شەفەق نیوز/ لە دەزگای شەفەق ئەرا رووشنهویری و راگەیانن، شمارەی (267) نوو لە گۆڤار "فەیلی" ئەرا مانگ ئازار / مارس 2026 هاتە دەر.

شمارە نووەگە بڕیگ باوەت سەرەکی هاناوی کە رووماڵ پرسەیل گرنگیگ کەن لەبان هەردوگ ئاست ناوخوەیی و هەرێمی. لە دیارترین باوەتەیل:

• پیشەکەی شمارەگە: "نیشتمان ماڵ یا نیشتمان سەربازگە؟"

وتار دەسپیک لە قەڵەم سەرنووسەر عەلی حسێن فەیلییە، کە وتارەگە ئاشکرا کەێد چوین عراق لە نیشتمانیگ کە بڕیار بوی ماڵیگ ئارام بوود، ئاڵشت بویە ئەرا گۆڕەپانیگ ئەرا هەژموون کە هیزەیل هەرێمی و ناودەوڵەتی جەنگ لەبانی کەن، لە وەختیگ هاووڵاتی جەزرەوەی جەنگەیلیگ دەێد کە پەیوەندی وەپیەوە نەیرن، و دووپات کەێد کە رزگاربوین جیوەجی نیەوود مەگەر ئەو وەختە کە جوگرافیا مانای خوەی جویر زەوییگ ئەرا ژیان گلەو بارێد، نەک جویر "سەربازگەیگ" کە ململانێیەیل کەسەیل ترەک لەناوی وەڕیەو بچوود.

• کوردەیل فەیلی.. زەخمیگ خەڵتان خوین چەوەڕی دادپەروەری یەکلاییکەر کەێد دویای 46 ساڵ

• عراق ها دەیشت لیستەگە.. راپۆرتیگ ئاشکرای فرەترین ئەو وڵاتەیلە کەێد کە زەرەرمەن بوینە لە جەنگەگە

• جەنگ هەرێمی چە لە توانایەیل سەربازی عراقی ئاشکرا کرد؟

• کەلەپوور مۆسیقای عراقی لەناوەین میرات مەزنەیل و تەقەلایەیل شەرمنانە ئەرا گلەوهاوردن

• خۆر عەبدوڵڵا .. رێڕەویگ ئاوی نەخشەیل نوقمی کەن و شمارەکارەیل وەرجەوەختە نقومی کەن

• هەولێر.. گۆڕەپانەیل کەوک وازی ئارەزوویگ فۆلکلۆری وەرزانەس کە نرخ باڵندە بردەوەیل بەرزەو کەێد

وەگەرد بڕیگ ترەک لە وتارە دیارەیل لە گشت بوارەیل ئابووری و سیاسی و کۆمەڵایەتی.

ئەرا خوەنستن گۆڤارەگە ئۆنڵای

نئەرا نووڕستن گۆڤارەگە  وەشیوەی PDF

شەفەق نيوز/ لە دەزگای شەفەق ئەرا رووشنهویری و راگەیانن شمارەی (266) نوو لە گۆڤار فەیلی ئەرا مانگ شوبات 2026 هاتە دەر.

ئی شمارەی نووە بڕیگ باوەت سەرەکی هاناوی کە باس باوەتەیل گرنگ لە چین ناوخوەیی و هەرێمی کەێد، لە دیارترین باوەتەیل:

* پیشەکەی شمارەگە: "رچەوکردن یەکسانی" لە پرس فەیلی 

وتار پیشەکەی لەلایەن سەرنویسەر عەلی حسێن فەیلی، لەناوی بەس ئەو نیگەرانی درویژماوە و نا باوەڕیە کەێد کە فەیلیەیل لە عراق وەخوەیان دوینن لە ئەنجام قەیرانەیل سیاسی و بڕیارەیل نایەکسانی، و ئەو گڵووڵەبوین کۆمەڵایەتی و دەروینیە کە لەلی بوودەو، لە پایان داوای پەیماننامەی گفتوگۆ ناوخوەیی کەێد کە دووارە بڕوایی دروس بکەێد، و ئەو نیگەرانیە بکەێدە هازیگ رێکخریای تا ئامادەبوین و دینامیکی کۆمەڵگا بارێدەو.

* ئیدریس مەلا مستەفا بارزانی.. ژیاننامەی پیاییگ لە کەنار دوو سەردەم بو 

* لە تەنگەڕەیەیل بايريشرهۆف.. نێچیروان بارزانی هاوکیشەی نوویگ چەسپنێد و واشینتۆن ئەو دەشنشانە گرێدەو

* پرس کورد فەیلی ئەرا بازرگانیگ نییە 

* داریگ پیرووز و ریشەیل رویدار.. چیرووک دار سیدر لەناو جادەیل بەغداد 

* ئەسکەندەریەی لەهویرچگ.. راپۆرتیگ ئەمریکی لەباوەت گەورەترین شارەیل خوەرھەڵات میژوویی لە عراق 

و بڕیگ ترەک لە وتارەیل جیاواز لە چینەیل ئابووری و سیاسی و کۆمەڵایەتی.

شەفەق نيوز/ لە دەزگای شەفەق نیوز ئەرا رووشنهویری و راگەیانن شمارەی (265) نوو لە گۆڤار "فەيلی" ئەرا مانگ كانون دویەم / يناير 2026 هاتە دەر.

ئی شمارەی نووە بڕیگ باوەت سەرەکی هاناوی کە باس پرسەیل گرنگ کەن لە چین ناوخوەیی و هەرێمی، لە دیارترین باوەتەیل:  

* پیشکەی شمارەگە: " عراق .. رخباریەیل ئابووری "

وتار پیشەکی سەرنویسەر عەلی حسێن فەیلی، وتارەگە دووپات کەێد کە عراق لەنوای مەوقەیگ یەکلاییکەر وسیاس، چاکسازی دامەزراوی راسگانی خوازێد کە بڕوایی بارێدەوە و چارەسەر قەیرانەیل گەندەڵی و بیکاری و داوەزیان خزمەتگوزاریەیل بکەێد، و دووپات کەێد کە ئارامی تەنیا وە دادپەروەری و پرسیارکردن و بەشدارکردن هاوڵاتیەیل وەجی تیەێد ئەرا مسۆگەرکردن بانانیگ وە ئاسایش و گەشەکردن زیاتر.

* نێچیروان بارزانی بازیکەریگ هەرێمی و دیبلۆماسی بیدەنگ 

رۆڵ نێچیرڤان بارزانی سەرۆک هەرێم کوردستان نشان دەێد جویر بازیکەریگ هەرێمی بیناکەر دیبلۆماسیی نەرمی توەنێد سنووردار ژاوەژاو و گرژیەیل بکەێد و گاڵ گفتوگۆکردن و کەمەوکردن کاریگەریەیل ژاوەژاو لە باکوور خوەرهەڵات سوریا دەێد، کە پاڵپشتی لە رۆڵ هەرێم کوردستان کەێد جویر ئەنکەر وزەی ئەمریکا لە سوریای دویای جەنگ، وەگورەی راپۆرتیگ لەلایەن گۆڤار "ناشيوناڵ ئینترێست" ئەمریکی.

* پەرۆشی باشوور کوردی و درویژەی ئێڵ.. زانیاریەیلیگ لەبان هووز مەڵکشاهی

شار مەڵکشاهی لە پارێزگای ئیلام کە فرەی کورد فەیلیە، جویر یەکیگ بوی لەو ناوچەیلە کە لە تونترین ناڕەزایی لەناوی بوی، وەگەرد باسەلیگ جیاجیا لەبان سروشت رویداوەیل و ئامار قوربانیەیل لەناوەین سەرچەوەیل فەرمی و راپۆرتەیلیگ ترەک باس لە کەفتن کوشیان و زەخمداری لەناو ناڕەزایەیل کەن.

* رمانن زویترە لە بیناسازی.. باویگ سیاسی میزاج حکومەتەیل نوو پتەو کەێد 

هەر گلەیگ حکومەتەیل لە عراق ئاڵشت بوون، نەخشەی حکومەت وەرجە خوەی وە دەس خود حکومەت لاوریەێد، کە بڕیارەیل ئمڕوو، سوو سڕیەنەو یا وسیەن، یا کەفنە دووارە نووڕین گشتگیر، نە لەوەر شکانن یاسا، وەلێ چوینکە میزاج سیاسی ئاڵشت بوی، و ناوەگە لە قەی دەر سەرۆکایەتی وەزیرەیل ئاڵشت بویە.

