Sun, 19 Apr 2026 11:14:55 +0000 ar hourly 3 https://shafaq.com/ku/%D9%87%D9%80%D9%80%D9%80%D9%80%D9%87-%D9%88%D8%A7%DA%B5-%D9%83%D9%80%D9%80%D9%88%D8%B1%D8%AF%D9%89/%D8%B3%D9%84-%D9%85%D8%A7%D9%86-%D8%A8-%D8%B4-%D8%BA%D8%A7%D8%B2-%D8%B1%D8%A7-%D8%AA-%D9%86-%D9%84-%D8%B1%D9%88%D9%88-%D8%A8-%D8%B1%D8%B2-%D9%88-%D8%AF-%D9%88-%D9%88-%D8%AE%D8%AA-%D9%88%D8%AA%D8%A7-%D9%87%D8%A7%D8%AA%D9%86-%D9%82-%D8%B1%D8%A7%D9%86-%D8%AF-%D8%A7%D8%B1-%D8%AF https://shafaq.com/ku/%D9%87%D9%80%D9%80%D9%80%D9%80%D9%87-%D9%88%D8%A7%DA%B5-%D9%83%D9%80%D9%80%D9%88%D8%B1%D8%AF%D9%89/%D8%B3%D9%84-%D9%85%D8%A7%D9%86-%D8%A8-%D8%B4-%D8%BA%D8%A7%D8%B2-%D8%B1%D8%A7-%D8%AA-%D9%86-%D9%84-%D8%B1%D9%88%D9%88-%D8%A8-%D8%B1%D8%B2-%D9%88-%D8%AF-%D9%88-%D9%88-%D8%AE%D8%AA-%D9%88%D8%AA%D8%A7-%D9%87%D8%A7%D8%AA%D9%86-%D9%82-%D8%B1%D8%A7%D9%86-%D8%AF-%D8%A7%D8%B1-%D8%AF ‏سلێمانی بەشە غاز ئەرا ۱6۰ تەن لە رووژیگ بەرزەو کەێد و وەخت کوتایی هاتن قەیرانەگە دیاری کەێد

‏شەفەق نیوز - سلێمانی

‏کۆچەر تاهیر، سەرۆک ئەنجومەن کارخانەیل غاز سلێمانی، ئمڕوو یەکشەممە، راگەیان کلکردن بەشە غاز گلەو خواردیە ئەرا دۆخ ئاسایی خوەی، و تەنانەت لە چەو گوزەشتە زیادیگ کردیە، و دووپات کرد  پلانیگ دانریاگە ئەرا خێرا کوتایی هاوردن وەو قەیرانە لە ماوەی  چەن رووژ ئایندە.

‏تاهیر ئەرا ئاژانس شفق نیوز وت: "پلانەگە ئەوەسانێ  نزیکەی ۹۰ هەزار بوتڵ غاز لە رووژەیل شەممە و یەکشەممە و دووشەممە ئامادە بکریەێد، و دویای ئەوەیش رووژانە ناوەن ۱۷ تا ۲۰ هەزار بوتڵ غاز خرێدە بازاڕ".

‏وتیش "پلان بڵاوکردنەوەگە وە خەسی بەردەوام بوود تا وەختیگ کە قەیران غازەگە وە تەواوی کوتایی تێد"، و داری کرد  "بەردەوام بوین کێڵگەی کۆرمۆر لە بەرهەم هاوردن غاز، و رەسین بەشە غاز سلێمانی وەو بڕە کە دیاری کریاگە و لە وەخت خوەی، بوودە مد کوتایی هاتن قەیرانەگە لە ماوەی کەمتر لە پەنج رووژ".

‏دیاریکرد  "بەشە غاز سلێمانی گلەو خواردیە ئەرا دۆخ ئاسایی، و تەنانەت لە جاران زیاتر بویە، چوینکە ئیسە رووژانە ناوەن ۱۴۰ تا ۱6۰ تەن رەسێد، لە وەختیگ کە لە ماوەی وەرین تەنیا لە دەوروەر ۱۲۰ تەن بوی".

‏یە لە وەختیگ تێد کە پارێزگای سلێمانی لە چەن رووژ وەرین قەیران کەم بوینەوەی غاز ناوماڵ وەرەوڕووی بوی،  بویە هووکار بەرزەو بوین خواست لەبان غاز و فشار لەبان ناوەندەیل بڵاوکردن، نەک تەنیا لە هەرێم کوردستان، بەڵکم لە گشت ناوچەیل عراق وە مدوو بەرزەو بوین گرژییەیل ئەمنی لە ناوچەگە.

‏

‏

]]> Sun, 19 Apr 2026 10:46:40 +0000 https://shafaq.com/ku/%D9%87%D9%80%D9%80%D9%80%D9%80%D9%87-%D9%88%D8%A7%DA%B5-%D9%83%D9%80%D9%80%D9%88%D8%B1%D8%AF%D9%89/%D9%85%D8%B1%D8%AF%D9%86-%D9%86-%D9%84-%D9%84%D8%A7%D8%B1-%D9%84-%D9%86%D8%AC%D8%A7%D9%85-%D9%87-%D8%B2-%D8%B4 https://shafaq.com/ku/%D9%87%D9%80%D9%80%D9%80%D9%80%D9%87-%D9%88%D8%A7%DA%B5-%D9%83%D9%80%D9%80%D9%88%D8%B1%D8%AF%D9%89/%D9%85%D8%B1%D8%AF%D9%86-%D9%86-%D9%84-%D9%84%D8%A7%D8%B1-%D9%84-%D9%86%D8%AC%D8%A7%D9%85-%D9%87-%D8%B2-%D8%B4 مردن ژنیگ لە کەلار لە ئەنجام هەڵەیگ پزیشکی

شەفەق نیوز - گەرمیان

سەرچەوەیگ ناوخوەیی لە ئیدارەی گەرمیان، ئمڕوو یەکشەممە، خەوەردا لە مردن ژنبگ لە قەزای کەلار دۊای خراوبوین رەوش تەندروسیی لەبان ئەوە کە ئویشن هەڵەیگ پزیشکی بویە لە یەکیگ لە خەسەخانەیل تایبەت.

یەکیگ لە کەسوکارەیل قوربانییەگە، ئەرا ئاژانس شەفەق نیوز وت: بەدریە ئەحمەد وەرجە 11 رووژ تەندروسیی شیویاس، کە هەوەجە وە بردن کردیە ئەرا یەکیگ لە خەسەخانە تایبەتەیل لە کەلار.

دیاری کرد کە تیم پزیشکی لە خەسەخانەگە  دەرزییگ لەلی دانە "وە شیوەیگ هەڵە"، ئەوەیش بویە ندوو خراوتربوین رەوش تەندروسیی وە شیوەیگ وەرچەو، و دیاری کرد کە دۊای ئەوە خریاسە وەر ریکاریگ چارەسەری وە وەکارهاوردن تیشک (تەنویری)، بەڵام رەوشی خراوترین بویە و دڵی وسیاس.

هەمیش وت: دۊای ئەوە ئەرا خەسەخانەیگ ترەک لە سلێمانی بریاس ئەرا وەرگردن چارەسەر، کە وەشکینەیل نیشان دان، وەپەی پزیشکەیل، کە ئەو هەڵە لە دایین دەرزییەگە بویەسە مدوو زەرەدیگ لە گورچگەیل، کە لە کۆتایی بویەسە مدوو گیان لەدەسداینی ئمڕوو، دۊای 11 رووژ لە خراوتربوین تەندروسیی، و داوا لە لایەنە پەیوەندیدارەیل کرد لێکۆڵینەوە لە رویداوەگە واز بکەن و پرسیارکردن وەگەرد وەرپرسەیلە بکەن، ئەرا ریگریکردن لە دووارەبوین ئی جۊرە رویداوەیلە لە بانان.

]]> Sun, 19 Apr 2026 09:09:35 +0000 https://shafaq.com/ku/%D9%87%D9%80%D9%80%D9%80%D9%80%D9%87-%D9%88%D8%A7%DA%B5-%D9%83%D9%80%D9%80%D9%88%D8%B1%D8%AF%D9%89/%D9%86-%D8%B1%D9%88%D8%A7%D9%86-%D8%A8%D8%A7%D8%B1%D8%B2%D8%A7%D9%86-%D9%88-%D8%B1%D8%AF-%D8%B1%D8%AF-%D8%BA%D8%A7%D9%86-%D8%A8%D8%A7%D8%B3-%D9%88-%D8%B1-%D9%88%D9%86%D9%88%D8%A7%D8%A8%D8%B1%D8%AF%D9%86-%D9%87-%D9%85%D8%A7%D9%87-%D9%86-%D9%88-%D9%85%D8%B3-%D8%B1-%D8%B1%D8%AF%D9%86-%D8%A7%D8%B3%D8%A7-%D8%B4-%D9%86%D8%A7%D9%88-%D8%AF https://shafaq.com/ku/%D9%87%D9%80%D9%80%D9%80%D9%80%D9%87-%D9%88%D8%A7%DA%B5-%D9%83%D9%80%D9%80%D9%88%D8%B1%D8%AF%D9%89/%D9%86-%D8%B1%D9%88%D8%A7%D9%86-%D8%A8%D8%A7%D8%B1%D8%B2%D8%A7%D9%86-%D9%88-%D8%B1%D8%AF-%D8%B1%D8%AF-%D8%BA%D8%A7%D9%86-%D8%A8%D8%A7%D8%B3-%D9%88-%D8%B1-%D9%88%D9%86%D9%88%D8%A7%D8%A8%D8%B1%D8%AF%D9%86-%D9%87-%D9%85%D8%A7%D9%87-%D9%86-%D9%88-%D9%85%D8%B3-%D8%B1-%D8%B1%D8%AF%D9%86-%D8%A7%D8%B3%D8%A7-%D8%B4-%D9%86%D8%A7%D9%88-%D8%AF نێچیروان بارزانی وەگەرد ئەردۆغان باس وەرەونوابردن هەماهەنگی و مسۆگەرکردن ئاسایش ناوچەگە کەێد

شەفەق نیوز - ئەنقەرە

نێچیروان بارزانی سەرۆک هەرێم كوردستان، ئمڕوو شەممە، راگەیان لە وەرەونوابردن هەماهەنگی وەگەرد عراق، و مسۆگەرکردن ئاسایش ناوچەگە، وەگەرد رەجەب تەیب ئەردۆغان سەرۆک تورکیا.

 بارزانی لە پۆستیگ لەبان سەکوو ئێکس وت: خوەشحاڵ بویم وە دیدار سەرۆک رەجەب تەیب ئەردۆغان لە ئەنتاڵیا، و گفتوگۆی بنەڕەتی جیوەجی کردیمن ئەرا وەرەونوابردن هەماهەنگی لەناوەین تورکیا و عراق و هەرێم كوردستان.

هەمیش.وت: نووڕینەیل ئەرا یەکتری ئاشکرا کردیمن لەباوەت دینامیکیە وەرەونواچگەیل لە گشت ناوچەگە، و پابەندبوین هاوبەشمان نووەو کردیمن ئەرا وەرەونوابردن ئارامی و ئاوەدانی و ئاسایش گشتی لە ناوچەگە.

بارزانی لە کۆتایی وتیش: "سوپاس سەرۆک ئەردۆغان کردم ئەرا سەرکردایەتی و تەقەلا وەردەوامەیلی وەرەو ئارامکردن رەوشەیل و ئارامی هەرێمی.

]]> Sat, 18 Apr 2026 14:39:52 +0000 https://shafaq.com/ku/%D9%87%D9%80%D9%80%D9%80%D9%80%D9%87-%D9%88%D8%A7%DA%B5-%D9%83%D9%80%D9%80%D9%88%D8%B1%D8%AF%D9%89/%D9%86-%D8%B1%D9%88%D8%A7%D9%86-%D8%A8%D8%A7%D8%B1%D8%B2%D8%A7%D9%86-%D9%88-%D8%A8%D9%88%D9%84%D8%BA-%D8%AA-%D9%84-%D9%86%D8%AA%D8%A7-%D8%A7-%D8%A8%D8%A7%D8%B3-%D8%B1-%D8%B3-%D9%86-%D9%86-%D9%84-%D8%B9%D8%B1%D8%A7%D9%82-%D9%88-%D9%86%D8%A7%D9%88-%D9%86 https://shafaq.com/ku/%D9%87%D9%80%D9%80%D9%80%D9%80%D9%87-%D9%88%D8%A7%DA%B5-%D9%83%D9%80%D9%80%D9%88%D8%B1%D8%AF%D9%89/%D9%86-%D8%B1%D9%88%D8%A7%D9%86-%D8%A8%D8%A7%D8%B1%D8%B2%D8%A7%D9%86-%D9%88-%D8%A8%D9%88%D9%84%D8%BA-%D8%AA-%D9%84-%D9%86%D8%AA%D8%A7-%D8%A7-%D8%A8%D8%A7%D8%B3-%D8%B1-%D8%B3-%D9%86-%D9%86-%D9%84-%D8%B9%D8%B1%D8%A7%D9%82-%D9%88-%D9%86%D8%A7%D9%88-%D9%86 نێچیروان بارزانی و ئەبولغێت لە ئەنتاڵیا باس پەرەسەنینەیل عراق و ناوچەگە کەن

شەفەق نیوز - هەولێر

نێچیروان بارزانی سەرۆک هەرێم كوردستان، ئمڕوو شەممە، وەگەرد ئەمیندار گشتی کۆمکار دەوڵەتەیل عەرەبی ئەحمەد ئەبولغێت باس دۊاترین پەرەسەنینەیل رەوشەیل سیاسی و ئەمنی لە عراق و ناوچەگە کرد، و ئەوەیش لە ماوەی چاڵاکیەیل کۆڕبەن دیپلۆماسی ئەنتاڵیا.

