Sun, 19 Apr 2026 11:08:10 +0000 ar hourly 3 https://shafaq.com/ku/%D9%87%D9%80%D9%80%D9%80%D9%80%D9%87-%D9%88%D8%A7%DA%B5-%D8%AC%DB%8C%D9%80%D9%80%D9%87%D8%A7%D9%86%D9%89/%D9%85%D8%A7%D9%84-%D8%B2-%D8%A7-%D9%87-%D8%B2-%D8%B1%D8%AF%D9%86-%D8%A7-%D8%B1-%D9%85%D8%A7-%D9%88-%D8%B1%D8%A7%D9%86-%D8%B1%D8%AF-%D9%88-%D8%B3-%D8%AF%D8%A7%D9%86-%D8%B3-%D8%A7%D9%88%D8%A7%D8%B1-%D8%B1%D8%AF https://shafaq.com/ku/%D9%87%D9%80%D9%80%D9%80%D9%80%D9%87-%D9%88%D8%A7%DA%B5-%D8%AC%DB%8C%D9%80%D9%80%D9%87%D8%A7%D9%86%D9%89/%D9%85%D8%A7%D9%84-%D8%B2-%D8%A7-%D9%87-%D8%B2-%D8%B1%D8%AF%D9%86-%D8%A7-%D8%B1-%D9%85%D8%A7-%D9%88-%D8%B1%D8%A7%D9%86-%D8%B1%D8%AF-%D9%88-%D8%B3-%D8%AF%D8%A7%D9%86-%D8%B3-%D8%A7%D9%88%D8%A7%D8%B1-%D8%B1%D8%AF ‏مالیزیا.. هیزگردن ئاگر ۲۰۰ ماڵ ویران کرد و سەدان کەس ئاوارە کرد

‏شفق نیوز- مالیزیا

‏ئاژانس خەوەر فەرمی مالیزیا "برناما"، ئمڕوو یەکشەممە، راگەیان  سەدان کەس ئاوارە بوین دویای  هیزگردن ئاگریگ کە نزیکەی ۲۰۰ ماڵ لە ئاوایيگ کەناراوی لە ویلایەت "سەباح" ویران کرد.

‏"برناما" لە زوان وەڕێوەبەر فەرمانگەی ئاگرکپەوکردن و رزگارکردن لە ناوچەی "ساندکان"، جیمی لاگونگ، وت: دەسڵاتەیل خەوەر هیزگردن ئاگرەگە لە ناوچەگە لە دەوروەر ساعەت ۱:۳۲ شەو (۱۷:۳۲ وە وەخت گرینتش) وەرگردنە.

‏لاگونگ وەپای ئاژانس "برناما" وت: "واێ تونیگ و نزیکی ماڵەیل لە یەکتر بوینە مدوو ئەوەگ ئاگرەگە وە تونی بڵاو بوود، و کەمەوبوین ئاو دەریاگە بویە هوکار ئەوەگ رەسین وە سەرچەوەی ئاو ئەرا کپەوکردنی سەخت بوود".

‏هیزگردن ئاگرەگە لە یەکیگ لە ئاوایەیل  ئاوی هیزگردیە، کە وە ماڵەیل چووین ناسیانە و لەبان پایە چقیانە، و یەیش ماڵ چینیگ لە لاتترین مەردم وڵاتەگەس،  فرەیگ لەوانە ناسنامە نەیرن و دانیشتگەیل رەسەنن.

‏"برناما" وەپای ئامارەیل نا فەرمی ئەرا ئەو کەسەیلە کە لە ناوەند فریاکەفتن وەختانە لە "ساندکان" ناو نویس کردنە، راگەیان  تا ئیسە نزیکەی 445 کەس ئاوارە بوینە.

‏

‏

]]> Sun, 19 Apr 2026 09:40:39 +0000 https://shafaq.com/ku/%D9%87%D9%80%D9%80%D9%80%D9%80%D9%87-%D9%88%D8%A7%DA%B5-%D8%AC%DB%8C%D9%80%D9%80%D9%87%D8%A7%D9%86%D9%89/%D8%AA%D8%B1-%D9%85-%D9%84-%D9%88%D8%A7%D8%B2-%D9%84-%D9%87%D8%B2%D8%B1-%D9%84%D8%A7%D9%85%D8%A7%D8%B1%D8%AF%D8%A7-%D9%86-%D8%AF%D9%88%D9%88%D8%B1-%D8%AE%D8%A7%D8%B1-%D8%B1%D8%A7%D9%86-%D8%AA-%D8%A7%D8%B1-%D8%AF https://shafaq.com/ku/%D9%87%D9%80%D9%80%D9%80%D9%80%D9%87-%D9%88%D8%A7%DA%B5-%D8%AC%DB%8C%D9%80%D9%80%D9%87%D8%A7%D9%86%D9%89/%D8%AA%D8%B1-%D9%85-%D9%84-%D9%88%D8%A7%D8%B2-%D9%84-%D9%87%D8%B2%D8%B1-%D9%84%D8%A7%D9%85%D8%A7%D8%B1%D8%AF%D8%A7-%D9%86-%D8%AF%D9%88%D9%88%D8%B1-%D8%AE%D8%A7%D8%B1-%D8%B1%D8%A7%D9%86-%D8%AA-%D8%A7%D8%B1-%D8%AF ترەمپ لە واز لە هزر پەلامارداین دوورگەی خارک ئیرانی تیارێد

شەفەق نیوز - واشنتۆن

راپۆرتەیل ئەمریکی، ئمڕوو یەکشەممە، لە سەرچەوەیلیگەو،  خەوەردان کە دۆناڵد ترەمپ سەرۆک ئەمریکی دەس لە هزر پەلامارداین دوورگەی "خارک" ئیرانی هەڵگرد، لە رخ کەفتن وە وەر زەرەدەیلیگ قورس.

راپۆرتەیل وەپەی رووژنامەی "وۆڵ ستریت جۆرناڵ" باس کردن، کە "ترەمپ دژایەتی کلکردن هیزەیل ئەمریکی کرد ئەرا داگیرکردن دوورگەی خارک، هەرچەن دووپاتکردنەیلیگ لەبان سەرکەفتن ئەرکەگە وەرگرد و ئەوە کە دەسناین وەبان دوورگەگە کۆنترۆڵکردن کەڕوو هورمز مسۆگەر کەێد، وەلێ نیگەران بوی لەوە کە زەرەدەیل ئەمریکی وە شیوەیگ قەبووڵنەکریاگ بەرز بوود.

هەمیش وت: ترەمپ رخی لەوە چوود هیزەیل ئەمریکی لەبان دوورگەگە بوونە نێچیریگ ئاسان ئەرا ئیرانییەیل.

 سەرچەوەیل ئاشکرا کردن کە ترەمپ وەرەنگار هزر کلکردن سەربازەیل ئەمریکی بوی ئەرا کۆنترۆڵکردن دوورگەی خارک، هەرچەن ئاگادار کریاس کە ئەرکەگە سەرکەفێد و داگیرکردن دوورگەگە ری رەسین ئەرا گەرووەگە دەێدە ویلایەتە یەکگرتگەیل.

 دووگەی خارک جویر ناوەندیگ دەریایی هەژمار کریەێد کە کەفێدە باکوور کەنداو عەرەبی، و گەورەترین وێستگەی نەفتی لە ئیران لەخوەی گرێد، و ترەمپ لە وەختیگ گوزەشتە راگەیان کە داگیرکردن دوورگەگە دویر نیەخەێد، کە جویر رێڕەو سەرەکیە ئەرا هەناردەیل سزەمەنی ئیرانی.

جی باسە کە عەلی جەهانشاهی فەرماندەی هیزە زەمینییەیل لە سوپای ئیران، دۊکە شەممە دووپات کرد، کە ئەمریکا لە هزر دەسکردن وە پەلاماریگ زەمینی لەبان ئیران واز هاوردەیە.

رووژنامەی زە ئەتلەنتیک ئەمریکی، لە سەرەتای ئی مانگە خەوەر دا کە دۆناڵد ترەمپ سەرۆک ئەمریکی وژاردەیل پەلامار زەمینی لەبان ئیران یەکلا نەکردیەسەو، وە رووشنکردن ئەوە کە وەرپرسەیل ئەمریکی پلان ئەرا دوو پەلامار زەمینی نەن.

لە وەختیگ رووژنامەی مەعاریڤ ئاشکرا کرد کە ئیسرائیل زوور خەێدە بان دۆناڵد ترەمپ سەرۆک ئەمریکی ئەرا جیوەجیکردن پرۆسەیگ زەمینی "کوڵ و هازدار" وەبان ئیران، وەرجە چگن ئەرا هەر دانوسەنینیگ چەوەریکریاگ وەگەردی.

]]> Sun, 19 Apr 2026 09:30:03 +0000 https://shafaq.com/ku/%D9%87%D9%80%D9%80%D9%80%D9%80%D9%87-%D9%88%D8%A7%DA%B5-%D8%AC%DB%8C%D9%80%D9%80%D9%87%D8%A7%D9%86%D9%89/%D8%A8%D9%88%D9%84-%D8%A7%D8%B1-%D9%84-%D9%86-%D8%A7-%D8%B3%D9%86%D8%AF%D9%88%D9%82-%D9%84-%D8%AF-%D9%86-%D8%AF%D8%A7-%D9%86-%D9%84-%D9%87-%D9%88-%D8%A7%D8%B1%D8%AF%D9%86-%D8%B1%D9%84-%D9%85%D8%A7%D9%86-%D9%88-%D8%B1%D8%AC-%D9%88-%D8%AE%D8%AA https://shafaq.com/ku/%D9%87%D9%80%D9%80%D9%80%D9%80%D9%87-%D9%88%D8%A7%DA%B5-%D8%AC%DB%8C%D9%80%D9%80%D9%87%D8%A7%D9%86%D9%89/%D8%A8%D9%88%D9%84-%D8%A7%D8%B1-%D9%84-%D9%86-%D8%A7-%D8%B3%D9%86%D8%AF%D9%88%D9%82-%D9%84-%D8%AF-%D9%86-%D8%AF%D8%A7-%D9%86-%D9%84-%D9%87-%D9%88-%D8%A7%D8%B1%D8%AF%D9%86-%D8%B1%D9%84-%D9%85%D8%A7%D9%86-%D9%88-%D8%B1%D8%AC-%D9%88-%D8%AE%D8%AA بولگارییەیل چنە پای سندوقەیل دەنگداین لە هەڵوژاردنیگ پەرلەمانی وەرجەوەختە

شەفەق نیوز - سۆفیا

بولگارییەیل، ئمڕوو یەکشەممە، چگەنە پای سندوقەیل دەنگداین ئەرا بەشداریکردن لە هەشتەمین هەڵوژاردن پەرلەمانی لە ماوەی پەنج ساڵ.

رومین رادیڤ سەرۆک بولگاریا جویر یەکیگ لە دیارترین کەسایەتییە کاریگەرەیلە کە لە دیمەن سیاسییەگە دەرکەفێد، کە پەیمان دا وە کۆتاییهاوردن وەو چشتە کە وە گیژاو حکومەتە بیهازەیل باسی کرد کە ئەرا ماوەیگ دریژ وەردەوام نییەوون، وەگەرد وەرەنگاربوین گەندەڵی بڵاوبوی.

 رادیڤ، کە فڕۆکەوانیگ جەنگی وەرینە، وە هەڵوێستە رەخنەگرانەیلی ئەرا بڕیگ لە سیاسەتەیل یەکێتی ئەوروپا ناسریەێد، هەرلیوا رەد پیشکەشکردن پاڵپشتییگ سەربازی راسەوخۆ ئەرا ئۆکرانیا لە جەنگەگەی وەگەرد رووسیا کەێد.

 لە کانوون دۊیەم پۆست سەرۆکایەتی هیشتە جی ئەرا بەشداریکردن لەی رێڕەو سیاسی نووە، لە وەختیگ وڵاتەگە ناڕەزایەتییەیلیگ دووارەبوی و قەیرانەیلیگ حکومی یەک لەدۊاییەک وەخوەی دوینێد.

