیاردا وە لاوردن ‌قەیەغەی هاتووچگنە گشتگیرەگە ئەرا سوو پەنجشەممە، و ئاڵشتکردنی ئەرا نیمچە قەیەغە.
بەیاننامەیگ ئەرا شانەی قەیرانەگە رەسیە ئاژانس شەفەق نیوز وت: بڕیارەگە لەبان داواکاری فرەیگ و رەوش پارێزگاگە و وڵاتەگە وە گشتی دریا.
وتیش: قەیەغەیە لە ساعەت ٥ شەوەکی تا ٦ ئیوارە لاوریەێد، و قەیەغە گشتگیرەگە وەردەوامبوود ئەرا رووژەیل جومعە و شەممە، وەگەرد چەودیری رینمایه‌گان فەرمانگەی تەندروسی دیالە.
ئەرا نواگردن لە بڵاوبوین ڤایڕۆس کۆرۆنا، قه‌یەغە گشتگیرەگە ئەرا سێ رووژ لە هەفتەگە چەسپیا ک پەنجشەممە و جومعە و شەممە بوی. لەو رووژەگانتر هەفتەگە نیمچە قەیەغە چەسپیەێد، لە شەوەکی تا ئیوارە، و فرەیگ لە دانیشتوەیل دادکردن لە کاریگەری قەیەغە گشتگیرەگە لەبان ژیان و كاره‌یلیان.

related