 سەرۆکایەتی هەرێم کوردستان، لە بەیاننامەیگ رەسیە ئاژانس شەفەق نیوز وت: بارزانی و ئەبولغێت چەویگ خستنە بان سروشت پەیوەندییەیل هەرێم كوردستان و عراق وەگەرد دەوڵەتەیل عەرەبی، هەرلیوا هەردگ لایەنەگە دووپات لەبان گرنگی مقیەتیکردن ئارامی و گرنگی کار هاوبەش ئەرا ریگریکردن لە فراوانبوین بازنەی گرژییەیل لە خوەرهەڵات ناوڕاس کردن.

 وتیش: لیکەفتەیل جەنگەیل و کاریگەرییە جیاوازەیلی لەبان دەوڵەتەیل ناوچەگە تەوەریگ بنەڕەتی لەو دیدارە بوین.

نێچیروان بارزانی سەرۆک هەرێم كوردستان، لە وەختیگ گوزەشتە لە ئمڕوو شەممە، وەگەرد یەشار گولەر وەزیر وەرگری تورکیا باس دۊاترین پەرەسەنینەیل رەوشەیل لە ناوچەگە وە شیوەیگ گشتی، و کاریگەری و لیکەفتەیلی لە ماوەی دریژ کرد.

بارزانی، دۊەکە جومعە، دووپات لەبان وەرەونوابردن پەیوەندییەیل هەرێم و عراق وەگەرد دەوڵەتەیل یەکێتی ئەوروپا و بەریتانیا کرد، لە وەختیگ دووپات لەبان گرنگی هەماهەنگی و کار وەردەوام کرد ئەرا چەسپانن ئاسایش و ئارامی و قایمکردن هەماهەنگی ئابووری و سیاسی.

]]> Sat, 18 Apr 2026 13:56:28 +0000 https://shafaq.com/ku/%D9%87%D9%80%D9%80%D9%80%D9%80%D9%87-%D9%88%D8%A7%DA%B5-%D9%83%D9%80%D9%80%D9%88%D8%B1%D8%AF%D9%89/%D8%AA%D9%88%D8%B1-%D8%A7-%D8%AF-%D8%B3%D8%AE%D9%88-%D8%B4-%D9%84-%D9%87-%D9%88-%D8%B3%D8%AA-%D9%86-%D8%B1%D9%88%D8%A7%D9%86-%D8%A8%D8%A7%D8%B1%D8%B2%D8%A7%D9%86-%D8%AF-%D9%88-%D9%86-%D8%B4-%D8%A7%D9%86-%D9%83%D9%88%D8%B1%D8%AF%D8%B3%D8%AA%D8%A7%D9%86-%D8%B1%D8%A7-%D8%AC-%D9%86-%D9%86%D8%A7%D9%88 https://shafaq.com/ku/%D9%87%D9%80%D9%80%D9%80%D9%80%D9%87-%D9%88%D8%A7%DA%B5-%D9%83%D9%80%D9%80%D9%88%D8%B1%D8%AF%D9%89/%D8%AA%D9%88%D8%B1-%D8%A7-%D8%AF-%D8%B3%D8%AE%D9%88-%D8%B4-%D9%84-%D9%87-%D9%88-%D8%B3%D8%AA-%D9%86-%D8%B1%D9%88%D8%A7%D9%86-%D8%A8%D8%A7%D8%B1%D8%B2%D8%A7%D9%86-%D8%AF-%D9%88-%D9%86-%D8%B4-%D8%A7%D9%86-%D9%83%D9%88%D8%B1%D8%AF%D8%B3%D8%AA%D8%A7%D9%86-%D8%B1%D8%A7-%D8%AC-%D9%86-%D9%86%D8%A7%D9%88 تورکیا دەسخوەشی لە هەڵوێست نێچیروان بارزانی کەێد و نەکیشیان كوردستان ئەرا جەنگ ناوچەگە

شەفەق نیوز - تورکیا

نێچیروان بارزانی سەرۆک هەرێم كوردستان، ئمڕوو شەممە، وەگەرد یەشار گولەر وەزیر وەرگری تورکی باس دۊاترین پەرەسەنینەیل رەوشەیل ناوچەگە وە شیوەیگ گشتی، و کاریگەری و لیکەفتەیلی لەبان ماوەی دریژ کرد.

یەیش لە چوارچیوەی دیدارەیل سەرۆک نێچیروان بارزانی و دیدارە وەردەوامەیلی هات لە پەراویز کۆڕبەن دیپلۆماسی ساڵانەی ئەنتاڵیا لە تورکیا کە هەردگ لایەنەگە دووپات لەبان گرنگی وەردەوامبوین وسانن تەقە و بەدیهاوردن ئاشتی و مقیەتیکردن ئاسایش و ئارامی لە خوەرهەڵات ناوڕاس کردن.

لە لای خوەیەو، وەزیر وەرگری تورکی دەسخوەشی لە هەڵوێست هەرێم كوردستان کرد وە نەکیشیان ئەرا ناو جەنگ و گرژییەیل ناوچەگە، کە دووپات لەبان هەوەجە وە هەماهەنگی گشتگیر ئەرا مقیەتیکردن ئاسایش و ئارامی کرد، و لەی چوارچیوە ئافەرین لە رۆڵ سەرۆک نێچیروان بارزانی کرد.

لە لای خوەییش، سەرۆک نێچیروان بارزانی دووپات کرد و وت: هەرێم كوردستان جۊر هەمیشە  چۊ مدوویگ ئەرا ئاسایش و ئارامی مینێد، و گوزارشت لە خواست وەرەونوابردن پەیوەندییەیل وە شیوەیگ گەورەتر وەگەرد دەوڵەتەیل هاوسا لەبنەمای بەرژەوەنیە هاوبەشەیل کرد. 

پەیوەندییەیل تورکیا وەگەرد عراق و هەرێم كوردستان و هەماهەنگی هاوبەش لەناوەینیان، تەوەریگ ترەک ناو ئەو دیدارە بوی، وەگورەی بەیاننامەیگ لە سەرۆکایەتی هەرێم کوردستان.

]]> Sat, 18 Apr 2026 11:05:31 +0000 https://shafaq.com/ku/%D9%87%D9%80%D9%80%D9%80%D9%80%D9%87-%D9%88%D8%A7%DA%B5-%D9%83%D9%80%D9%80%D9%88%D8%B1%D8%AF%D9%89/%D9%84-%D8%B1%D8%A7%D9%88-%D8%B2-%D8%A8-%D9%86-%D9%86%D8%AA%D8%A7-%D8%A7-%D9%86-%D8%B1%D9%88%D8%A7%D9%86-%D8%A8%D8%A7%D8%B1%D8%B2%D8%A7%D9%86-%D8%AF%D9%88%D9%88-%D8%A7%D8%AA-%D9%84-%D8%A8%D8%A7%D9%86-%D8%B3-%D8%A7%D9%86%D9%86-%D8%A7%D8%B3%D8%A7-%D8%B4-%D9%88-%D8%A7%D8%B1%D8%A7%D9%85-%D9%84-%D8%B3-%D8%A7%D8%B3-%D9%88-%D8%A7%D8%A8%D9%88%D9%88%D8%B1-%D9%88-%D8%AF https://shafaq.com/ku/%D9%87%D9%80%D9%80%D9%80%D9%80%D9%87-%D9%88%D8%A7%DA%B5-%D9%83%D9%80%D9%80%D9%88%D8%B1%D8%AF%D9%89/%D9%84-%D8%B1%D8%A7%D9%88-%D8%B2-%D8%A8-%D9%86-%D9%86%D8%AA%D8%A7-%D8%A7-%D9%86-%D8%B1%D9%88%D8%A7%D9%86-%D8%A8%D8%A7%D8%B1%D8%B2%D8%A7%D9%86-%D8%AF%D9%88%D9%88-%D8%A7%D8%AA-%D9%84-%D8%A8%D8%A7%D9%86-%D8%B3-%D8%A7%D9%86%D9%86-%D8%A7%D8%B3%D8%A7-%D8%B4-%D9%88-%D8%A7%D8%B1%D8%A7%D9%85-%D9%84-%D8%B3-%D8%A7%D8%B3-%D9%88-%D8%A7%D8%A8%D9%88%D9%88%D8%B1-%D9%88-%D8%AF لە پەراویز کۆڕبەن ئەنتاڵیا.. نێچیروان بارزانی دووپات لەبان چەسپانن ئاسایش و ئارامی لەڕۊ سیاسی و ئابوورییەو کەێد

شەفەق نیوز - هەولێر

نێچیروان بارزانی سەرۆک هەرێم كوردستان، ئمڕوو جمعە، دووپات لەبان هیزەوکردن پەیوەندییەیل هەرێم و عراق وەگەرد دەوڵەتەیل یەکێتی ئەوروپا و بەریتانیا کرد، لە وەختیگ دووپات کرد لەبان هەوەجە وە هەماهەنگی و کار وەردەوام ئەرا چەسپانن ئاسایش و ئارامی و قایمکردن هەماهەنگی ئابووری و سیاسی.

سەرۆکایەتی هەرێم کوردستان لە بەیاننامەیگ رەسیە ئاژانس شەفەق نیوز، وت: بارزانی لە چوارچیوەی خشتەی کارەیلی لە کۆڕبەن دیپلۆماسی ئەنتاڵیا، وەگەرد کلکریای تایبەت یەکێتی ئەوروپا ئەرا کاروبار کەنداو، لویجی دی مایۆ کرد، گردەو بوی، و هەردگ لایەن باس رییەیل هیزەوکردن پەیوەندییەیل هەرێم كوردستان و عراق وەگەرد دەوڵەتەیل یەکێتی ئەوروپا کردن.

هەردگ لایەنەگە دووپات لە گرنگی هەماهەنگی و کار وەردەوام کردن ئەرا چەسپانن ئاسایش و ئارامی و قایمکردن هەماهەنگی ئابووری و سیاسی.

لە دیدارەگە باس لە دۊاترین پەرەسەنینەیل رەوشەگە لە خوەرهەڵات ناوڕاس و لیکەفتەیل جەنگ و گرژییەیلە کرد، کە دووپات کریا لەبان گرنگی مقیەتیکردن ئاسایش و سەرخستن تەقەلا دیپلۆماسییەیل ئەرا چارەسەرکردن گرفتەیل و دویرخستن ناوچەگە لە ئاڵووزییەیل زیاتر.

لە بەیاننامەیگ ترەک، سەرۆک هەرێم كوردستان چەوی کەفت وە وەزیر دەوڵەت بەریتانی ئەرا کاروبار خوەرهەڵات ناوڕاس، هامیش فالکۆنەر، و هەردگیان باس هیزەوکردن پەیوەندییەیل هەرێم كوردستان و عراق وەگەرد بەریتانیا کردن، و دۊاترین پەرەسەنینەیل لە رەوش سیاسی و پرۆسەی دروسکردن حکومەت لە عراق و هەرێم كوردستان.

هەردگ لایەن رێککەفتن لەبان هەوەجە وە یەکگردن و یەکڕزی لایەنە كوردستانییەیل ئەرا مقیەتیکردن دەسکەفتەیل و وەپشتسەرنان وەرەنگارییەیل.

و لە تەوەریگ ترەک لە دیدارەگە، باس رەوشە ئاڵۆزەیل لە ناوچەگە و لیکەفتەیل جەنگ لەناوی و رەوش لە سووریا کریا، و لەی چوارچیوە، وەزیر دەوڵەت بەریتانی ئافەرین لە رۆڵ ئەرێنی سەرۆک نێچیرڤان بارزانی و تەقەلاەیلی ئەرا چەسپانن ئاشتی و ئارامی لە عراق و سووریا کرد.

 هەردگ لایەن دووپات کردن کە رییە دیپلۆماسی و ئاشتیانەیل تەنیا خوەیان زامنن ئەرا چارەسەرکردن گرفتەیل و مقیەتیکردن ناوچەگە لە مەترسی کیشیان وەرەو پێکدادانەیل زیاتر.

و لەی چوارچێوە، سەرۆک هەرێم كوردستان کۆبوینەوە وەگەرد جێگر سەرۆک وەزیرەیل و وەزیر دەیشتەکی شانشین هاشمی ئوردنی، ئەیمەن سەفەدی کرد، و فتراق پەیوەندییە مێژووییەیل لەناوەین هەرێم كوردستان و عراق لە لایگەو، و شانشین ئوردنی لە لایگ ترەکەوە کردن، لەپاڵ رییەیل هێزەوکردن هەماهەنگی لەناوەین هەردگ لایەنە.

وبارزانی گوزارشت لە سوپاسگوزاری هەرێم كوردستان ئەرا پاڵپشتی وەردەوام ئوردنی ئەرا عراق و هەرێم كوردستان کرد.

هەرلیوا دیدارەگە باس دۊاترین پەرەسەنینەیل لە ناوچەگە و لیکەفتەیل جەنگ و ململانێیەیل کرد.

هەردگ لایەن رێککەفتن لەبان هەوەجە وە کار هاوبەش و هەماهەنگی ئەرا مقیەتیکردن ئاشتی و ئارامی و ریگریکردن لە درویژەکیشان ململانێیەیل لە ناوچەگە.