* ئاڵشتبوین بەهایەیل لە عراق.. لە هاوکاری هەفتایەیل ئەرا نامۆبوین ئیسە 

شایەت ئەو ئاڵشتبویەیل کۆمەڵایەتیە لە عراق لە هازداری سەردەم هەفتایەیل ئەرا چویچیان ئیسە گلەو بخوەێد ئەرا چەن مدوویگ تیکەڵا، گرنگترینیان قەیرانەیل سیاسی و سەربازی لەشوینیەک وەگەرد لایەن دارایی، کە عراق چگە ناو جەنگەیل دویرودرویژیگ کاریگەرییان تەنیا لەبان لایەن مادی و مرۆیی نەوی، بەڵکم بویە مدوو بەرزکردن لایەنگریەیل تەنگ، یا چگن ئەرا ناو جەنگەیل ئایدۆلۆژی یا مەزهەبی یا نەتەوەیی.     

* لە جەنگ کووچەری و شارستانی ئەرا جەنگ ئەلیکترۆنی 

هاتێ کەسەیل وەرجە 50 یا 100 ساڵ زیاتر پابەند تا رەوشت بوینە، لە وەختیگ فرە لە کۆمەڵگای عراق باوەڕ دیرن کە داوەزیانیگ رەوشتی بویە لەوەر میدیایەیل راگەیانن کە کارەیل نەرێنی بڵاو کەن، و خەوەرە بەدەیل زیاتر لە سۆشیال میدیا بڵاو بوون.

* هووشبەری لەناو عراق بڵاو بوود و گەنجەیل باجی دەن

ساڵیگ وەبان بڕیار بەسانن دوکانەیل فرووشتن مەی لە چەن پارێزگایگ عراق رەد بویە، تا مشتومڕ لەباوەت کاریگەریەیل ئی بڕیاره دووارە باێدە بان، وەگەرد پرسیارەیل ماڤپەرەوەری و کۆمەڵایەتی لەبان ئەوە کە ئایا بڕیارەگە دەسمیەتی دا لە نواگیریکردن دیاردەیل نەرێنی یا وە پیچەوانەو هات، دیارترینیان زیایبوین بازرگانیکردن و وەکارهاوردن هووشبەری.

* شۆکیگ ئابووری.. چیرووک باجەیل و کاریگەریی لەبان عراقیەیل 

بڕیارەیل باجەیل و گومرکەیل کە لەی دویاییە لە عراق جیوەجی کریا، باوەت چاکسازی دارایی و ئابووری وەشیوەی فراوانیگ واز کرد، لەناو مشتومڕ کۆمەڵایەتی و بازرگانی لەناو ئەوانە کە دوینن گرنگە ئەرا پڕەوکردن کەمدەسی دارایی، و ئەوانە کە هوشداری دەن لە کاریگەری گرانی و پەنام وەبان ژیان مەردم و ئارامی بازاڕ.

  وەگەرد بڕیگ ترەک لەو وتارەیل جیاوازە لە گشت چینەیل ئابووری و سیاسی و کۆمەڵایەتی…

ئەرا خوەنستن گۆڤارەگە ئۆنڵاین 

* پیشەکەی شمارەگە: " ساڵ نوو و ئەرمەنیا یی پایان"

وتار پیشەکەی لەلایەن سەرنویسەر عەلی حسێن فەیلی، باس مەوقەی هەڵسەنگاندن کۆتاێی ساڵ کەێد، و وەردەوامی کار میدیایی لەبان شەکەتی، وەگەرد دڵنیابوین لەوە کە سەرکەفتن وە ناسنامە و بڕوا و ستراتیژی ئاشکرا دروس بوود، و رۆڵ ئەرزشەیل سەرەکی نشان دەێد و فامستن مەردم لە بیناکردن دەزگایگ راگەیانن سەروەخوەیی، گەشەکردگ، و وەردەوامیدار.   

* جیهان لە 2025 .. ساڵ رێککەفتن سەخت و تاقیکردن نواگیری.

ساڵ 2025 هەر تەنیا دەورانیگ سەردەمی ئاسایی نەوی لە رووزنامەی سیاسی جیهانی، وەلێ ئەو ساڵە بوی کە سەردەم راسگانی زبر دەسوەپی کرد، لە راپۆرتیگ کولبڕ باس رویداوەیل سیاسی گرنگ جیهان کەێد.

* 15 ساڵ لە بڕیار جینۆساید.. کوردەیل فەیلی داوای جیوەجیکردن یاسا کەن.

وەبوونەی رەدبوین پانزە ساڵ وەبان دەرچگن بڕیار دادگای تاوانەیل عراقی باڵا کە پرس بارکردن و جینۆساید کوردەیل فەیلی لە ساڵ 1980 جویر تاوان جینۆساید وەگشت پەیمانەیل دادە قەڵەم، داواکاریەیل جیوەجیکردن بڕیار دادگا نووەو بوی، و لاوردن گشت ئەو کاریگەرە بەدەیلە کە وەسەر کوردەیل فەیلی هاتنە. 

* بیچەککردن.. "میحوەر وەرگری"  کەفتیەسە نوای "سوقان شکانن"

لە ناوەین فشارەیل ناودڵەتی زیاییگ و بانگوازەیل دووارەوبوی ئەرا گیرهاوردن چەک لەلای دەوڵەت، مشتومڕ لە خوەرھەڵات ناوڕاس نووەو بوود لەبان بانان باڵە چەکدارەیل لە عراق و لوبنان و غەززە و یەمەن، وەتایبەت کە ئی داوایەیلە لە سای جەنگ واز تیەێد لە غەززە و ژاوەژاو لە دەریای سوور، و فشارەیل ئەمریکا لەبان بەغداد و بەیروت، وەرانەور وازنەهاوردن ئەو باڵەیلە لە چەکیان ئەرا دڵنیابوین لە مەنینیان.

* تەندروسی عراقیەیل کەفتیەسە رخداری.. ئاگادارکردن لە کاریگەریەیل قەیران ژینگە.

شارەیل عراق، بەغدای پایتەخت لەنوایان،  زیایبوین وەرچەویگ لە شیواشیو ژینگەیی وەخوەیان دوینن، کە قەیران پیسبوین وا زیایەو بوود، وەگەرد کەمەوبوین شوینە سەوزەیل، لەسای ئاڵشتبوین کەشوهەوا و زیایبوین چالاکی بیناسازی بی پلان.

* "بازاڕ خانمە کراکارەیل ئەفریقایی" دیاردەی دەوڵەمەنی و شانازیکردن چینەیی.

ئی وتارە باس دیاردەیگ کەێد کە لەناو کۆمەڵگای عراقی نەناسیاس، کە ریکردن وەگەرد خانمە کراکار ئەفریقایی وە روخسار جیاوازی لەلایەن خیزان عراقی لەناو بازاڕەیل و شوینەیل گشتی بویەسە دیاردەی باویگ، چوینکە نشانەس ئەرا دەوڵەمەنی ئەو خیزانە.

* لافاو نیشتەجێی .. سەری دەێد لە کەموکوڵی خزمەتگوزارییەیل و نیشتەجیبوین.

وەگەرد راگەیانن فەرمی دەرئەنجامەیل هەشمارکاری نیشتەجیی لە عراق، نیگەران لە توانای وڵاتەگە ئەرا بەجەرکردن زیایبوین دیموگرافی زویوەزوی دروس کەێد، وەتایبەت وەگەرد نزیکەوبوین شمارەی دانیشتگەیل لە 50 مليۆن کەس، کە ئی شمارە فشاریگ راستەوخۆ وەبان ئابووری و خزمەتگوزارییەیل و دەرفەتەیل کار و نیشتەجیبوین.

هەرلیوا، وەگەرد بڕیگ ترەک لە وتارەیل جیاواز لە گشت چینەیل ئابووری و سیاسیی و کۆمەڵایەتی لەناو ئی شمارە لە گۆڤار فەیلی هاتگە.

گۆڤار فەیلی لەلایەن ئاژانس شەفەق ئەرا رووشنهویری و راگەیانن، شمارەی نوو تایبەت (263) ئەرا مانگ تشرين دویەم/ نۆڤەمبەر 2025 دەرکرد، جویر ئاهەنگ 22مین ساڵیاد دەرکردن یەکەمین شمارەی، لەناوی باوەتەیل فراوانیگ هەڵگرد، دووارە یاد کاروان 263 شمارە کەێد، پڕ لە کار وەردەوام ئەرا بەڵگەسازی هویرمان فەیلی.