هەڵمەتیگ رێکخریاگ لەبان سەکووەیل پەیوەندی کۆمەڵایەتی و هەڵمەتەیل هەڵوژاردن خەرجدار و پەیمانەیل وە ئارامی بەشداری کردن لە وەرەونوابردن پاڵپشتی رادیڤ لەو دەوڵەتە کە کەفێدە ناوچەی بەلقان و شمارەی دانیشتگەیلەی رەسێدە نزیکەی 6.5 ملیۆن کەس، هەناێ دەنگدەرەیل لە هەڵوژاردنە زۊوەختە دووارەبویاگەیل و لە گرووپیگ بۊچگ لە سیاسەتمەدارە دێرینەیل بیزار بوینە کە وە فراوانی خریانە وەرچەو کە ئەوان "گەندەڵن".

 خەرج ژیانیش گرفتێگ دروس کەێد تایبەت دۊای ئەوەگ بولگاریا، کە ئەندامە لە یەکێتی ئەوروپا و هاوپەیمانی باکوور ئەتڵەسی، لە کانوون دۊیەم پشت وە یۆرۆ بەسا.

حکومەت وەرین لە ناوڕاس ناڕەزایەتییەیل لەبان بودجەیگ نوو کە پێشنیار زیایکردنەیل جەزرەوە و بەشدارییەیل بەرزتر لە دڵنیایی کۆمەڵایەتی کرد، رمیا.

 دیارە کە قەیران خەرج ژیان و دۊاترین قەیران سیاسی فرەترین چشتن کە فتراق دەنگدەرەیل وەخوەیانەو بەن نەک بانگەوازەیل رادیڤ ئەرا خاسەوکردن پەیوەندییەیل وەگەرد مۆسکۆ یا دووارە دەسکردن وە تەکان نەفت و غاز رووسی ئەرا ئەوروپا.

]]> Sun, 19 Apr 2026 08:22:04 +0000 https://shafaq.com/ku/%D9%87%D9%80%D9%80%D9%80%D9%80%D9%87-%D9%88%D8%A7%DA%B5-%D8%AC%DB%8C%D9%80%D9%80%D9%87%D8%A7%D9%86%D9%89/%D8%B1%D8%AF-%D9%88%D8%A8%D9%88-%D9%86-%D9%85%D9%86-%D8%B3%D8%B1%D8%A7-%D9%84-%D8%B1%D8%A7-%D8%A8%D8%A7%D8%B3-%D9%84-%D9%87%D9%88%D8%B1%D9%85%D8%B2-%D9%88-%D9%84%D9%88%D8%A8%D9%86%D8%A7%D9%86-%D9%88-%D8%B1%D8%AF-%D9%81%D8%B1%D8%A7%D9%88%D8%A7%D9%86-%D9%88%D8%A8%D9%88-%D9%86-%D8%AF-%D8%B3-%D8%A7%D8%AA-%D9%84-%D8%A8%D8%A7%D8%B4%D9%88%D9%88%D8%B1-%D9%84-%D8%AA%D8%A7%D9%86 https://shafaq.com/ku/%D9%87%D9%80%D9%80%D9%80%D9%80%D9%87-%D9%88%D8%A7%DA%B5-%D8%AC%DB%8C%D9%80%D9%80%D9%87%D8%A7%D9%86%D9%89/%D8%B1%D8%AF-%D9%88%D8%A8%D9%88-%D9%86-%D9%85%D9%86-%D8%B3%D8%B1%D8%A7-%D9%84-%D8%B1%D8%A7-%D8%A8%D8%A7%D8%B3-%D9%84-%D9%87%D9%88%D8%B1%D9%85%D8%B2-%D9%88-%D9%84%D9%88%D8%A8%D9%86%D8%A7%D9%86-%D9%88-%D8%B1%D8%AF-%D9%81%D8%B1%D8%A7%D9%88%D8%A7%D9%86-%D9%88%D8%A8%D9%88-%D9%86-%D8%AF-%D8%B3-%D8%A7%D8%AA-%D9%84-%D8%A8%D8%A7%D8%B4%D9%88%D9%88%D8%B1-%D9%84-%D8%AA%D8%A7%D9%86 گردەوبوینیگ ئەمنی ئیسرائیل ئەرا باس لە هورمز و لوبنان وەگەرد فراوانەوبوین دەسەڵات لە باشوور لیتانی

شەفەق نيوز- قودس 

‏وەپای خەوەر میدیایل ئیسرائیلی، ئمڕوو یەکشەممە، دەسەی وەزیر ئەمنی بویچگ گردەو بوود ئەرا  باس لە پەرەسەنینەیل قەیران گەروو هورمز و دۆسیەی وسانن تەقە لە لوبنان، یەیش هاووەختە وەگەرد فراوانەوبوین دەسەڵات سوپای ئیسرائیل لە باشوور لوبنان.

‏ئێزگەی ئیسرائیل راگەیان "ئێ گردەوبوین چەوەریکریاگە تایبەت کریەێد ئەرا قسەکردن دەربارەی لێکەفتەیل گرژی لە گەروو هورمز و کاریگەریی وەبان رەوش ناوچەگە، وەگەرد هەڵسەنگاندن رەوت وسانن تەقە لە لوبنان".

‏لە خود باوەت، کەناڵ 12ی ئیسرائیلی لە زوان سەرچەوەیل ئاگادار وت: "سوپای ئیسرائیل ئیسە دەسەڵات وەبان نزیکەی یەک لە سێ بەش ئەو ناوچە دیرێد لە ناوەین سنوورەیل و چەم لیتانیی".

‏وەرژە یەیش  ئمڕوو، رووژنامەی مەعاریف بڵاوی کرد، سوپای ئیسرائیل و ئەمریکا بانک ئامانجەیل خوەیان نووەو کردن، وەتایوەت  وەبان دامەزراوەیل وزەی ئیران، ئەرا ئامادەباشی لە ئەگەر هەڵوەشانن کتوپڕی ئاگربەس وەگەرد تەهران.

‏

‏

]]> Sun, 19 Apr 2026 07:41:15 +0000 https://shafaq.com/ku/%D9%87%D9%80%D9%80%D9%80%D9%80%D9%87-%D9%88%D8%A7%DA%B5-%D8%AC%DB%8C%D9%80%D9%80%D9%87%D8%A7%D9%86%D9%89/%D8%B3-%D8%B1-%D8%B1%D8%A7%D9%86-%D8%AA-%D9%82-%D9%84%D8%A7-%D9%86-%D9%85%D9%86-%D8%B1%D8%A7-%D9%81%D8%B1%D8%A7%D9%88%D8%A7%D9%86-%D8%B1%D8%AF%D9%86-%D8%A8%D8%A7%D8%B2%D9%86-%D8%AC-%D9%86-%D9%84-%D9%86%D8%A7%D9%88 https://shafaq.com/ku/%D9%87%D9%80%D9%80%D9%80%D9%80%D9%87-%D9%88%D8%A7%DA%B5-%D8%AC%DB%8C%D9%80%D9%80%D9%87%D8%A7%D9%86%D9%89/%D8%B3-%D8%B1-%D8%B1%D8%A7%D9%86-%D8%AA-%D9%82-%D9%84%D8%A7-%D9%86-%D9%85%D9%86-%D8%B1%D8%A7-%D9%81%D8%B1%D8%A7%D9%88%D8%A7%D9%86-%D8%B1%D8%AF%D9%86-%D8%A8%D8%A7%D8%B2%D9%86-%D8%AC-%D9%86-%D9%84-%D9%86%D8%A7%D9%88 سەرۆک ئیران: تەقەلا نییەیمن ئەرا فراوانکردن بازنەی جەنگ لە ناوچەگە

شەفەق نیوز - تاران

مەسعود پزیشکیان سەرۆک ئیران، ئمڕوو یەکشەممە، دووپاتکردن هەڵوێست وڵاتەگەی ئەرا رەدکردن فراوانکردن بازنەی جەنگ لە ناوچەگە نووەو کرد، لە خود وەخت دووپات کرد کە تاران ماف رەوای خوەی لە وەرگریکردن لە خوەی دیرێد لە ئەگەر رویوەڕویبوین وە هەر دەسدریژییگ.

 میدیایەیل فەرمی ئیرانی لە زوان پزیشکیانەو وتن: هەڵوێست ئیران لەبان مقیەتیکردن ئاشتی و ئارامی و ئاسایش لە ناوچەگە وسیاس، وە دووپاتکردن لەبان ئەوە کە تەقەلا نییەێد ئەرا فراوانکردن بازنەی جەنگەگە، و دەس وە هیچ جەنگ و ململانێیلیگ نەکردیە، و پەلامار هیچ دەوڵەتیگ نەیاس.

دووپات کرد کە ئیمە نیاز دەسدریژیکردن لەبان هیچ دەوڵەتیگ نەیریمن و ماف یاسایی و رەوای خوەمان لە وەرگریکردن لە خوەمان دیریمن، دیاری کرد کە دۆناڵد ترەمپ سەرۆک ئەمریکا ماف ئەوە نەیرێد مەردمیگ لە مافەیلیان بیبەش بکەێد، و بۊشێد کە ئیران نیەتوەنێد سوود لە مافە ئەتۆمییەیل خوەی بگرێد، وە دەسنشانکردن رووشن ئەرا رەدکردن تاران ئەرا ئەو فشارەیلە کە ئامانج لەلیان نەهیشتن لە توانا ئەتۆمییە ئاشتیانەیلیە.

]]> Sun, 19 Apr 2026 07:38:10 +0000 https://shafaq.com/ku/%D9%87%D9%80%D9%80%D9%80%D9%80%D9%87-%D9%88%D8%A7%DA%B5-%D8%AC%DB%8C%D9%80%D9%80%D9%87%D8%A7%D9%86%D9%89/%D9%88%D8%B4-%D8%A7%D9%86-%D8%B3-%D9%88-%D9%85%D8%AF%D9%88%D9%88-%D9%84%D8%A7%D9%85%D8%A7%D8%B1-%D8%AF%D8%A7%D8%B1-%D9%84-%D9%85-%D8%B3 https://shafaq.com/ku/%D9%87%D9%80%D9%80%D9%80%D9%80%D9%87-%D9%88%D8%A7%DA%B5-%D8%AC%DB%8C%D9%80%D9%80%D9%87%D8%A7%D9%86%D9%89/%D9%88%D8%B4-%D8%A7%D9%86-%D8%B3-%D9%88-%D9%85%D8%AF%D9%88%D9%88-%D9%84%D8%A7%D9%85%D8%A7%D8%B1-%D8%AF%D8%A7%D8%B1-%D9%84-%D9%85-%D8%B3 ‏کوشیان 8 کەس وە مدوو پەلامار چەکداریگ لە مەکسیک

‏شەفەق نیوز- مکسیکۆ

‏وەلای کەم  8 کەس کوشیان وە مدوو پەلامارداین چەکداریگ وەبان ناوەند گەشتیاری  لە ناوچەی "ئایالا" لە ویلایەت "مۆریلۆس" لە ناوڕاس مەکسیک کردە ئامانج.

‏نووسینگەی داواکار گشتی لە ویلایەت مۆریلۆس ئاشکرایکرد کرد  رویداوەگە لە ناو ناوەند گەشتیاری  بویە کە وە شیوەی نایاسایی کار کردیە، و دیاریکرد  تیمەیل پزیشکی دادوەری دەسکردنە ئەرا رێکارەیل تەکنیکی و یاسایی دویای پەیاکردن تەرم قوربانیەیل لە شوون پەلامارەگە.

‏نووسینگەگە وتیش، لێکۆڵەرەیل لە ئاژانس لێکۆڵینەوەی تاوانکاری وەردەوامن لە کووکردن بەڵگە و پرسیارکردن لەشایەتحاڵەیل  ئەرا زانستن وردەکاری رویداوەگە و دیاریکردن تاوانبارەیل، و دووپات کرد  شوون گشت ریگەیل لێکۆڵینەوە گرنەوەر وە مەبەست ئاشکراکردن ئەو کەسەیلە کە وەرپرسن لە پەلامارەگە و کلکردنیان ئەرا دادگا.