]]> Fri, 17 Apr 2026 13:14:18 +0000 https://shafaq.com/ku/%D9%87%D9%80%D9%80%D9%80%D9%80%D9%87-%D9%88%D8%A7%DA%B5-%D9%83%D9%80%D9%80%D9%88%D8%B1%D8%AF%D9%89/%D9%86-%D8%B1%D9%88%D8%A7%D9%86-%D8%A8%D8%A7%D8%B1%D8%B2%D8%A7%D9%86-%D8%A7%D9%81-%D8%B1-%D9%86-%D9%84-%D8%AA-%D9%82-%D9%84%D8%A7-%D9%84-%D8%B4-%D8%B1%D8%B9-%D8%AF-%D8%B1%D8%A7-%D9%88-%D8%AF-%D9%87%D8%A7%D9%88%D8%B1%D8%AF%D9%86-%D8%A7%D8%B1%D8%A7%D9%85-%D9%84-%D8%B3%D9%88%D9%88%D8%B1-%D8%A7 https://shafaq.com/ku/%D9%87%D9%80%D9%80%D9%80%D9%80%D9%87-%D9%88%D8%A7%DA%B5-%D9%83%D9%80%D9%80%D9%88%D8%B1%D8%AF%D9%89/%D9%86-%D8%B1%D9%88%D8%A7%D9%86-%D8%A8%D8%A7%D8%B1%D8%B2%D8%A7%D9%86-%D8%A7%D9%81-%D8%B1-%D9%86-%D9%84-%D8%AA-%D9%82-%D9%84%D8%A7-%D9%84-%D8%B4-%D8%B1%D8%B9-%D8%AF-%D8%B1%D8%A7-%D9%88-%D8%AF-%D9%87%D8%A7%D9%88%D8%B1%D8%AF%D9%86-%D8%A7%D8%B1%D8%A7%D9%85-%D9%84-%D8%B3%D9%88%D9%88%D8%B1-%D8%A7 نێچیروان بارزانی ئافەرین لە تەقەلایەیل شەرع کەێد ئەرا وەدیهاوردن ئارامی لە سووریا

شەفەق نیوز - ئەنتاڵیا

نێچیروان بارزانی سەرۆک هەرێم كوردستان، شەوەکی ئمڕوو جمعە، چەوی وە ئەحمەد شەرع سەرۆک سووریا کەفت لە پەراویز بەشداریکردنیان لە کۆڕبەن دیپلۆماسی ساڵانەی ئەنتاڵیا لە تورکیا.

 لە پۆستیگ کە لەبان سەکوو "ئێکس" بڵاوی کرد، سەرۆک نێچیروان بارزانی خوەشحاڵی خوەی وە ئی دیدارە نشان دا، وە دەسخوەشیکردن لە سەرۆک شەرع لەبان تەقەلا وەردەوامەیلی ئەرا ئارامی سووریا، و لەبان ئەو وەرەونواچگنە کە لە جیوەجیکردن رێککەفتنەگە وەگەرد هیزەیل سووریای دیموکرات وەدی هاتیە.

هەمیش وت: کە هەردگیان باس لە هیزەوکردن پەیوەندییەیل لەناوەین عراق و هەرێم كوردستان و سووریا کردن ئەرا بەرزکردن ئامانجە ئەمنی و ئابوورییە هاوبەشەیل.

]]> Fri, 17 Apr 2026 09:01:40 +0000 https://shafaq.com/ku/%D9%87%D9%80%D9%80%D9%80%D9%80%D9%87-%D9%88%D8%A7%DA%B5-%D9%83%D9%80%D9%80%D9%88%D8%B1%D8%AF%D9%89/%D9%86-%D8%B1%D9%88%D8%A7%D9%86-%D8%A8%D8%A7%D8%B1%D8%B2%D8%A7%D9%86-%D9%88-%D8%B1%D8%AF-%D8%A8%D8%A7%D8%B1%D8%A7-%D9%84-%D9%86%D8%AA%D8%A7-%D8%A7-%D8%A8%D8%A7%D8%B3-%D9%84-%D9%84-%D9%81%D8%AA-%D9%84-%D8%AC-%D9%86-%D9%88-%D8%A7%D8%B3%D8%A7-%D8%B4-%D9%86%D8%A7%D9%88-%D8%AF https://shafaq.com/ku/%D9%87%D9%80%D9%80%D9%80%D9%80%D9%87-%D9%88%D8%A7%DA%B5-%D9%83%D9%80%D9%80%D9%88%D8%B1%D8%AF%D9%89/%D9%86-%D8%B1%D9%88%D8%A7%D9%86-%D8%A8%D8%A7%D8%B1%D8%B2%D8%A7%D9%86-%D9%88-%D8%B1%D8%AF-%D8%A8%D8%A7%D8%B1%D8%A7-%D9%84-%D9%86%D8%AA%D8%A7-%D8%A7-%D8%A8%D8%A7%D8%B3-%D9%84-%D9%84-%D9%81%D8%AA-%D9%84-%D8%AC-%D9%86-%D9%88-%D8%A7%D8%B3%D8%A7-%D8%B4-%D9%86%D8%A7%D9%88-%D8%AF نێچیروان بارزانی وەگەرد باراک لە ئەنتاڵیا باس لە لیکەفتەیل جەنگ و ئاسایش ناوچەگە کەێد

شەفەق نیوز - ئەنتاڵیا

نێچیروان بارزانی سەرۆک هەرێم كوردستان، و تۆم باراک کلکریای تایبەت ئەمریکا ئەرا سووریا و باڵیۆز ویلایەتە یەکگرتگەیل لە تورکیا، ئمڕوو جمعە، باس لەو جەنگەیل سەربازی کردن کە ناوچەگە ئەرا درویژایی 40 رووژ وەخوەی دی وەرجە راگەیانن وسانن تەقە، و لیکەفتەیل ئەوە لەبان عراق وە هەرێمیشەو.

ئی دیدارە لە پەراویز بەرنامەی سەرۆک نێچیروان بارزانی هات لە ماوەی ئەو سەردان فەرمییە کە ئەرا تورکیا ئەنجام دەێد ئەرا بەشداریکردن لە کۆڕبەن دیپلۆماسی ساڵانەی ئەنتاڵیا.

 لە دیدارەگە هەردگ لایەنەگە باس لە پەیوەندییەیل دوولایەنی عراق و هەرێم كوردستان وەگەرد ویلایەتە یەکگرتگەیل کردن، و دۊاترین پەرەسەنینەیل لەبان گۆڕەپان سووری و رەوش كورد لەی وڵاتە، و باس نووڕینەیل کردن لەبان پەرەسەنینەیل لە خوەرهەڵات ناوڕاس و لیکەفتەیل جەنگەگە لەبان ئاسایش هەرێمی.

هەرلیوا رووشنایی خستنە بان کاریگەری جەنگەگە لەبان هەرێم كوردستان و گشت عراق، و دووپات لە گرنگی هەماهەنگی و کار وەردەوام ئەرا چەسپانن ئاشتی و مقیەتیکردن ئارامی لە ناوچەگە کردن.

 لە دیدارەگە باس لە چەن دۆسیەیگ ترەک کریا کە جی گرنگیپیدان هاوبەشن، وەپای بەیاننامەیگ کە لە سەرۆکایەتی هەرێم کوردستان.

]]> Fri, 17 Apr 2026 06:58:57 +0000 https://shafaq.com/ku/%D9%87%D9%80%D9%80%D9%80%D9%80%D9%87-%D9%88%D8%A7%DA%B5-%D9%83%D9%80%D9%80%D9%88%D8%B1%D8%AF%D9%89/%D9%86-%D8%B1%D9%88%D8%A7%D9%86-%D8%A8%D8%A7%D8%B1%D8%B2%D8%A7%D9%86-%D9%84-%D9%85-%D9%86-%D8%B3%D8%A7-%D8%A7%D8%AF-%D8%A8-%D8%B1%D8%AF%D9%88%D9%85%D8%A7%D9%86-%D9%85-%D8%A7-%D8%AA%D8%A7%D9%88%D8%A7%D9%86-%D9%88-%D8%AD%D8%B4-%D8%A7%D9%86-%D9%84-%D8%AF-%D9%88%D8%B1%D8%AF%D8%B3%D8%AA%D8%A7%D9%86 https://shafaq.com/ku/%D9%87%D9%80%D9%80%D9%80%D9%80%D9%87-%D9%88%D8%A7%DA%B5-%D9%83%D9%80%D9%80%D9%88%D8%B1%D8%AF%D9%89/%D9%86-%D8%B1%D9%88%D8%A7%D9%86-%D8%A8%D8%A7%D8%B1%D8%B2%D8%A7%D9%86-%D9%84-%D9%85-%D9%86-%D8%B3%D8%A7-%D8%A7%D8%AF-%D8%A8-%D8%B1%D8%AF%D9%88%D9%85%D8%A7%D9%86-%D9%85-%D8%A7-%D8%AA%D8%A7%D9%88%D8%A7%D9%86-%D9%88-%D8%AD%D8%B4-%D8%A7%D9%86-%D9%84-%D8%AF-%D9%88%D8%B1%D8%AF%D8%B3%D8%AA%D8%A7%D9%86 ‏نێچیروان بارزانی لە 39ەمین ساڵیاد بۆردومان کیمیایی: تاوانیگ وەحشیانە لە دژ کوردستان

شەفەق نیوز - هەولێر

‏نێچیروان بارزانی، سەرۆک هەرێم کوردستان، ئمڕوو پەنجشەممە، بۆردومانکردن ناوچە کوردییەیل وە چەک کیمیایی لە لایەن رژێم بەعس وەرین وە "تاوان وەحشیانە" لە دژ کوردستان ناو برد، لە هەمان وەخت مەسرور بارزانی سەرۆک وەزیران هەرێم داوا کرد  بایەدە قەرەبوو بنەماڵەی قوربانییەیل ئەنفال بکریەێد.

‏سەرۆک هەرێم لە بەیاننامەیگ ک ئەرا ئاژانس شەفەق نیوز رسییە، وت: "ئمڕوو یاد 39 ساڵەی بۆردومان کیمیایی بالیسان و شێخ وەسانان و دۆڵ خۆشناوەتی کەیمنەو، ئەو تاوان گەورە کە رژێم وەرین عراق لە ساڵ 1987 ئەنجامی دا،  بویە سەرەتای تاوانەیل بۆردومان کیمیایی وەحشیانە کە لە دژ مەدەنییەیل و خاک و سروشت جوان کوردستان ئەنجام دریان".

‏وتیش: "لەو یادە خەمناکە، سەر رێز و نەوازش ئەرا گیان پاک شەهیدەیل هەمیشە زینگ چەمنیمنەو، و سڵاو ئەرا بنەماڵەیل سەربەرز و قوربانییەیل ئەو کارەساتە".

‏بارزانی دووپات کرد  "بالیسان و شێخ وەسانان و دۆڵ خۆشناوەتی، هەمیشە مەڵبەن نیشتمانپەروەری و پشتیوانی شۆڕش و پێشمەرگە بوینە، و هەر یەیش بویە مدوو ئەوەگ  بکریەنە ئامانج ئەو شاڵاوە سیا، باوجی گەل کوردستان خۆڕاگر مەن و فەنا بویە بەش تاوانبارەیل".

‏لە کۆتایی وتیش: "سڵاو ئەرا گیان پاک شەهیدەیل خۆشناوەتی و گشت شەهیدەیل کوردستان".

‏لە لای خوەیەوە، مەسرور بارزانی سەرۆک حکومەت هەرێم کوردستان لە نوسراویگ وت: "لە یاد 39 ساڵەی پەلامارەیل کیمیایی ئەرا بان بالیسان و شێخ وەسانان و دۆڵ خۆشناوەتی، یادی شەهیدەیل وە رێز و شکۆوە کەیمنەو، و فرە سوپاسگوزار خەبات و قوربانی گەل ئەو ناوچە تێکۆشەرەیمن".

‏بارزانی داواکاری خوەی ئەرا حکومەت فیدراڵی تازە کرد  بایەدە قەرەبووی بنەماڵەی شەهیدەیل و قوربانییەیل ئەنفال بکریەێد.

‏جی باسە، رژێم بەعس وەرین لە 16 نیسان 1987 پەلامار وە چەک کیمیایی ئەرا بان ئاواییەیل بالیسان و شێخ وەسانان و دۆڵ خۆشناوەتی ئەنجام دا،  بویە مدوو شەهیدبوین 263 کەس و زەخمداری زیاتر لە 620 کەس تر.

‏

]]> Thu, 16 Apr 2026 08:54:06 +0000 https://shafaq.com/ku/%D9%87%D9%80%D9%80%D9%80%D9%80%D9%87-%D9%88%D8%A7%DA%B5-%D9%83%D9%80%D9%80%D9%88%D8%B1%D8%AF%D9%89/%D9%88-%D8%A7%D9%85%D8%A7%D9%86%D8%AC-%D8%B1%D8%AF%D9%86-%D8%A8%D8%A7%D8%B1-%D8%A7-%D8%AD%D8%B2%D8%A8-%D8%AF-%D9%88-%D8%B1%D8%A7%D9%86-%D9%88-%D8%AF%D8%B1-%D9%86-%D9%84-%D9%87-%D9%88%D9%84-%D8%B1 https://shafaq.com/ku/%D9%87%D9%80%D9%80%D9%80%D9%80%D9%87-%D9%88%D8%A7%DA%B5-%D9%83%D9%80%D9%80%D9%88%D8%B1%D8%AF%D9%89/%D9%88-%D8%A7%D9%85%D8%A7%D9%86%D8%AC-%D8%B1%D8%AF%D9%86-%D8%A8%D8%A7%D8%B1-%D8%A7-%D8%AD%D8%B2%D8%A8-%D8%AF-%D9%88-%D8%B1%D8%A7%D9%86-%D9%88-%D8%AF%D8%B1-%D9%86-%D9%84-%D9%87-%D9%88%D9%84-%D8%B1 ‏وە ئامانجگردن بارەگای حزبیگ دژ وە ئیران وە درۆن لە هەولێر

‏شەفەق نیوز - هەولێر

‏سەرکردەیگ لە "حزب دیموکراتی کوردستان ئیران دژبەر"، ئمڕوو چوارشەممە، راگەیان  بارەگای حزبەگەی لە هەولێر وە درۆن کریاسە ئامانج.