شمارەگە باوەتیگ فراوان ئەرا میژوو گۆڤارەگە دیاری کەێد، هەرلە دەرچگ یەکەمین شمارەی لە ساڵ 2004ەو، کە وتار و باوەتەیلیگ هاناوی، لەلییان وتار سەرنویسەر عەلی حسێن فەیلی، وەناونیشان "سەرکەفتنیگ ئەرا 263 شمارە وەردەوامی دیرێد"،

وەگەرد باوەتەیلیگ تایبەت وەی ساڵیادەر هەمیش وەرد راپۆرت و وتاریلیگ لە سیمای هەڵوژاردەنی و دیارترین نووەوبویەیل.

لە دەزگای رووشنهویری و بڵاوکردن کوردی، سەروە وەزارەت روشنهویری و گەشتوگوزار و ئاسەواری عراق، کتاو نوویگ نویسەر و موتەرجم و رووژنامەنویس ماجد سورەميری وەناونیشان "تا گوڵ سوو لە لیو ئاگردان" لەچاپخانە هاتەوە.

ئی کارە تیکەڵیگ ناوەین سووز و کەلتوور و نووڕین سەردەمیانەی کۆمەڵایەتی و سیاسی پەیا کەێد.

کتاوەگە وە 320 لاپەڕە لە قەوارەی وەزیری، 77 وتار هاناوی کە زويتر نویسەرەگە لە گۆڤار "گول سوو" بڵاوی کردگە، کە وە زاراوەی کوردی خوارین فەیلی نویساسەی، وکردگەسەی گەشتیگ ئەرا تێڕامان لە هویردەکاریەیل ژیان رووژانە، کە وەشیوەی نوویگ پەند پیشینان خەیگە هویر ودوبارە سازێدەوەی، و تیکەڵای سادەیی و قویلی هویرکردن کەێد.

  ماجد سورەميرى لە قسەیلی ئەرا ئاژانس شەفەق نیوز وت: کتاوەگە بەرهەم ساڵەیل دویرودرویژیگ لە کار رووژنامەوانیە لەناو دەزگای شەفەق ئەرا رووشنهویری و راگەیانن، و تەقەلای دوبارە گیانخستنەوەر زاراوەی کوردی خوارینە، جویر مەیدانیگ ئەرا گوزارشتکردن  ئەدەبی و هویرکردن.

وتیش: ئامانجی ئەوە بوی کە زوان میللی بکەێدە مەدانیگ ئەرا دوبارە نووڕستن و رەخنە، وەبی لەدەسدان تام و سووز مرۆیی خوەی.

ماجد سورەميري دیاری کرد کە مامووستا عەلی حسێن فەیلی، وەرپرس دەزگای شەفەق ئەرا رووشنهویری و راگەیانن، پیشەکی کتاوەگە نویسان کە وت: ماجد سورەميرى رووژنامەنویس و نویسەر  و وەڕیەووەر نويسانن، لە ماوەیل گوزەشتە جیگرسەرنویسەر گۆڤار "گول سوو" بوی، ئی نویسەرە ئەزموونیگ دووانی وەخوەی دی، لەناوەین لایەنگری نەتەوەیی و ژیان ناو بەغداد، کە بنەمایەی دەوڵەمەنیگ لە فامستن و ئەزموون مرۆیی و پیشەیی وەپی دا، کە وەرجە زیاتر لە بیس ساڵ، یەکیگە لە کاراترین و دێرینترین ئەندامەیل لە دەزگای شەفەق ئەرا رووشنهویری و راگەیانن.

عەلی فەیلی وتیش: کتاوەگە چیرووکەیل فولکلۆری و پەنەیل میللی هەڵگرێد، کە وەزوانیگ سادە و نووڕین نوویگ پیشکەشیان کەێد، و زاراوەی سووزدار کوردی خوارین، تا دووارە زنییانەو بکەێد، و لەناوی وەچیگ گەورەتر واز بکەێد ئەرا ناسانن کوردەیل فەیلی و خوارین و کەلتووریان، و لەی رەنج و تەقەلا توەنستن ئەرزش و رەنگینی ئی زاراوە نشان بەێد، و جوير جیاوازیگ لە شیوەی و ناوەڕۆک وەپی بەخشێد، و گەزاف نییە ئەگەر بویشیمن کە ئی تەقەلا چشتیگ جویری خەێدە بان گەنجینەی کەلتووری کوردی خوارین.

شمارەی نوو (262) لە گۆڤار فەیلی لە دەزگای شەفەق ئەرا رووشنهویری و راگەیانن کورد فەیلی، ئەرا مانگ تشرین یەکەم 2025 هاتە دەر، وە باوەتەیل سیاسی و کۆمەڵایەتی و ئابووری رەنگاوڕەنگ، باس ئاڵشتبویەیل هەڵوژاردن لە عراق کەێد، و رۆڵ فەیلیەیل لە سیمای گشتی، وەگەرد باوەتەیلیگ کەلتووری و تەکنەلۆژی هاوسەردەمی.

وتار سەرنویسەر کورسەیل کۆتای تەنیا و ئومیدەیل فرە

پیشکەی شمارەگە ئەرا سەرنویسەر عەلی حسێن فەیلی، رووشنایی خستە بان ئەو سەختیەیلە لەڕوی نوێنەرایەتیکردن کورد فەیلی لە پەرلەمان، کە ئەو تەنیا کورسیە بەس نییە ئەرا مقیەتیکردن دادپەروەری و نوێنەرایەتی راسگانی، و داوای چاکسازی گشتگیر کرد، کە مسۆگەر تواناداری و دادپەروەری لە ژیان سیاسی بکەێد.

هەڵوژاردن عراق کەشوهەوایگ سیاسیە یا ئاڵشتکارییگ راسگانی؟

  وتاریگ فراوان باس مشتومڕ هەڵوژاردن هاتگ کەێد کە بڕیارە لە 11ی تشرین دویەم 2025 وەڕیەو بچوود، پرسیار کەێد ئایا هەڵوژاردن توانای دروسکردن ئەو ئاێشتکاری ئارەزوومەنە دیرێد، یا بویەسە تەنیا کەشوهەوایگ دووارەوبوی ئەرا نووەوکردن شەرعیەت چین سیاسی.

هووز و ئێڵ قسەی خوەی چەسپنێد و وەرجە دەنگدە دەنگ خوەی دەێد

راپۆرتیگ باس زاڵبوین هووزەیل کەێد لە دیاریکردن رویەیل دەنگدان و کاریگەری پویل سیاسی لە هەڵمەتەیل، وەگەرد هوشداریکردن لە ئاڵشتبوین لایەنگری هووزانە ئەرا چشتیگ دەوڵەت مەدەنی لاوازەو بکەێد.

مشتومڕیگ لەبان بانان کۆتای ژن 

 باوەتیگ تایبەت باس بەشداریکردن ژن لە هەڵوژاردن کەێد، وتیش: کۆتای ژن ناوەڕۆک پشتگیریکەر خوەی لەدەسدا، کە بویە ئامرازیگ ئەرا مسۆگەرکردن ئامادەبوین شیوەیی لەژیر بەتیەی حزب، وەگەرد دیدارەیلیگ زەرد خانمە کاندیدەیل.

 لە بازاڕ ئەرا پەرلەمان 

لێکۆڵینەوەیگ وەناونیشان بازرگان و خاوەن کارەیل چنە ناو هەڵوژاردن عراق، توومارکردن نزیکەی 100 کەس خاوەن بزینیس چگنە ناو هەڵوژاردن، کە پرسیار لە پەیوەندی پویل وە دەسەڵات دروس کەێد و ئەگەریل دروسبوین فراکسیۆنیگ پەرلەمانی بازرگانی لە پەرلەمان هاتگ.

وەگەرد راپۆرت و وتاریلیگ تەرک.

 جی باسە کە کۆڤار فەیلی کە لە تەمەن بیس ساڵی رەد کرد، وەردەوامە لە پتەوکردن ئامادەبوینی جویر سەکوویگ ناوازە ئەرا کەمینەیل وەشیوەی گشتی، و جویر گۆڤار شرۆڤەکاری روانگەی ئاڵشتبویەیل عراق لە نووڕین پیشەیی و کەلتووری گشتگیر.

ئی شمارەی نووە بڕیگ باوەت سەرەکی هاناوی کە باس پرسەیل گرنگیگ لە ئاست ناوخوەیی و هەرێمی کەن، لە دیارترین باوەتەیل: 

* پیشەکەی شمارەگە: " تا مووچەی دوو مانگ دیر بکەفێد، چە بوود؟! 

