دوو گیچەڵ لە نوای کازمی

Category: هــــه‌واڵ عــیراق

Date: 2020-04-27T19:00:53+0000
دوو گیچەڵ  لە نوای کازمی

شەفەق نیوز/ فراکسێۆن بەیارق خەیر پەڕلەمانی، ئمڕوو دووشەممە، دوو کێشە دیاری کرد، ک هانە وەردەم سەرۆک وەزەرەیل راسپیردراگ موستەفا کازمی، پێشبینە ک دۆڕانن وە حوکمەتەگەی تیەرن.
محمد عوسمان خالدی سەرۆک فراکسێۆنەگە ئەرا شەفەق نیوز وت: دوو گیچەڵ ها لە نوای موستەفا کازمی سەرۆک وەزیرەیل راسپیردراگ، ئەگەر حوکمەتیگ بەشبەشی هاورد واتە داوایل مەردم وخۆپیشاندەرەیل وکەسایەتی فرەیگ لە پەڕلەمان وە پشت گووش خەێد، ئەگەریش حوکمەتیگ ئەکادیمیانە وپیشەیی بارێد، دویر لە بەشبەشی، یەیش هیلی حزبە گەپەیلە شکست وەپی بارن، جوی ئەوەگ وەل (محمد عەلاوی و عەدنان زورفی) کردن.

 

خالدی ک نویەنەر دیاله‌س ئاماژە دا وە کاریگەری گەورای حزبە گەپەیلە ک وەردەوام توان بەشبەشیەگە لە کابینەیل وەزاری بمینیگ، تا بەرژوەنی خوەیان وەپی بیلن. رەتکردن حوکمەت ئەکادیمیانە، لە وەخت سەرۆک وەزیرەیل وەرین نوری مالکی تا ئیسە وه‌رده‌وامه‌، خالدی داوایل بڕی لە فراکسێۆنەیلە وە دابەش وەزارەتەیل وەگورەی ناوچەیل، وە بەشبەشیگ ژیر وەژیر ناوبرد ، دیاریش کرد ک فراکسێۆنەگەی خوەی رەت هەر بەشبەشیگ لە ژیر هەر دروشمیگ وە هەر دەسپیچگیگ کەێد، تا عیراق لەی گەندەڵیە رزگار بکەێد، ک رەسیە سیەم لەگەندەڵی لە گشت جیهان.


سەرچەویگ سیاسیگیش روژ شەممە ئەرا شەفەق نیوز دیاری کردوێد، ک هیزە شیعەیلە دەرفەت ٤٨ ساعەت دانە کازمی تا ناوەیل پێشنیار کریاگ کابینەی وەزارەتەگەی ئاڵشت بکێد.

کازمی پشتگیری فرەیگ لە هیزە سیاسی گەپەیلە دیرێد، لە هەرسگ پێکهاتە شیعەو کوردستانی و سوننە، ک پەیمان دانە وە پشتگردن حوکمەتەگەی، لە ری پەڕلەمان

related