‏کەریم پەروێزی وە ئاژانس شەفەق نیوز راگەیان ئمڕوو یەکیگ لە بارەگایەیل حزب لە ناوچەی دێگەڵە سەر وە پارێزگای هەولێر، وەر پەلاماریگ درۆنی کەفتیە. 

‏پەروێزی ئاشکرایکرد "پەلامارەگە هویچ زەخمداریگ لەلی نەکەفتیە"، بی ئەوەگ هویردەکاری  زیاتر لەبان سروشت وەئامانجگردنەگە یا ئەو لایەنە پەلامارەگە  ئەنجام دایە بخەێدەڕوی.

‏

‏

]]> Wed, 15 Apr 2026 13:30:01 +0000 https://shafaq.com/ku/%D9%87%D9%80%D9%80%D9%80%D9%80%D9%87-%D9%88%D8%A7%DA%B5-%D9%83%D9%80%D9%80%D9%88%D8%B1%D8%AF%D9%89/%D8%B2-%D9%88-%D9%84-%D8%B1%D8%B2-%D9%88-%D8%AA%D9%88%D9%86-4-2-%D9%84-%D8%AF-%D8%AF-%D9%84-%D8%B3%D9%84-%D9%85%D8%A7%D9%86 https://shafaq.com/ku/%D9%87%D9%80%D9%80%D9%80%D9%80%D9%87-%D9%88%D8%A7%DA%B5-%D9%83%D9%80%D9%80%D9%88%D8%B1%D8%AF%D9%89/%D8%B2-%D9%88-%D9%84-%D8%B1%D8%B2-%D9%88-%D8%AA%D9%88%D9%86-4-2-%D9%84-%D8%AF-%D8%AF-%D9%84-%D8%B3%D9%84-%D9%85%D8%A7%D9%86 زەویلەرزەیگ وەتونی 4.2 پلە دەێد لە سلێمانی

شەفەق نیوز - سلێمانی

دەسەی گشتی کەشناسی و زەویلەرزەناسی  لە عراق، ئمڕوو چوارشەممە، توومارکردن زەویلەرزەیگ وەتونی  4.2 پلە لە باکوور پارێزگای سلێمانی لە هەرێم كوردستان راگەیان.

دەسەگە لە بەیاننامەیگ رەسیە ئاژانس شەفەق نیوز، وت: زەویلەرزەگە لە سەعات 12:00:25 نیمەڕو وە وەخت ناوخزەیی، و وە دویری نزیکەی 115 کیلۆمەتر لە باکوور شار سلێمانی، لە نزیک سنوورەیل عراقی و ئیرانی، و وە قۊلی 15 کیلۆمەتر رویدا.

 وتیش: هاووڵاتییەیل لە ناوچە نزیکەیل ئاگادار لە لەرزەگە وە شیوەی سووکیگ بوینە، وەبی توومارکردن هیچ زەرەدەیلیگ.

 دەسەگە داوا لە مەردم کرد دویربکەفتن لە دەنگۆیەیل، و پشتپبوەسن وە سەرچەوە فەرمییەیل، وە دووپاتکردن لەوە کە هەر نووکارییگ لە ئەگەر رویدانی بڵاو کەێد.

]]> Wed, 15 Apr 2026 10:58:28 +0000 https://shafaq.com/ku/%D9%87%D9%80%D9%80%D9%80%D9%80%D9%87-%D9%88%D8%A7%DA%B5-%D9%83%D9%80%D9%80%D9%88%D8%B1%D8%AF%D9%89/%D9%86-%D8%B1%D9%88%D8%A7%D9%86-%D8%A8%D8%A7%D8%B1%D8%B2%D8%A7%D9%86-%D9%84-%D8%B3-%D8%B1-%D8%B3%D8%A7-%D8%B2-%D8%AF-%D9%83%D9%88%D8%B1%D8%AF%D8%B3%D8%AA%D8%A7%D9%86-%D9%87-%D9%85-%D8%B4-%D9%86-%D8%B4%D8%AA%D9%85%D8%A7%D9%86-%D8%B1%D8%A7-%D9%88-%D9%88-%D8%A7%D9%86-%D9%88-%D9%88-%D8%AE%D8%B4-%D9%86-%D9%85-%D9%86-%D8%AF https://shafaq.com/ku/%D9%87%D9%80%D9%80%D9%80%D9%80%D9%87-%D9%88%D8%A7%DA%B5-%D9%83%D9%80%D9%80%D9%88%D8%B1%D8%AF%D9%89/%D9%86-%D8%B1%D9%88%D8%A7%D9%86-%D8%A8%D8%A7%D8%B1%D8%B2%D8%A7%D9%86-%D9%84-%D8%B3-%D8%B1-%D8%B3%D8%A7-%D8%B2-%D8%AF-%D9%83%D9%88%D8%B1%D8%AF%D8%B3%D8%AA%D8%A7%D9%86-%D9%87-%D9%85-%D8%B4-%D9%86-%D8%B4%D8%AA%D9%85%D8%A7%D9%86-%D8%B1%D8%A7-%D9%88-%D9%88-%D8%A7%D9%86-%D9%88-%D9%88-%D8%AE%D8%B4-%D9%86-%D9%85-%D9%86-%D8%AF نێچیروان بارزانی لە سەر ساڵ ئێزیدی: كوردستان هەمیشە نیشتمانیگ ئەرا وەیەکەوژیان و وەخشین مینێد

شەفەق نیوز - هەولێر

نێچیروان بارزانی سەرۆک هەرێم كوردستان، ئمڕوو چوارشەممە، پیرووزبایی خوەی پیشکەش کرد وە بوونەی هاتن سەر ساڵ ئێزیدی، و ئومید خوازێد سەرەتایگ بوود ئەرا ساڵیگ پڕ لە "سەرکەفتن و ئاسایش".

 سەرۆک هەرێم کوردستان لە بەیاننامەی پیرووزباییەگە ئەرا "خوەیشک و برایەیل" ئێزیدی دووارە دووپات کرد "هەرێم كوردستان جۊر ئەوەگ هەمیشە بویە، نیشتمانیگ ئەرا وەیەکەوژیان و وەخشین و قەبووڵکردن ئەوەکان لەناوەین گشت مینێد"، دووپاتش گرد کە "هەمیشە پاڵپشت و وەرگریکار لە ماف و داواکارییەیل رەوایان مینمین".

ئێزیدییەیل لە یەکەم چوارشەممەی نیسان (خوەرهەڵاتی) لە هەر ساڵیگ ئاهەنگ جەژن سەری ساڵ (سەرساڵ) کەن، کە رسوومەیل ئایینی و کەلەپووری فراوان لە ناوچەیل شنگال و بەعشیقە و بەحزانی و شێخان لە پارێزگای نەینەوا وەڕیەوە چوود، جویر راگەیاننیگ ئەرا دەسکردن ساڵ نوو وەپەی روزنامەی ئێزیدی.

]]> Wed, 15 Apr 2026 07:03:37 +0000 https://shafaq.com/ku/%D9%87%D9%80%D9%80%D9%80%D9%80%D9%87-%D9%88%D8%A7%DA%B5-%D9%83%D9%80%D9%80%D9%88%D8%B1%D8%AF%D9%89/%D9%88-%D8%B1-%D8%B1-%D9%84-%D8%A7%D8%B3%D9%85%D8%A7%D9%86-%D9%86%D9%88%D8%A7-%D8%B1-%D8%AF%D9%88%D9%88-%D9%81-%D8%A8-%D9%81-%D9%88%D8%A7%D9%86-%D9%84-%D9%87-%D9%88%D9%84-%D8%B1-%D9%86 https://shafaq.com/ku/%D9%87%D9%80%D9%80%D9%80%D9%80%D9%87-%D9%88%D8%A7%DA%B5-%D9%83%D9%80%D9%80%D9%88%D8%B1%D8%AF%D9%89/%D9%88-%D8%B1-%D8%B1-%D9%84-%D8%A7%D8%B3%D9%85%D8%A7%D9%86-%D9%86%D9%88%D8%A7-%D8%B1-%D8%AF%D9%88%D9%88-%D9%81-%D8%A8-%D9%81-%D9%88%D8%A7%D9%86-%D9%84-%D9%87-%D9%88%D9%84-%D8%B1-%D9%86 وەرگرییەیل ئاسمانی نواگیری دوو فڕۆکەی بێفڕۆکەوان لە هەولێر کەن

شەفەق نیوز - هەولێر

دەزگای دژەتیرۆر لە كوردستان، ئمڕوو سێشەممە، نواگیریکردن لە دوو فڕۆکەی بێفڕۆکەوان بومبی لە هەولێر پایتەخت هەرێم كوردستان راگەیان.

دەزگاگە لە بەیاننامەیگ رەسیە ئاژانس شەفەق نیوز وت: لە سەعات 17:04، ریگری کریا و دوو فڕۆکەی بێفڕۆکەوان بومبی خریە خوارەو کە لە خاک ئیرانییەو وەرەو پارێزگای هەولێر وەشیاوێن.

وتیش: ئۆپراسیۆن وەخوارخستنیان وە فڕۆکەیل جەنگییەو ئەنجام دریا، دیاری کرد کە وەخوارخستنی نەویە مدوو هیچ زیانەیلیگ گیانی یا زەرەدەیلیگ مادی.

وەرجەیە، سەرچەوەیگ ئەمنی،  خەوەردا لە  پەلاماریگ فڕۆکەیل بێفڕۆکەوان وەبان بارەگایەیل سەروە ئۆپۆزسیۆن ئیرانی، کۆمەڵەی زەحمەتکیشەیل كوردستان "کۆمەڵە"، لە هەرێم كوردستان.

سەرچەوەگە ئەرا ئاژانس شەفەق نیوز وت: کە پەلامارەگە شوینەیل کۆمەڵەگە لە ناوچەی سورداش لەناو پارێزگای سلێمانی کردە ئامانج، وەبی دەسکەفتن وردەکارییەیل زیاتر لە قەوارەی زەرەدەیل یا زیانەیل گیانی.

]]> Tue, 14 Apr 2026 15:28:47 +0000 https://shafaq.com/ku/%D9%87%D9%80%D9%80%D9%80%D9%80%D9%87-%D9%88%D8%A7%DA%B5-%D9%83%D9%80%D9%80%D9%88%D8%B1%D8%AF%D9%89/%D8%AF%D9%88-%D8%A7-%D8%A7%D9%88%D8%A7%D8%B1-%D8%A8%D9%88-%D9%86-%D8%B3-%D8%AE%D8%AA%D9%8A-800-%D8%AE%D9%8A%D8%B2%D8%A7%D9%86-%D9%83%D9%88%D8%B1%D8%AF-%D9%87%D8%A7%D9%86-%D8%B1-%D9%88-%D9%88-%D8%B1-%D9%88-%D8%B9-%D9%81%D8%B1-%D9%86 https://shafaq.com/ku/%D9%87%D9%80%D9%80%D9%80%D9%80%D9%87-%D9%88%D8%A7%DA%B5-%D9%83%D9%80%D9%80%D9%88%D8%B1%D8%AF%D9%89/%D8%AF%D9%88-%D8%A7-%D8%A7%D9%88%D8%A7%D8%B1-%D8%A8%D9%88-%D9%86-%D8%B3-%D8%AE%D8%AA%D9%8A-800-%D8%AE%D9%8A%D8%B2%D8%A7%D9%86-%D9%83%D9%88%D8%B1%D8%AF-%D9%87%D8%A7%D9%86-%D8%B1-%D9%88-%D9%88-%D8%B1-%D9%88-%D8%B9-%D9%81%D8%B1-%D9%86 دویای ئاوارەبوین سەختيگ.. 800 خيزان كورد هانە ریەو وەرەو عەفرین

شەفەق نیوز - قامیشلۆ

نزیکەی 800 خیزان كورد، ئمڕوو سێشەممە، پارێزگای حەسەکە وەجی هیشتن، تا گلەو بخوەن ئەرا ناوچە رەسەنەگەیان لە عەفرین و دەیشتایی، یەیش لە چوارچیوەی جیوەجیکردن بەندەیل رێککەفتن گشتگیر لەناوەین حکومەت سوری و هیزەیل سوریای دیموکرات "هەسەدە".

پەیامنێر ئاژانس شەفەق نیوز، لە باکوور خوەرهەڵات سوریا وت: یە سێیەمین کاروانە ئەرا گلەوخواردن ئاوارەیل عەفرین ئەرا ناوچەیلیان وە هەماهەنگی لەناوەین حکومەت سوری و (هەسەدە) دویای وەڕیخستن یەکەم کاروان لە ناوڕاس ئازار گوزەشتە کە 400 خیزان لەخوەی گرد و کاروانیگ دۊەم کە 200 خیزان بوی لە سەرەتای مانگ نیسان.

دەیان پاس و ماشین کە خیزانە ئاوارەیلە هەڵگرۆنە لە شار قامیشلۆ وەرەو پارێزگای حەلەب لەڕی ناودەوڵەتی (M4) دەرچگن وەرجە چگنیان وەرەو ناوچەی عەفرین لە دەیشتایی حەڵەب خوەرهەڵات وەگەرد ریکارەیل ئەمنی تون وەپای پەیامنێرمان.