وتار پیشەکەی ئەرا سەرنویسەری عەلی حسێن فەیلی، لەناوی باس باوەت قەیران مووچەیل هەرێم کوردستان کەێد کە بویە خەویگ دویاخریای و مافیگ خوریای، هەناێ ئیرادەی سیاسی راسگانی نیەمینێد، کە تیکەڵ چارەسەری ئابووری و سیاسی و ئەمنی و رێزگردن وەرانوەری کەێد.

* ئایا جیاوەبوین یەکلایەنی چارەسەریە؟.. كۆسۆڤو ئەرا نموونە 

وتاریگ ئەرا نویسەر بەدر ئیسماعیل شیرۆکی باس باوەتیگ گرنگ کەێد کە جیاوەبوینە لەیەک لایەنەو، کە یەکیگە لە فرەترین ئەو باوەتەیلە کە مشتومڕ لە یاسای ناودڵەتی دروس کەن، لەوەر یەکبڕین لە بنەمای یەکێتی خاکەیل لەلاییگ، و بنەمای مافی گەلەیل لە بڕیاردان چارەنویس خوەیان لەلاییگ ترەک.

* نەهامەتی فەیلیەیل.. بڵویزەی دووچەوەکی و مردن هویرمان

ئەو جینۆسایدە کە وەسەر کوردەیل فەیلی لە عراق هات یەکیگە لە قیزەوەنترین تاوانەیل دژوە مرۆیی لە میژوو نوو ناوچەگە، ئی کار ناشیرینە کە دەیان ساڵ وەردەوام بوی و لە دویادویای هەفتایەیل و هەشتایەیل سەدەی گوزەشتە رەسیە لوتکە.  

* دەریاچەی بەنداو موسڵ قەورسانیگ ئێزدی ئاشکرا کەێد

داوەزیان تەکان ئاو لە تورکیا، سیمایگ نوو ئاشکرا کرد، کە ئاو دەریاچەی بەنداو موسڵ داوەزیا، تا قەورسانیگ هن ئێزدیەیل ئاشکرا بکەێد، لە راپۆرتیگ تایبەت وە گۆڤار فەیلی، بەشیگیان هیمان ناونیشان قەورەیلی و نەخشەیل جیاوازی مەنیە هەرچەن زیاتر لە چل ساڵ لە ژیر ئاو نقوم بوینە.

*قەیران پزشکەیل و  دەرمانسازەیل .. بانگەواز ئەرا وازهاوردن لە کۆلێژەیل پزشکی لە سای خوازین فرەیگ ئەرا چەودیاریکردن تەندروسی

مشتومڕ فراوانیگ لە عراق، دویای قسەیل نەقیب دەرمانسازەیل، و هەمیش نەقیب پزیشکەیل دگان، کە داوا لە پۆل شەش زانستی مردن واز بارن لە چگن ئەرا کۆلێژەیل پزشکی و دەرمانسازی.

* ئایا گرەوکردن لەبان زیرەکی دەسکرد لە فێرکاری سەرکەفێد؟

لە سای ئی شووڕش ئەلیکترۆنی زویوەزویە کە جیهان وەخوەی دوینێد، زیرەکی دەسکرد تەنیا تەکنیکیگ نوو نییە، بەڵکم بویەسە گرنگییگ ستراتیژی لە گشت لاییگ لە ژیان، و لە نوای گشتیان کەرت فێرکاری.

(ئەرا خوەنستن گۆڤارەکە)

لەی شمارە باوەتیگ وەزوان فارسی لەبان شعر کلاسیکی کوردی لێکۆلینەوە و وەدویاچگن و هاوردن چەن نموونەیگ لە پارچە شعرەیل شاعرەیل کورد،

باوەتیگ لەبان نویسانن بەد و زانیاری ناتەواو لەناو ئی شمارە بڵاو کریاس.

باوەتیگ گرنگ لەبان میژوو رووشنهویری لە مەهاباد.

چیرووک کوردی، کوڵە چیرووکەیلیگ جیهانی"

هەمیشە بڕیگ لە پارچە شعرەیل کوردی، و بەشیگیش هەڵگەردان ئەرا چەن پارچە شعریگ.

لە شمارەگە چەن وینەیگ کاریکاتێری هەس، کە باس لە رەفتارەیلیگ لەناو مەردم کەن.

ئی شمارەی نووە بڕیگ باوەت سەرەکی هاناوی کە باس پرسەیلیگ گرنگ کەن لە ئاست ناودەوڵەتی و هەرێمی، لە دیارترین باوەتەیل: 

* ناوەین چوار پایتەخت نێچیروان بارزانی.. برا گەورەی چارەسەرەیل هەناێ دەرەیل بەسیەن

لە نەوەی بەسیان سیاسی، کە قەیرانەیل هەرێمی یەکبڕەو بوون وەگەرد ئاڵووزەیل ناو، نێچیروان بارزانی دیار دەێد جویر یەکێک لەو دەنگەیل کەمە کە لەناو ژوورەیل بڕیاردان ئامادەن، و وەدرویژایی زیاتر لە دوو سەدە، ئامادەبوینی وە ئارام کەلەکە کرد، لە دانوسەنینەیل پشت دەرە بەسیاگەیل، و دیدارەیلیگ کە چەوەڕی نەکریاوێد سەربکەفن، وەلێ فرەجار رەسیە یەکلاییکردن ناسک.

* لە سوەیدا تا کەرکوک.. دورزیەیل و کاکەیی دوو ئاین کە نهێنی و مەزارگا و سیوڵ گردیانەو کەێد

هەرچەن جوگرافیای ناوەین عراق و سوریا جیاوازە، کاکەیەیل لە کەرکوک و خانەقین، وەگەرد دورزیەیل یەکانگیرەو بوون لە کویەی عەرەب، وەبان رسووم و دابەیلیگ کە لە شیوە رەد کەێد، تا بوودە سومبولیگ رووحی و ناسنامەی پیرووز.

* نمايشیگ ئەرا سێ گلە لەناویان مردم.. بڕە چیرووکیگ وە تام فەیلیانە

 وتاریگ باس کتاو "سێ گلە لەناویان مردم" کەێد کە بڕە چیرووکیگ ئەرا خانمە نویسەر فەیلی ئەڤین ئەسکەندەرە، و سیانزە چیرووک وەگەرد پیشەکەی هاناوی، نویسەرەگە خوازیە هویریگ لەبان دەقەیل چیرووکەیل لەناو ئی کتاوە پیشکەش بکەێد، کە لە خەیاڵە نەک راسی، وەگورەی قسەی خانمە نویسەر لە پیشکەی کتاوەگەی.

*قەیران نیشتەجییوین لە عراق.. مەلیۆنا یەکەی ناتەواو و65% لە پڕۆژەیل پەککەفتگ

راپۆرتیگ باس زیایبوین کەمی نیشتەجیبوین لە ئەنجام بەرزەوبوین شمارەی کەسەیل، و فراوانی ئاوارەبوین لە ئاوای وەرەو شارەیل، وەگەرد یەواشی جیوەجیکردن پڕۆژەیل نیشتەجیکردن، لەبان دووپاتکردن حکومەت لەبان ئەوە کە ئی پرسە ئەوپەڕی گرنگی دیرێد ئەرا پەیاکردن ژیان سەربەرزییگ و داکاسیان گونجیاگ ئەرا گشت عراقیەیل.  

* نەهامەتی كورنيش كوت: کەلەمەی وەپشتگووشخستن و هاوار بیوەیی گومابوی 

ریکارەیل تەندرووسی و بیوەیی پیشەیی، وەتایبەت لە مقیەتیکردن لە ئاگرەیل و کپەوکردنیان، سەنگ بنەڕەتیە ئەرا مقیەتیکردن گیان و داراییەیل، وەتایبەت لە شوینەیل گشتی و بازرگانی، و ئەو رویداو کارەساتبارە کە لە مۆڵیگ لە پارێزگای واست بوی، وەشیوەی زاقیگ نشان گرنگی پابەندبوین وای ریکارەیلە دەێد.

* سينەکوتان.. وەرجەسەکردنیگ ئەرا خەفەتباری ئەرا سەدان ساڵ چوود 

دەس دەێد لە سینە تا سوورەو بوود، لەناو هاوار و ناڵە وەدەنگ بەرز، وەیجویرە ژنەیل لە جویراجویر تەمەنەیل، هەڵقەیلیگ وە سیا پووشیاگ، کە پرسەی کوشیاییان کەن، لەناو سینەکوتان کە بەشیگ گرنگە لە میراتی میللی لەناو پرسەیل، تا گریە دریا وە مانگ موحەرەم، و وەگشت جویریگ نشان دریا ئەرا یاد عاشوورا.

