بەیاننامەیگ ؛ كاتیوشاگه‌ی بان فڕۆکه‌خانەی بەغداد لە ئەبو غرێب وەشیا

Category: هــــه‌واڵ عــیراق

Date: 2020-06-22T23:43:06+0000
بەیاننامەیگ ؛ كاتیوشاگه‌ی بان فڕۆکه‌خانەی بەغداد لە ئەبو غرێب وەشیا

شەفەق نیوز/ شانەی راگەیانن ئەمنی، دووشەممە، بەیاننامەیگ دەرکرد دەربارەی رووداو کەفتن مووشەگیگ کاتیۆشا لە فڕۆکه‌خانەی ناودەوڵەتی بەغداد، ئاماژەدا؛ ک سەرچەوەگەی قەزای ئەبو غرێبە له‌ خوەرئاوای پایتەخت.
لە بەیاننامەگە ک رەسیە ئاژانس شەفەق نیوز وت: مووشەکیگ کاتیۆشا کەفتە ناو فڕۆکه‌خانەی ناودەوڵەتی بەغداد، وەبی زیان بی.
بەیاننامەگە هەمیش وت؛ دەرکەفت ک وەشاننەگەی لە ئاوای دەهشە بویە لە باکوور قەزای ئەبو غرێب له‌ خوەرئاوای بەغداد. سەرچەوەیگ ئەمنی ئەرا ئاژانس شەفەق نیوز لە وەختیگ وەرین خەوەردا؛ ک مووشەکیگ کاتیۆشا ئمڕوو ئیوارە کەفتە چوارچیوەی فڕۆکه‌خانەی ناودەوڵەتی بەغداد.
لەماوەی کۆتایی ساڵ وەرین و سەرەتای ساڵ ئیسە، ئەرا چەن جاریگ ، فڕۆکه‌خانەی ناودەوڵەتی بەغداد کەفتیەسه‌ وەر پەلامار مووشەک کاتیۆشا .

related