‏

‏

]]> Sun, 19 Apr 2026 05:55:43 +0000 https://shafaq.com/ku/%D9%87%D9%80%D9%80%D9%80%D9%80%D9%87-%D9%88%D8%A7%DA%B5-%D8%AC%DB%8C%D9%80%D9%80%D9%87%D8%A7%D9%86%D9%89/%D8%B3%D9%88-%D8%A7-%D8%B1%D8%A7%D9%86-%D8%AF-%D9%85%D9%86-%D9%84-%D9%87%D8%B2%D8%B1-%D8%AF%D8%A7-%D8%B1-%D8%B1%D8%AF%D9%86-%D8%B2-%D9%85-%D9%86-%D9%88%D8%A7%D8%B2-%D9%87%D8%A7%D9%88%D8%B1%D8%AF https://shafaq.com/ku/%D9%87%D9%80%D9%80%D9%80%D9%80%D9%87-%D9%88%D8%A7%DA%B5-%D8%AC%DB%8C%D9%80%D9%80%D9%87%D8%A7%D9%86%D9%89/%D8%B3%D9%88-%D8%A7-%D8%B1%D8%A7%D9%86-%D8%AF-%D9%85%D9%86-%D9%84-%D9%87%D8%B2%D8%B1-%D8%AF%D8%A7-%D8%B1-%D8%B1%D8%AF%D9%86-%D8%B2-%D9%85-%D9%86-%D9%88%D8%A7%D8%B2-%D9%87%D8%A7%D9%88%D8%B1%D8%AF سوپای ئیران: "دژمن" لە هزر داگیرکردن زەمینی واز هاورد

شەفەق نیوز - تاران

عەلی جەهانشاهی فەرماندەی هیزە زەمینییەیل لە سوپای ئیران، ئمڕوو شەممە، دووپات کرد کە ئەمریکا لە هزر دەسکردن وە پەلاماریگ زەمینی لەبان ئیران واز هاوردیە.

وجەهانشاهی وت: هیزەیلمان وە وردی چەودیاری بارەگایەیل دژمن و جویلەیلیان کەن، و مووشەکەیلمان لە ئەگەر هەر دەسدرۊژییگ نواگیرییان کەن.

 دووپاتیش کرد کە دژمن لە هزر داگیرکاری زەمینی لەبان ئیران واز هاورد لە رخ هیزە چەکدارەیل، و داوا کرد کە ئی خەیاڵەیلە ئەرا هەمیشە بنەێدە خاک.

 ئەوەیش وەگەرد راگەیانن قسەکەر وە ناو بارەگای "خاتەم ئەنبیای" ئیرانی هات ئەرا دووارە بەسانن گەروو هورمز و گلەوخواردنی ئەرا رەوش وەرین خوەی، وە دووپاتکردن لەبان وەردەوامبوین کۆنترۆڵکردن هیزە چەکدارەیل ئیرانی لەبان رێڕەوە ئاوییەگە.

رووژنامەی زە ئەتلەنتیک ئەمریکی، لە سەرەتای ئی مانگە خەوەر دا کە دۆناڵد ترەمپ سەرۆک ئەمریکی وژاردەیل پەلامار زەمینی لەبان ئیران یەکلا نەکردیەسەو، وە رووشنکردن ئەوە کە وەرپرسەیل ئەمریکی پلان ئەرا دوو پەلامار زەمینی نەن.

لە وەختیگ رووژنامەی مەعاریڤ ئاشکرا کرد کە ئیسرائیل زوور لە دۆناڵد ترەمپ سەرۆک ئەمریکی کەێد ئەرا جیوەجیکردن پرۆسەیگ زەمینی کوڵ و هازدار وەبان ئیران، وەرجە دەسکردن وە هەر دانوسەنینیگ چەوەریکریاگ وەگەردی.

]]> Sat, 18 Apr 2026 13:03:25 +0000 https://shafaq.com/ku/%D9%87%D9%80%D9%80%D9%80%D9%80%D9%87-%D9%88%D8%A7%DA%B5-%D8%AC%DB%8C%D9%80%D9%80%D9%87%D8%A7%D9%86%D9%89/%D8%A7%D9%86-%D9%86-%D9%81%D8%AA-%D8%B9%D8%B1%D8%A7%D9%82-%D8%A8%D8%A7%D8%B1-%D8%B1%D8%AF-%D8%B3%D9%88-%D8%A7-%D8%A7%D8%B3%D8%AF%D8%A7%D8%B1%D8%A7%D9%86-%D9%86%D9%88%D8%A7-%D8%B1-%D8%AF%D9%88%D9%88-%D8%B4%D8%AA-%D9%84-%D8%AA-%D9%86-%D9%87%D9%88%D8%B1%D9%85%D8%B2-%D8%B1%D8%AF https://shafaq.com/ku/%D9%87%D9%80%D9%80%D9%80%D9%80%D9%87-%D9%88%D8%A7%DA%B5-%D8%AC%DB%8C%D9%80%D9%80%D9%87%D8%A7%D9%86%D9%89/%D8%A7%D9%86-%D9%86-%D9%81%D8%AA-%D8%B9%D8%B1%D8%A7%D9%82-%D8%A8%D8%A7%D8%B1-%D8%B1%D8%AF-%D8%B3%D9%88-%D8%A7-%D8%A7%D8%B3%D8%AF%D8%A7%D8%B1%D8%A7%D9%86-%D9%86%D9%88%D8%A7-%D8%B1-%D8%AF%D9%88%D9%88-%D8%B4%D8%AA-%D9%84-%D8%AA-%D9%86-%D9%87%D9%88%D8%B1%D9%85%D8%B2-%D8%B1%D8%AF ‏یەگیگیان نەفت عراقی بار کردیە.. سوپای پاسداران نواگیری دوو کەشتی لە تەنگەی هورمز کرد

‏شەفەق نیوز - تاران

‏دەزگایەیل راگەیانن، ئمڕوو شەممە، خەوەردان كە هێزە دەریاییەیل سەر وە سوپای پاسداران ئیران نواگیری لە دوو کەشتی لە تەنگەی هورمز کردنە، کە یەگیگیان نەفتکیشیگ بویە و نەفت عراقی بار کردیە.

‏ماڵپەڕ "تانکەر تراکەرز" وت: "هێزە دەریاییەیل سوپای پاسداران ئیران دوو کەشتی هیندی ناچار کردنە گلەو بخوەن ئەرا دەیشت تەنگەی هورمز"، دیاری کرد "نواگیریەگە تەقەکردنیش وەگەردیا بویە".

‏‌ماڵپەڕەگە وتیش: "یەگیگ لە کەشتییەیلە نەفتکیشیگ گەپە کە ئاڵای هیندستان لەبانی بویە و دوو ملیۆن بەرمیل نەفت عراقی بار کردیە".

‏لە خود باوەت، رووژنامەی "وۆڵ ستریت جۆرناڵ" لە زوان خاوەن کەشتییەیل و ناوبژیوانەیل بارهەڵگردن راگەیان دووپات کردنە لە گلەوخواردن نزیکەی 20 کەشتی کە چەوەرێ گوزەرکردن لە تەنگەی هورمزبوین وەرەو شانشین عومان.

‏خاوەن کەشتییەیل و ناوبژیوانەیل بارهەڵگردن رووشنایی خستنە بان ئەوە کە ئەو کەشتییەیل چەوەری هاتنە ناو کەنداو بوین لەڕی دوورگەی لارک، و رەزامەنی داوین کە باج بیەنە ئیران.

‏قسەکەر وەناو بارەگای "خاتەم ئەلئەنبیا"ی ئیرانی، وەرژە ئیسە لە ئمڕوو شەممە، بەساننەوەی تەنگەی هورمز و گلەوخواردنی ئەرا شیوەی وەرینی راگەیان، و دووپات کرد لەبان وەردەوامی دەسەڵات هێزە چەکدارەیل ئیران لەبان ئەو رێڕەو ئاوییە.

‏

‏

‏

‏

]]> Sat, 18 Apr 2026 12:25:51 +0000 https://shafaq.com/ku/%D9%87%D9%80%D9%80%D9%80%D9%80%D9%87-%D9%88%D8%A7%DA%B5-%D8%AC%DB%8C%D9%80%D9%80%D9%87%D8%A7%D9%86%D9%89/%D8%B3%D9%88-%D8%A7-%D8%B3%D8%B1%D8%A7-%D9%84-%D8%B1%D8%A7-%D8%A7%D9%86-%D8%AF%D8%A7%D8%B1-%D9%84-%D9%84-%D8%A8%D8%A7%D8%B4%D9%88%D9%88%D8%B1-%D9%84%D9%88%D8%A8%D9%86%D8%A7%D9%86-%D8%B1-%D8%AF-%D8%B3-%D8%A7%D9%85%D8%A7%D9%86%D8%AC-%D9%88%D8%B3%D8%A7%D9%86%D9%86-%D8%AA-%D9%82-%D8%B4-%D8%A7%D9%86%D9%86 https://shafaq.com/ku/%D9%87%D9%80%D9%80%D9%80%D9%80%D9%87-%D9%88%D8%A7%DA%B5-%D8%AC%DB%8C%D9%80%D9%80%D9%87%D8%A7%D9%86%D9%89/%D8%B3%D9%88-%D8%A7-%D8%B3%D8%B1%D8%A7-%D9%84-%D8%B1%D8%A7-%D8%A7%D9%86-%D8%AF%D8%A7%D8%B1-%D9%84-%D9%84-%D8%A8%D8%A7%D8%B4%D9%88%D9%88%D8%B1-%D9%84%D9%88%D8%A8%D9%86%D8%A7%D9%86-%D8%B1-%D8%AF-%D8%B3-%D8%A7%D9%85%D8%A7%D9%86%D8%AC-%D9%88%D8%B3%D8%A7%D9%86%D9%86-%D8%AA-%D9%82-%D8%B4-%D8%A7%D9%86%D9%86 سوپای ئیسرائیلی راگەیان کە چەکدارەیلیگ لە باشوور لوبنان کریدەسە ئامانج کە وسانن تەقە شکاننە

شەفەق نیوز - قودس

سوپای ئیسرائیلی، ئمڕوو شەممە، راگەیان کە چەودیاری چەکدارەیلیگ کردیە کە وسانن تەقە شکاننە، و نزیکەو بوینە لە سەربازەیل ئیسرائیلی لە باشوور کڕ زەرد لە باشوور لوبنان.

 وەپەی راگەیاننەیل عیبری کە سوپا وتیە: پەلامار ئەو چەکدارەیلە داگە وە ئاسمانی و زەمینی دۊای هەسکردن وە هەڕەشەیگ لەبان هیزەیل ئیسرائیلی کە لە نزیک ئەو کڕ جیگیر بوینە.

هەمیش باس  جیوەجیکردن پەلاماریگ تووپخانەیی کرد جویر پاڵپشتییگ ئەرا هیزەیل ئیسرائیلی، کە بویە مدوو ویرانکردن ژیرخانەیل لە ماوەی 24 سەعات گوزەشتە لە باشوور لوبنان، هەرلیوا هیچ لێدوانیگ لە لایەن لوبنانی یا حزبوڵاوە لەبان ئی خەوەرەیلە دەرنەچگە.