* ژیرزەمینەیل بەغداد.. بیتاسازییگ نهێنیەبل گوزەشتە شارێدەو و نیشاندان نەمانیگ ئەرا روی شارەگە 

ئایا شاریگ کوینە هەس لەژیر ئی شار بەغدای ئیسە؟، پرسیاریگ لەی دویاییە کریا دویای بڵاوبوین پارچە ڤیدیۆییگ لەبان سۆشیال میدیا کە نشان ژیرزەمینەیل قویلیگ دان، لە خاسەوکردن دویایین لە جادەی رەشید ناوڕاس پایتەخت ئاشکرا کریان، کە بەشیگیان وت: شاریگ ترەک لەژیر زەوی هەس.

* ژنخوازین تیکەڵا لە عراق: کاریگەری کۆمەڵایەتی و ئابووری و ئاڵشتیوبن هەرێمی 

راپۆرتیگ باس باوەت خوازین ژنەیل بیگانە لەلایەن عراقیەیل لە دەوڵەتەیل هاوسا جویر سوری و ئیرانی (هەمیش تورکیا) کە کەفێدە هەشمارەیل سیاسی و ئاڵشتبوین لە ناوچەگە، هەرچەن ئەو دیاردە کەفتە کاریگەرەیلیگ میژووی و کۆمەڵایەتی و ئابووری.

  ئەرا نووڕستن گۆڤارەگە لێرا کلک بنە 

لێرا ئەرا بارکردن گۆڤارەگە 

لە دیارترین باوەتەیل:

*غاز و مووچە پەیوەندی ناوەین بەغداد و هەولێر وەرجە هەڵوژاردن لیخنەو کەێد 

تەقەلای وەردەوامیگ ئەرا ماوەی دوو ساڵ ئەرا یەکلاییکردن ململانێ ریکارەیل داهاتەیل نەفت و غاز، وە ماوەی ئی هەفتەیل کەم گوزەشتە رمیا، دویای ئەوە کە حکومەت هەرێم کوردستان راگەیان کە رەسیە واژووکردن گریەبەسی نوویگ وەرد کۆمپانیایل ناودەوڵەتی ئەرا زیایکردن بەرهەم غاز سروشتی، وە بڕیان هەواڵەکردن دارایی ئەرا هەرێم وەڵام دا. 

* چیرووک محمد حەسەن بەرزو .. هەناێ دەفتەرەیل شۆرجە وەگەرد نەخشەیل شووڕش کورد تیکەڵ بوی 

لە کویچەیل یەکێتیە وەرەو کویەیل پێنجوێن، رەحمەتی محمد حەسەن بەرزو میژوویگ پڕ کیشا کە تا نیم سەدە رەسی، لەناوی تیکەڵبوین کوردەیل فەیلی وەرد پرسەیل گەل کوردیان نشان دا، و شوینپەنجەی تایبەتیگ لەناو هویرمان نەتەوەیی کورد هەیشتە جی.

* وە کویەنەوبوین نەکەفێد، سپایکەر هویرمان خوینیگ وەگەرد کۆشکەیل ستەمکاری گریە دریا.

وەرژە 11 ساڵ، یەکێک لە قیزەوەنترین تاوانەیل لە میژوو نوو عراق رویدا، کە ریخریاگ داعش تیرۆرست، نزیکەی 2000 خوەنەوار لە هیز سەربازی بـ"سپايكەر" لە پارێزگای سەڵاحەدین وەیەکەو تیرۆر کرد، دویای رمیان شار موسڵ، و رەسینی وەرەو تکریت، کە تاوانەگە تەنیا کوشتن مەردمیگ وەیەکەو نەوی، بەڵکم کوشتاریگ بویە لەبان گەنجەیل و ناسنامە و لایەنگری نیشتمانی.

 * قەرز ئەمریکا رەسیە 36 تريليۆن دۆلار .. و جەنگ لە عراق دیارترین مدووەیلە

قەرزە ئەمریکا وەرەو بەرزترین ئاستی چوود لە جەنگ جیهانی دویەمەو تا ئیسە، کە رەسیە 36 تريليزن دۆلار، کە ئەو شمارە وەرەو بەرزەوبوین چوود، کە ئەمریکا ساڵانە نزیکەی دوو تریلیۆن دۆلار زیاتر لە داهاتەیل ساڵانەی خەرج کەێد.

*  عراقیەیل و جەنگ ئیران و ئیسرائیل.. را و نووڕینەیل جەمجویل بەشەو بوون لەناوەین گرنگیدان و پاپەی نەوین 

ئەرا یەکەمین جارە لە ماوەی چەن ساڵیگ، شاشە گەورەیل لەناو کۆفی و قاوەخانەیل بەغداد پایتەخت، بازیەیل تووپانیگ دەرنیەکەن کە گەنجەیل بکیشن، کە فرە لەلییان وێنەی تووپەگە نشان کەن کە لەی گۆڵ ئەرا ئەو گۆڵ چوود، وەلێ بوی رووژەیل گوزەشتە بەیتە مووشەک وەشانن ناوەین ئیسرائیل و ئیران.

* زیرەکی دەسکرد و درامای عراقی.. جەنگ ناوەین گەشەکردن تەکنیکی زویوەزوی و یەواشی لە راسگانی

تەکنەلۆژیای ئەلیکترۆنی و زیرەکی دەسکرد چگە ناو بڕیگ لە کارەیل سینەمایی و دراما لە چەن دەوڵەتیگ لە جیهان، لەلییان دەوڵەتەیل هاوسا، کە ئی دەوڵەتەیلە سوود لەلی گردن، وەتایبەت لە بەرهەمکردن دراما و فیلمەیل سینەما، و شیوەی رۆتینی کارەیل هونەری لە ئاست بەرهەمکردن و دەرهێنان ئاڵشت بوی.

* میژوو هونەری شیوەکاری کوردی 

رووژیگ لە رووژانر لەناو حەمامیگ میللی لە سلێمانی، وینەکیشەیلیگ لە وەردەم دیوارەیل تەڕ پشت چەمانن، یەکەمین تابلۆیل هونەر نوو لە کوردستان کیشان، ئەوە سەرەتاییگ ئاشکراکریاگ نەوی، باوجی ئەوەسا بوودە بڵویزەیگ.

ئەرا نووڕستن گۆڤارەگە لێرا کلک بنە 

ئی شمارەی نووە بڕیگ باوەت گرنگ لە چین ناوخوەیی و هەرێمی هاناوی.

لە دیارترین باوەتەیل:

* کەرکوک وەرانوەر ئاوینەی خوەی.. نەفت و ناسنامە و میژوو لەبان کاغەز دەنگدان.

وەگەرد نزیکەوبوین مەوقەی هەڵوژاردن پەرلەمانی لە دویادویای 2025، کەرکوک کەفتیەسە وەختیگ سیاسی ناسیای، ئەو شارە کە چەنای چەنیگ باسی وە ئاوینەی ئاڵووزی کردیان، دووارە تیەێدە بان جویر تاقیکردنیگ سەخت ئەرا هاوسەنگی ناسنامەی ز دەسەڵات و نوینەرایەتی، کە لە پارێزگایگ سێ نەتەوەی سەرەکی لەناوی گردەو بوون، کورد، عەرەب، تورکمان، وەگەرد کەمەینەیل ترەک، دیار نییە چشتیگ یەکلاوە بویە، هەرچەن هەڵوژاردن لەشوینیەک و یەکلاییکردن وەختانە بویە.

*لە مزگەفتەو ئارا پەرلەمان.. ئیسلامییەیل لە کوردستان کەفنە بان دوڕیانیگ.

ئی وتارە باس باوەتیگ کەێد کە بزووتنەوەیل ئیسلامی لە هەرێم کوردستان نشانەیلیگ جیاجیا وەخوەیان دوینن، لە وەرەودویاچگن و دەرفەتەیل وەڵاوەبوین، کە هەرچەن

خی کۆمەڵگای کورد ناوەین ئاینداری و نووڕین نەتەوەیی گردەو کەێد، وەلێ پاڵپشتیکردن جەماوەر ئەرا هیزەیل ئیسلامی هەر کەمتر بویە.  

* خانمیگ کورد فەیلی نایابی لە "نهێنی ژیان" وەرگرێد 

راپۆرتیگ لەبان دویەتیگ هیمان وە تەمەن دە ساڵان نەڕەسیە، هەناێ دەزگایەیل ستەمکاری رژیم وەرین پەلامار ماڵ باوانی دان، و باپیر و داپیری وەگەرد سێ مامەی وەرەو چارەنویس نادیاریگ بردن، کەفتە نوای ژیانیگ پڕ خەبات و رکداری و سەختی، و خوەی نەیادە دەس جویراجویر ئەو رەوشەیلە کەفتنە ریی، تا ئامانجەیل خوەی وەجی بارێد.

