دویای مردن پیاویگ ، ئەنبار رێوشۆین مقەیەتی نوو وەکارتیەرێد

Category: هــــه‌واڵ عــیراق

Date: 2020-05-31T14:32:40+0000
دویای مردن پیاویگ ، ئەنبار رێوشۆین مقەیەتی نوو وەکارتیەرێد

شەفەق نیوز/ فەرمانگەی تەندروسی ئەنبار، باس لە وەردەکاری رەوش نەخوەشەگە کرد، ک ئمڕوو دووشەممە لە کەرت تەوەگان خەسەخانە مرد، دویای تویشهاتنی وە ڤاێڕۆس کۆڕۆنا، وئاماژەدا وە جیهاوردن رێوشوێنیگ مقەیەتی ئەرا وەقەیەودریاگەیل.
تەندروسی ئەنبار لە بەیاننامەیگ ک رەسیە ئاژانس شەفەق نیوز وت؛ خوازیمن دیاری رەوش نەخوەشەگە ئەرادان بکەیمن ك خەڵک خالدیەس و ئمڕوو یەکشەممە لە خەسەخانە کۆچ دویایی کرد. نەخوەشەگە تویش ڤاێڕۆس کۆڕۆنا هاتوێد، لە چەن شوونیگ چارەسەرەی کردیاد، خوەییش پیاو پیریگە، نەخوەشی دڵ و گورچگ داشتگە، وەل ٣ جەڵتە وئاو لەسینەی بویە.
وتیش؛ لەلایەن دکتۆر موستەفا ئەحمەد گەتاع لە ناحیەی خالدیە تاقی کریاگە، ویەکسەر رەوانەکریاگە ئەرا خەسەخانەی رەمادی، ئەرا تاقیکردن مفڕاس ودیاردا ک تویش کۆڕۆنا هاتگە، وخریاسە ژوور کەرەنتینە، ئیجا دەرمان وەپی دریاگە.
تەندروسی ئەنبار هەمیش وت؛ تاقی گشت وەقەیەودریاگان کریا، وئەنجامەگەی پاک دەرچگ، ک هویچ لەلیان تویش نەهاتگە، و تا ١٤ روژ لەماڵەیل خوەیان کەرەنتین کریان.

related