]]> Sat, 18 Apr 2026 11:52:45 +0000 https://shafaq.com/ku/%D9%87%D9%80%D9%80%D9%80%D9%80%D9%87-%D9%88%D8%A7%DA%B5-%D8%AC%DB%8C%D9%80%D9%80%D9%87%D8%A7%D9%86%D9%89/%D9%81%D8%B1-%D9%87-%D8%B1-%D9%85%D8%B1-%D9%86%D9%88%D9%88%D9%88-%D9%84-%D8%B1%D9%88%D9%88-%D9%87%D9%88%D8%B1%D9%85%D8%B2-%D9%86%D8%B2-%D9%88-%D8%A8%D9%88%D9%88%D8%AF https://shafaq.com/ku/%D9%87%D9%80%D9%80%D9%80%D9%80%D9%87-%D9%88%D8%A7%DA%B5-%D8%AC%DB%8C%D9%80%D9%80%D9%87%D8%A7%D9%86%D9%89/%D9%81%D8%B1-%D9%87-%D8%B1-%D9%85%D8%B1-%D9%86%D9%88%D9%88%D9%88-%D9%84-%D8%B1%D9%88%D9%88-%D9%87%D9%88%D8%B1%D9%85%D8%B2-%D9%86%D8%B2-%D9%88-%D8%A8%D9%88%D9%88%D8%AF فرۆکەهەڵگر ئەمریکی نوویگ لە گەروو هورمز نزیکەو بوود

شەفەق نیوز - تاران

ئاژانس ئەسۆشێتد پرێس، لە ژوان وەرپرسەیلیگەو، ئمڕوو شەممە، وت:, فرۆکەهەڵگر ئەمریکی "جێراڵد فۆرد"، چگەسە ناو دەریای سۊر، وەگەرد دوو ویرانکەر سەروە هیز دەریایی ئەمریکی.

 وەگورەی ئەو وەرپرسەیلە، فرۆکەهەڵگرەگە وەرەو ناوچەیل نزیک لە گەروو هورمز چوود، وە دووپاتکردن ئەوە کە ئی گامە لە چوارچیوەی وەرەونوابردن ئامادەبوین سەربازی ئەمریکی لە ناوچەگە تیەێد، لە ناو گلەوخواردن گرژییەیل هەرێمی.

 قسەکەر وەناو بارەگای "خاتەم ئەنبیای" ئیرانی لە وەختیگ گوزەشتە لە ئمڕوو شەممە راگەیان کە گەروو هورمز دووارە بەسیاس و گلەوخواردیە ئەرا رەوش وەرین خوەی، وە دووپاتکردن لەبان وەردەوامبوین کۆنترۆڵکردن هیزە چەکدارەیل ئیرانی لەبان رێڕەوە ئاوییەگە.

قسەکەرە سەربازییەگە وتیش: گەروو هورمز لەژیر وەڕێوەبردن هیزە چەکدارەیل و وە چەودیارییگ تون مینێدەو، کە وە وەردەوامبوین ئی رەوشە بەسیاس وە پابەندنەوین ویلایەتە یەکگرتگەیل وە مسۆگەرکردن ئازادی جویلەی کەشتییەیل لە ئیرانەو و وەرەو ئیران.

عەباس عراقچی وەزیر دەیشت ئیرانی، دۊەکە جمعە راگەیان کە گەروو هورمز واز مینێد لە وەرانوەر گشت کەشتییە بازرگانییەیل تا کۆتایی ماوەی وسانن تەقە.

]]> Sat, 18 Apr 2026 11:48:14 +0000 https://shafaq.com/ku/%D9%87%D9%80%D9%80%D9%80%D9%80%D9%87-%D9%88%D8%A7%DA%B5-%D8%AC%DB%8C%D9%80%D9%80%D9%87%D8%A7%D9%86%D9%89/%D9%85%D9%88%D8%AC%D8%AA-%D8%A8%D8%A7-%D8%AE%D8%A7%D9%85%D9%86-%D8%B1%D8%A7-%D8%B3%D9%88-%D8%A7-%D8%A7%D9%85%D8%A7%D8%AF-%D8%A8%D9%88%D9%88%D9%86-%D8%B1%D8%A7-%D9%88-%D8%A7%D9%85%D8%AF%D8%A7-%D9%86-%D9%87-%D8%B1-%D9%87-%D8%B4 https://shafaq.com/ku/%D9%87%D9%80%D9%80%D9%80%D9%80%D9%87-%D9%88%D8%A7%DA%B5-%D8%AC%DB%8C%D9%80%D9%80%D9%87%D8%A7%D9%86%D9%89/%D9%85%D9%88%D8%AC%D8%AA-%D8%A8%D8%A7-%D8%AE%D8%A7%D9%85%D9%86-%D8%B1%D8%A7-%D8%B3%D9%88-%D8%A7-%D8%A7%D9%85%D8%A7%D8%AF-%D8%A8%D9%88%D9%88%D9%86-%D8%B1%D8%A7-%D9%88-%D8%A7%D9%85%D8%AF%D8%A7-%D9%86-%D9%87-%D8%B1-%D9%87-%D8%B4 موجتەبا خامنەیی ئەرا سوپا: ئامادە بوون ئەرا وەڵامداین هەر هەڕەشەیگ

شەفەق نیوز - تاران موجتەبا خامنەئی، ریبەر ئیران، ئمڕوو شەممە، دووپات کرد کە سوپای ئیرانی وەردەوامە لە جیوەجیکردن رۆڵی لە وەرگریکردن لە وڵاتەگە، وە دووپاتکردن لەبان هەوەجە وە هیزەوکردن توانایەیلی لە بوارە جیاوازەیل، وە گرنگی وە ئامادەبوین ئەرا وەڵامداین هەر هەڕەشەیگ.

ئەوەیش لە پەیامیگ هات وە بوونەی ساڵیاد دامەزرانن سوپای ئیران، کە  کەفێدە 18ی نیسان، و پیرووزبایی پیشکەش وە ئەندامەیل سوپا و خیزانەیلیان کرد، و باس ئەوە کرد کە دامەزراوەی سەربازی دۊای شۆڕش بویەسە بەشیگ لە مەردم و لەناویەو دەرچوود.

 خامنەئی وتیش: سەرکەفتن شۆڕش ئیسلامی خاڵیگ ئاڵشتبوین لە رێڕەو سوپا دروس کرد، چوینکە - وەقسەی خوەی - لە لایەنگری رژیم وەرین ئاڵشت بوی وەرەو وسانن لە شوین راسگانی خوەی لە شان مەردم،  وتیش: سوپا وەرەنگار ئەو چشتەیلە بویەسەو کە باسیان کرد وە "ەخشەیل ئەمریکی و جیاوازیخوازەیل.

 دووپاتیش کرد کە هیزە چەکدارەیل ئیرانی، وە پێکهاتە جیاوازەیلیەو وەرگری لە وڵاتەگە کەن و رۊوەڕۊی بەرەیل لووتبەرزی بوونەو، و باس توانایەیل سەربازییان کرد، لەناویان فڕۆکە بێفڕۆکەوانەیل و هیز دەریایی، ئامادەن ئەرا وەڵامداین هەر هەڕەشەیگ.

ریبەر ئیرانی دووپات لەبان گرنگی وەردەوامبوین لە وەرەونوابردن توانایەیل سەربازی سوپا کرد، و دیاری کرد کە بایەسە ئی رێڕەوە وە هیزیگ گەورەترەو چەودیاری بکریەێد، وەگەرد چەوەریکردن جیوەجیکردن ریکارەیل نوویگ لەی باوەتە لە بانانیگ نزیک.

]]> Sat, 18 Apr 2026 11:36:46 +0000 https://shafaq.com/ku/%D9%87%D9%80%D9%80%D9%80%D9%80%D9%87-%D9%88%D8%A7%DA%B5-%D8%AC%DB%8C%D9%80%D9%80%D9%87%D8%A7%D9%86%D9%89/%D8%B1%D8%A7%D9%86-%D9%87%D9%88-%D9%88-%D8%AE%D8%AA-%D8%B1%D8%A7-%D8%AE%D9%88%D9%84-%D9%86%D9%88%D9%88-%D9%84-%D8%AF%D8%A7%D9%86%D9%88%D8%B3-%D9%86-%D9%86-%D9%88-%D8%B1%D8%AF-%D9%88%D8%A7%D8%B4%D9%86%D8%AA-%D9%86-%D8%AF-%D8%A7%D8%B1-%D9%86-%D8%B1-%D8%A7%D8%B3 https://shafaq.com/ku/%D9%87%D9%80%D9%80%D9%80%D9%80%D9%87-%D9%88%D8%A7%DA%B5-%D8%AC%DB%8C%D9%80%D9%80%D9%87%D8%A7%D9%86%D9%89/%D8%B1%D8%A7%D9%86-%D9%87%D9%88-%D9%88-%D8%AE%D8%AA-%D8%B1%D8%A7-%D8%AE%D9%88%D9%84-%D9%86%D9%88%D9%88-%D9%84-%D8%AF%D8%A7%D9%86%D9%88%D8%B3-%D9%86-%D9%86-%D9%88-%D8%B1%D8%AF-%D9%88%D8%A7%D8%B4%D9%86%D8%AA-%D9%86-%D8%AF-%D8%A7%D8%B1-%D9%86-%D8%B1-%D8%A7%D8%B3 ‏ئیران: هویچ وەختیگ ئەرا خولیگ نوو لە دانوسەنین وەگەرد واشنتۆن دیاری نەکریاس

‏شەفەق نیوز - تاران

‏ئاژانس "تەسنیم" ئیرانی، ئمڕوو شەممە، راگەیان تەهران  تا ئیسە رەزامەندی نەدایە ئەرا سازکردن خول ترەک دانوستانەیل، ئیەیش لە دویای ئەوە  کە دۆناڵد ترەمپ سەرۆک  ئەمریکا ئەوەگ کە وە "گەمارۆی دەریایی لەبان ئێران" ناو وەسفکرد، راگەیاند.

‏ئاژانسەگە لە زوان سەرچەوەیل ناوبرد "ئیران وە تەما نییە وەخت خوەی وە فیرۆ بێیەد لە دانوستانەیل درویژ و بێ سوود".

‏وتیش؛ "رەتکردن تەهران ئەرا رەزامەندی لەبان خول ترەک گلەوخوەێد ئەرا ئەو داواکارییە ئەمریکییەیلە کە وە 'زێدەڕۆ' ناویان برد لەناو وتووێژەیل وەردەوام".

‏

‏

]]> Sat, 18 Apr 2026 10:38:39 +0000 https://shafaq.com/ku/%D9%87%D9%80%D9%80%D9%80%D9%80%D9%87-%D9%88%D8%A7%DA%B5-%D8%AC%DB%8C%D9%80%D9%80%D9%87%D8%A7%D9%86%D9%89/%D8%AF%D8%A7%D9%86%D9%88%D8%B3-%D9%86-%D9%86-%D9%88-%D8%B1%D8%AF-%D9%88%D8%A7%D9%85-%D9%87%D9%88-%D8%B1-%D9%81%D8%AA%D9%86-%D9%84-%D8%A8%D8%A7%D9%86-%D8%AF-%D8%B3-%D9%86%D8%A7%D9%88-%D8%B1%D8%A7%D9%86-%D9%86 https://shafaq.com/ku/%D9%87%D9%80%D9%80%D9%80%D9%80%D9%87-%D9%88%D8%A7%DA%B5-%D8%AC%DB%8C%D9%80%D9%80%D9%87%D8%A7%D9%86%D9%89/%D8%AF%D8%A7%D9%86%D9%88%D8%B3-%D9%86-%D9%86-%D9%88-%D8%B1%D8%AF-%D9%88%D8%A7%D9%85-%D9%87%D9%88-%D8%B1-%D9%81%D8%AA%D9%86-%D9%84-%D8%A8%D8%A7%D9%86-%D8%AF-%D8%B3-%D9%86%D8%A7%D9%88-%D8%B1%D8%A7%D9%86-%D9%86 دانوسەنین وەردەوامە.. هویچ رێککەفتنیگ لەبان دۆسیەی ناوەکی ئیران نییە

‏شەفەق نیوز - واشنتۆن

‏تووڕ "سی بی ئێس نیوز"، وەپای قسەی وەرپرسەیل ئەمریکی، ئمڕوو شەممە، راگەیان  تا ئیسە هویچ رێککەفتنیگ دەربارەی ماوەی وسانن کارەیل کاڵین یۆرانیۆم لەلایەن ئێرانەو نییە، لەناو وەردەوامی وتووێژەیل ناوەین لایەنە پێوەندیدارەیل.

‏وەرپرسەیل دیاریکردن  "دانوستانکارەیل باس لە چەن بژاردەیگ کەن ئەرا مامەڵەکردن وەگەرد کۆگایەیل یۆرانیۆم ئیران کە وە ئاستیگ بەرز کاڵیانە، باوجی تا ئیسە نەڕەسینە ئەرا هویچ شێوازیگ کۆتایی".