 ئەحمەد هیلالی قسەکەر تیم سەرۆکایەتی سوری کە ئەرکدارە وە تێکەڵکردن قەسەدە، لەبان پەڕەی خوەی لە ماڵپەڕ "فەیسبووک" نویسان: ئی کاروانە رەنگدانەوەی پیشکەفتنیگ وەرچەو کەێد لە ئامادەکردن رەوش مەیدانی و خزمەتگوزارییەیل ئەرا گلەوخواردن مەردمەگە وەرەو ناوچەیلیان، و دووپات جدیەت دەوڵەتەگە لەی پرس مرۆیی و نیشتمانییە کەێد".

هیلالی وتیش: وەرجە دوو رووژ تیم سەرۆکایەتییەگە دانیشتنیگ فراوان وەگەرد دەرکریاگەیل لە خەڵک حەسەکە لە شار سەرێکانی (رەئس عەین) بەس، کە لەناوی وە شیوەیگ راسەوخۆ گووش لە داواکارییەیلیان گیریا، و تایبەت نیگەرانییەیل ئەمنی کە پەیوەندی وە گلەوخواردنیان ئەرا گەڕەکەیلیان دیرێد، و وە شیوەیگ تایبەت لە هەردگ گەڕەک نەشوە و غوێران.

دووپات کرد کە "کار وەگەرد لایەنە پەیوەندیدارەیل وەردەوامە ئەرا مسۆگەرکردن ژینگەیگ ئارام و جیگیر کە دەرفەت بەێدە گلەوخواردنیگ گام وە گام و سەربەرزانە ئەرا مەردمەگە، وەپای نزیکەوبوینیگ راسگانی کە چەودیاریکردن ئاڵووزییە ئەمنی و خزمەتگوزارییەیل لە ناوچەگە کەێد.

دیاری کرد کە ئی جویلەی مەیدانییەیلە وەگەرد تیکەڵبوین راسەوخۆ وەگەرد مەردمەگە رەنگدانەوەی رێبازیگە کە لەبان گووشگردن و وەدەنگهاتن وسیاس، و بنەما ئەرا قۆناغێگ نوو نەێد کە ناونیشانەگەی دووارە گلەوداین جیگیری و گلەوخواردن دانیشتگەیلە ئەرا ناوچەیلیان وە شیوەیگ رێکخریاگ و ئارام.

لە 29ی مانگ کانوون دۊەم گوزەشتە، حکومەت سوری و هیزەیل سوریای دیموکرات رێککەفتنیگ لەبان وسانن تەقە راگەیانن وەگورەی رێککەفتنیگ گشتگیر، وەگەرد لەیەکفامستن لەبان پرۆسەی تیکەڵکردنیگ یەک لەدۊای یەک ئەرا هیزە سەربازی و کارگێڕییەیل لەناوەین هەردگ لایەن.

رێککەفتنەگە کیشانەوەی هیزە سەربازییەیل هەردگ لایەنەگە لە خاڵەیل لەیەکەفتن و چگن هیزەیل ئەمنی سەروە وەزارەت ناوخۆ ئەرا ناوەند هەردگ شار حەسەکە و قامیشلۆ لەخوەی گرێد ئەرا هیزەوکردن جیگیری و دەسکردن پرۆسەی تیکەڵکردن هیزە ئەمنییەیل لە ناوچەگە و دروسکردن فرقەیگ سەربازی کە سێ لیوا لە هیزەیل "هەسەدە" لەخوەی گرێد بیجگە لە دروسکردن لیوایگ ئەرا هیزەیل کۆبانێ لەناو فرقەیگ سەروە پارێزگای حەلەب.

هەرلیوا رێککەفتنەگە تیکەڵکردن دامەزراوەیل وەڕێوەبەرایەتی خوەیسەری لەناو دامەزراوەیل دەوڵەت سوری وەگەرد چەسپانن فەرمانبەرە مەدەنییەیل لەخوەی گرێد، وەگەرد رێککەفتن لەبان یەکلاییکردن مافە مەدەنی و پەروەردەییەیل ئەرا کۆمەڵگەی كوردی و مسۆگەرکردن گلەوخواردن ئاوارەیل ئەرا ناوچەیلیان.

]]> Tue, 14 Apr 2026 13:14:41 +0000 https://shafaq.com/ku/%D9%87%D9%80%D9%80%D9%80%D9%80%D9%87-%D9%88%D8%A7%DA%B5-%D9%83%D9%80%D9%80%D9%88%D8%B1%D8%AF%D9%89/%D9%85-%D8%B2-%D9%86-%D8%B4%D9%88%D9%87-%D9%88%D8%A7-48-%D8%B3%D8%A7%D8%B9-%D8%AA-%D8%A7-%D9%86%D8%AF-%D9%87-%D8%B1-%D9%85-%D9%88%D8%B1%D8%AF%D8%B3%D8%AA%D8%A7%D9%86-1 https://shafaq.com/ku/%D9%87%D9%80%D9%80%D9%80%D9%80%D9%87-%D9%88%D8%A7%DA%B5-%D9%83%D9%80%D9%80%D9%88%D8%B1%D8%AF%D9%89/%D9%85-%D8%B2-%D9%86-%D8%B4%D9%88%D9%87-%D9%88%D8%A7-48-%D8%B3%D8%A7%D8%B9-%D8%AA-%D8%A7-%D9%86%D8%AF-%D9%87-%D8%B1-%D9%85-%D9%88%D8%B1%D8%AF%D8%B3%D8%AA%D8%A7%D9%86-1 ‏مەزەنەی کەشوهەوای 48 ساعەت ئایندەی هەرێم کوردستان

‏شەفەق نیوز ـ وەدویاچگن

‏وەڕێوەبەرایەتی کەشناسی و زەویلەرزەناسی هەرێم کوردستان، ئمڕوو سێشەممە، کەشوهەوای ـ48 ساعەت ئایندەی ناوچەگە بڵاوکرد.

‏وەڕێوەبەرایەتیەگە لە بەیاننامەیگ راگەیان "ئمڕوو ئاسمان ساماڵ و لەکە ئەورە لە ناوچە کویەیلە و ناوچەیل نیمە کویەیلە و ناوچە ینووریەیل، گاجاریگ لەبان ناوچە کویەیلە ئەگەر واران وارین هەس وەشیوەی کوڵە وەختیگ لەبڕیگ وەخت لەدویای نیمەڕوو وەشیوەی واراناوى  بوود، ناوچەگە لە ئمڕووە تا رووژ شەممە نییە ژیر کاریگەری هویچ شەپوولیگ واران وارین و پەی گەرمی وە چەن پلەیگ ئمڕوو بەرزەوبوین وەخوەی دوینێد".

‏دیاریکرد، "سوو کەش ناوچەگە وە گشتی ساماڵ و لەکە ئەورە لە ناوچە کویەیلە نیمە ئەرە و پلەی گەرمی کەمیگبەرزەوبوود".

‏بەرزترین پلەی گەرمی مەزەنەکریاگ لە ناوچەگە:

‏هەولێر: 20 پلەی سیلیزی 

‏پیرمام: 16 پلەی سیلیزی

‏سۆران: 16 پلەی سیلیزی 

‏حاجی ئۆمەران: 10پلەی سیلیزی 

‏سلێمانی: 18 پلەی سیلیزی

‏چەمچەماڵ: 19 پلەی سیلیزی

‏دهۆک: 19 پلەی سیلیزی

‏زاخۆ: 19 پلەی سیلیزی 

‏هەڵەبجە: 20 پلەی سیلیزی

‏گەرمیان: 23 پلەی سیلیزی.

‏

]]> Tue, 14 Apr 2026 09:18:39 +0000 https://shafaq.com/ku/%D9%87%D9%80%D9%80%D9%80%D9%80%D9%87-%D9%88%D8%A7%DA%B5-%D9%83%D9%80%D9%80%D9%88%D8%B1%D8%AF%D9%89/%D9%86-%D8%B1%D9%88%D8%A7%D9%86-%D8%A8%D8%A7%D8%B1%D8%B2%D8%A7%D9%86-%D9%84-%D8%B3%D8%A7-%D8%A7%D8%AF-%D9%86%D9%81%D8%A7%D9%84-%D9%88-%D8%B1%D8%AF-%D9%88%D8%A7%D9%85-%D8%A8%D9%88-%D9%85%D9%86-%D9%84-%D8%AA-%D9%82-%D9%84%D8%A7-%D8%B1%D8%A7-%D9%86%D8%A7%D8%B3%D8%A7%D9%86%D9%86-%D9%86%D8%A7%D9%88%D8%AF-%D9%88-%D8%AA-%D9%88-%D8%AC-%D9%86-%D8%B3%D8%A7-%D8%AF-%D9%88-%D9%82-%D8%B1-%D8%A8%D9%88%D9%88-%D8%B1%D8%AF%D9%86-%D9%88-%D8%B1-%D8%B1%D8%B3-%D8%A7%D8%B1-%D8%AA-%D8%A8-%D8%BA%D8%AF%D8%A7%D8%AF https://shafaq.com/ku/%D9%87%D9%80%D9%80%D9%80%D9%80%D9%87-%D9%88%D8%A7%DA%B5-%D9%83%D9%80%D9%80%D9%88%D8%B1%D8%AF%D9%89/%D9%86-%D8%B1%D9%88%D8%A7%D9%86-%D8%A8%D8%A7%D8%B1%D8%B2%D8%A7%D9%86-%D9%84-%D8%B3%D8%A7-%D8%A7%D8%AF-%D9%86%D9%81%D8%A7%D9%84-%D9%88-%D8%B1%D8%AF-%D9%88%D8%A7%D9%85-%D8%A8%D9%88-%D9%85%D9%86-%D9%84-%D8%AA-%D9%82-%D9%84%D8%A7-%D8%B1%D8%A7-%D9%86%D8%A7%D8%B3%D8%A7%D9%86%D9%86-%D9%86%D8%A7%D9%88%D8%AF-%D9%88-%D8%AA-%D9%88-%D8%AC-%D9%86-%D8%B3%D8%A7-%D8%AF-%D9%88-%D9%82-%D8%B1-%D8%A8%D9%88%D9%88-%D8%B1%D8%AF%D9%86-%D9%88-%D8%B1-%D8%B1%D8%B3-%D8%A7%D8%B1-%D8%AA-%D8%A8-%D8%BA%D8%AF%D8%A7%D8%AF نێچیروان بارزانی لە ساڵیاد ئەنفال: وەردەوام بویمن لە تەقەلا ئەرا ناسانن ناودەوڵەتی وە "جینۆساید" و قەرەبووکردن وەرپرسیاریەتی بەغدادە

شەفەق نیوز - هەولێر

نێچیروان بارزانی سەرۆک هەرێم كوردستان، ئمڕوو سێشەممە، دووپاتکردنی لەبان وەردەوامبوین لە کارکردن ئەرا وەدیهاوردن دانپێدانانیگ ناودەوڵەتی وە ئۆپراسیۆنەیل ئەنفال جویر "تاوان جینۆساید" نووەو کرد، وە دووارەکردن داواکردنی لە حکومەت فیدراڵی ئەرا قەرەبووکردن زەرەدمەنەیل لە قوربانییەیل ئەو ئۆپراسیۆنەیلە.

یەیش لە بەیاننامەیگ هات کە سەرۆک هەرێم کوردستان دەریکرد وە بوونەی رەدبوین 38 ساڵ وەبان پەلامارەیل ئەنفال کە رژیم وەرین عراق لە ساڵ 1988 ئەنجامی دا، کە لەناوی زیاتر لە 182 هەزار کەس لە چینەیل تەمەنی جیاجیا بوینە قوربانی، وە هەژمارکردن ئەوە کە "ئەنفال تەنیا تاوانیگ نەوی، بەڵکم تەقەلایگ بیخود بوی ئەرا قڕکردن گەلیگ ئاشتیخواز وە تەواوی، کە هیمان شوینەوار زەخمەیلی لە لەش نیشتمان تا ئمڕوو مەنیەسەو".

و دووپاتکردنی نووەو کرد کە لە وەرپرسیاریەتی حکومەت فیدراڵی عراقییە کە قەرەبوو کەسوکار قوربانییەیلە بکەێد لەڕوی مادی و مەعنەوی، وەپەی ئەوەگ دادگای تاوانەیل عراقی باڵا لەی باوەتە بڕیار لەبانی داگە.

 لە ئاست ناودەوڵەتی، سەرۆک هەرێم کوردستان دووپات کرد لە وەردەوامبوین تەقەلایەیلی "ئەرا ناسانن ئەنفال جویر تاوان جینۆساید"، وە وتیش: "هیچ تەقەلایگ نیەخەیمنە پشتدەس ئەرا وەردەوامبوین ئەرک مرۆیی و نیشتمانیمان لە مینەکردن رووفات شەهیدەیل و گلەوداینیان ئەرا باوەش نیشتمان، هەرلیوا بایەسە خزمەتگوزاری زیاتر پیشکەش وە خیزانەیل قوربانییەیل ئەنفال بکریەێد وە گشت ئەو توانایلە کە دیریمنەی".

لە کۆتاییش نێچیروان بارزانی دووپات کرد کە "مقیەتیکردن قەوارەی دەستووری هەرێم كوردستان و مقیەتیکردن دەسکەفتەیلمان وەدی نیەتێد مەگەر لەڕی یەکگرتگی و کار هاوبەش لەناوەین گشت هیزە سیاسی و پێکهاتەیل، کە یە بەرزترین ئاستەیل وەفادارییە ئەرا خۊن شەهیدەیل، و ئەوە گەرەنتیە ئەرا بانانیگ خاستر ئەرا نەوەیلمان کە وە چەو ئومیدەو وەپیانەو دوینیمن".