* سەعيد ئەفەندی.. خوازێد گیان سینەمای عراقی زنیەو بکەێد، و کێک سەرۆک هەوادارەیلی کیشێد.

لە یەکەمین بەشداریکردن عراق لە ڤیستیواڵ سینەمایی ناودەوڵەتی کان لە فەرەنسا ساڵ 2025، کە هەفتاو هەشتەمین چاپە، لە 13 تا 24 ئایار 2025، خوەڵ لە کاسێت سینەمایی کوینەیگ لاوریەێد کە "سەعيد ئەفەندی"یە ئەرا دەرهێنەر كاميران حوسنی لە بەرهەم ساڵ 1955، و فیلمیگ عراقی خەڵات پەسەنکردن جەماوەر کەفێدە دەسی ، لە بەش (خەڵاتەیل هەفتەی دەرهێنەرەیل)، کە فیلم  کێک سەرۆکە ئەرا دەرهێنەر حەسەن هادی، کە ئەوەیش خەڵات کامیرای تەڵایی بویە بەشی.

* بازاڕ ئەستەربادی لە کازمیە.. نشانەیگ میژووی بویەسە کەلاوە.

لە شان مەزارگای کازمەین، لە باکوور بەغداد، روخسار بالکۆنەیلیگ جویر کەلاوە دیار دەێد، لە وەختیگ بازاڕیگ باندریای وەناو "ئەستەربادی" درویژەو بوود، کە وەپی ئویشن "سربادی"، کە لە کویەنترین بازاڕەیل شار کازمیەس، و دامەزریانی چوودەو ئەرا دویادویای سەدەی یانزە.

ئەرا نووڕستن گۆڤارەگە لێرا کلک بنە 

لێرایش ئەرا PDF

ئی شمارەی نووە بڕیگ باوەت سەرەکی هاناوی، کە باس باوەتەیل گرنگ کەن لە چین ناوخوەیی و هەرێمی، دیارترینیان:

* پویچەوکردن “ساڵیاد جینۆسایدکردن کوردەیل فەیلی”!.

وتار دەسوەپیکردن سەرنویس گۆڤارەگە، باس گرنگی پشتگیریکردن پرس کوردەیل فەیلی کەێد، و ئەو ئامادەبوین کارا کە لەلایەنەیل سیاسی و حکومەتی خوازێد، کە لە گوزەشتە گرنگیگ وەگورەی خوەی وەپی نەیریا، هیمان توانای بەشداریکردن کارا لە داناین چارەسەری پیشەیی دیرن.

* کوردەیل فەیلی.. خوازین کتاوخانەیگ ئەلیکترۆنی تایبەت.

وتاریگ گرنگە ئەرا رووژنامەنویس یاسر عماد، لەناوی باس گرنگی دامەزریان کتاوخانەیگ ئەلیکترۆنی کەێد ئەرا کوردەیل فەیلی، کە کتاوەیل تایبەت و توێژینەوەیل و نویساگەیل لە رووژنامە و گۆڤارەیل لەناوی بوود، کە تایبەتە وە میراتی کەلتووری و کۆمەڵایەتی و داب و نەریتیەیل، و ژیان سیاسی و کۆمەڵایەتییان.

* رخەیلیگ لە بومب هەڕەشەدان سەرکردەیل وەرجە هەڵوژاردن.

ئی راپۆرتە باس سەختیە گەورەگە کەێد لەڕوی سەرکەفتن ئەنجامدان هەڵوژاردن، کە مەزەنەی دویرکەفتن گەورەیگە وەتایبەت ئەگەر رەوت سەدری وەردەوامی لە دابڕیان بوی، و هەمیش بەشیگ لە پەروەدەکارەیل ئەگەر پلەی مووچە راسەو نەکریەێد، و شایەت ئی دابڕیانە فراوانەو بوود، تا بڕەسێدە ئەو چینەیل لەو فەرمانبەرەیلە کە مووچەیلیان کەمە.

   * زەوی عراق پڕە لە مین وەگورەی 300 هەزار یاریگای تووپان. 

ئی راپۆرتە لە گۆڤار فەیلی، باس مینەیل زەوی و جیماگەیل جەنگ من وت کە لەناو رووبەریگ بڵاو بوینە وە 2,100 کیلۆمەتر چوارسویکە مەزەنە کریەێد لە عراق، واتە چەنە 300,000 بازیگای تووپانە، و ئی رخەیل مەرگبارە هەڕەشەی وەردەوامیگ لەبان ژیان مەردم دروس کەێد، و نیەیلێد خیزانە ئاوارەیل گلەو بخوەن، و رەسین ئەرا زەویەیل کشتوکاڵی سەختەو کەێد، و تەقەلایل دووارە ئاوەدانکردن یەواشەو کەێد.

*  تەقەلایل دووارەبوی ئەرا دەسناین وەبان زەویەیل رووژنامەنویسەیل، و بیبەشکردن دانیشتگەیل لە پارکەیل.

ئی راپۆرتە، باس کەێد کە ناڕەزایەیل ری سەرەکی بڕینە و ئاگر تایەر ماشین دانە، و خەڵک ناوچەگە ئویشن؛ کابرایگ ئەرا بەرهەمهاوردن هاتیە، و خوازێد وە زوور دەس وەبان زەویەگە بنەێد، لە وەختیگ ئی زەویە ئەرا پارک و مەکتەو و بنکەی تەندروسی دیاری کریاس.

 * شارستانیەت میزۆپۆتامیا کەفتیەسە رخداری.. ئاسەواری عراق هاتێ لەوەر ئاڵشتبوین کەشوهەوا بفەوتێد.

پسپۆڕەیل دووپات کەن، وەگورەی راپۆرتەگە، کە گەرمی سەخت و نم و تەڕی و وا، کاریگەری لەبان ئاسەواری و شوینەیلی دیرن، کە خوازێد چارەسەری پەیا بکریەێد تا ئی مقیەتی ئی گەنجەیلە بکەن، چوینکە دەسکەفتیگ مرۆییە، بیجگە ئەوە کە ئەرشیڤە ئەرا میژوو و شارستانیەت عراق، لە سەردەمەیل جیاجیا.

ئی باوەتەیلە و باوەتەیلیگ ترەک رووشنایی خەنە بان سەختیەیل ئابووری و ژینگەیی و کۆمەڵایەتی و سیاسی لە عراق و هەرێم کوردستان، وەگەرد راپۆرتەیل تایبەت لەبان میراتی و میژوو عراق.

ئەرا نووڕستن گۆڤارەگە لێرا کلک بنە 

لێرەیش وە PDF 

ئی شمارەی نووە بڕیگ باوەت سەرەکی هاناوی، کە باس باوەتەیل گرنگ کەن لە چین ناوخوەیی و هەرێمی، دیارترینیان:

* کوردی.. میراتی زاراوەیل هەمەڕەنگ کەفێدە وەر سەختی یەکزوانی. 

وتاریگ گرنگە باس باوەت زوان کوردی کەێد، کە خاوەن میژوو کوینەیگە، و ریشەی ئەرا سەدان ساڵ لە کەلەپوور و کلتور چوودەو، و بویەسە ستوین سەرەکی ئەرا ناسنامەی گەل کورد، وەلێ کەفێدە سەختییگ لە نەوین یەک زاراوە کە گشتی گردەو بکەێد، تا لە گشت چینەیل وەکار باێد، هەکاتی ژوان (فەسیح) عەرەبی یا زوان فەرمی لە ئینگلیزی.

*5 رووژ چەرمگ.. سابیئەیل مەندائی لە عراق ئاهەنگ برونايا کەن.

ئی راپۆرتە باس خەڵک ئاین مەندائی لە عراق کەێد وە جەژن "برونايا" و ئەو رسوومەیلە لەی جەژنە.

*سڕپووکردن راسیەیل.. پڕۆسەی میترو بەغدا و قەتار زویوەزوی کەربەلا رەسیە کوو؟ 

ئی ڕاپۆرتە باوەت ئەو پڕۆسە گەورەیلە واز کەێد کە وەرپرسەیل پەیمان جیوەجیکردنیان دانە، کە هیمان لەبان زەوی تەنیا کڕ بان کاغەزە، وەتایبەت ئەو پڕۆسەیلە کە پەیوەندی وە ژیان مەردم دیرن، و جیوەجیکردنیان دەسمیەتی دەێد لە سووکەوکردن بار ژیان رووژانەی مەردم. 