‏وتیش: "بەرنامەی مووشەکی ئیران، وەگەرد پاڵپشتی تەهران ئەرا هاوپەیمانە هەرێمییەیل، ئیسە لەناو خشتەی دانوستانەیل وەردەوام نیین".

وەرجەیە، قسەکەر وەناو بارەگای "خاتەم ئەلئەنبیا"ی ئیرانی، بەسانن تەنگەی هورمز و گلەوخواردنی ئەرا حاڵەت وەرینی راگەیان، و دووپات کرد لەبان وەردەوامی دەسەڵات هێزە چەکدارەیل ئیران لەبان ئەو رێڕەو ئاوییە.

‏

‏

‏

‏

‏

]]> Sat, 18 Apr 2026 09:25:15 +0000 https://shafaq.com/ku/%D9%87%D9%80%D9%80%D9%80%D9%80%D9%87-%D9%88%D8%A7%DA%B5-%D8%AC%DB%8C%D9%80%D9%80%D9%87%D8%A7%D9%86%D9%89/%D9%84-%D9%88%D8%AE%D9%88%D8%A7%D8%B1%D8%A7%D9%86-%D8%AA-%D9%86-%D9%87%D9%88%D8%B1%D9%85%D8%B2-%D8%B1%D8%A7-%D8%AC%D8%A7%D8%B1%D8%A7%D9%86-%D8%AE%D9%88-%D9%88%D8%AF-%D8%B1-%D8%B1%D8%A7%D9%86-%D9%88-%D9%88%D8%B2-%D8%B1-%D8%B3%D9%86%D9%88%D9%88%D8%B1%D8%AF%D8%A7%D8%B1-%D8%B1%D8%A7-%D8%B4%D8%AA-%D9%84 https://shafaq.com/ku/%D9%87%D9%80%D9%80%D9%80%D9%80%D9%87-%D9%88%D8%A7%DA%B5-%D8%AC%DB%8C%D9%80%D9%80%D9%87%D8%A7%D9%86%D9%89/%D9%84-%D9%88%D8%AE%D9%88%D8%A7%D8%B1%D8%A7%D9%86-%D8%AA-%D9%86-%D9%87%D9%88%D8%B1%D9%85%D8%B2-%D8%B1%D8%A7-%D8%AC%D8%A7%D8%B1%D8%A7%D9%86-%D8%AE%D9%88-%D9%88%D8%AF-%D8%B1-%D8%B1%D8%A7%D9%86-%D9%88-%D9%88%D8%B2-%D8%B1-%D8%B3%D9%86%D9%88%D9%88%D8%B1%D8%AF%D8%A7%D8%B1-%D8%B1%D8%A7-%D8%B4%D8%AA-%D9%84 ‏گلەوخواران تەنگەی هورمز ئەرا جارانی خوەی.. چەودێری ئیرانی و گوزەر سنووردار ئەرا کەشتییەیل

‏شەفەق نیوز - تەهران

‏قسەکەر وەناو بارەگای "خاتەم ئەلئەنبیا"ی ئیرانی، ئمڕوو شەممە، گلەوخواران بارودۆخ تەنگەی هورمز ئەرا شیوەی وەرینی راگەیان، و دووپاتکرد لە بان وەردەوامی دەسەڵات هێزە چەکدارەیل ئیران لە بان ئەو رێڕەو ئاوییە.

‏قسەکەرە سەربازییەگە وت: تەنگەی هورمز لە ژیر وەڕێوەبردن هێزە چەکدارەیل و چەودێرییگ تونی مینێدەو، دیاریکرد کە وەردەوامی ئی بارودۆخە بەسیاس وە پابەندنەوین ویلایەتە یەکگرتگەیل وە مسۆگەرکردن ئازادی هاتوچوو کەشتییەیل ئەرا ئیران.

‏وتیش: تەهران وەپای رەوت دانوستانەیل، رەزامەنی داس کە ری بەێدە چەن کەشتییگ وە "نیازپاکی"  لە تەنگەگە گوزەر بکەن.

‏لە لایگ تر، ئیران ویلایەتە یەکگرتگەیل توومەتبار کرد وە "دووارە شکانن پەیمانەیل و وەردەوامی لە چەتەیی دەریایی".

‏

‏

]]> Sat, 18 Apr 2026 08:52:26 +0000 https://shafaq.com/ku/%D9%87%D9%80%D9%80%D9%80%D9%80%D9%87-%D9%88%D8%A7%DA%B5-%D8%AC%DB%8C%D9%80%D9%80%D9%87%D8%A7%D9%86%D9%89/%D9%88%D8%B4-%D8%A7%D9%86-%D8%B3-%D9%88-%D8%B2-%D8%AE%D9%85%D8%AF%D8%A7%D8%B1%D8%A8%D9%88-%D9%86-%D8%B3-%D9%84-%D8%AA%D8%B1-%D9%88-%D8%AA-%D9%82-%D9%86-%D9%88-%D9%84-%D8%AE%D9%88-%D8%B1%D8%A7%D9%88%D8%A7-%D9%85%D8%A7%D9%86-%D8%A7 https://shafaq.com/ku/%D9%87%D9%80%D9%80%D9%80%D9%80%D9%87-%D9%88%D8%A7%DA%B5-%D8%AC%DB%8C%D9%80%D9%80%D9%87%D8%A7%D9%86%D9%89/%D9%88%D8%B4-%D8%A7%D9%86-%D8%B3-%D9%88-%D8%B2-%D8%AE%D9%85%D8%AF%D8%A7%D8%B1%D8%A8%D9%88-%D9%86-%D8%B3-%D9%84-%D8%AA%D8%B1-%D9%88-%D8%AA-%D9%82-%D9%86-%D9%88-%D9%84-%D8%AE%D9%88-%D8%B1%D8%A7%D9%88%D8%A7-%D9%85%D8%A7%D9%86-%D8%A7 کوشیان کەسیگ و زەخمداربوین کەسەیلیگ ترەک وە تەقینەوەیگ لە خوەراوای ئەڵمانیا

شەفەق نیوز - بەرلین

پولیس ئەڵمانی، ئمڕوو شەممە، راگەیان کە پیاییگ گیان لەدەسدا و چەن کەسیگ وە سەختی زەخمدار بوین لە ئەنجام تەقینەوەیگ هازدار لەژیر پیەڵیگ پیادەڕی لە ویلایەت سارلاند لە خوەراوای ئەڵمانیا.

 قسەکەر پولیس ئەڵمانیا وت: پیاوەگە لەوەر سەختی زەخمەیلی لە شوین رویداوەگە لە شارۆچکەی ڤۆلکلینگن، لە نزیک سنوورەیل فەرەنسا، گیانی لەدەسدا.

قسەکەرەگە وتیش: کە پشتینیگ ئەمنی لەژیر پیەڵەگە وە رووبەریگ فراوان چەسپیا و دەیان لە پیاوەیل پولیس رەسینە شوین رویداوەگە، و دیاری کرد کە هیچ رخبارییگ لەبان مەردم نییە.

پولیس هیچ وردەکارییگ زیاتر لەباوەت تەقینەوەگە یا زەخمدارەیل پیشکەش نەکرد، و هیمان لێکوڵینەوە وەردەوامە.

 دۊای نیمەشەو وە ماوەیگ کەم لەڕی پەیوەندییگ ئەرا خزمەتگوزارییە فریاگوزارییەیل ئاگادار پولیس کریا لە تەقینەوەیگ هازدار و کەسیگ کە هاوار کەێد و داوای دەسمیەتی کەێد.

جی باسە کە ڤۆلکلینگن شارۆچکەیگە کە سمارەی دانیشتگەیلی رەسێدە نزیکەی 40 هەزار کەس و کەفێدە دویرایی چەن کیلۆمەتریگ لە خوەراوای شار ساربرۆکن.

]]> Sat, 18 Apr 2026 08:25:36 +0000 https://shafaq.com/ku/%D9%87%D9%80%D9%80%D9%80%D9%80%D9%87-%D9%88%D8%A7%DA%B5-%D8%AC%DB%8C%D9%80%D9%80%D9%87%D8%A7%D9%86%D9%89/%D8%A7-%D8%B1-%D9%84-%D9%86%D8%B2-%D8%A8-%D9%86%D8%AF-%D8%B1-%D8%B1%D9%88%D9%88%D8%B3-%D8%AF-%D8%A7-%D9%84%D8%A7%D9%85%D8%A7%D8%B1-%D9%88-%D9%81-%D9%84-%D8%A8-%D9%81-%D9%88%D8%A7%D9%86 https://shafaq.com/ku/%D9%87%D9%80%D9%80%D9%80%D9%80%D9%87-%D9%88%D8%A7%DA%B5-%D8%AC%DB%8C%D9%80%D9%80%D9%87%D8%A7%D9%86%D9%89/%D8%A7-%D8%B1-%D9%84-%D9%86%D8%B2-%D8%A8-%D9%86%D8%AF-%D8%B1-%D8%B1%D9%88%D9%88%D8%B3-%D8%AF-%D8%A7-%D9%84%D8%A7%D9%85%D8%A7%D8%B1-%D9%88-%D9%81-%D9%84-%D8%A8-%D9%81-%D9%88%D8%A7%D9%86 ئاگریگ لە نزیک بەندەریگ رووسی دۊای پەلاماریگ وە فڕۆکەیل بێفڕۆکەوان

شەفەق نیوز - مۆسکۆ

کۊخای کەرت لینینگراد رووسی، ئەلێکساندەر درۆزدینکۆ، ئمڕوو شەممە، خەوەردا لە هیزگردن ئاگریگ لە نزیک بەندەر ڤیسۆتسک لە ئەنجام پەلامارسگ ئاسمانی وە فڕۆکەیل بێفڕۆکەوان کە دویەشەو ناوچەگە کردە ئامانج.

درۆزدینکۆ لە پۆستێگ لەبان سەکووەیل پەیوەندی کۆمەڵایەتی شەوەکی ئمڕوو شەممە نۊسان کە هیزەیل وەرگری ئاسمانی 27 فڕۆکەی بێفڕۆکەوان دژمنانە لە ماوەی شەوەگە لەناوبردن، هەمیش وت: ئاگریگ لە نزیک بەندەر ڤیسۆتسک هەڵسیاس، و کار ئەرا کپەوکردنی کریەێد.

هەرلیوا  دیاری کرد کە دەسوەجی هیچ راگەیانییگ لە زەخمداری یا زەرەدەیلیگ ترەک نەڕەسیە.

کەرت لینینگراد چەن جاریگ تویش پەلامارەیلقگ وە فڕۆکەیل بێفڕۆکەوان ئۆکرانی هاتیە، و خەسی پەلامارەیل لە مانگ ئازار گوزەشتەو زیای کردیە.

]]> Sat, 18 Apr 2026 07:47:25 +0000 https://shafaq.com/ku/%D9%87%D9%80%D9%80%D9%80%D9%80%D9%87-%D9%88%D8%A7%DA%B5-%D8%AC%DB%8C%D9%80%D9%80%D9%87%D8%A7%D9%86%D9%89/%D9%88-%D8%B3%D8%AA%D8%B1-%D8%AA-%D9%87-%D8%B1-%D8%B3%D9%8A-%D9%84-%D9%87%D9%88%D8%B1%D9%85%D8%B2-%D9%88-%D8%B1-%D8%AF-%D8%A8%D9%88%D9%88%D8%AF-%D8%A8%D8%A7-%D8%B3-%D9%87-%D9%85%D8%A7%D9%87-%D9%86-%D9%88-%D8%B1%D8%AF-%D8%B3%D9%88-%D8%A7-%D8%A7%D8%B3%D8%AF%D8%A7%D8%B1%D8%A7%D9%86-%D8%A8-%D8%AF https://shafaq.com/ku/%D9%87%D9%80%D9%80%D9%80%D9%80%D9%87-%D9%88%D8%A7%DA%B5-%D8%AC%DB%8C%D9%80%D9%80%D9%87%D8%A7%D9%86%D9%89/%D9%88-%D8%B3%D8%AA%D8%B1-%D8%AA-%D9%87-%D8%B1-%D8%B3%D9%8A-%D9%84-%D9%87%D9%88%D8%B1%D9%85%D8%B2-%D9%88-%D8%B1-%D8%AF-%D8%A8%D9%88%D9%88%D8%AF-%D8%A8%D8%A7-%D8%B3-%D9%87-%D9%85%D8%A7%D9%87-%D9%86-%D9%88-%D8%B1%D8%AF-%D8%B3%D9%88-%D8%A7-%D8%A7%D8%B3%D8%AF%D8%A7%D8%B1%D8%A7%D9%86-%D8%A8-%D8%AF وۆڵ ستریت: هەرکەسيگ لە هورمزەو رەد بوود بایەسە هەماهەنگی وەگەرد سوپای پاسداران بکەێد

شەفەق نیوز - تاران

وەرپرسەیل ئاگادار، ئمڕوو شەممە، خەوەردان کە ئیران وە ناوەنجیگرەیل راگەیانیە کە وەردەوام بوود لە سنووردارکردن شمارەی ئەو کەشتییەیلە کە ری وەپییان دریاس لە گەروو هورمزەو رەد بوون و چەسپانن باج رەدبوین ئەرا دریژایی ئەو ماوە کە مەنیەسەو لە وسانن تەقە.