]]> Tue, 14 Apr 2026 07:10:30 +0000 https://shafaq.com/ku/%D9%87%D9%80%D9%80%D9%80%D9%80%D9%87-%D9%88%D8%A7%DA%B5-%D9%83%D9%80%D9%80%D9%88%D8%B1%D8%AF%D9%89/%D8%AF%D9%87-%D8%AF%D9%88%D9%88%D8%A7%D8%B1-%D9%88%D8%A7%D8%B2-%D8%B1%D8%AF%D9%86-%D8%B1-%D8%B3%D9%86%D9%88%D9%88%D8%B1-%D8%B1%D9%86-%D8%AF%D9%88-%D8%A7-%D9%88%D8%A7%D9%87%D9%88%D9%88%D8%B2-%D9%88-%D9%81%D8%B1-%D9%86-%D9%88-%D9%86 https://shafaq.com/ku/%D9%87%D9%80%D9%80%D9%80%D9%80%D9%87-%D9%88%D8%A7%DA%B5-%D9%83%D9%80%D9%80%D9%88%D8%B1%D8%AF%D9%89/%D8%AF%D9%87-%D8%AF%D9%88%D9%88%D8%A7%D8%B1-%D9%88%D8%A7%D8%B2-%D8%B1%D8%AF%D9%86-%D8%B1-%D8%B3%D9%86%D9%88%D9%88%D8%B1-%D8%B1%D9%86-%D8%AF%D9%88-%D8%A7-%D9%88%D8%A7%D9%87%D9%88%D9%88%D8%B2-%D9%88-%D9%81%D8%B1-%D9%86-%D9%88-%D9%86 دهۆک.. دووارە وازکردن رییگ سنووری گرنگ دویای واهووزیگ وەفرین (وینە)

شەفەق نیوز- دهۆک

فەرمانگەی خاسەوکردن ریوبان و پیەڵەیل لە دهۆک، ئمڕوو دووشەممە، دووارە وازکردن ئەو ریە راگەیان کە ناحیەی کانی ماسی و دەروازەی سەرزیڕ سنووری وەگەرد تورکیا بەسێدەو، دویای بەسیانی لەوەر واهووزیگ وەفرین.

 کەمال محەمەد وەرپرس راگەیانن فەرمانگەگە ئەرا ئاژانس شەفەق نیوز وت: تیمەیل لاوردن وەفر لە سەعاتەیل زۊ شەوەکییەو دەس کردن وە هەڵگردن ئەو کەڵەکەبوینەیلە کە واهووزە وەفرینەگەی دۊشەو دروسی کرد، کە بویە مدوو بڕیان ریەگە.

وتیش: کوڵوفتی وەفرەگە رەسیە نزیکەی 15 سانتیمەتر لەبان درویژایی ریەگە کە رەسێدە نزیکەی 12 کیلۆمەتر، وە دووپاتکردن لەبان دووارە وازکردنی لەوەرانوەر جویلەی هاتووچو.

پارێزگای دهۆک، لە وەختیگ گوزەشتە لە ئمڕوو، پلیان پاسیگ وەخوەی دی کە دویەتە خوەنەوارەیل هەڵگردوێد لە قەزای ئامێدی لە ئەنجام بەدی کەشوهەوا و وارین وەفر، کە بویە مدوو زەخمداربوین 14 خوەنەوار دویەت وە زەخمەیل سووکیگ.

]]> Mon, 13 Apr 2026 10:08:21 +0000 https://shafaq.com/ku/%D9%87%D9%80%D9%80%D9%80%D9%80%D9%87-%D9%88%D8%A7%DA%B5-%D9%83%D9%80%D9%80%D9%88%D8%B1%D8%AF%D9%89/%D8%B2-%D8%AE%D9%85%D8%AF%D8%A7%D8%B1%D8%A8%D9%88-%D9%86-14-%D8%AF%D9%88-%D8%AA-%D8%AE%D9%88-%D9%86-%D9%88%D8%A7%D8%B1-%D9%88-%D9%84-%D8%A7%D9%86-%D8%A7%D8%B3-%D9%84-%D8%A8%D8%A7-%D9%88%D9%88%D8%B1-%D8%AF%D9%87 https://shafaq.com/ku/%D9%87%D9%80%D9%80%D9%80%D9%80%D9%87-%D9%88%D8%A7%DA%B5-%D9%83%D9%80%D9%80%D9%88%D8%B1%D8%AF%D9%89/%D8%B2-%D8%AE%D9%85%D8%AF%D8%A7%D8%B1%D8%A8%D9%88-%D9%86-14-%D8%AF%D9%88-%D8%AA-%D8%AE%D9%88-%D9%86-%D9%88%D8%A7%D8%B1-%D9%88-%D9%84-%D8%A7%D9%86-%D8%A7%D8%B3-%D9%84-%D8%A8%D8%A7-%D9%88%D9%88%D8%B1-%D8%AF%D9%87 زەخمداربوین 14 دویەت خوەنەوار وە پلیان پاسیگ لە باکوور دهۆک

شەفەق نيوز- دهۆک 

 14 دویەت خوەنەوار، ئمڕوو دووشەممە، زەخمدار بوین، لە ئەنجام پلیان پاسیگ کە لەناوی بوینە لە ئامێدی باکوور دهۆک.

سەرچەوەیگ حکومەتی ئەرا ئاژانس شەفەق نیوز وت: رویداوەگە شەوەکی ئمڕوو لە ئاوای تاژێکی سەروە ناحیەی دێرلۆک مەوقەی چگنی لە ئامێدیەو وەرەو زانکۆی زاخۆ.

وتیش: رویداوەگە لەوەر بەدی کەشوهەوا و واران رفت و وەفروارین بویە، کە بویەسە مدوو سڕبردن ریەگە و پلیان پاسەگە.

دووپاتیش کرد کە گشت زەخمەیل سووک بوینە وەبی توومارکردن زەخمداری رخباریگ، و گشت ئەو دویەتەیل زەخمدارە ئەرا خەسەخانەی ئازادی بریان، و دویای ئەوە ئەرا ماڵ خوەیان گلەو دریانە.

]]> Mon, 13 Apr 2026 09:15:50 +0000 https://shafaq.com/ku/%D9%87%D9%80%D9%80%D9%80%D9%80%D9%87-%D9%88%D8%A7%DA%B5-%D9%83%D9%80%D9%80%D9%88%D8%B1%D8%AF%D9%89/%D8%AF%D9%88-%D8%A7-%D9%88%D8%B3-%D8%A7%D9%86-%D8%B1%D9%88%D9%88-%D8%AF-%D8%B3%D9%88-%D8%B1%D8%AF%D9%86-%D8%B4%D8%AA-%D9%84-%D9%84-%D9%81-%D8%AE%D8%A7%D9%86-%D9%86%D8%A7%D9%88%D8%AF-%D9%88-%D8%AA-%D9%85%D8%A7%D9%85-%D8%AC%D9%84%D8%A7%D9%84-%D9%88-%D9%86 https://shafaq.com/ku/%D9%87%D9%80%D9%80%D9%80%D9%80%D9%87-%D9%88%D8%A7%DA%B5-%D9%83%D9%80%D9%80%D9%88%D8%B1%D8%AF%D9%89/%D8%AF%D9%88-%D8%A7-%D9%88%D8%B3-%D8%A7%D9%86-%D8%B1%D9%88%D9%88-%D8%AF-%D8%B3%D9%88-%D8%B1%D8%AF%D9%86-%D8%B4%D8%AA-%D9%84-%D9%84-%D9%81-%D8%AE%D8%A7%D9%86-%D9%86%D8%A7%D9%88%D8%AF-%D9%88-%D8%AA-%D9%85%D8%A7%D9%85-%D8%AC%D9%84%D8%A7%D9%84-%D9%88-%D9%86 ‏دویای 40 وسیان رووژ.. دەسوەپیکردن گەشتەیل لە فڕۆکەخانەی ناودەوڵەتی "مام جلال" (وینە)

شەفەق نیوز - سلێمانی

‏فڕۆکەخانەی ناودەوڵەتی مام جلال، ئمڕوو شەممە، دەسوەپیکردن یەکەم گەشتەیل ئاسمانی وەخوەی دی، یەیش دویای وسیانیگ کە زیاتر لە 40 رووژ کیشا وە بڕیار دەسەڵات فڕۆکەوانی شارستانی عراق.

‏دانا محەمەد، وەڕێوەبەر راگەیانن و پەیوەندییەیل لە فڕۆکەخانەی ناودەوڵەتی مام جلال، ئەرا ئاژانس شەفەق نیوز وت: "یەکەم گەشت ئاسمانی خوەی شەفەق ئمڕوو لە فڕۆکەخانەگەو وەرەو ئوردن دەس وەپێ کرد، و بڕیارە گەشت گلەوخواردنیش هەر ئمڕوو لە وەختیگ ترەک جیوەجی بکریەد".

‏وتیش: "دەسوەپیکردن گەشتەیل وەپای ئەو خشتە بوود کە دەسەڵات فڕۆکەوانی شارستانی عراق کلیکردیە، و بڕیارە گەشتەیل ئاسمانی لە فڕۆکەخانەگە و وەرەو فڕۆکەخانەگە لە رووژەیل ئایندە وە شیوەیگ رێکوپێک وەردەوام بوون".

‏ئی ئاڵشتکارییە دویای ئەوە تێد کە گەشتەیل ئاسمانی لە فڕۆکەخانەیل عراق ئەرا زیاتر لە 40 رووژ وسانن وەخوەیان دین، لە ئەنجام شوێنەوارەیل جەنگ ناوەین ویلایەتە یەکگرتگەیل و ئیسرائیل لە لایگ، و ئیران لە لایگ ترەک، کە بووە هووکار بەسانن ئاسمان عراق، تەنانەت ئەرا ئەو گەشتەیلە کە تەنیا وە ناو ئاسمان وڵاتەگە ڕەد بوون.

‏

‏

‏

]]> Mon, 13 Apr 2026 08:51:52 +0000 https://shafaq.com/ku/%D9%87%D9%80%D9%80%D9%80%D9%80%D9%87-%D9%88%D8%A7%DA%B5-%D9%83%D9%80%D9%80%D9%88%D8%B1%D8%AF%D9%89/%D8%AF-%D8%B3%D9%88-%D8%B1%D8%AF%D9%86-%D8%A7%D8%B1-%D9%84-%D8%B1%D9%85-%D8%B1-%D8%AF%D9%88-%D8%A7-%D9%88%D8%B3-%D8%A7%D9%86-%D9%86-%D9%85 https://shafaq.com/ku/%D9%87%D9%80%D9%80%D9%80%D9%80%D9%87-%D9%88%D8%A7%DA%B5-%D9%83%D9%80%D9%80%D9%88%D8%B1%D8%AF%D9%89/%D8%AF-%D8%B3%D9%88-%D8%B1%D8%AF%D9%86-%D8%A7%D8%B1-%D9%84-%D8%B1%D9%85-%D8%B1-%D8%AF%D9%88-%D8%A7-%D9%88%D8%B3-%D8%A7%D9%86-%D9%86-%D9%85 ‏دەسوەپیکردن کار لە کێڵگەی کۆرمۆر دویای وسیانیگ نیمچەیی

‏شەفەفق نیوز ـ سلێمانی

‏کۆمپانیای "دانە غاز" ئیماراتی، ئمڕوو دووشەممە، دەسوەپیکردن کارەیل بەرهەمهاوردن لە کێڵگەی غازیگ کۆرمۆر لە هەرێم کوردستان راگەیان، یەیش دویای ماوەیگ لە وسانن بەشەکی کە لە هەفتەیل گوزەشتە وەخوەێ دی.

‏کۆمپانیاگە لە بەیانییەیگ رەسیە ئاژانس شەفەق نیوز  وت: "کارەیل لە کێڵگەگە چگە ناو بارودۆخ سروشتی خوەی، دویای گردنەوەر زنجیرەیگ لە ڕێکارەیل دەسوەپیکردن کارەگە وە شێوەی ئەمن و رێکوپێک".

‏وتیش: "کۆمپانیاگە لە ماوەی وساننەگە خەریک جیوەجیکردن رێکارەیل کارکردن وەرگردی بویە، وە هەماهەنگی نزیک وەگەرد لایەنە حکوومەتییە پەیوەندیدارەیل"، و دووپات کرد  "بیوەیی فەرمانبەرەیل و پاراستن سامان و ژیرخانەگە لە سەرەتای کارەیل خوەیان بویە و هەر مینێد".

‏لە هەمان باوەت، کۆمپانیای دانە غاز پابەندبوینی وە وەردەوامبوین بەرهەمهاوردن نیشان دا وەپای بەرزترین پەیمانەیل بیوەیی و کارامەیی، ئەرا پشتگیریکردن لە دابینکردن وزە لە هەرێم کوردستان.