*تاوسان ئایندە.. عراق کەفێدە نوای 6 پلان ئەرا چەوەهەشارەکی وەرد وزە و گاز ئیران و سزایەیل ترەمپ.

ئی راپۆرتە لەلایەن گۆڤار فەیلی باس پلانەیل جیگر ئەرا حکومەت عراق کەێد، تا بڕەسێدە گیچەڵ وسیان گاز ئیرانی و کاریگەریی لەبان بەرهەمکردن وزەی کارەبا لە عراق وەتایبەت لە ماوەی تاوسان ئایندە.

*  گۆڵچییگ هەر تووپ ستەم گرێدەو.. چیرووک ئەبو حەمرە لە گەردەلویل بارکردن و تانە.

هەسارەی تووپان عراقی و گۆڵچی تواناداری، کاپتن قاسم ئەبو حەمرە، کە یەکیگە لە دیارترین گۆڵچیەیل لە میژوو تووپان عراقی، لە چین یانە و هەڵوژاردەیل نیشتمانی، ئەرامان باس زیان خوەی کەێد وەرد رژیم وەرین و ئەو ستەمە کە لەو سەردەمە وەسەری هات.

*  لە ناوچەیگ عراقی.. نەفت لە کویەو دەرچوود و لەناو چەم پەنگەو دەێد 

ئی راپۆرتە باس ناوچەیگ لە نزیک کویەیل مەکحوول لە ئاوای مەسلەخە کەێد کە تەکان نەفت خاو سیا لە زەویەو وەخوەی دوینێد وەگەرد بوو کبریت، کە لایەنەیل پەیوەندیدار کار نەکردن تا ئی ناوچە وەشیوەی خاسیگ وەکار بارن.

 ئی باوەتەیلە و باوەتەیلیگ ترەک رووشنایی خەنە بان سەختیەیل ئابووری و ژینگەیی و کۆمەڵایەتی و سیاسی لە عراق و هەرێم کوردستان، وەگەرد راپۆرتەیل تایبەت لەبان میراتی و میژوو عراق.

ئەرا نووڕستن گۆڤارەگە لێرا کلک بنە 

لێرەیش وە PDF 

دە ئی ژمارە ک دە 65 لاپەڕە وە دەسخیرەت کەریم دافعی ناسریاگ وە نازناو شاعرانەی (ک.د.ئازاد) دەرهاتگە، شێعر بڕێ لە شاعرەیل کورد لاخوار کوردستان وە بنزار کوردی فەیلی بڵاوە بییە.

ئەڕا خوەنستن PDFەگەی ئی ژمارە دە بان یە کرتە بکەن

ئی شمارە بڕیگ باوەت سەرەکی هاناوی کە باس پرسەیل گرنگ لە چین ناوخوەیی و هەرێمی لەخوەی گرێد.

دیارترین ئەو باوەتەیلە: 

 *کۆمەڵەیگ ناودەوڵەتی زەنگ رخداری کوتێد.. پەککەفتن خوەنەواری لە کوردستان نەرێنی و فرەس

ئی راپۆرتە باس گیچەڵیگ زیایبوین پشوو لە ساڵ خوەنەواری کەێد لە کوردستان، و کاریگەری ئی کارە لەبان ریڕەوی خوەنەواری.

 *قەوانەیل "چەقماقچي" میراتییگ هونەری باس میژوو مۆسیقا کەێد لە عراق.

راپۆرتەگە باس حەجی فەتحی "چەقماقچي"  کەێد، کە لە سەرتای کار لە خاسەوکردن تفەنگ عوسمانی کوینە کردیاد لە شار موسڵ باکوور عراق، وەرجەیەگ بوودە یەکیگ لە دیارترین ناوەیل لە چین توومارکردن و بەرهەمکردن قەوانەی دەنگ لە عراق.

 *دەگمەنی لە بەغداد و فرەیی لە کوردستان.. پەیکەر ژنەیل عراقی لەناوەین نەمرکردن و کەموکوڵی.

ئی راپۆرتە وەلایەن گۆڤار فەیلی باس ئەو پەیکەرەیل یادەوەریە کەێد کە نشان سومبلەیل نەمرکردن خەباتکار و داهێنانەیل دەن، وەلێ کەفێدە ناوەین پشتگووشخستن و کەموکوڵی لە یادکردن کەسایەتیەیل سەردەمیانە لە ژنەیل خاوەن داهێنان و خەبات، لە وەختیگ گرنگی گەورەتر و فراوانتر ئەرا ئەو ژنەیلە هەس لە هەرێم کوردستان.

  *عراق کەفتیەسە رخداری.. ئایا لە نهێنی ژیان کڕە سوورەیل رەد بویە؟

ئی راپۆرت گرنگە باس رەسین رەوش ئاو لە عراق ئەرا وەخت شەکەتی ئاوی کەێد، کە کڕەیل سوور نشان دەێد، کە شمارەیل سەرەتایی ئەمارەیل ئاو دەسنشان ئاست رخبەریگ کەێد، چوینکە وەرد بڕ وەکارهاوردن لە وڵات نەگونجیاس، وەگورەی پسپۆڕەیل کاروبار ئاو.

 * دياكۆ ئيلامي.. هەناێ شعر و شاعر یەکانگیرەو بوون

 ئی وتارە باس میژوو ژیان شاعر کورد فەیلی عەباس هۆشمەند کەێد کە دیاکۆ ئیلامی نازناو هونەرییە، کە شاعر تواناداریگە لە هونەر پیشکەشکردن شعر لە شار ئیلام، و ناسیاس وە خوەنستن و پیشکەشکردن هەوڵوەس شاعرەیل کورد، و خزمەتەیل گەورەیگ ئەرا زوان و ئەدەب کوردی پیشکەش کرد، و ئاسووەیل نوویگ لەڕوی دووسەیل کەلتوور کوردی واز کرد.

  * هەرچەن یەدەک گەورەیگ دیرێد.. عراق وە ملیارا دۆلار هاوردەی گاز کەێد.

راپۆرتیگ تایبەت وە گۆڤار فەیلی، باس جیاوازی ئابووری رخدار کەێد لەوەر بەد وەڕیەوبردن سامانەیل سروشتی، کە عراق کەفێدە پلەی دوانزەهەم لە یەکەم گاز لە جەهان، کە بایەس بوی عراق تیر خوەی کردوێد و هەناردەکاریش بویاد ئەرا گاز سروشتی، وەلێ بایی 3 ملیار دۆلار ساڵانە لە ئیرانەو هاوردە کەێد، و رووژانە بڕەیل گەورەیگ لەلی سزنێد.. وەگورەی پسپۆڕەیل.

 ئی باوەتەیلە و پرسەیلیگ ترک رووشنایی خەنە بان سەختیەیل ئابووری و ژینگەیی و کۆمەڵایەتی و سیاسی لە عراق و هەرێم کوردستان، وەگورەی راپۆرتەیل تایبەت وە کەلەپوور و میژوو عراق.

ئەرا نووڕستن گۆڤارەگە لێرا کلک بنە 

 هەمیش لێرا ئەرا PDF

دە ئی ژمارەیش شێعر و دەق کوردی فرەیێگ وە گشت بنزارەێل کوردی ئوو وە کوردی فەیلی هەم بڵاوەو کریاگە.

ئەڕا خوەنستن ئی ژمارە دە ئەرشیڤ ئلکترونیکییەگەمان و PDFەگەێ بنووڕن.

ویلکان ک وە مانای ماڵووکان، ماڵبووکان، بووکەشووشە، عەرووسەکەو مانگنامەێ ویلکانیش پڕە لە بەرهەمەێلێ رەیین رەیین ئەڕا مناڵان وە بنزار کوردی خوارین.

ئیوە دتوانن PDFەگەێ ئی گوڤارە دە ئەرشیف ئلکترونیکی شەفەق نیووز بخوەنن و ئەڕا خوەنستنێ دە ئێرە کرتە بکەن.

ئی شمارەی تایبەتە وەبوونەی ساڵیادی، و باوەتەیل دەوڵەمەنیگ باس میژوو و ریڕەوی گۆڤارەگە کەێد، و وتار و چەوپیکەفتن و ڕووماڵ تایبەت لەبان رویداوە کرتکویل هاناوی، جویر بەشیگ لە ئاهەنگ ئی ساڵیاد جیاوازە.

ئی شمارە پشتکەفتیگ دیرێد، باس دیارترین وێستگەیل لە میژوو گۆڤارەگە کەێد، و گرنگترین ئەو رویداوەیلە کە وەگەردی هاتن، وەکوێۆ قسەیلی لە خوەنەوار و نویسەرەیلی کە بەشیگ لەی میژوو درویژە بوین.