وەرپرسەیل لە قسەیان ئەرا رووژنامەی وۆڵ ستریت جۆرناڵ ئەمریکی وتن: ئەو کەشتییەیلە کە لە گەرووەگەو رەد بوون پابەند کریەین وە هەماهەنگی وەگەرد سوپای پاسداران بکەن.

 وتنیش: سوپای پاسداران هەرلیوا توانا دیرێد ئەرا ریگریکردن لە کەشتییە سەروە دەوڵەتەیلیگ کە ئیران وە دژمن زانێدەیان، و هیمان رکدارە کەێد لەبان سیستەمیگ نوو ئەرا وەڕیەوەبردن گەرووەگە دۊای رەسین وە رێککەفتنیگ کۆتایی وەگەرد ئەمریکا کە ری وە تاران دەێد باج رەدبوین گردەو بکەێد.

لە لای خوەیەو، کۆمپانیای "کێپلەر" تایبەتمەن وە شیکارکردن داتا، خەوەردا کە جویلەی کەشتییەیل لە گەروو هورمز هیمان کەفتیەسە بان ئەو ریەیلە کە هەوەجە وە مووڵەتەیل دیرن.

 کۆپانیاگە دووپات کرد کە ئی رەوشە لە ئیوارەی جمعە وەردەوام بوی دۊای چەن سەعاتیگ لە راگەیانن ئەمریکا و ئیران ئەرا دووارە وازکردن گەرووەگە وە تەواوی.

دویەکە جمعە، عەباس عراقچی وەزیر دەیشت ئیران راگەیان کە گەروو هورمز واز مینێد لە وەرانوەر گشت کەشتییە بازرگانییەیل تا کۆتایی ماوەی وسانن تەقە.

]]> Sat, 18 Apr 2026 07:38:38 +0000 https://shafaq.com/ku/%D9%87%D9%80%D9%80%D9%80%D9%80%D9%87-%D9%88%D8%A7%DA%B5-%D8%AC%DB%8C%D9%80%D9%80%D9%87%D8%A7%D9%86%D9%89/%D8%AA%D8%B1-%D9%85-%D8%B4%D8%A7-%D8%AA-%D9%88%D8%B3%D8%A7%D9%86%D9%86-%D8%AA-%D9%82-%D9%88-%D8%B1%D8%AF-%D8%B1%D8%A7%D9%86-%D8%AF%D8%B1-%D9%88-%D9%86-%D9%85-%D9%88-%D9%87-%D9%88-%D8%AC-%D8%AF-%D8%AF%D9%88%D9%88%D8%A7%D8%B1-%D8%A8%D9%88%D9%85%D8%A8-%D9%84-%D8%A8%D8%AE-%D9%85%D9%86-%D8%AE%D9%88%D8%A7%D8%B1 https://shafaq.com/ku/%D9%87%D9%80%D9%80%D9%80%D9%80%D9%87-%D9%88%D8%A7%DA%B5-%D8%AC%DB%8C%D9%80%D9%80%D9%87%D8%A7%D9%86%D9%89/%D8%AA%D8%B1-%D9%85-%D8%B4%D8%A7-%D8%AA-%D9%88%D8%B3%D8%A7%D9%86%D9%86-%D8%AA-%D9%82-%D9%88-%D8%B1%D8%AF-%D8%B1%D8%A7%D9%86-%D8%AF%D8%B1-%D9%88-%D9%86-%D9%85-%D9%88-%D9%87-%D9%88-%D8%AC-%D8%AF-%D8%AF%D9%88%D9%88%D8%A7%D8%B1-%D8%A8%D9%88%D9%85%D8%A8-%D9%84-%D8%A8%D8%AE-%D9%85%D9%86-%D8%AE%D9%88%D8%A7%D8%B1 ترەمپ: شایەت وسانن تەقە وەگەرد ئیران دریژەو نەکەم و هەوەجە کەێد دووارە بومبەیل بخەیمنە خوار

شەفەق نیوز - واشنتۆن

دۆناڵد ترەمپ سەرۆک ئەمریکا، ئمڕوو شەممە، دووپات کرد کە دانوسەنین وەگەرد ئیران وەرەونواچگن وەخوەی دوینێد، کە کارەیل وە خاسی ری کەن، وەگەرد چەوەریکردن وەردەوامبوین دانوسەنین لە ماوەی پشوو کۆتایی هەفتە.

ترەمپ، لە لێدوانەیلیگ یەک لەدۊاییەک، وت: زیان ویلایەتە یەکگرتگەیل وەگەرد ئیران ئەرا 47 ساڵ وەردەوام بوی، و کۆتایی وەپێ تێد، وە دەسنشانکردن ئەرا ئەوە کە لە ئەگەر نەڕەسین وە رێککەفتن، ئەوە واشنتۆن وەردەوام بوود لە گەمارۆداین بەندەرەیل ئیرانی.

سەرۆک ئەمریکی دیاری کرد کە وڵاتەگەی تەقەلا دەێد ئەرا گلەوهاوردن یۆرانیۆم پیتێنریاگ لە ئیران لەناو رێککەفتن چەوەریکریاگ، و هەمیش وت: خشتەیگ وەختانە ئەرا ئەوە دیاری نەکردیمنە، بەڵام وە رێککەفتنیگ یا وە شیوەیگ نادووسانە وەدەسی تیاریمن.

و هوشداری دا کە شایەت وسانن تەقە دریژەو نەکریەێد ئەگەر نەڕەسین وە رێککەفتن تا رووژ چوارشەممە، وتیش: وەداخەو شایەت هەوەجە بکەێد دەس وە وەشانن بومبەیل بکەیمنەو، وەگەرد دووپاتکردن لەبان ئەوە کە گەمارۆگە وەردەوام بوود.

 لە باوەت دەریاوانی، ئاژانس "ئەسۆشێتد پرێس" لە زوان ترەمپەو وت: هچ باجیگ نیەکەفێدە بان ئەو کەشتییەیلە کە لە گەروو هورمزەو رەد بوون.

هەرلیوا دیاری کرد کە ئەرا ئەمریکا دەسمیەتی لوبنان دەێد لە دووارە ئاوەدانکردن، وە دووپاتکردن لە بویین "هاوبەشەیل خاسیگ" لەی دۆسیە.

 لە چوارچیوەیگ پەیوەندیدار، ترەمپ وت: جیاوازی دیرێد وەگەرد بنیامین نەتانیاهۆ سەرۆک وەزیرەیل ئیسرائیل لە بڕیگ کارەیل، بەڵام باس وە "هاوبەشیگ فرە خاس" کرد،  هەمیش وت: هەردگ لایەنەگە کاریگ خاس کردنە.

]]> Sat, 18 Apr 2026 06:49:07 +0000 https://shafaq.com/ku/%D9%87%D9%80%D9%80%D9%80%D9%80%D9%87-%D9%88%D8%A7%DA%B5-%D8%AC%DB%8C%D9%80%D9%80%D9%87%D8%A7%D9%86%D9%89/%D8%AF-%D8%A7-%D9%88%D8%A7%D8%B2-%D8%B1%D8%AF%D9%86-%D9%87%D9%88%D8%B1%D9%85%D8%B2-%D9%88-%D8%B1-%D8%B1%D8%AF%D9%86-%D9%85%D8%B1-%D8%B3%D8%B1%D8%A7-%D9%84-%D9%88-%D9%88%D8%B1-%D8%A7-%D8%B1%D8%A7-%D8%A7%D9%85-%D9%87%D8%A7%D8%AA https://shafaq.com/ku/%D9%87%D9%80%D9%80%D9%80%D9%80%D9%87-%D9%88%D8%A7%DA%B5-%D8%AC%DB%8C%D9%80%D9%80%D9%87%D8%A7%D9%86%D9%89/%D8%AF-%D8%A7-%D9%88%D8%A7%D8%B2-%D8%B1%D8%AF%D9%86-%D9%87%D9%88%D8%B1%D9%85%D8%B2-%D9%88-%D8%B1-%D8%B1%D8%AF%D9%86-%D9%85%D8%B1-%D8%B3%D8%B1%D8%A7-%D9%84-%D9%88-%D9%88%D8%B1-%D8%A7-%D8%B1%D8%A7-%D8%A7%D9%85-%D9%87%D8%A7%D8%AA دۊای وازکردن هورمز.. چەوەرێکردن ئەمریکی ئیسرائیلی "وە وریایی" ئەرا گام هاتگ

شەفەق نیوز - واشنتۆن

مستەفا هاشم

تۆماس واریک، گەورە توێژەرەیل لە ئەنجومەن ئەتڵەسی، ئمڕوو جمعە، ئاشکرای نیشانەیل قۆناغیگ نوو و ناسک کرد کە ناوچەگە وەپیەو رەد بوود، لە سای تێکەڵکیشبوین دۆسیەی ئاسایش دەریاوانی لە گەروو هورمز وەگەرد چارەنویس دانوسەنین و گفتوگۆیل لەناوەین واشنتۆن و تاران، و هویرەیل ئەمنی ئیسرائیل لە لوبنان.

 واریک، لە قسەیلی ئەرا ئاژانس شەفەق نیوز، وت: راگەیانن ئیران ئەرا وازکردن گەروو هورمز لە وەرانوەر کەشتییە بازرگانییەیل لەو ماوە کە مەنیەسەو لە ئاگربەسەگە نیشاندەرەیلیگ هەڵگرێد لەبان خواستیگ راسگانی ئەرا کەمەوکردن گرژییەیل، بەڵام دویر نەخست کە ئی گامە مانۆڕیگ ئیرانی بوود  تا دۊاتر ئامانج چەسپانن جەزرەوەی رەدبوین لەبان کەشتییەیل وەدی بارێد،  ئەوەیش کاریگە هیمان نیشانە کۆتاییەیلی رووشن نەوینە.

 لە وەرانوەر ئەوە، دیار کەێد کە دۆناڵد ترەمپ سەرۆک ئەمریکی هیمان پابەندە وە ستراتیژیەی هوشیاری و فشار، کە هیزە دەریاییەیل ئەمریکی لە کەنداو عومان هیلێدەو ئەرا چەودیاریکردن رەوشەگە لە نزیکەو و مسۆگەر ئەوەگ ئی دەسپیشخەرییە نییەودە ئامرازیگ ئەرا باجگردن دارایی.

 واریک دووپات کەێد کە "ئومیدیگ راسگانی" هەس لەوە کە گەرووەگە وە راسی لە وەرانوەر جویلەی دەریاوانی جەهانی واز بمینێد، کە شایەت یەیش وە خاسی رەنگ بەێدەو لەبان ئارامی بازاڕەیل وزە.

وە چگن وەرەو یەکلاییکردن رەسین وە رێککەفتنیگ گەورە لەناوەین هەردگ لایەن، واریک دیاری کرد کە دا 24 سەعات گوزەشتە وەرەونواچگنیگ وەرچەو وەخوەی دی کە نیشانەی شکانن یەخەگە دەێد.

