دارايى نوێنه‌رايه‌تى: كه‌مه‌وكردن مووچه‌ى سه‌رۆكايه‌تيه‌يل مووچه‌ى كارمه‌نده‌يل دابين ناكا

Category: هــــه‌واڵ عــیراق

Date: 2020-06-03T10:42:03+0000
دارايى نوێنه‌رايه‌تى: كه‌مه‌وكردن مووچه‌ى سه‌رۆكايه‌تيه‌يل مووچه‌ى كارمه‌نده‌يل دابين ناكا

شه‌فه‌ق نيوز/ ليژنه‌ى دارايى له‌ ئه‌نجومه‌ن نوێنه‌ره‌يل عراق، له‌ گرنگى بريار ئه‌نجومه‌ن وه‌زيره‌يل كه‌مه‌و كرد له‌باره‌ى داوه‌زانن مووچه‌ى سێ سه‌رۆكايه‌تيه‌گه‌و ئى گامه‌ وه‌ ئه‌وه‌ تاريف كرد ك به‌شدار نادێ له‌ ده‌سه‌وه‌ركردن مووچه‌ى كارمه‌نده‌يل.

له‌ى باوه‌ته‌و، ئه‌حمه‌د سه‌فار بڕيارده‌ر ليژنه‌گه‌ ئه‌را ئاژانس شه‌فه‌ق نيوز وت: بڕيار ئه‌نجومه‌ن وه‌زيره‌يل له‌باره‌ى ريكخستنه‌وه‌ى به‌نده‌يل بودجه‌ى گشتى و له‌وانه‌يش داوه‌زانن مووچه‌ى سێ سه‌رۆكايه‌تيه‌گه‌و پله‌يل تايبه‌ت و وه‌ڕيه‌وبه‌ره‌يل گشتى يارمه‌تيده‌ر نيه‌ ئه‌را گرده‌وكردن دارايى ته‌واويگ له‌وه‌ر ده‌سه‌وه‌ركردن مووچه‌ى كارمه‌نده‌يل ده‌وڵه‌ت.

سه‌فار باس له‌وه‌يش كرد و وت: بايه‌سه‌ بوێ ئى برياره‌ گشت قاپيه‌يل خه‌رجكارى و داهاته‌يل گشتى ده‌وڵه‌ت بگرتياده‌و، ئاماژه‌ وه‌يه‌يش كرد ك جى داخه‌ گه‌نده‌ڵى زاڵه‌ له‌بان داهاته‌يل غه‌يره‌ نه‌فتى جوور باج و گومرگ و داهاته‌يل تر ك ناچنه‌ خه‌زينه‌ى ده‌وڵه‌ته‌وه‌.

related

دارايى نوێنه‌رايه‌تى: بودجه‌ ئه‌دێده‌ شه‌ش مانگ جاريگ

Date: 2020-05-10 21:01:48
دارايى نوێنه‌رايه‌تى: بودجه‌ ئه‌دێده‌ شه‌ش مانگ جاريگ

دارايى نوێنه‌رايه‌تى: پله‌ى وه‌زيفى له‌ بودجه‌ى 2020 نيه‌

Date: 2020-05-20 20:07:58
دارايى نوێنه‌رايه‌تى: پله‌ى وه‌زيفى له‌ بودجه‌ى 2020 نيه‌