(ئەرا خوەنستن گۆڤارەگە کلیک وەیرا بنە) 

شمارەی نوو گۆڤار فەیلی بڕیگ باوەت سەرەکی هەڵگرد کە لە چین ناوخوەیی و هەرێمی گرنگە، و لە دیارترین ئەو باوەتەیلە: 

بڕیارەیل کوتوپڕ.. سزەمەنی قەیرانەیل لەناو عراق: وتاریگ دەسوەپیکردن ئەرا سەرسنویسەر عەلی حسێن فەیلی، کە باس ئەو بڕیارەیلە کەێد کە لەلایەن حکومەتەیل عراق دریەن، و چوین پاپەی دادپەروەری و بەرژەوەنی گەل وەبان بەرژەوەنی سیاسی نیین، کە هیلێد ژاوەژاو سیاسی لە وڵات بەرزەو بوود.

حەیدەر ئاباد، ئاواییگ لەناوڕاس رەنگینی سروشت ئیلام فەیلی: وتاریگ باس ئی شار رەنگینە کەێد لە ئیلام، کە شوینیگ جیاوازە ئەرا گەشتیارەیل وە رەنگینی بووسان و بەرهەمەیلی و جیاوازی خەڵک ئاوایەیلی.

زاڕووەیل عراق کەفنە وەر دەسدرویژیەیل رخداریگ و داوای پابەندی وە رێککەفتنەیل ناودەوڵەتی: ئی وتارە باس ئەو رخەیلە کەێد لەڕوی مناڵەیل عراق لەی ژینگە کە چەک لەناوی زاڵەو بوود و سام یاسا نیەمینێد، و گیچەڵەیل سیاسی و ئابووری و کۆمەڵایەتی لەناویان سەختی وەدەسهاوردن دەرفەتەیل خوەنەواری و چەودیاریکردن تەندروسی گونجیاگ، و لاوازی ئەو یاسایلە کە ریگری لە بەدوەکارهاوردن مناڵەیل و تونوتیژی وەبانیان کەن لەناو و دەیشت خیزانەیل.

لە دهۆکەو وەرەو ئەهوار ناسریە، هونەرمەنیگ کەرکوکی دووس زنیکردن شارستانیەت و سروشت وە شیوەیلیگ هونەری دیرێد: ئی راپۆرتە باس هونەرمەن عادل حاجی بەکر کەێد کە خەڵک شارە کەرکوکە، و بەهرە لە پەیکەرسازی بویچگ دیرێد کە هویردیی فرەیگ لە کار خوازێد، وەگەرد وەکارهاوردن ئەندازیاری و دیزاین و پەیمانەکردن ئەرا دروسکردن تابلۆیل رەنگینیگ هەکاتی بەشیگ لە میژوو و شارستانیەت عراق و ڕەنگینی سروشت هەرێم کوردستان.

یەهودی و فارسی دڕندەترن.. چیرووک مارگریگ لە شار زاڵەیل (جبابرە)ی میژوویی لە عراق، ئی راپۆرت تایبەتە وە گۆڤار فەیلی باس ئەو گەنج راوچیە وەناو ئەحمەد سوڵتان کەێد، خەڵک پارێزگای سەڵاحەدین، لە ئاوای مسەحەگ میژوویی کە رخدارترین گیاندارەیل لەبان زەوی گرێد، کە مار ژەهردار بکوشە.

هەراسانکردن ئەکادیمی.. سێکس وەرانوەر سەرکەفتن کەسەیل دامودەزگایل زانستی لە عراق لە وەردەم کۆمەڵگا دەسپاچە کەێد: ئی راپۆرتە باس ئی دیاردە کەێد کە وەشیوەی وەرچەویگ دەسکردە بڵاوبوین کە هەراسانکردنە وە مامووستایل وە دویەتەیل خوەنەوار لەناو زانکۆ، کە رخیگ گەورە لەبان ریڕەوی خوەنەواری لە وڵات دروس کەێد.

هەرویلک شارستانیەت جویر نموونە.. توێژینەوەیگ لە عراقەو دەسکەێد وە مقیەتیکردن ئاسەواری میژووی ئەگەر وە سوپایش بوییە: ئی راپۆرتە باس ئەو توێژینەوەیگ وەلایەن پەیمانگەی "تريندز ئەرا توێژینەوە و سڵاکاری" کەێد کە رووشنایی خەێدە بان سەختیەیل مقیەتیکردن کەلەپوور کەلتووری لە عراق، و پێشنیارەیل مقیەتیکردن میراتی عراق لەناو جەنگەیلی، لەناویان پەنابردن وە بڵاوکردن پاسەوانی سەربازی.

تەڵەسم خەڵەتانن.. گۆڤار فەیلی ئاشکرای کەڵافە پرسەیلیگ کەێد کە گیرفان عراقیەیل قویتا دەێد: راپۆرتیگ تایبەت لەبان ئەوەگ سەرچەوەیگ حکومەتی ئاگادار ئاشکرای کرد، لەبان پرسیگ گەندەڵی لە وەرگردن کرای وزە لەناو هوتێل و مۆڵەیل و کۆمەڵەیل بازرگانی لە بەغدای پایتەخت، کە مانگانە ملیارا دینار لە بۆشاییەیل ئیداری گوما بوود.

 نەفت عراق ناوەین دوو پەسەنکاری، ئەژدیهای چینی لەناو مەیدان، و تەمای حکومەتی وەرەو خوەرئاوا: ئی راپۆرتە باس ئارەزوو وڵات چین کەێد کە کی نەشاریاسەو، ئەرا زاڵبوین وەبان کێڵگەیل نەفتی لە عراق و هاوماڵیکردن وەرد هاوبەشەیلی لە مووڵەتەیل هەر ماوەیگ جاریگ، ئەرا وەدەسهاوردن شایستەیلیگ گەورەتر و سوودگردن لە کیشان کۆمپانیایل خوەرئاوایی لە بەشیگ لەو شوینەیلە.

ئی باوەتەیلە و پرسەیلیگ ترەک، رووشنایی خەنە بان سەختیەیل ئابووری و ژینگەیی و کۆمەڵایەتی و سیاسی لە عراق و هەرێم کوردستان، وەگەرد راپۆرتەیلیگ تایبەت لەبان کەلەپوور و میژوو عراق.

(بارکردن گۆڤارەگە راستەخۆ)

بارکردن گۆڤارەگە وەشیوەی PDF

* شەفەق نیوز/ لە دامەزراو شەفەق نیوز ئەرا روشنهویری و راگەیانن کورد فەیلی، شمارەی (247) ئەرا مانگ تەمووز/ يوليۆ 2024 لە گۆڤار فەیلی وە زوان عەرەوی هاتە دەر.

Faili Magazine , Issue No. 247, July 2024*

(بارکردن گۆڤارەگە راستەخۆ)

بارکردن گۆڤارەگە وەشیوەی PDF لەی ناونیشان خوارە:

* شەفەق نیوز/ لە دامەزراو شەفەق نیوز ئەرا روشنهویری و راگەیانن کورد فەیلی، شمارەی (246) ئەرا مانگ حوزەیران/ یونیۆ 2024 لە گۆڤار فەیلی وە زوان عەرەوی هاتە دەر.

.Faili Magazine , Issue No. 246, June 2024*

(بارکردن گۆڤارەگە راستەخۆ)

بارکردن گۆڤارەگە وەشیوەی PDF لەی ناونیشان خوارە:

* شەفەق نیوز/ لە دامەزراو شەفەق نیوز ئەرا روشنهویری و راگەیانن کورد فەیلی، شمارەی (245) ئەرا مانگ ئایار/ مایس 2024 لە گۆڤار فەیلی وە زوان عەرەوی هاتە دەر.

Faili Magazine , Issue No. 245, April 2024*

(بارکردن گۆڤارەگە راستەخۆ)

بارکردن گۆڤارەگە وەشیوەی PDF لەی ناونیشان خوارە:

شەفەق نیوز/ لە دامەزراو شەفەق نیوز ئەرا روشنهویری و راگەیانن کورد فەیلی، شمارەی (244) ئەرا مانگ نیسان/ ئەپرێل 2024 لە گۆڤار فەیلی وە زوان عەرەوی هاتە دەر.

Faili Magazine , Issue No. 244, April 2024*

(بارکردن گۆڤارەگە راستەخۆ)

بارکردن گۆڤارەگە وەشیوەی PDF لەی ناونیشان خوارە:ش