هەمیش وت: ریەگە هیمان پڕە لە خاڵەیل بنەڕەتی فرەیگ  و ئاڵووزەیل کە هەوەجە وە چارەسەرەیلیگ ریشەیی دیرن وەرجە راگەیانن هەر رێککەفتنیگ کۆتایی.

ئی گەشبینی هوشیار، درویژەو بوود تا بڕەسێدە هەڵوێست ئیسرائیلی، کە واریک دیاری کەێد کە تەلئەبیب لەی وەختە وەگەرد رەوتەگە ری کەێد و چەودیاری رێڕەو دیپلۆماسی وە ئارامییگ وەختانە کەێد، بەڵام ئی رازیبوین ئیسرائیلییە بەسیاس وە مەرجیگ بنەڕەتی و تاقانە، ئەوەیش توانای حکومەت لوبنانییە لەبان ماڵین چەک حزبوبلڵا وە شیوەیگ راسگانی و کاریگەر، کە ئەوەیش دۆسیەیگە نوێنەرایەتی سان بنەڕەتی کەێد ئەرا سەقامگیری بەرەی باکوور و مسۆگەرکردن سەرکەفتن هەر دانوسەنینیگ هەرێمی گشتگیر.

وعەباس عراقچی وەزیر دەیشت ئیران، لە وەختیگ گوزەشتە لە ئمڕوو جمعە، راگەیان کە گەروو هورمز وە شیوەیگ تەواو واز کریاس دۊای رەسین وە رێککەفتنیگ کە بڕیار وسانن تەقە لەناوەین لوبنان و ئیسرائیل دەێد.

دۊەکە پەنجشەممە، دۆناڵد ترەمپ سەرۆک ئەمریکا، وسانن تەقە لە لوبنان ئەرا ماوەی دە رووژ راگەیان، کە لە سەعات 5 ئیوارەی ئمڕوو وە وەخت ئەمریکا دەسوەپی کەێد.

هەرلیوا، ئیسرائیل ئمڕوو دووپاتکردنی لەبان وسانن تەقە وەگەرد لوبنان نووەو کرد، و ئەوەگ وەرەو کار سیاسی و سەربازی هاوبەش وەگەردی چوود.

]]> Fri, 17 Apr 2026 19:40:23 +0000 https://shafaq.com/ku/%D9%87%D9%80%D9%80%D9%80%D9%80%D9%87-%D9%88%D8%A7%DA%B5-%D8%AC%DB%8C%D9%80%D9%80%D9%87%D8%A7%D9%86%D9%89/%D8%AA%D8%B1-%D9%85-%D8%B1%D8%A7%D9%86-%D8%B1%D8%A7%D8%B2-%D8%A8%D9%88-%D8%A8-%D8%B1%D9%86%D8%A7%D9%85-%D8%AA-%D9%85-%D8%A8%D9%88%D9%88%D8%B3%D9%86-%D8%AF-%D9%88-%D8%B1-%D9%81%D8%AA%D9%86-%D9%88-%D9%85%D8%A7%D9%88-%D8%AF%D9%88%D9%88-%D8%B1%D9%88%D9%88-%D9%88%D8%A7-%D9%88%D9%88-%D9%85%D9%86 https://shafaq.com/ku/%D9%87%D9%80%D9%80%D9%80%D9%80%D9%87-%D9%88%D8%A7%DA%B5-%D8%AC%DB%8C%D9%80%D9%80%D9%87%D8%A7%D9%86%D9%89/%D8%AA%D8%B1-%D9%85-%D8%B1%D8%A7%D9%86-%D8%B1%D8%A7%D8%B2-%D8%A8%D9%88-%D8%A8-%D8%B1%D9%86%D8%A7%D9%85-%D8%AA-%D9%85-%D8%A8%D9%88%D9%88%D8%B3%D9%86-%D8%AF-%D9%88-%D8%B1-%D9%81%D8%AA%D9%86-%D9%88-%D9%85%D8%A7%D9%88-%D8%AF%D9%88%D9%88-%D8%B1%D9%88%D9%88-%D9%88%D8%A7-%D9%88%D9%88-%D9%85%D9%86 ترەمپ: ئیران رازی بویە بەرنامە ئەتۆمییەگەی بووسنێد و رێککەفتنەگە وە ماوەی دوو رووژ واژوو کەیمن

شەفەق نیوز - واشنتۆن

دۆناڵد ترەمپ سەرۆک ئەمریکا، ئمڕوو جومعە، راگەیان کە ئیران رازی بویە لەبان هەڵپەساردن بەرنامە ئەتۆمییەگەی "ئەرا وەختیگ نادیار"، وە دووپاتکردن ئەوەگ رێککەفتن کۆتاییهاوردن وە جەنگەگە نزیکەو بویە لە تەواوبوین.

 ترەمپ، لە لێدوانەیلیگ ئەرا بلومبێرگ وت: رێککەفتنەگە بویەسە نیمچە تەواوکریاگ، و لە فرەی خاڵە سەرەکییەیل وەگەرد ئیران تەواو بویمنە، و کارەگە وە زویوەزوی گەورەیگ جیوەجی بوود.

 وتیش: تاران خوازێد گردەوبوین بکەێد و بڕەسێدە رێککەفتن" وە دەسنشانکردن ئەوەگ تا ئیسە ئەو لایەنە دیاری نەکریاس کە سەرۆکایەتی شاند ئەمریکی کەێد لە دانوسەنین تایبەت وە واژووکردن رێککەفتنەگە.

 وەپای ئەوەگ "بلومبێرگ"، لە ترەمپەو وتیە؛ ئیران رازی بویە لەبان هەڵپەساردن بەرنامە ئەتۆمییەگەی وەبی دانان سنووریگ وەختی دیاریکریاگ، لە وەختیگ کە دەسی نییەڕەسێدە ئەو پویلە کە لەلای ئەمریکا بلۆک کریانە لەناو ئی رێککەفتنە.

]]> Fri, 17 Apr 2026 18:50:08 +0000 https://shafaq.com/ku/%D9%87%D9%80%D9%80%D9%80%D9%80%D9%87-%D9%88%D8%A7%DA%B5-%D8%AC%DB%8C%D9%80%D9%80%D9%87%D8%A7%D9%86%D9%89/%D8%AA%D8%B1-%D9%85-%D8%AC-%D9%86-%D9%84-%D8%B1%D8%A7%D9%86-%D9%81%D8%B1-%D8%B2-%D8%AA%D8%A7-%D8%AA-%D8%AF https://shafaq.com/ku/%D9%87%D9%80%D9%80%D9%80%D9%80%D9%87-%D9%88%D8%A7%DA%B5-%D8%AC%DB%8C%D9%80%D9%80%D9%87%D8%A7%D9%86%D9%89/%D8%AA%D8%B1-%D9%85-%D8%AC-%D9%86-%D9%84-%D8%B1%D8%A7%D9%86-%D9%81%D8%B1-%D8%B2-%D8%AA%D8%A7-%D8%AA-%D8%AF ترەمپ: جەنگ لە ئیران فرە زۊ کۆتایی تێد

شەفەق نیوز - واشنتۆن

دۆناڵد ترەمپ ئەمریکی، رووژ جمعە، دووپاتکردن خوەی نووەو کرد کە ئەو جەنگە کە ویلایەتە یەکگرتگەیل دژوە ئیران کەێدەی نزیکەو بویە لە کۆتاییهاتن و دووارە نییەودەو، و ئەوەیش وەگەرد جیوەجیکردن وسانن تەقە جویر ئامادەکارییگ ئەرا وەدیهاوردن ئاشتییگ گشتگیر دۊای جەنگیگ کە ئەرا درویژەی 40 رووژ لە ناوچەگە وەردەوام بوی.

 ترەمپ لە پۆستیگ لەبان ماڵپەڕ "تروس سۆشاڵ" وت: "کار فرە 'خاس' کریەێد وەرانوەر جەنگ لە ئیران و سوپای ئەمریکی 'هازدارترینە' لە جەهان"، وە دووپاتکردن ئەوە کە "بایەس بوی بچیمن ئەرا ئیران چوینکە نییەتویەنیمن ری وەپییان بیەیمن چەک ئەتۆمی بگرنە دەس"، و بەسانن دۆسیەی ئەتۆمی لە ئیران لە رکدارترین داواکارییەیلە لەلایەن واشنتۆن و تەلئەبیبەو.

هەمیش وت: کە جەنگ لە ئیران فرە زۊ کۆتایی تێد و ئاست سەربازی هیزەیل ئەمریکی "نموونەیی" بوی، وە دەسنشانکردن ئەرا ئەوە کە ئەمریکا 158 کەشتی ئیرانی نوقم کرد و ئیسە هانە بن دەریا، بەڵام لە خود وەخت پەسەن ئاست سەربازی تاران کرد لە ماوەی بەرزەوبوین تونی گرژییەیل لە خوەرهەڵات ناوڕاس و وت: "ئیران وڵاتیگ هازدار و زیرەکە و جەنگاوەرەیلیگ سەخت دیرێد".

]]> Fri, 17 Apr 2026 07:15:05 +0000 https://shafaq.com/ku/%D9%87%D9%80%D9%80%D9%80%D9%80%D9%87-%D9%88%D8%A7%DA%B5-%D8%AC%DB%8C%D9%80%D9%80%D9%87%D8%A7%D9%86%D9%89/%D8%A7-%D8%B3%D8%AA%D8%A7%D9%86-%D8%AF%D9%88%D9%88-%D8%A7%D8%AA-%D8%AF-%D9%85%D8%B1-%D8%A7-%D9%88-%D8%B1%D8%A7%D9%86-%D8%A7%D9%85%D8%A7%D8%AF-%D9%86-%D8%B1%D8%A7-%D9%86%D8%AC%D8%A7%D9%85%D8%AF%D8%A7%D9%86-%D8%AE%D9%88%D9%84-%D9%84-%D8%AF%D8%A7%D9%86%D9%88%D8%B3-%D9%86-%D9%86 https://shafaq.com/ku/%D9%87%D9%80%D9%80%D9%80%D9%80%D9%87-%D9%88%D8%A7%DA%B5-%D8%AC%DB%8C%D9%80%D9%80%D9%87%D8%A7%D9%86%D9%89/%D8%A7-%D8%B3%D8%AA%D8%A7%D9%86-%D8%AF%D9%88%D9%88-%D8%A7%D8%AA-%D8%AF-%D9%85%D8%B1-%D8%A7-%D9%88-%D8%B1%D8%A7%D9%86-%D8%A7%D9%85%D8%A7%D8%AF-%D9%86-%D8%B1%D8%A7-%D9%86%D8%AC%D8%A7%D9%85%D8%AF%D8%A7%D9%86-%D8%AE%D9%88%D9%84-%D9%84-%D8%AF%D8%A7%D9%86%D9%88%D8%B3-%D9%86-%D9%86 ‏پاکستان دووپات کەید ئەمریکا و ئیران ئامادەن ئەرا ئەنجامدان خولیگ لە دانوسەنین

‏شەفەق نیوز - ئیسلام ئاباد

‏تاهیر ئەندەرابی، وەزارەت دەرەی پاکستان، ئمڕوو پەنجشەممە، راگەیان  ویلایەتە یەکگرتگەیل و ئیران ئامادەن ئەرا ئەنجامدان خولیگ لە وتووێژەیل لە تەقەلایگ ئەرا رەسین وە رێککەفتن ئەرا وسانن جەنگ، باوجی کات دیاریکریایگ ئەرا ئی خولە دیاری نەکرد.

‏ئەندەرابی وت:  هویچ زانیارییگ دەربارەی شوون وەرێوەچگن خول دویەم لە وتووێژەیل ئەمریکا و ئیران نییە، باوجس وڵاتەگەی کەناڵەیل پەیوەنی لە ناوەین ئەمریکا و ئیران واز هیلێد.

‏دیاریکرد، پەیوەندییەیل وەردەوامن ئەرا دڵنیابوین لە وەردەوامی وتووێژەیل لە ناوەین واشنتۆن و تەهران، و دووپات کرد  ئەمریکا و ئیران ئامادەن ئەرا ئەنجامدان وتووێژەیل و تەقەلایەیل بەردەوامن.