‏

‏

‏

‏

‏

‏

]]> Mon, 13 Apr 2026 08:14:26 +0000 https://shafaq.com/ku/%D9%87%D9%80%D9%80%D9%80%D9%80%D9%87-%D9%88%D8%A7%DA%B5-%D9%83%D9%80%D9%80%D9%88%D8%B1%D8%AF%D9%89/%D9%83%D9%88%D8%B1%D8%AF-%D9%84-%D9%81-%D9%84-%D9%84-%D9%86%D9%88%D8%A7-%D9%87-%D8%B1-%D9%86-%D8%B4%D8%AA%D9%85%D8%A7%D9%86-%D8%B2%D8%A7%D9%86-%D9%88%D9%88%D9%81-%D9%88-%D9%81-%D8%B3%D8%AA-%D8%A7-%D8%AA%D8%A7%D9%88%D8%A7%D9%86-%D9%84-%D8%AA%D9%88%D9%86-%D9%88-%D8%A8-%D9%85-%D9%86-%D8%AF-%D9%88-%D9%86 https://shafaq.com/ku/%D9%87%D9%80%D9%80%D9%80%D9%80%D9%87-%D9%88%D8%A7%DA%B5-%D9%83%D9%80%D9%80%D9%88%D8%B1%D8%AF%D9%89/%D9%83%D9%88%D8%B1%D8%AF-%D9%84-%D9%81-%D9%84-%D9%84-%D9%86%D9%88%D8%A7-%D9%87-%D8%B1-%D9%86-%D8%B4%D8%AA%D9%85%D8%A7%D9%86-%D8%B2%D8%A7%D9%86-%D9%88%D9%88%D9%81-%D9%88-%D9%81-%D8%B3%D8%AA-%D8%A7-%D8%AA%D8%A7%D9%88%D8%A7%D9%86-%D9%84-%D8%AA%D9%88%D9%86-%D9%88-%D8%A8-%D9%85-%D9%86-%D8%AF-%D9%88-%D9%86 كوردەیل فەیلی لە نوای هۊر نیشتمانی.. زانکۆی کووفە وە فێستیڤاڵیگ تاوانەیل تونڕەوی بەڵگەمەن کەێد (وینە)

شەفەق نیوز - نەجەف

زانکۆی کووفە، ئمڕوو یەکشەممە، فێستیڤاڵیگ ئەرا بەڵگەمەنکردن ئەو تاوانەیلە بەسا کە رژیم بەعسی وەرین وەرانوەر رووڵەیل کۆمەڵگەی عراقی ئەنجام دا، و لە پیشەنگیان كوردەیل فەیلی.

پەیامنێر ئاژانس شەفەق نیوز وت: ئی چالاکییە ناوەند عراقی ئەرا بەڵگەمەنکردن تاوانەیل تونڕەوی سەروە عەتەبەی عەباسی رێکی خستیە، وە هەماهەنگی وەگەرد کۆلێژ پەروەردەی بنەڕەتی لە زانکۆی کووفە، و ئامانج لەلی هیزەوکردن هۊر نیشتمانی و خستن رووشنایی لەبان رەنج قوربانییەیلە لە مەوقەیل جیاجیا لە میژوو وڵاتەگە.

عەباس قوڕەیشی، سەرۆک ناوەند عراقی ئەرا بەڵگەمەنکردن تاوانەیل تونڕەوی، ئەرا ئاژانس شەفەق نیوز وت: پیشانگاگە نیشاندانیگ بەڵگەمەنی و وینەیی لەخوەی گرد کە ئەو تاوانەیلە بەڵگەمەن کەێد کە لە سەردەم رژیم وەرین ئەنجام دریان، بیجگە لەو تاوانەیلە کە ریخریاگ داعش تیرۆریست جیوەجییان کرد.

دیاری کرد کە چالاکییەگە وە شیوەیگ تایبەت زوور لەبان رەنج كوردەیل فەیلی کرد کە تویش ستەم گەورەیگ بوین و تا ئمڕوو دادپەروەرییگ راسگانی وەدەس نەهاوردنە.

وتیش: رژیم وەرین یەکەم تاوانەیلی وەرانەور كوردەیل فەیلی ئەنجام دا لەڕی دەرکردنیان وە زوور و دەسگیرکردن هەزاران لەلیان، و زەفتکردن پۊل و داشتەیلیان، تا رەسێدە لەسێدارەداین شمارەیگ گەورە لە گەنجەیلیان و زەفتکردن رەگەزنامەی عراقی لەلیان، لە تەقەلایگ ئەرا سڕین ناسنامە نیشتمانییان.

قوڕەیشی وتیش: ناوەندەگە کار لەبان بەڵگەمەنکردن ئەو تاوانەیلە کەێد کە رەسینە ئی چینە، وە دەسنشانکردن ئەرا نزیکی دەرچگن پەرتووکیگ وەناو "كوردەیل فەیلی.. ریشە و میژوو و رەنج و کارەساتەیلیان"، کە میژوویان و ئەو کوشتن و بڕینە کە وەسەریان هات بەڵگەمەن کەێد.

 دیاری کرد کە پیشانگا وینەییەگە تەنیا لەبان نیشاندان تاوانەیل ناو عراق نەوەسیا، بەڵکم هەرلیوا رەنج دەرکریاگەیل لە وڵاتەیل پەنابەری ئەرا کۆمەڵگەی ناودەوڵەتی و مرۆیی رەسان، وە ئامانج ناسانن جەهان وە بڕ ئەو پێشێلکارییەیلە کە کوشتن و بڕینە کە تویشی هاتنە.

 قوڕەیشی دووپات کرد لەبان ئەوە کە ناوەندەگە بەڵگەنامەیلیگ گرنگ دیرێد کە پەیوەندی وە كوردەیل فەیلییەو دیرن، لەناویان نامەوتارەیل فەرمی لە هەردوگ شار بەدرە و جەسان، کە ئەو رینماییەیلە نیشان دەن کە ئەرا وەڕیەوەبەرایەتییەیل پەروەردە دەرچگنە ئەرا ناسین خوەنەوارە فەیلییەیل، بیجگە لە بەڵگەنامەیلیگ کە بڕیارەیل لەسێدارەداین و دەرکردن و دەسناین وەبان داشتەیل لەخوەی گرێد.

وتیش: "ئامانجگردن كوردەیل فەیلی لە ناو عراق نەوەسیا بەڵکم لە وڵاتەیل ئەوروپی و سوریا و ئیرانیش رەسیە پییان".

قوڕەیشی ئاشکرا کرد کە ناوەندەگە ئینسایکلۆپیدیایگ ئەزموونی لە هەفت بەرگ وەناو "ئینسایکلۆپیدیای بەڵگەمەنی ئەرا قەورە وەکۆمەڵەیل" دەرکردیە، وە دەسنشانکردن ئەرا کارکردن لەبان دەرکردن ئینسایکلۆپیدیایگ دۊەم کە زیاتر لە 59 بەرگ لەخوەی گرێد کە ئەو تاوانەیلە بەڵگەمەن کەێد کە وەرجە ساڵ 2003 و دویای ئەویش روی دانە.

وتیش: فرەیگ لە قەورە وەکۆمەڵەیل هیمان بەسیانە و واز نەکریانە لەوەر هوکارەیلیگ فرە، دیارترینیان فرەیی شمارەی قەورەیلە، و خەریکبزین فەرمانگەیل پەیوەندیدار وە قەورە زەکۆمەڵەیل و پزیشکی دادوەری، بیجگە ئاشکراکردن شوونەیل نوویگ لە ئەنجام فراوانبوین دانیشتگەیل لە چەن پارێزگایگ لەناویان نەجەف و کەرکووک و زیقار.

قوڕەیشی دووپاتیش کرد لەبان گرنگی وە هەڵوێستیگ ناودەوڵەتی پاڵپشتیکەر ئەرا دەسمیەتیدان عراق لە وازکردن ئی قەورەیلە وەرانوەر کۆمەڵگەی ناودەوڵەتی، ئەرا بەڵگەمەنکردن تاوانەیل و ئاشکراکردن ناشرینی ئەو شیوازەیلە کە رژیم بەعس وەرانەور گەل عراقی وەکاریان هاورد و هیزەوکردن دادپەروەری میژوویی ئەرا قوربانییەیلە.

]]> Sun, 12 Apr 2026 15:52:07 +0000 https://shafaq.com/ku/%D9%87%D9%80%D9%80%D9%80%D9%80%D9%87-%D9%88%D8%A7%DA%B5-%D9%83%D9%80%D9%80%D9%88%D8%B1%D8%AF%D9%89/%D9%86-%D8%B1%D9%88%D8%A7%D9%86-%D8%A8%D8%A7%D8%B1%D8%B2%D8%A7%D9%86-%D8%B1%D9%88%D9%88%D8%B2%D8%A8%D8%A7-%D9%84-%D8%A7%D8%AA%D8%B1-%D8%A7-%D9%85%D8%A7%D8%B1-%D9%84%D8%B3-%D8%B3-%D9%85-%D9%86-%D9%86%D8%A7-%D8%AF-%D9%88%D8%B1%D8%AF%D8%B3%D8%AA%D8%A7%D9%86-%D8%AC%D9%88-%D8%B1-%D9%86%D8%A7-%D8%A7%D8%B1%D8%A7%D9%85-%D8%B1%D8%A7-%D9%87%D8%A7%D8%AA-%D9%84-%D9%85-%D9%86%D9%86-%D8%AF-%D9%88 https://shafaq.com/ku/%D9%87%D9%80%D9%80%D9%80%D9%80%D9%87-%D9%88%D8%A7%DA%B5-%D9%83%D9%80%D9%80%D9%88%D8%B1%D8%AF%D9%89/%D9%86-%D8%B1%D9%88%D8%A7%D9%86-%D8%A8%D8%A7%D8%B1%D8%B2%D8%A7%D9%86-%D8%B1%D9%88%D9%88%D8%B2%D8%A8%D8%A7-%D9%84-%D8%A7%D8%AA%D8%B1-%D8%A7-%D9%85%D8%A7%D8%B1-%D9%84%D8%B3-%D8%B3-%D9%85-%D9%86-%D9%86%D8%A7-%D8%AF-%D9%88%D8%B1%D8%AF%D8%B3%D8%AA%D8%A7%D9%86-%D8%AC%D9%88-%D8%B1-%D9%86%D8%A7-%D8%A7%D8%B1%D8%A7%D9%85-%D8%B1%D8%A7-%D9%87%D8%A7%D8%AA-%D9%84-%D9%85-%D9%86%D9%86-%D8%AF-%D9%88 نێچیروان بارزانی پیرووزبایی لە پاتریاک "مار پۆلس سێیەم نۆنا" کەێد: کوردستان جویر پەناگەی ئارام ئەرا پێکهاتەیل میننێدەو

شەفەق نیوز - هەولێر

نێچیروان بارزانی سەرۆک هەرێم کوردستان، ئمڕوو یەکشەممە، پیرووزبایی وەبوونەی هەڵوژاردن مەتران ئیمیل شەمعوون نۆنا جویر پاتریاک ئەرا کڵێسای کلدانی کرد، و ئومید سەرکەفتن لە جیوەجیکردن ئەرکەیل کارەجەی ئەرای خوازێد.

 سەرۆک نێچیروان بارزانی لە بەیاننامەی پیرووزباییەگە وت: "بەڕێزیان کەسایەتییگ ئایینی دیارە و ئەزموونیگ رووحی و مرۆیی دەوڵەمەن دیرێد"، وە نیشاندان ئومید خوەی لەبان ئەوە کە هەڵوژاردنی بوودە "دەروازەی خێریگ ئەرا چەسپانن بەهایەیل وەخشین و وەیەکەوژیان ئاشتییانە و قەبووڵکردن وەرانوەر لەناوەین گشت پێکهاتەیل".

و لەی بوونەو، سەرۆک دووارە دووپات کرد لەبان ئەوە کە هەرێم کوردستان هەر جۊر ئەوەگ هەمیشە بویە  "پەناگەیگ ئارام ئەرا گشت پێکهاتە ئایینی و نەتەوەییەیل" مینێدەو، وە دووپاتکردن لەبان وەردەوامبوین لە پاڵپشتی تەواو ئەرا هاووڵاتییە مەسیحییەیل لە مقیەتیکردن مافەیل و ناسنامە و میژوو دێرینەیان لە هەرێم کوردستان و عراق.

 ئەمینداریەتی نهێنی "سینۆدس" مەترانەیل کڵێسای کلدانی، لە وەختیگ گوزەشتە لە ئمڕوو، راگەیان لە هەڵوژاردن مەتران ئیمیل شەمعوون نۆنا جویر پاتریاک ئەرا کڵێسای کلدانی لە عراق و جەهان، لەجیای پاتریاک دەسلەکارکیش لویس روفائیل ساکۆ.

هەڵوژاردن پاتریاک نوو دویای دەسلەکارکیشان پاتریاک ساکۆ لە ئازار گوزەشتە هات ئەرا تەرخانبوین ئەرا نماز و نووسین دویای 13 ساڵ لە خزمەت.

]]> Sun, 12 Apr 2026 12:58:09 +0000 https://shafaq.com/ku/%D9%87%D9%80%D9%80%D9%80%D9%80%D9%87-%D9%88%D8%A7%DA%B5-%D9%83%D9%80%D9%80%D9%88%D8%B1%D8%AF%D9%89/%D9%88%D8%A7%D8%B1%D8%A7%D9%86-%D9%88-%D8%A8-%D8%A7-%D9%88-%D9%88-%D9%81%D8%B1-%D9%84-%D9%85%D8%A7%D9%88-48-%D8%B3%D8%A7%D8%B9-%D8%AA-%D8%A7-%D9%86%D8%AF-%D8%B1%D9%88-%D9%84-%D9%88%D8%B1%D8%AF%D8%B3%D8%AA%D8%A7%D9%86-%D8%AF https://shafaq.com/ku/%D9%87%D9%80%D9%80%D9%80%D9%80%D9%87-%D9%88%D8%A7%DA%B5-%D9%83%D9%80%D9%80%D9%88%D8%B1%D8%AF%D9%89/%D9%88%D8%A7%D8%B1%D8%A7%D9%86-%D9%88-%D8%A8-%D8%A7-%D9%88-%D9%88-%D9%81%D8%B1-%D9%84-%D9%85%D8%A7%D9%88-48-%D8%B3%D8%A7%D8%B9-%D8%AA-%D8%A7-%D9%86%D8%AF-%D8%B1%D9%88-%D9%84-%D9%88%D8%B1%D8%AF%D8%B3%D8%AA%D8%A7%D9%86-%D8%AF ‏واران و بەڵاچەو وەفر لەماوەی 48 ساعەت ئایندە روی لە کوردستان کەێد

‏شەفەق نیوز ـ هەولێر

‏لەماوەی دوو رووژ ئایندە شارەیل کوردستان ناجیگیری وەخوەیان دوینن، وەگەرد واران رفتیگ و بەڵاچە و داوەزیان پلەی گەرمی، وەپای مەزەنەیل کەشوهەوای ئمڕوو یەکشەممە.

