زياتر له‌ 18 مليۆن ئيرانى وشكانن كۆرۆنا كردنه‌

Category: هــــه‌واڵ جیــهانى

Date: 2020-03-18T09:03:35+0000
زياتر له‌ 18 مليۆن ئيرانى وشكانن كۆرۆنا كردنه‌

شه‌فه‌ق نيوز/ عه‌لى ره‌زا ره‌ئيسى، وه‌رپرس له‌ وه‌زاره‌ت ته‌ندروستى و زانست پزيشكى ئيرانى، وت: تائيسه‌ زياتر له‌ 18 مليۆن كه‌س له‌ وڵاته‌گه‌ به‌شدارى كردنه‌ له‌ وشكانن ته‌ندروسى له‌وه‌ر دياريكردن حاڵه‌ته‌يليان له‌باره‌ى تويشهاتن وه‌ ڤايرۆس كۆرۆناى تازه‌.

 

ره‌ئيسى له‌ لێدوانيگ رووژنامه‌گه‌رى وت: نزيكه‌ى 18 مليۆن و 300 هه‌زار كه‌س به‌شدارى له‌ پرووژه‌ى وژنگكردن كردنه‌ له‌وه‌ر دياريكردن كه‌سه‌يل تويشهاتگ وه‌ ڤايرۆس كۆرۆناى تازه‌(كۆفيد - 19)، له‌ليانيش 13 مليۆن كه‌س له‌ڕێ يه‌كه‌يل پزيشكى و 5 مليۆن له‌ڕێ ماڵپه‌ڕ ئه‌لكترۆنى salamat.gov.ir.

 

جى باسه‌، ره‌ئيسى هه‌ميش وت: ئى رێ وشوونه‌ له‌ 37 هه‌زار ناوه‌ندى ته‌ندروستى له‌ سه‌رجه‌م وڵاته‌گه‌ ئه‌نجام درياگه‌و 45 هه‌زار كه‌س ره‌وانه‌ى پزيشك كريانه‌و نزيكه‌ى 29 هه‌زاريش هه‌وه‌جه‌ وه‌ ئسراحه‌ت داشتنه‌ له‌ ماڵ و 4500 كه‌سيش ره‌وانه‌ى نه‌خوه‌شخانه‌يل كريانه‌و 2200 له‌ليان له‌ نه‌خوه‌شخانه‌ مه‌ندنه‌سه‌و و باقى مه‌ردمه‌گه‌يش چاره‌سه‌ر كريانه‌.

related