‏دووپاتکرد، تەقەلایەیل پاکستان ئەرا رەسین وە رێککەفتن لە ناوەین واشنتۆن و تەهران پشتگیری ناودەوڵەتی دیرێد.

‏ئەندەرابی باس لەوەیشکرد، لوبنان هێمان بەشیگە لە وسانن تەقە ک ئیسە جیوەجی کریەێد، و دووپات کرد  ئاشتی لە لوبنان هەوەجە وە گفتوگویەیل ئاشتییانە کەێد، و دیاریکرد، مەسەلەی ئەتۆمی یەکیگە لەو بابەتەیلە کە باس لە بانی کریەێد.

‏

‏

]]> Thu, 16 Apr 2026 09:55:10 +0000 https://shafaq.com/ku/%D9%87%D9%80%D9%80%D9%80%D9%80%D9%87-%D9%88%D8%A7%DA%B5-%D8%AC%DB%8C%D9%80%D9%80%D9%87%D8%A7%D9%86%D9%89/%D8%A7-%D8%B1-%D9%84-%D8%A7-%D8%A7%D9%88-%D9%86-%D9%81%D8%AA-%D9%84-%D8%B3%D8%AA%D8%B1%D8%A7%D9%84-%D8%A7-%D9%87-%D8%B4-%D9%84-%D8%AF%D8%A7%D8%A8-%D9%86-%D8%B1%D8%AF%D9%86-%D8%B3%D8%B2-%D9%85-%D9%86-%D8%AF-%D8%AF https://shafaq.com/ku/%D9%87%D9%80%D9%80%D9%80%D9%80%D9%87-%D9%88%D8%A7%DA%B5-%D8%AC%DB%8C%D9%80%D9%80%D9%87%D8%A7%D9%86%D9%89/%D8%A7-%D8%B1-%D9%84-%D8%A7-%D8%A7%D9%88-%D9%86-%D9%81%D8%AA-%D9%84-%D8%B3%D8%AA%D8%B1%D8%A7%D9%84-%D8%A7-%D9%87-%D8%B4-%D9%84-%D8%AF%D8%A7%D8%A8-%D9%86-%D8%B1%D8%AF%D9%86-%D8%B3%D8%B2-%D9%85-%D9%86-%D8%AF-%D8%AF ‏ئاگر گەپیگ لە پاڵاوگەی نەفت لە ئۆسترالیا هەڕەشە لە 10٪ی دابینکردن سزەمەنی دەێد

‏شەفەق نیوز - کانبرا

‏دەسەڵاتەیل ئۆسترالیا، ئمڕوو پەنجشەممە، راگەیانن  ئاگر گەپیگ لە پاڵاوگەی نەفت لە شار "غیلۆنگ" لە ویلایەت ڤیکتۆریا هیزگردیە، یەیش بویە رخداری ئەرا بان دابینکردن سزەمەنی، لە هەمان وەخت دەسەڵاتەیل داوا لە مەردم کردن  پەلامار وێستگەیل سزەمەنی نەیەن.

‏ئیدارەی ئاگرکپەوکردن و رزگارکردن لە ڤیکتۆریا وت، لە سعات 11:15 شەو وە وەخت ناوخوەیی، خەوەر تەقینەوە و بلویزەی ئاگر لە پاڵاوگەی "فیفا ئینرجی" وەپیان رسییە، کە بەرزی بلویەی ئاگرەگە لە شەو رەسییە نزیکەی 60 مەتر.

‏کریست بوێن، وەزیر وزەی ئۆسترالیا وت: " دیارە گەپترین کاریگەری کەفێدە بان بەرهەمهاورد بەنزین،" و بارودۆخەگە وە "بەدی" ناو برد، و دیاریکرد، یەکەیل بەرهەمهاوردن کیرۆسین و دیزڵ وە هووکار خستنەکار دەروازەیل جیاکردن دویر مەننە لە ئاگرەگە.

‏لە لای خوەیەوە، مارک مکگینیس، وەڕێوەبەر کارەیل شوونەگە، ئاشکراکردن، ئاگرەگە وە مدوو "تەقینەوەی گەورەی غازیگ کە زوی ئاگر گرید و هیدرۆکربۆن شل" بویە، و وتیش ک ئاگرەگە دوای چەن تەقینەوەیگ وە زوی بەرز بویە، و چەوەڕێ نێکرید تا نیمەڕوو ئمڕوو پەنجشەممە وە تەواوی کۆنتڕۆڵ بکرید.

‏کۆمپانیاگە دووپاتکرد  هیچ زەخمداریگ نەویە، و دیاریکرد  "هیچ کاریگەرییگ چەووەڕێکریاگ و خێرا لە بان دابینکردن سزەمەنی نییە."

‏ئی پاڵاوگە  لە ساڵ 1954 واز کریاگە، یەکیگە لە گرنگترین دامەزراوەیل پاڵاوتن لە وڵاتەگە،  روژانە 120 هەزار بەرمیل پاڵێد، و زیاتر لە 50٪ی هەوەجەی ویلایەت ڤیکتۆریا و نزیکەی 10٪ی گشت سزەمەنی ئۆسترالیا دابین کەێد.

‏

‏

‏

]]> Thu, 16 Apr 2026 08:45:39 +0000 https://shafaq.com/ku/%D9%87%D9%80%D9%80%D9%80%D9%80%D9%87-%D9%88%D8%A7%DA%B5-%D8%AC%DB%8C%D9%80%D9%80%D9%87%D8%A7%D9%86%D9%89/%D8%AA%D8%B1%D9%85-%D9%81%D8%AA%D9%88-%D9%88-%D9%84-%D8%B3%D8%B1%D8%A7-%D9%84-%D9%88-%D9%84%D9%88%D8%A8%D9%86%D8%A7%D9%86-%D9%85-%D9%88%D9%88-%D8%AF-%D8%B3-%D9%88-%D9%86-%D8%AF%D9%88%D8%A7-%D8%A8-%D8%A7%D9%86-%D8%B3%D8%A7 https://shafaq.com/ku/%D9%87%D9%80%D9%80%D9%80%D9%80%D9%87-%D9%88%D8%A7%DA%B5-%D8%AC%DB%8C%D9%80%D9%80%D9%87%D8%A7%D9%86%D9%89/%D8%AA%D8%B1%D9%85-%D9%81%D8%AA%D9%88-%D9%88-%D9%84-%D8%B3%D8%B1%D8%A7-%D9%84-%D9%88-%D9%84%D9%88%D8%A8%D9%86%D8%A7%D9%86-%D9%85-%D9%88%D9%88-%D8%AF-%D8%B3-%D9%88-%D9%86-%D8%AF%D9%88%D8%A7-%D8%A8-%D8%A7%D9%86-%D8%B3%D8%A7 ‏ترمپ: گفتوگویەیل ئیسرائیل و لوبنان ئمڕوو دەس وە پێ کەن دوای بڕیان 34 ساڵ

‏شەفەق نیوز - واشنتۆن

‏دۆناڵد ترمپ، سەرۆک کۆمار ئەمریکا، ئاشکرایکرد،  ئمڕوو پەنجشەممە، گفتوگویەیل لە ناوەین ئیسرائیل و لوبنان وەرێوە چوود، و یەیش گامیگە ئەرا کەمەوکردن گرژییەیل.

‏ترمپ لە پۆستیگ لە بان پلاتفۆرم "ترووس سۆشیاڵ" وت: ئی گفتوگوە ئمڕوو پەنجشەممە، ئەنجام درێد، و دووپاتکرد "هەوڵ دەیمن مەجالیگ ئەرا هەناسە کیشان لە ناوەین ئیسرائیل و لوبنان پەیا بکەیمن".

‏ وتیش: "وەخت فرەیگە سەرکردەیل هەردوو لا قسە نەکردنە، نزیکەی 34 ساڵە. و یەیش سوو (پەنجشەممە) رویدەێد".

‏چەن سەرچەوەیگ باس لەوە کەن  ڕێککەفتنیگ ئەرا بڕیان تەقە لە ناوەین ئیسرائیل و لوبنان نزیکە، یەیش دویای چەن هەفتەیگ لە پەلامارەیل دوولایەنە لە ناوەین سوپای ئیسرائیل و حزبوڵا.

‏وەرپرسێگ باڵای ئەمریکی ئاشکرایکرد  ترمپ وە خوەشحاڵییەو پێشوازی لە کووتایی هاتن وەو "کارەیل دوژمنکارانە" لە لوبنان کەێد، و یەیش جویر بەشیگ لە رێککەفتن ئاشتی  وەگەرد ئیسرائیل.

‏ڕاپۆرتە عیبرییەیل ئویشن  وسانن تەقە ئەگەری هەس دوای ئەوە دەس وەپێ بکەێد کە هێزەیل ئیسرائیل کۆنتڕۆڵ شار "بنت جبیل" لە باشوور لوبنان تەواو بکەن، و دیاریکردن ماوەی وسیان تەقە لە لوبنان بەسیاسە وە ماوەی ئەو ئاگربەسە کە لە ناوەین ویلایەتە یەکگرتگەیل و ئیرانە.

‏

‏

‏

]]> Thu, 16 Apr 2026 08:36:13 +0000 https://shafaq.com/ku/%D9%87%D9%80%D9%80%D9%80%D9%80%D9%87-%D9%88%D8%A7%DA%B5-%D8%AC%DB%8C%D9%80%D9%80%D9%87%D8%A7%D9%86%D9%89/%D8%B3-%D9%88%D8%B4-%D8%A7-%D9%84-%D9%88%D9%84-%D8%B3-%D8%B1%D8%A7%D9%86-%D9%88-%D9%84%D8%A7%D9%85%D8%A7%D8%B1-%D8%AF%D8%A7%D8%B1-%D9%84-%D8%B3-%D8%B3%D8%AA%D8%A7%D9%86-%D9%88-%D8%A8-%D9%84%D9%88-%D8%B3%D8%AA%D8%A7%D9%86 https://shafaq.com/ku/%D9%87%D9%80%D9%80%D9%80%D9%80%D9%87-%D9%88%D8%A7%DA%B5-%D8%AC%DB%8C%D9%80%D9%80%D9%87%D8%A7%D9%86%D9%89/%D8%B3-%D9%88%D8%B4-%D8%A7-%D9%84-%D9%88%D9%84-%D8%B3-%D8%B1%D8%A7%D9%86-%D9%88-%D9%84%D8%A7%D9%85%D8%A7%D8%B1-%D8%AF%D8%A7%D8%B1-%D9%84-%D8%B3-%D8%B3%D8%AA%D8%A7%D9%86-%D9%88-%D8%A8-%D9%84%D9%88-%D8%B3%D8%AA%D8%A7%D9%86 ⁨سێ کوشیاگ لە پولیس ئیرانی وە پەلاماریگ چەکدار لە سیستان و بەلوچستان

شەفەق نیوز - تاران

سێ ئەندام لە پولیس ئیرانی، ئمڕوو پەنجشەممە، گیان لەدەس دان، لە ئەنجام پەلاماریگ کە چەکدارەیلیگ نەناسیاگ لە پارێزگای سیستان و بەلوچستان، لە باشوور خوەرهەڵات وڵاتەگە جیوەجیی کردن.

 ئاژانس "فارس" لە سەرچەوەیل ئەمنییەو وت: کە هیزەیل ئەمنی پشتینیگ لە دەور شوین رویداوەگە کیشانە و دەس کردنە وەشوینکەفتن لە وردەکارییەگەی، لە وەختیگ تیمەیل فریاگوزاری تەرم کوشیاگەیل هەڵگردن.

پارێزگاگە، کە فرەی دانیشتگەیلی سوننەن و هاوسنوورە وەگەرد پاکستان و ئەفغانستان، هەر ماوەی جاریگ کەفێدە وەر رویداویگ ئەمنی، کە دەس گرووپەیل ئۆپۆزسیۆن دژەە رژیم لە تاران ها ناویان.

]]> Thu, 16 Apr 2026 08:04:39 +0000