‏وەڕێوەبەرایەتی کەشناسی و زەویلەرزەناسی هەرێم کوردستان لە بەیاننامەیگ رەسیە ئاژانس شەفەق نیوز راگەیان، ئمڕوو کەش ناجیگیرە وەشیوەی گشتی ئەور واراناویە" و واران وارین لە ناوچە کویەیلە و سنوری و ئیدارەی زاخۆ و پارێزگای دهۆک دەسوەپی کەێد، ها ناوەین ناوڕاس و رفت وەگەردیا بەڵاچە هەس.

‏وتیش، کاریگەری پاڵە پەستۆی نزمیگ درویژەوبوود و ناوچەیل ناوڕاس و باشوور خوەرهەڵات هەرێم گرێدەو، لەناویان هەولێر و سلێمانی و کەرکوک، تا ئیدارەی راپەرین و گەرمیان و داشت شارەزوور درویژەوبوود، وەگەرد ئەگەر تەگر وارین لەو ناوچەیلە بەرزیان لە 1000 مەتر زیاترە.

‏دیاریکرد، تونی وا لە ناوەین 20 تا 30 کم/س بوود، و لە سلێمانی و هەڵەبجە خێراترە، وەگەرد مەودای نووڕستن  لە ناوەین 7 تا 9 کم بوود، و داوەزیان دیاریگ لە پلەیل گەرمی رویدەێد.

‏لەبان کەشوهەوای رووژ دووشەممە، وەرێوەبەرایەتییەگە مەزەنە کرد  "نیمە هەور تا هەور" بوود، وەگەرد نمەواران وەهارەی پەرتەوازە، وەتایبەت لە ناوچەیل کوێەیلە و ناوەند شارەیل لە وەخت نیمەڕوو، وەگەرد گورجەوبوین وا باکوور خوەرهەڵات.

‏وتیش،  لووتکە کویە بەرزەیل و ناوچەیل سنووری وەفر وارین وە خوەیانەو دوینن وە مدوو بەردەوامی کاریگەری ئی نزمەپاڵەپەستۆیە.

‏لەباوەت پلەی گەرمی، هەولێر ئمڕوو 19 پلەی سیلیزی توومار کرد کە سوو داوەزێد ئەرا 18 پلە، لە سلێمانی 17 پلە ئەرا دوو رووژ لەدویای یەک، و دهۆک 18 پلە، لە وەختیگ زاخۆ و گەرمیان و هەڵەبجە 19 پلە بوود، و حاجی ئۆمەران کەمترین پلەی گەرمی  10 پلە بوی و رووژ دووشەممە داوەزێد ئەرا 9 پلە.

‏

‏

]]> Sun, 12 Apr 2026 10:31:25 +0000 https://shafaq.com/ku/%D9%87%D9%80%D9%80%D9%80%D9%80%D9%87-%D9%88%D8%A7%DA%B5-%D9%83%D9%80%D9%80%D9%88%D8%B1%D8%AF%D9%89/%D8%B3%D9%84-%D9%85%D8%A7%D9%86-%D8%AA%D8%A7-%D9%87%D8%A7%D8%AA%D9%86-%D9%88-%D9%82-%D8%B1%D8%A7%D9%86-%D8%A7%D8%B2-%D9%88-%D9%84-%D9%88%D8%AE%D9%88%D8%A7%D8%B1%D8%AF%D9%86-%D8%A8-%D8%B4-%D9%88-%D8%B1%D8%AF%D9%86-%D8%B3%D8%B1%D9%88%D8%B4%D8%AA-%D8%B1%D8%A7-%D8%A7%D9%86 https://shafaq.com/ku/%D9%87%D9%80%D9%80%D9%80%D9%80%D9%87-%D9%88%D8%A7%DA%B5-%D9%83%D9%80%D9%80%D9%88%D8%B1%D8%AF%D9%89/%D8%B3%D9%84-%D9%85%D8%A7%D9%86-%D8%AA%D8%A7-%D9%87%D8%A7%D8%AA%D9%86-%D9%88-%D9%82-%D8%B1%D8%A7%D9%86-%D8%A7%D8%B2-%D9%88-%D9%84-%D9%88%D8%AE%D9%88%D8%A7%D8%B1%D8%AF%D9%86-%D8%A8-%D8%B4-%D9%88-%D8%B1%D8%AF%D9%86-%D8%B3%D8%B1%D9%88%D8%B4%D8%AA-%D8%B1%D8%A7-%D8%A7%D9%86 ‏سلێمانی کۆتایهاتن وە قەیران گاز و گلەوخواردن بەشەوکردن سروشتی راگەیان

‏شەفەق نیوز- سلێمانی

‏قائیمقامییەت سلێمانی، ئمڕوو یەکشەممە، کۆتاییهاتن قەیران گاز ئاشپەزین لە ناو شارەگە راگەیان کە لەماوەی گوزەشتە وەخوەی دیبوییە و دووپاتکرد  ک دابەشکردن ئی مادە ئەرا ماڵەیل گلەوخوەد ئەرا بار  ئاسایی خوەی.

‏عومەر عەبدوڵڵا، سەرۆک لیژنەی بەشەوکردن گاز لە قائیمقامییەت، لە بەیاننامەیگ رەسیە ئاژانس شەفەق نیوز، وت: "شیوەی بەشەوکردن گاز لە ئمڕوو وەدویاوە چوودە ئەرا بارودۆخ وەرجە جەنگ لە ناوچەگە"، دیاریکرد "پارێزگاگە رووژانە 240 تەن گاز لە ریگەی 12 تانکەر وەرگرێد".

‏ئاشکرایکرد "شەش تانکەر ئەرا ئەرا بسینەیل ناو شار سلێمانی ئامادەکریاس، ئەوەگ مینێدەو وەبان قەزا و ناحیەیەیل بەشەو کریەێد" دیاریکرد "قەیران وە تەواوی کۆتایهات، لێرەو وەدویاوە هەوەجە نیەکەێد هاوڵاتیەیل ئەرا پڕکردن رویبکەنە وێستگەیل پڕکردن".

‏عەبدوڵڵا دووپاتکرد "ئی کارەیلە بوودە هووکار جیگیربوین ئی مادە و دابینکردن خوازین هاووڵاتییەیل لە گشت ناوچەیل سلێمانی".

‏لە گوزەشتە نوێنەر بریکارەیل فروشین گاز، کۆچەر تاهیر، لە 28 ئازار وەرین ئاشکرای کردوو قەیرانەگە لە پارێزگای سلێمانی گەورە بوویە، ئەوەیش وە هووکار وسانن بەرهەمهاوردن لە کێڵگەیل "کۆرمۆر"، کە بویە هووکار کەمبوین فرەیگ  لە بازاڕ، وەرجە ئەوەگ دەسڵاتەیل ئمڕوو ئارامی ئی دۆسیە گرنگە رابگەیەنن.

‏

‏

]]> Sun, 12 Apr 2026 08:04:48 +0000 https://shafaq.com/ku/%D9%87%D9%80%D9%80%D9%80%D9%80%D9%87-%D9%88%D8%A7%DA%B5-%D9%83%D9%80%D9%80%D9%88%D8%B1%D8%AF%D9%89/%D8%B4%D8%AA%D9%88-%D9%88%D8%B2%D8%A7%D8%B1-%D9%84-%D9%88-%D8%AE%D9%88%D8%A7%D8%B1%D8%AF-%D9%88-%D8%A8%D8%A7%D8%B2%D8%A7-%D9%84-%D9%87-%D9%88%D9%84-%D8%B1-%D8%AF%D9%88-%D8%A7-%D8%A8%D9%86-%D9%88-%D8%B1%D8%AF%D9%86-%D8%AC-%D9%86-%D8%B1%D9%85-%D9%88-%D8%A8%D9%88%D9%88%D9%86-%D9%88-%D9%86 https://shafaq.com/ku/%D9%87%D9%80%D9%80%D9%80%D9%80%D9%87-%D9%88%D8%A7%DA%B5-%D9%83%D9%80%D9%80%D9%88%D8%B1%D8%AF%D9%89/%D8%B4%D8%AA%D9%88-%D9%88%D8%B2%D8%A7%D8%B1-%D9%84-%D9%88-%D8%AE%D9%88%D8%A7%D8%B1%D8%AF-%D9%88-%D8%A8%D8%A7%D8%B2%D8%A7-%D9%84-%D9%87-%D9%88%D9%84-%D8%B1-%D8%AF%D9%88-%D8%A7-%D8%A8%D9%86-%D9%88-%D8%B1%D8%AF%D9%86-%D8%AC-%D9%86-%D8%B1%D9%85-%D9%88-%D8%A8%D9%88%D9%88%D9%86-%D9%88-%D9%86 گەشتوگوزار گلەو خواردەو.. بازاڕەیل هەولێر دویای بنەوگردن جەنگ گەرمەو بوون (وینە)

شەفەق نیوز - هەولێر

بازاڕەیل شار هەولێر، پایتەخت هەرێم کوردستان، جویلەیگ بازرگانی فراوان و گەرمەوبوین وەرچەویگ لە هاز سەنین وەخوەی دوینێد، دویای ماوەیگ لە چەودیاریکردن و وریابوین کە زاڵ بوی لەبان ناوچەگە لە بنەمای گرژییە سەربازییە دویاینەیل لەناوەین ئەمریکا و ئیران.

وەگەرد راگەیانن ئارامکردن جەنگ و دووارە وازکردن ئاسمان وە شیوەیگ تەواو، "قەڵا"ی ناوڕاس هەولێر، بریقەی   ئابووری خوەی هاوردەو، تا ناوەندەیل سەنین و بازاڕە میللییەیل پڕ بوین لە رویکەرەیل و گەشتیارەیل.

لەی چوارچیوە، تەحسین محمد، کە خاوەن دوکانیگە لە بازاڕەگە، دووپات کەێد کە قەیران گوزەشتە بویە مدوو سەردەوبوینیگ وەختانە لە ئەنجام رخداری خەڵکەگە لە نادیارەیل.

 تەحسین ئۊشێد: لە ماوەی رووژەیل جەنگ، بسینەگە تەنیا چشتە گرنگەیلی سەنیاد، و گشی پرسیار کردیاد لە جیگیربوین فڕۆکەوانی، چوینکە بازرگانییمان وە شیوەیگ گەورە پشت وە هاوردەکردن ئاسمانی و بارکردن بەسێد.

 تەحسین وتیش: "ئمڕوو، و وەگەرد دووارە دەسکردن وە گەشتەیل و ئارامی رەوشەگە، دەس کردیمنە وەرگردن داواکارییەیل نوو، و بازاڕ گلەو خواردە ئەرا زینگیی خوەی. خەڵکەگە لەیرا دووس ژیان دیرن، و هەر وە نەمانن رخباریەگە، گلەوخواردن جویلەگە زیاترەو بوی لەوەگ مەزەنە کەیمن.

لە سای ئەو قەیرانە، کەرت خزمەتگوزارییەیل و گەشتوگوزار گەورەترین زەرەردمەن بوی، بەڵام ئمڕوو سەرکردایەتی قەتار ئەوزەڵکردن رانێد، وەگورەی فەرەیدوون محمد، کە کاسبکاریگە لە بازاڕەگە، و ئەرا ئاژانس شەفەق نیوز رووشن کەێد چوین دیمەنەگە وە تەنیا لە ماوەی 48 سەعات ئاڵشت بوی.

فەرەیدوون ئۊشێد: بەسانن ئاسمان لە لووتکەی گرژییەگە بویە مدوو هەڵوەشانن دەیان حجزکردن، چ ئەرا پیاوەیل کار یا گەشتیارەیل، بەڵام هەر وەگەرد راگەیانن دووارە وازکردن ئاسمان، بەرزەوبوینیگ لە ریژەی رویکردنە بازاڕەیل وە نزیکەی 30 لە سەد دوینیمن.

عراقییەیل گلەو خواردن ئەرا کەشوهەوای گەشتوگوزار لە کوردستان، وەگورەی عەلا قەیسی، کە لە حلە هاتگە ئەرا وەسەربردن پشوو کۆتایی هەفتە وەگەرد خیزانەگەی لە شار هەولێر.

قەیسی لە ئەزموون خوەی قسە کەێد و ئۊشێد: وە راسی، ئبمە نیگەران بوییمن لە لێکەفتەیل جەنگ لەناوەین واشنتۆن و تاران و کاریگەری لەبان گەشتەیل و هاتووچگن داشت، بەڵام هەر وە ژنەفتن خەوەر ئارامکردن و وازکردن ئاسمان، دەسوەجێ گەشتیگ گردم و هاتمە هەولێر".

قەیسی وتیش: کەشوهەواگە لەیرا فرە خاسە، و بازاڕەیل ئاوەدانن، ئیمە مینەی شوین ئاسایش و ئارامی کەیمن، و هەولێر دووارە چەسپان کە توانای وەپشتسەرنان قەیرانە هەرێمییەیل وەشیوەیگ زویوەزوی دیرێد، نرخەیل لەیرا گونجیانە و جوراۊری لە بازاڕەیل گاڵ دەێد ئەرا سەنین.

]]> Sat, 11 Apr 2026 13:32:21 +0000