یەكەم حاڵەت توشبوين بە ڤايرۆس كۆرۆنا لە ڕز سەربازه‌يل ئەمریكا تۆماركريا

Category: هــــه‌واڵ جیــهانى

Date: 2020-02-26T09:43:08+0000
یەكەم حاڵەت توشبوين بە ڤايرۆس كۆرۆنا لە ڕز سەربازه‌يل ئەمریكا تۆماركريا

شه‌فه‌ق نيوز/ ده‌سڵاته‌يل ته‌ندروستى له‌ كۆرياى باشوور، ئاشكراى تۆماركردن يه‌كه‌م حاڵه‌ت تويشبوين وه‌ ڤايرۆس كۆرۆنا كردن له‌ ڕز هيزه‌يل ئه‌مريكى له‌ وڵاته‌گه‌.

 

له‌ى باوه‌ته‌و، سوپاى ئه‌مريكى له‌ به‌ياننامه‌يگ وت: يه‌كه‌م حاڵه‌ت تويشبوين وه‌ ڤايرۆس كۆرۆنا تويش سه‌ربازيگ بويه‌ له‌ سه‌ربازگه‌ى كاروڵ وه‌ دويرى 30كم له‌ باكوور شار دايگۆ ك سه‌رچه‌وه‌ى ڤايرۆسه‌گه‌س له‌ كۆرياى باشوور، ك حاڵ حازر خرياسه‌ ژير چه‌وديرى ته‌ندروستى له‌ بنكه‌يگ له‌ده‌يشت سه‌ربازگه‌گه‌.

 

جى باسه‌، تويشبوين سه‌ربازه‌ ئه‌مريكيه‌گه‌ دوياى ئه‌و ئه‌يه‌ێد ك له‌ماوه‌ى 24 سه‌عات گوزه‌يشت 169 حاڵه‌ت تازه‌ى كۆرۆنا له‌ كۆرياى باشوور تۆمار كرياگه‌ وه‌ل حاڵه‌تيگ مردن، ك وه‌گشتى تويشبوين وه‌ كۆرۆنا له‌و وڵاته‌ ره‌سيه‌سه‌ 1146 حاڵه‌ت و تائيسه‌يش شماره‌ى مردگه‌يليش ره‌سيه‌سه‌ 11 كه‌س.

related